Yexesqeel 1
Somali Bible
KITAABKII
YEXESQEEL
Xayawaanka Nool Iyo Ammaanta Rabbiga
1 Haddaba sannaddii soddonaad, bisheedii afraad, maalinteedii shanaad, anigoo maxaabiistii Webi Kebaar ag joogtay ku dhex jira ayaa samooyinkii furmeen, oo waxaan arkay wax layga tusay xagga Ilaah. 2 Boqor Yehooyaakiin maxaabiis ahaantiisii sannaddeedii shanaad bisha maalinteedii shanaad 3 ayaa eraygii Rabbigu dalkii reer Kaldayiin ugu yimid wadaadkii Yexesqeel ina Buusii, isagoo Webi Kebaar ag jooga, oo halkaasay gacantii Rabbigu isagii ku kor saarnayd.
4 Oo intaan wax fiirinayay waxaa ii muuqday dabayl duufaan ah oo xagga woqooyi ka timid, iyo daruur weyn, iyo dab iyada ku dhex jira, iyo iftiin hareereheeda ka widhwidhaya, oo dhexdeedana waxaa ku jiray wax la moodo sidii dhuxul cadaatay oo dab ka dhex dhalaalaysa. 5 Oo waxaa dhexdeedii ka soo baxay wax u eg afar xayawaan. Oo muuqashadooduna sidanay ahayd: waxay lahaayeen nin ekaantiis. 6 Oo midkood kastaaba wuxuu lahaa afar weji, oo midkood kastaaba wuxuu lahaa afar baal. 7 Oo cagahooduna waxay ahaayeen cago toosan, oo baabacada cagahooduna waxay u ekayd weyl baabaceeda, oo waxay u dhalaalayeen sidii naxaas la safeeyey. 8 Oo baalashooda hoostoodana waxay ku lahaayeen nin gacmihiis oo kale oo afarta dhinacba uga yaal, oo afartooduba saasay u lahaayeen wejiyadooda iyo baalashoodaba. 9 Oo baalashooduna midba midka kaluu ku dhegganaa, oo markay socdeenna ma ay leexleexan ee midkood kastaaba hortiisuu qummaati ugu dhaqaaqay. 10 Oo xagga ekaanta wejiyadooduna waxay wada lahaayeen nin wejigiis, oo afartooduba dhanka midig waxay ku lahaayeen weji libaax, oo afartooduba waxay dhanka bidix ku lahaayeen weji dibi; oo weliba afartoodu waxay lahaayeen weji gorgor. 11 Wejiyadoodu saasay ahaayeen, oo baalashooduna kor bay u kala fidsanaayeen, oo midkood kastaaba laba baal ayuu midka kan kale kula dhegganaa, oo labana waxay ku daboolnaayeen jidhkooda. 12 Oo midkood kastaaba hortiisuu qummaati ugu dhaqaaqay, oo waxay tageen meel alla meeshuu ruuxu tegayoba, oo markay socdeenna ma ay leexleexan. 13 Oo xagga ekaanta xayawaanka waxay u ekaayeen dab qaxmaya dhuxulihiis iyo qoryo ololaya. Oo xayawaanka dhexdooduu hor iyo dib iska daba noqnoqonayay, oo dabkuna wuu dhalaal dheeraa, oo waxaa dabka ka soo baxayay hillaac. 14 Oo xayawaankuna sidii hillaaca biriqdiisa oo kale ayay u ordeen oo u soo noqdeen. 15 Haddaba intii aan xayawaanka fiirinayay waxaan arkay giraangir dhulka korkiisa iyo xayawaanka dhinacooda taal, oo mid kastaaba wuxuu u yiil afarta weji. 16 Oo giraangiraha waxay u ekaayeen midabka berullos oo kale, oo afartoodiiba way isu ekaayeen, oo muuqashadoodii iyo farsamadii loo sameeyeyna waxaa la mooday sidii giraangir giraangir kale ku dhex jirta. 17 Oo markay tageenna waxay ku socdeen afartooda dhinac, oo mana ay leexleexan markay socdeen. 18 Oo wareegyadooduna aad bay u dheeraayeen, waxayna ahaayeen wax aad iyo aad looga cabsado, oo afartoodaba wareegyadooda waxaa ka buuxay indho miidhan. 19 Oo markay xayawaanku socdeenba giraangiruhuna way dhinac socdeen, oo xayawaankii markii dhulka kor looga qaadayba giraangirihiina kor baa loo qaaday. 20 Oo meel alla meeshii ruuxu tegeyba iyaguna way tageen, oo giraangirihiina iyagay la sara keceen, waayo, ruuxii xayawaanku wuxuu ku jiray giraangirihii. 21 Markii kuwaasu tageen, kuwanuna way tageen, oo markii kuwaasu istaageenna, kuwanuna way istaageen, oo markii kuwaas dhulka kor looga qaadayna giraangirihiina dhinacoodaa kor loola qaaday, waayo, ruuxii xayawaanku wuxuu ku jiray giraangirihii. 22 Xayawaanka madaxoodana waxaa ka korreeyey cir ekaantiisa la moodo baraf aad looga cabsado oo ku dul fidsan. 23 Oo cirka hoostiisa ayaa baalashoodu ku toosnaayeen, oo midba kan kale xaggiisuu u sii jeeday. Oo midkood kastaaba wuxuu lahaa laba baal oo dhinacan uga daboolan iyo laba baal oo jidhkiisa dhinacaas ugu daboolan. 24 Oo markay socdeenba waxaan maqlay sanqadhii baalashooda oo la moodo sida biyo badan guuxood, iyo sida Ilaaha Qaadirka ah codkiisii, iyo buuq sanqadhiis la moodo sidii ciidan hugunkiis oo kale. Oo markay istaageenna baalashoodii bay dejiyeen. 25 Oo cod baa ka yeedhay cirkii madaxooda ka korreeyey, oo markay istaageen baalashooda bay dejiyeen. 26 Oo cirkii madaxooda ka korreeyey dushiisana waxaa ka muuqday wax carshi u eg oo ekaantiisa la moodo sidii dhagax safayr ah, oo waxaa wixii carshiga la moodo dushiisa ka muuqday wax nin u eg. 27 Oo qaarkiisa hore wuxuu iila ekaa dhuxul cadaatay oo uu dab ku jiro oo hareerihiisa ku wareegsan, oo qaarkiisa dambena wuxuu iila ekaa sidii dab oo kale, oo hareerihiisana waxaa ku wareegsanaa iftiin dhalaalaya. 28 Oo ekaantii iftiinku ku wareegsanaana waxay u ekayd qaansoroobaad maalin roobeed daruurta ku taal. Taasu waxay ahayd ekaantii ammaanta Rabbiga. Oo markaan arkay ayaan wejiga u dhacay, oo waxaan maqlay mid hadlaya codkiis.
Ezekiel 1
International Children’s Bible
Ezekiel’s Vision of Living Things
1 It was the thirtieth year, on the fifth day of the fourth month of our captivity. I, Ezekiel, was by the Kebar River in Babylon. I was among the people who had been carried away as captives from the land of Judah. The sky opened, and I saw visions of God.
2 It was the fifth year that King Jehoiachin had been a prisoner. It was on the fifth day of the month. 3 The Lord spoke his word to Ezekiel son of Buzi. This was in the land of the Babylonians by the Kebar River. There he felt the power of the Lord.
4 When I looked, I saw a stormy wind coming from the north. There was a great cloud with a bright light around it. Fire was flashing out of it. And there was something that looked like glowing metal in the center of the fire. 5 Inside the cloud were what looked like four living creatures. They were shaped like men. 6 Each of them had four faces. And each of them had four wings. 7 Their legs were straight. Their feet were like a calf’s hooves. And they sparkled like polished bronze. 8 The living creatures had men’s hands. They were under their wings on their four sides. All four of them had faces and wings. 9 And their wings touched each other. The living creatures did not turn when they moved. Each went straight ahead.
10 Their faces looked like this: In front each living creature had the face of a man. Each one had the face of a lion on the right side. Each one had the face of an ox on the left side. And in back each one had the face of an eagle. 11 This was what their faces looked like. Their wings were spread out above. Each had two wings that touched one of the other living creatures. Each living creature had two wings that covered its body. 12 Each went straight ahead. Wherever the spirit would go, the living creatures would also go. When they went, they did not turn. 13 The living creatures looked like burning coals of fire. They were like torches. Fire went back and forth among the living creatures. It was bright, and lightning flashed from it. 14 The living creatures ran back and forth like bolts of lightning.
15 Now I looked at the living creatures. And I saw a wheel on the ground by each of the living creatures with its four faces. 16 The wheels and the way they were made were like this: They looked like sparkling chrysolite. All four of them looked the same. The wheels looked like one wheel crossways inside another wheel. 17 When they moved, they went in any one of the four directions. They did not turn as they went. 18 I saw the rims of the wheels. The rims were full of eyes all around.
19 When the living creatures moved, the wheels moved beside them. When the living creatures were lifted up from the ground, the wheels also were lifted up. 20 Wherever the spirit would go, the living creatures would go. And the wheels were lifted up beside them. This is because the spirit of the living creatures was in the wheels. 21 When the living creatures moved, the wheels moved. When the living creatures stopped, the wheels stopped. And when the living creatures were lifted from the ground, the wheels were lifted beside them. This is because the spirit of the living creatures was in the wheels.
22 Now there was something like a dome over the heads of the living creatures. It sparkled like ice and was frightening. 23 And under the dome the wings of the living creatures were stretched out straight toward one another. Each living creature also had two wings covering its body. 24 I heard the sound of their wings as they moved. It was like the roaring sound of the sea. It was like the voice of God All-Powerful. It was a roaring sound like a noisy army. When the living creatures stood still, they lowered their wings.
25 And a voice came from above the dome over the heads of the living creatures. When the living creatures stood still, they lowered their wings. 26 Now above the dome there was something that looked like a throne. It looked like a sapphire gem. And on the throne was a shape like a man. 27 Then I noticed what he looked like from the waist up. He looked like glowing metal with fire inside it. And from his waist down he looked like fire. I saw a bright light all around him. 28 The glow around him looked like the rainbow in the clouds on a rainy day. It seemed to look like the glory of the Lord. So when I saw it, I bowed facedown on the ground. And I heard a voice speaking.
© 1979, 2008 Society for International Ministries-Kenya
The Holy Bible, International Children’s Bible® Copyright© 1986, 1988, 1999, 2015 by Thomas Nelson. Used by permission.
