Travay 20:26-28

Nouvo Testaman: Vèsyon Kreyòl Fasil

²⁶ Se poutèt sa m ap di nou yon bagay jodi a mwen sèten sou li: Bondye p ap ban m pote okenn responsabilite si youn nan nou peri. ²⁷ M kapab di sa, paske mwen te anonse nou tout verite Bondye te vle m fè nou konnen, san m pa kache nou anyen. ²⁸ Veye kò nou, nou menm; epi veye sou tout pèp Sentespri Bondye a ban nou responsab la. Sentespri a ban nou responsabilite pou n pran swen legliz Bondye a^[a] tankou bèje pran swen twoupo,^[b] yon legliz Senyè a achte ak pwòp san li.