Zefanias 2:8-10

Magandang Balita Biblia

⁸ “Narinig^(A) ko ang pangungutya ng Moab,
    at ang paghamak ng mga Ammonita;
iniinsulto nila ang aking bayan
    at ipinagmamalaking sasakupin ang kanilang lupain.”
⁹ Kaya^(B) nga't sabi ni Yahweh na Makapangyarihan sa lahat,
    ang Diyos ng Israel,
“Isinusumpa kong mawawasak ang Moab tulad ng Sodoma,
    at ang Ammon, tulad ng Gomorra.
Ang lupain nila'y mapupuno ng dawag,
    at hindi na ito mapapakinabangan kailanman.
Sasamsaman sila ng mga nakaligtas sa aking bayan,
    at aangkinin ang kanilang lupain.”

¹⁰ Ito ang parusa sa kanilang kapalaluan,
    at sa paghamak nila sa bayan ni Yahweh.