Zacarias 2:7-9

Magandang Balita Biblia (with Deuterocanon)

⁷ Walang anu-ano, lumakad ang anghel na kausap ko at sinalubong siya ng isa pang anghel. ⁸ Sinabi nito sa kanya, “Bilisan mo! Habulin mo ang binatang may dalang panukat at sabihin mo sa kanya na ang Jerusalem ay titirhan ng napakaraming tao at hayop tulad ng bayang walang pader. ⁹ Si Yahweh mismo ang magiging pader na apoy ng Jerusalem, at ang kaluwalhatian niya'y lulukob sa buong lunsod.”