Zacarias 14:14-16

Ang Biblia (1978)

¹⁴ At ang Juda naman ay makikipaglaban sa Jerusalem; at ang kayamanan ng lahat na bansa sa palibot ay mapipisan, ginto, at pilak, at kasuutan, na totoong sagana.

¹⁵ At magiging gayon ang salot sa kabayo, sa mula, sa kamelyo, at sa asno, at sa lahat ng hayop na naroroon, sa mga kampamentong yaon, na gaya ng salot na ito.

¹⁶ At mangyayari, na bawa't maiwan, sa lahat na bansa na naparoon laban sa Jerusalem ay ^(A)aahon ^(B)taon-taon upang sumamba sa Hari, sa Panginoon ng mga hukbo, at upang ipangilin ^(C)ang mga kapistahan ng mga balag.