Travay 19:11-13

Nouvo Testaman: Vèsyon Kreyòl Fasil

Pitit gason Seva yo

¹¹ Bondye te sèvi ak Pòl pou l fè kèk gwo mirak. ¹² Gen moun ki pran mouchwa osinon moso twal ki te touche kò Pòl, y al mete yo sou moun malad. Malad yo te geri epi sa k te gen move lespri menm, move lespri yo te soti sou yo.

¹³ Te gen yon ekip Jwif ki t ap vwayaje nan zòn nan, epi yo t ap chase move lespri sou moun nan non Senyè Jezi. Yo t ap di: “Nan non Jezikris Pòl ap preche a, mwen kòmande w pou w soti!”