Zefanias 2:13-15

Magandang Balita Biblia (with Deuterocanon)

¹³ Sa^(A) kapangyarihan ni Yahweh ay wawasakin ang Asiria;
    ibabagsak niya ang Nineve, at ito'y matutulad sa isang disyerto.
¹⁴ Maninirahan dito ang mga kawan,
    at ang lahat ng uri ng mga hayop sa parang.
Ang mga buwitre ay magpupugad sa mga sirang haligi
    at huhuni ang mga kuwago sa may tapat ng bintana;
    gayundin ang mga uwak sa may pintuan,
    sapagkat malalantad ang mga kahoy na sedar.
¹⁵ Ito ang mangyayari sa palalong lunsod
    na hindi nababahala, at nagsasabing,
    “Wala nang hihigit pa sa akin!”
Anong laking kasawian ang kanyang sinapit;
    naging tirahan siya ng mababangis na hayop!
Kukutyain siya at pandidirihan ng lahat ng magdaraan doon.