Travay 11:26-28

Nouvo Testaman: Vèsyon Kreyòl Fasil

²⁶ Lè l jwenn li, li mennen l vin Antyòch. Banabas ak Sòl pase yon ane ansanm nan legliz la. Yo te toujou reyini ak legliz la epi yo te anseye anpil moun. Se nan Antyòch yo te premye rele disip yo kretyen.

²⁷ Nan lè sa a tou, kèk pwofèt te soti Jerizalèm vini Antyòch. ²⁸ Youn ladan yo ki te rele Agabis leve kanpe. Pouvwa Sentespri a pèmèt li anonse t apral gen yon gwo grangou sou tout latè. (Gwo grangou sa a te rive vre nan epòk lè Klod te anperè).