Zacarias 10:8-10

Ang Biblia, 2001

⁸ “Huhudyatan ko sila at sila'y titipunin,
    sapagkat tinubos ko sila;
    at sila'y dadami na gaya nang una.
⁹ Bagaman pinangalat ko sila sa gitna ng mga bansa;
    gayunma'y aalalahanin nila ako kahit sa malalayong lupain;
    at sila'y mabubuhay kasama ng kanilang mga anak at magbabalik.
¹⁰ Ibabalik ko silang pauwi mula sa lupain ng Ehipto,
    at titipunin ko sila mula sa Asiria;
at dadalhin ko sila sa lupain ng Gilead at Lebanon,
    hanggang wala nang silid para sa kanila.