Women 11:12-14

Nouvo Testaman: Vèsyon Kreyòl Fasil

¹² Fot Jwif yo fè a pote anpil benediksyon pou lemonn, pou moun ki pa Jwif yo. Konsa nou ka imajine ki pi gran benediksyon sa va ye pou lemonn, lè ta gen ase Jwif ki ta vin tounen kalite moun Bondye vle yo ye!

¹³ M ap di nou sa, nou menm moun ki pa soti nan ras Jwif yo: Mwen se moun Bondye voye pale avè nou. M bay travay sa a anpil enpòtans. ¹⁴ M ta byen kontan fè moun ras jwif parèy mwen yo jalou pou m ta rive ede yo sove.