Travay 19:4-6

Nouvo Testaman: Vèsyon Kreyòl Fasil

⁴ Konsa, Pòl di yo: “Jan te preche yon batèm ki te di moun pou yo montre yo vle chanje lavi yo toutbon vre. Li te di moun yo pou yo mete konfyans yo nan moun k ap vin apre l la, epi moun sa a se Jezi.”

⁵ Menm kote yo fin tande mesaj la, yo tout resevwa batèm nan non Senyè Jezi. ⁶ Apre sa, Pòl mete men sou tèt yo epi Sentespri a desann sou yo. Lapoula, yo kòmanse pale an lang epi yo t ap pwofetize tou.