Zefanias 3:12-14

Ang Salita ng Dios (Tagalog Contemporary Bible)

¹² Pero mag-iiwan ako sa Jerusalem ng mga taong aba at mahihirap na hihingi ng tulong^[a] sa akin. ¹³ Ang mga Israelitang ito ay hindi gagawa ng masama; hindi sila magsisinungaling o mandadaya. Kakain at matutulog silang payapa at walang kinatatakutan.”

Matutuwa ang mga Israelita

¹⁴ Sinabi ni Zefanias: Kayong mga mamamayan ng Israel, sumigaw kayo sa tuwa! Kayong mga mamamayan ng Zion, ang lungsod ng Jerusalem, umawit kayo at magalak nang buong puso!