Travay 7:28-30

Nouvo Testaman: Vèsyon Kreyòl Fasil

²⁸ Ou gen lè vle touye m menm jan ou te touye Ejipsyen an yè a?^{(A) 29} Lè Moyiz tande moun pèp Izrayèl la di pawòl sa a, li chape poul li. Li kouri kite peyi Lejip pou l al viv nan peyi Madyan kòm etranje. Pandan l nan peyi Madyan, Moyiz vin gen madanm epi se la li fè de pitit gason.

³⁰ Karant (40) an apre sa, pandan Moyiz te nan dezè ki bò mòn Sinayi a, yon anj parèt devan li nan mitan yon flanm dife ki t ap boule nan yon touf bwa.