Zefanias 2:1-3

Magandang Balita Biblia

2 Magtipun-tipon kayo at magpulong,
    bansang walang-hiya!
² Bago kayo ipadpad na gaya ng ipang tinatangay ng hangin,
    bago ninyo lasapin ang matinding galit ni Yahweh,
    bago dumating sa inyo ang araw ng kanyang poot.
³ Manumbalik kayo kay Yahweh, kayong mapagpakumbaba,
    kayong sumusunod sa kanyang kautusan.
Gawin ninyo ang tama at kayo'y magpakumbaba kay Yahweh,
    baka sakaling kayo'y makaligtas
    sa parusa sa araw na iyon!