Travay 13:16-18

Nouvo Testaman: Vèsyon Kreyòl Fasil

¹⁶ Pòl leve kanpe, li fè yon jès ak men l pou atire atansyon moun yo epi li di: “Nou menm pèp Izrayèl ak nou menm ki pa jwif, men k ap sèvi Bondye tou, fè yon ti koute m tanpri. ¹⁷ Se Bondye pèp Izrayèl la ki te chwazi zansèt nou yo. Pandan yo t ap viv kòm etranje nan peyi Lejip, Bondye te fè yo vin anpil anpil. Apre sa, ak fòs ponyèt li, li fè yo soti kite peyi Lejip. ¹⁸ Bondye te pran pasyans avèk yo pandan karant (40) an nan dezè a.