Bible in 90 Days

Halin kay Adan Hasta sa mga Anak ni Noe^(A)

1 Ang mga kaliwat ni Adan amo sila ni Set, Enosh, ² Kenan, Mahalalel, Jared, ³ Enoc, Metusela, Lamec, kag Noe. ⁴ Ang mga anak nga lalaki ni Noe amo sila ni Shem, Ham, kag Jafet.

Ang mga Kaliwat ni Jafet

⁵ Ang mga anak nga lalaki ni Jafet amo sila ni Gomer, Magog, Madai, Javan, Tubal, Meshec, kag Tiras. ⁶ Si Gomer may mga anak man nga sila ni Ashkenaz, Rifat,^[a] kag Togarma. ⁷ Ang mga anak ni Javan amo sila ni Elisha, Tarshish, Kitim, kag Rodanim.^[b]

Ang mga Kaliwat ni Ham

⁸ Ang mga anak nga lalaki ni Ham amo sila ni Cush, Mizraim,^[c] Put, kag Canaan. ⁹ Si Cush may mga anak man nga sila ni Sheba, Havila, Sabta, Raama, kag Sabteca. Ang mga anak ni Raama amo si Sheba kag si Dedan. ¹⁰ May isa pa ka anak si Cush nga ang iya ngalan si Nimrod. Si Nimrod nga ini nangin gamhanan nga tawo sa kalibutan.

¹¹ Si Mizraim amo ang ginhalinan sang mga Ludhanon, Anamnon, Lehabnon, Naftunon, ¹² Patrusnon, Caslunon, kag sang Caftornon^[d] nga amo ang ginhalinan sang mga Filistinhon.

¹³ Si Canaan amo ang amay ni Sidon kag ni Het.^[e] Si Sidon amo ang magulang. ¹⁴ Si Canaan amo man ang ginhalinan sang mga Jebusnon, Amornon, Girgashnon, ¹⁵ Hivhanon, Arkhanon, Sinhanon, ¹⁶ Arvadnon, Zemarnon, kag Hamatnon.

Ang mga Kaliwat ni Shem

¹⁷ Ang mga anak nga lalaki ni Shem amo sila ni Elam, Ashur, Arfaxad, Lud, kag Aram. Ang mga anak ni Aram amo sila ni^[f] Uz, Hul, Geter, kag Meshec.^{[g] 18} Si Arfaxad amay ni Shela, kag si Shela amay ni Eber. ¹⁹ May duha ka anak nga lalaki si Eber: ang isa gin-ngalanan nga Peleg, tungod kay sang iya panahon ang mga tawo sa kalibutan nagabinahin-bahin; ang ngalan sang iya utod amo si Joktan. ²⁰ Si Joktan amo ang amay nila ni Almodad, Shelef, Hazarmavet, Jera, ²¹ Hadoram, Uzal, Dikla, ²² Obal,^[h] Abimael, Sheba, ²³ Ofir, Havila, kag Jobab. Sila tanan amo ang mga anak ni Joktan.

²⁴ Gani amo ini ang mga kaliwat nga halin kay Shem: si Arfaxad, Shela, ²⁵ Eber, Peleg, Reu, ²⁶ Serug, Nahor, Tera, ²⁷ kag si Abram (nga amo man si Abraham).

Ang mga Kaliwat ni Abraham^(B)

²⁸ Ang mga anak ni Abraham amo si Isaac kag si Ishmael. ²⁹ Ang mga anak ni Ishmael amo sila ni Nebayot (ang kamagulangan), Kedar, Adbeel, Mibsam, ³⁰ Mishma, Duma, Masa, Hadad, Tema, ³¹ Jetur, Nafish, kag Kedema. Sila ang mga anak ni Ishmael. ³² Ang mga anak nga lalaki ni Ketura nga isa pa ka asawa ni Abraham amo sila ni Zimran, Jokshan, Medan, Midian, Ishbak, kag Shua. Ang mga anak nga lalaki ni Jokshan amo si Sheba kag si Dedan. ³³ Ang mga anak nga lalaki ni Midian amo sila ni Efa, Efer, Hanoc, Abida, kag Eldaa. Amo ini sila tanan ang mga kaliwat ni Ketura.

Ang mga Kaliwat ni Esau^(C)

³⁴ Si Abraham amo ang amay ni Isaac. Ang mga anak ni Isaac amo si Esau kag si Israel. ³⁵ Ang mga anak ni Esau amo sila ni Elifaz, Reuel, Jeush, Jalam, kag Kora. ³⁶ Ang mga anak ni Elifaz amo sila ni Teman, Omar, Zefo,^[i] Gatam, Kenaz, kag Amalek. Si Amalek nga ini anak niya kay Timna.^{[j] 37} Ang mga anak ni Reuel amo sila ni Nahat, Zera, Shama, kag Miza.

Ang mga Edomnon^(D)

³⁸ Ang mga anak nga lalaki ni Seir amo sila ni Lotan, Shobal, Zibeon, Ana, Dishon, Ezer, kag Dishan. ³⁹ Ang mga anak ni Lotan amo si Hori kag si Homam.^[k] Mag-utod si Lotan kag si Timna nga isa pa ka asawa ni Elifaz. ⁴⁰ Ang mga anak ni Shobal amo sila ni Alvan,^[l] Manahat, Ebal, Shefo,^[m] kag Onam. Ang mga anak ni Zibeon amo si Aya kag si Ana. ⁴¹ Ang anak ni Ana amo si Dishon. Ang mga anak ni Dishon amo sila ni Hemdan,^[n] Eshban, Itran, kag Keran. ⁴² Ang mga anak ni Ezer amo sila ni Bilhan, Zaavan, kag Akan.^[o] Ang mga anak ni Dishan^[p] amo si Uz kag si Aran.

Ang mga Hari sang Edom^(E)

⁴³ Amo ini sila ang mga hari sang Edom sang panahon nga wala pa sang mga hari ang mga Israelinhon:

Si Bela nga taga-Dinhaba nga anak ni Beor. ⁴⁴ Pagkapatay niya, ginbuslan siya ni Jobab nga anak ni Zera nga taga-Bozra. ⁴⁵ Pagkapatay ni Jobab, ginbuslan siya ni Husham nga taga-Teman. ⁴⁶ Pagkapatay ni Husham, ginbuslan siya ni Hadad nga taga-Avit nga anak ni Bedad. Si Hadad ang nakapierdi sa mga Midianhon didto sa Moab. ⁴⁷ Pagkapatay ni Hadad, ginbuslan siya ni Samla nga taga-Masreka. ⁴⁸ Pagkapatay ni Samla, ginbuslan siya ni Shaul nga taga-Rehobot nga malapit sa Suba sang Eufrates. ⁴⁹ Pagkapatay ni Shaul, ginbuslan siya ni Baal Hanan nga anak ni Acbor. ⁵⁰ Pagkapatay ni Baal Hanan, ginbuslan siya ni Hadad^[q] nga taga-Pai.^[r] Ang iya asawa si Mehetabel nga anak ni Matred kag apo ni Mezahab. ⁵¹ Sang ulihi napatay man si Hadad.

Amo ini sila ang mga pangulo sang mga tribo sang Edom: Timna, Alva,^[s] Jetet, ⁵² Oholibama, Elah, Pinon, ⁵³ Kenaz, Teman, Mibzar, ⁵⁴ Magdiel, kag Iram.

Ang mga Anak ni Israel

2 Amo ini sila ang mga anak nga lalaki ni Israel: Reuben, Simeon, Levi, Juda, Isacar, Zebulun, ² Dan, Jose, Benjamin, Naftali, Gad, kag Asher.

Ang mga Kaliwat ni Juda

³ May tatlo ka anak nga lalaki si Juda sa iya asawa nga si Batshua nga Canaanhon. Sila amo si Er, Onan, kag Shela. Si Er amo ang kamagulangan. Malaot siya sa panulok sang Ginoo, gani ginpatay siya sang Ginoo. ⁴ May mga anak pa nga lalaki si Juda kay Tamar nga iya umagad. Sila amo si Perez kag si Zera. Lima tanan ang anak ni Juda nga lalaki. ⁵ Ang mga anak nga lalaki ni Perez amo si Hezron kag si Hamul. ⁶ Ang mga anak nga lalaki ni Zera amo sila ni Zimri, Etan, Heman, Calcol, kag Darda^[t]—lima sila tanan. ⁷ Ang anak nga lalaki ni Carmi^[u] amo si Acar.^[v] Si Acar nga ini amo ang nagdala sang kagamo sa Israel tungod sa iya pagkuha sang butang nga gintugyan na sing bug-os sa Dios. ⁸ Ang anak nga lalaki ni Etan amo si Azaria.

Halin sa Apo ni Juda nga si Hezron hasta kay David

⁹ Ang mga anak nga lalaki ni Hezron amo sila ni Jerameel, Ram, kag Caleb.^{[w] 10} Si Ram amay ni Aminadab, kag si Aminadab amay ni Nashon nga pangulo sang katawhan sang Juda. ¹¹ Si Nashon amay ni Salmon,^[x] kag si Salmon amay ni Boaz. ¹² Si Boaz amay ni Obed, kag si Obed amay ni Jesse. ¹³ Ang kamagulangan nga anak ni Jesse amo si Eliab, ang ikaduha si Abinadab, ang ikatatlo si Shimea, ¹⁴ ang ikaapat si Netanel, ang ikalima si Radai, ¹⁵ ang ikaanom si Ozem, kag ang ikapito si David. ¹⁶ Ang ila mga utod nga babayi amo sila ni Zeruya kag Abigail. Si Zeruya may tatlo ka anak nga lalaki nga sila ni Abishai, Joab, kag Asahel. ¹⁷ Ang bana ni Abigail amo si Jeter nga Ishmaelinhon kag may anak sila nga lalaki nga si Amasa.

Ang mga Kaliwat ni Hezron kay Caleb kag sa Iban pa Niya nga mga Anak

¹⁸ Si Caleb nga anak ni Hezron may mga anak sa iya asawa nga si Azuba nga ginatawag man nga Jeriot.^[y] Sila amo si Jesher, Shobab, kag Ardon. ¹⁹ Pagkapatay ni Azuba ginpangasawa ni Caleb si Efrat^[z] kag may anak sila nga si Hur. ²⁰ Si Hur amay ni Uri, kag si Uri amay ni Bezalel. ²¹ Sang nagaedad si Hezron sang 60 ka tuig, ginpangasawa niya ang anak ni Makir, ang utod nga babayi ni Gilead. May anak sila nga si Segub. ²² Si Segub amay ni Jair, nga nagdumala sang 23 ka banwa sa Gilead. ²³ (Pero sang ulihi gin-agaw ni Geshur kag ni Aram ang mga banwa ni Jair^[aa] pati ang Kenat, kag ang mga baryo sa palibot sini. 60 tanan ka lugar.) Tanan sila amo ang mga kaliwat ni Makir nga amay ni Gilead.

²⁴ Wala lang dugay nga napatay si Hezron sa Caleb Efrata sang nagbata ang iya asawa nga si Abia. Ang ila bata amo si Ashur nga amay ni Tekoa.

Ang mga Kaliwat ni Hezron kay Jerameel

²⁵ Amo ini sila ang mga anak nga lalaki ni Jerameel nga kamagulangan ni Hezron: Si Ram nga kamagulangan, sunod si Buna, Oren, Ozem, kag Ahia. ²⁶ Si Jerameel may isa pa ka asawa nga ang ngalan si Atara. Siya ang iloy ni Onam. ²⁷ Ang mga anak nga lalaki ni Ram nga kamagulangan ni Jerameel amo sila ni Maaz, Jamin, kag Eker.

²⁸ Ang mga anak nga lalaki ni Onam amo si Shamai kag si Jada. Ang mga anak nga lalaki ni Shamai amo si Nadab kag Abishur.

²⁹ Ang ngalan sang asawa ni Abishur amo si Abihail. May mga anak sila nga lalaki nga amo si Aban kag si Molid.

³⁰ Ang mga anak nga lalaki ni Nadab amo si Seled kag si Apaim. Napatay si Seled nga wala sing bata.

³¹ Ang anak nga lalaki ni Apaim amo si Ishi. Si Ishi amay ni Sheshan, kag si Sheshan amay ni Alai. ³² Ang mga anak nga lalaki ni Jada nga utod ni Shamai amo si Jeter kag si Jonatan. Napatay si Jeter nga wala sing bata. ³³ Ang mga anak nga lalaki ni Jonatan amo si Pelet kag Zaza. Ini sila ang mga kaliwat ni Jerameel.

³⁴ Si Sheshan wala sing anak nga mga lalaki kundi mga babayi lang. May suluguon siya nga Egiptohanon nga ang ngalan si Jarha. ³⁵ Ginpaasawa ni Sheshan kay Jarha ang isa sa iya mga anak nga babayi, kag sang ulihi may anak sila nga lalaki nga si Atai. ³⁶ Si Atai amay ni Natan, si Natan amay ni Zabad, ³⁷ kag si Zabad amay ni Eflal. Si Eflal amay ni Obed, ³⁸ si Obed amay ni Jehu, kag si Jehu amay ni Azaria. ³⁹ Si Azaria amay ni Helez, si Helez amay ni Eleasa, ⁴⁰ kag si Eleasa amay ni Sismai. Si Sismai amay ni Shalum, ⁴¹ si Shalum amay ni Jekamia, kag si Jekamia amay ni Elishama.

Ang Iban pa nga mga Kaliwat ni Hezron kay Caleb

⁴² Ang kamagulangan nga anak nga lalaki ni Caleb nga utod ni Jerameel amo si Mesha nga amay ni Zif. Ang ikaduha niya nga anak amo si Maresha nga amay ni Hebron.^{[ab] 43} Ang mga anak nga lalaki ni Hebron amo sila ni Kora, Tapua, Rekem, kag Shema. ⁴⁴ Si Shema amay ni Raham, kag si Raham amay ni Jorkeam. Si Rekem amay ni Shamai, ⁴⁵ si Shamai amay ni Maon, kag si Maon amay ni Bet Zur.

⁴⁶ Ang isa pa ka asawa ni Caleb amo si Efa nga iloy nila ni Haran, Moza, kag Gazez. Si Haran may anak nga si Gazez man ang ngalan.

⁴⁷ Ang mga anak nga lalaki ni Jahdai amo sila ni Regem, Jotam, Geshan, Pelet, Efa, kag Shaaf.

⁴⁸ Ang isa pa gid ka asawa ni Caleb amo si Maaca. May mga anak sila nga lalaki nga sila ni Sheber, Tirhana, ⁴⁹ Shaaf (nga amay ni Madmana), kag Sheva (nga amay ni Macbena kag ni Gibea). Ang anak nga babayi ni Caleb amo si Acsa. ⁵⁰ Amo ini sila ang mga kaliwat ni Caleb.

Ang mga Kaliwat sang Anak ni Caleb nga si Hur

Si Hur ang kamagulangan nga anak ni Caleb kag ni Efrata. Ang mga anak nga lalaki ni Hur amo sila ni Shobal nga amay ni Kiriat Jearim, ⁵¹ si Salma nga amay ni Betlehem, kag si Haref nga amay ni Bet Gader. ⁵² Ang mga kaliwat ni Shobal nga amay ni Kiriat Jearim amo ang mga katawhan sang Haroe, ang katunga sang mga pumuluyo sang Menuhot^{[ac] 53} kag ang mga lahi ni Kiriat Jearim nga amo ang mga Itranon, Puthanon, Shumatnon kag Mishranon. Sila ang ginhalinan sang mga Zoratnon kag mga Eshtaolinhon.

⁵⁴ Ang mga kaliwat ni Salma amo ang mga taga-Betlehem, ang mga taga-Netofa, ang mga taga-Atrot Bet Joab, ang katunga sang mga Manahatnon, ang mga Zorhanon, ⁵⁵ kag ang mga lahi sang mga eksperto sa pagsulat sang mga dokumento nga nagaestar sa banwa sang Jabez nga amo ang mga Tiratnon, Shimeatnon, kag Sucatnon. Amo ini sila ang mga Kenhanon nga naghalin kay Hammat, nga nagpundar sang Bet Recab.^[ad]

Ang mga Anak nga Lalaki ni David

3 Amo ini ang mga anak nga lalaki ni David nga nagkalatawo sa Hebron: Ang kamagulangan amo si Amnon nga anak niya kay Ahinoam nga taga-Jezreel. Ang ikaduha amo si Daniel^[ae] nga anak niya kay Abigail nga taga-Carmel. ² Ang ikatatlo amo si Absalom nga anak niya kay Maaca nga anak ni Haring Talmai sang Geshur. Ang ikaapat amo si Adonia nga anak niya kay Hagit. ³ Ang ikalima amo si Shefatia nga anak niya kay Abital. Kag ang ikaanom amo si Itream nga anak niya kay Egla. ⁴ Ini sila nga anom natawo sa Hebron, nga sa diin naghari si David sa sulod sang pito ka tuig kag anom ka bulan.

Naghari si David sa Jerusalem sa sulod sang 33 ka tuig. ⁵ Kag amo ini ang iya mga anak nga natawo didto: si Shimea, Shobab, Natan, kag Solomon. Ini sila nga apat anak ni David kay Batsheba^[af] nga anak ni Amiel. ⁶ May siyam pa gid siya ka anak nga amo sila ni Ibhar, Elishua,^[ag] Elifelet, ⁷ Noga, Nefeg, Jafia, ⁸ Elishama, Eliada, kag Elifelet. ⁹ Amo ini sila ang mga anak nga lalaki ni David, luwas sa iban pa niya nga mga anak nga lalaki sa iban pa niya nga mga asawa. May anak man si David nga babayi nga si Tamar.

Ang mga Hari sang Juda

¹⁰ Amo ini ang mga kaliwat ni Solomon nga nangin hari: Rehoboam, Abia, Asa, Jehoshafat, ¹¹ Jehoram,^[ah] Ahazia, Joash, ¹² Amazia, Azaria,^[ai] Jotam, ¹³ Ahaz, Hezekia, Manase, ¹⁴ Amon, kag Josia.

¹⁵ Amo ini sila ang mga anak ni Josia: ang kamagulangan si Johanan, ang ikaduha si Jehoyakim, ang ikatatlo si Zedekia, kag ang ikaapat si Shalum. ¹⁶ Ang nagbulos kay Jehoyakim bilang hari amo si Jehoyakin^[aj] nga iya anak. Kag ang nagbulos kay Jehoyakin amo si Zedekia nga iya tiyo.^[ak]

Ang mga Kaliwat ni Jehoyakin

¹⁷ Amo ini ang mga anak nga lalaki ni Jehoyakin, ang hari nga ginbihag sa Babilonia: si Shealtiel, ¹⁸ Malkiram, Pedaya, Shenazar, Jekamia, Hoshama, kag si Nedabia. ¹⁹ Ang mga anak nga lalaki ni Pedaya amo si Zerubabel kag si Shimei. Ang mga anak nga lalaki ni Zerubabel amo si Meshulam kag si Hanania. Ang ila utod nga babayi amo si Shelomit. ²⁰ May lima pa ka anak nga lalaki si Zerubabel nga amo sila ni Hashuba, Ohel, Berekia, Hasadia, kag Jushab Hesed. ²¹ Ang mga anak nga lalaki ni Hanania amo si Pelatia kag si Jeshaya. Si Jeshaya amay ni Refaya, si Refaya amay ni Arnan, si Arnan amay ni Obadias, kag si Obadias amay ni Shecania. ²² Ang mga kaliwat ni Shecania amo si Shemaya kag ang mga anak ni Shemaya nga sila ni Hatush, Igal, Baria, Nearia, kag Shafat—anom sila tanan. ²³ Ang mga anak nga lalaki ni Nearia amo sila ni Elioenai, Hizkia, kag Azrikam—tatlo sila tanan. ²⁴ Ang mga anak nga lalaki ni Elioenai amo sila ni Hodavia, Eliashib, Pelaya, Akub, Johanan, Delaya, kag Anani—pito sila tanan.

Ang Iban pa nga mga Kaliwat ni Juda

4 Amo ini ang iban pa nga mga kaliwat ni Juda: si Perez, Hezron, Carmi, Hur, kag Shobal. ² Ang anak ni Shobal nga si Reaya amo ang amay ni Jahat. Si Jahat amo ang amay ni Ahumai kag ni Lahad. Sila ang mga pamilya sang mga Zoratnon.

³ Amo ini ang mga anak ^[al] ni Etam: si Jezreel, Ishma, kag Idbash. Ang ngalan sang ila utod nga babayi amo si Hazelelponi.

⁴ Si Penuel ang amay ni Gedor, kag si Ezer ang amay ni Husha. Ini sila mga kaliwat ni Hur, ang kamagulangan nga anak ni Efrata. Si Hur amo ang katigulangan sang mga taga-Betlehem.

⁵ Si Ashur nga amay ni Tekoa may duha ka asawa, si Hela kag si Naara. ⁶ Amo ini sila ang mga anak nga lalaki ni Naara kag ni Ashur: Ahuzam, Hefer, Temeni, kag Haahashtari. ⁷ Ang mga anak iya ni Hela kag ni Ashur amo sila ni Zeret, Izhar,^[am] Etnan, ⁸ kag Koz. Si Koz nga ini amay ni Anub kag ni Hazobeba, kag siya ang ginhalinan sang pamilya ni Aharhel nga anak ni Harum.

⁹ May isa ka tawo nga ang iya ngalan si Jabez. Dungganon siya nga tawo sang sa iya mga utod nga lalaki. Gin-ngalanan siya sang iya iloy nga Jabez^[an] kay siling sang iya iloy, “Puwerte gid kasakit sang pagbata ko sa iya.” ¹⁰ Nagpangamuyo si Jabez sa Dios sang Israel, “Kabay pa nga pakamaayuhon mo ako kag palaparon ang akon teritoryo. Updi ako kag ilikaw sa mga katalagman agod indi ako masakitan.” Kag ginsabat sang Dios ang iya pangabay.

¹¹ Si Kelub nga utod ni Shuha amay ni Mehir. Si Mehir amay ni Eshton, kag ¹² si Eshton amay ni Bet Rafa, Pasea, kag ni Tehina. Si Tehina amay ni Irnahash. Sila ang mga kaliwat ni Reca.^[ao]

¹³ Ang mga anak nga lalaki ni Kenaz amo si Otniel kag si Seraya. Ang mga anak nga lalaki ni Otniel amo si Hatat kag si Meonotai.^{[ap] 14} Si Meonotai amay ni Ofra. Si Seraya amay ni Joab, ang nagpundar sang Pulopatag sang mga Panday.^[aq] Gintawag ini nga Pulopatag sang mga Panday tungod kay didto nagaestar ang madamo nga mga panday.

¹⁵ Amo ini ang mga anak nga lalaki ni Caleb nga anak ni Jefune: si Iru, Elah, kag Naam. Ang anak nga lalaki ni Elah amo si Kenaz.

¹⁶ Ang mga anak nga lalaki ni Jehalelel amo sila ni Zif, Zifa, Tiria, kag Asarel.

^17-18 Ang mga anak nga lalaki ni Ezrah amo sila ni Jeter, Mered, Efer, kag Jalon. Si Mered may asawa nga si Bitia nga anak sang hari sang Egipto.^[ar] May mga anak sila nga sila ni Miriam, Shamai, kag Ishba. Si Ishba amay ni Eshtemoa. May asawa man si Mered nga taga-Juda kag may anak sila nga si Jered (nga amay ni Gedor), Heber (nga amay ni Soco), kag Jekutiel (nga amay ni Zanoa). ¹⁹ Ginpangasawa ni Hodia ang utod ni Naham. Ang isa sa ila mga anak amo ang amay ni Keila nga Garminhon, kag ang isa amo ang amay ni Eshtemoa nga Maacatnon.

²⁰ Ang mga anak nga lalaki ni Shimon amo sila ni Amnon, Rina, Ben Hanan, kag Tilon. Ang mga kaliwat ni Ishi amo si Zohet kag si Ben Zohet.

²¹ Amo ini ang mga kaliwat ni Shela nga anak ni Juda: si Er (nga amay ni Leca), si Laada (nga amay ni Maresha), kag ang mga pamilya sang mga manug-obra sang linen sa Bet Ashbea. ²² Mga kaliwat man ni Shela si Jokim, ang katawhan sang Cozeba, si Joash, kag si Saraf nga nagdumala sa Moab kag Jashubi Lehem. (Ini nga lista halin sa dokumento nga dugay na.) ²³ Sila ang mga manughimo sang kolon nga nagaestar sa Netaim kag Gedera. Nagaobra sila para sa hari.

Ang mga Kaliwat ni Simeon

²⁴ Ang mga anak nga lalaki ni Simeon amo sila ni Nemuel, Jamin, Jarib, Zera, kag Shaul. ²⁵ Si Shaul amay ni Shalum, si Shalum amay ni Mibsam, kag si Mibsam amay ni Mishma. ²⁶ Si Mishma amay ni Hamuel, si Hamuel amay ni Zacur, kag si Zacur amay ni Shimei. ²⁷ May 16 ka anak nga lalaki si Shimei kag anom ka anak nga babayi. Pero ang iya mga utod diutay lang ang ila mga bata, gani ang ila bug-os nga tribo indi pareho kadamo sa katawhan sang Juda. ²⁸ Nag-estar sila sa Beersheba, Molada, Hazar Shual, ²⁹ Bilha, Ezem, Tolad, ³⁰ Betuel, Horma, Ziklag, ³¹ Bet Marcabot, Hazar Susim, Bet Biri, kag Shaaraim. Amo ini ang ila mga banwa hasta sang paghari ni David. ³² Nag-estar man sila sa lima ka banwa: sa Etam, Ain, Rimon, Token, kag Ashan, ³³ kag pati man sa mga baryo sa palibot sang sini nga mga banwa hasta sa Baalat.^[as] Amo ini ang mga lugar nga ila gin-estaran, kag natago nila ang mga lista sang ila mga kaliwat.

Amo ini ang iban pa nga mga kaliwat ni Simeon: ³⁴ si Meshobab, Jamlec, Josha (nga anak ni Amazia), ³⁵ Joel, Jehu (nga anak ni Joshibia kag apo ni Seraya, kag apo sa tuhod ni Asiel), ³⁶ Elioenai, Jaakoba, Jeshohaya, Asaya, Adiel, Jesimiel, Benaya, ³⁷ kag Ziza (nga anak ni Shifi kag apo ni Alon, kag apo sa tuhod ni Jedaya. Ining si Jedaya anak ni Shimri kag apo ni Shemaya). ³⁸ Ini sila mga pangulo sang ila mga pamilya. Nagdamo gid ang ila mga pamilya, ³⁹ gani naglapta sila hasta sa lugar sang Gedor, sa sidlangan sang pulopatag. Nagpangita sila didto sang palahalban^[at] para sa ila mga karnero, ⁴⁰ kag nakakita sila sang madabong kag maayo nga palahalban. Malapad ini nga lugar kag malinong. Didto sang una nag-estar ang iban nga mga kaliwat ni Ham. ⁴¹ Pero sang panahon nga si Hezekia ang hari sang Juda, ginsalakay ang mga kaliwat ni Ham sang mga kaliwat ni Simeon nga ang ila mga ngalan nasambit sa ibabaw. Ginsalakay man nila ang mga Meunhon nga didto man nagaestar, kag ginlaglag nila sila sing bug-os.^[au] Dayon sila ang nag-estar didto hasta subong, tungod kay may palahalban didto para sa ila mga karnero. ⁴² Ang 500 sa ila nagsalakay sa kabukiran sang Seir. Ginpanguluhan sila ni Pelatia, Nearia, Refaya kag Uziel, nga mga anak ni Ishi. ⁴³ Ginpatay nila didto ang nabilin nga mga Amaleknon, kag didto sila nag-estar hasta subong.

Ang mga Kaliwat ni Reuben

5 Si Reuben amo ang kamagulangan nga anak ni Israel,^[av] pero tungod kay nagpakighilawas siya sa isa sa mga asawa sang iya amay, ang iya kinamatarong bilang kamagulangan ginhatag sa mga anak ni Jose nga iya utod. Gani wala siya nalista sa listahan sang ila mga kaliwat bilang kamagulangan nga anak. ² Kag bisan gamhanan si Juda sang sa iya mga utod kag ang pangulo naghalin sa iya tribo, ang kinamatarong bilang kamagulangan ginhatag kay Jose. ³ Amo ini ang mga anak nga lalaki ni Reuben nga kamagulangan ni Israel: si Hanoc, Palu, Hezron, kag Carmi.

⁴ Amo ini ang mga kaliwat ni Joel: si Shemaya, Gog, Shimei, ⁵ Micas, Reaya, Baal, ⁶ kag Beera. Si Beera ang pangulo sang mga kaliwat ni Reuben sang ginbihag sila ni Haring Tiglat Pileser^[aw] sang Asiria. ⁷ Amo ini ang mga paryente ni Beera nga nalista sa listahan sang ila mga kaliwat suno sa ila tribo: si Jiel (ang pangulo), si Zacarias, ⁸ kag si Bela nga anak ni Azaz. Ining si Azaz anak ni Shema, kag apo ni Joel. Ini nga mga kaliwat ni Reuben nag-estar sa lugar halin sa Aroer hasta sa Nebo kag Baal Meon. ⁹ Kag tungod kay nagdamo ang ila kasapatan didto sa Gilead, nag-estar sila hasta sa sidlangan, sa higad sang desierto pakadto sa Suba sang Eufrates. ¹⁰ Sang si Saul ang hari, nagpakig-away sila sa mga Hagarnon kag napierdi nila ini. Ginsakop nila ang mga ginaestaran sang mga Hagarnon sa bug-os nga sidlangan sang Gilead.

Ang mga Kaliwat ni Gad

¹¹ Nag-estar ang mga kaliwat ni Gad sa kadutaan sang Bashan nga sunod sa kadutaan nila ni Reuben, hasta sa Saleca. ¹² Amo ini ang mga kaliwat ni Gad: si Joel, nga amo ang pangulo sa Bashan, ang sunod sa iya amo si Shafam, dayon si Janai kag si Shafat. ¹³ Ang ila mga paryente suno sa kada pamilya amo sila ni Micael, Meshulam, Sheba, Jorai, Jacan, Zia, kag Eber—pito sila tanan. ¹⁴ Sila ang mga kaliwat ni Abihail nga anak ni Huri. Ining si Huri anak ni Jaroa kag apo ni Gilead, kag apo sa tuhod ni Micael. Ining si Micael anak ni Jeshishai kag apo ni Jado, kag apo sa tuhod ni Buz. ¹⁵ Si Ahi nga anak ni Abdiel kag apo ni Guni amo ang pangulo sang ila mga pamilya. ¹⁶ Nag-estar sila sa Gilead didto sa Bashan kag sa mga baryo sa palibot sini, kag sa bug-os nga palahalban sang Sharon. ¹⁷ Ini sila tanan nalista sa listahan sang mga kaliwat sadtong tion sang paghari ni Jotam sa Juda kag ni Jeroboam sa Israel.

¹⁸ May 44,760 ka soldado sa tribo ni Reuben, Gad, kag sa katunga sang tribo ni Manase. Ginhanas sila para sa inaway kag maayo sila maggamit sang mga taming, espada, kag pana. ¹⁹ Nagpakig-away sila sa mga Hagarnon, Jeturnon, Nafishnon, kag Nodabnon. ²⁰ Nagpangayo sila sang bulig sa Dios sang nagpakig-away sila, kag ginsabat sang Dios ang ila pangamuyo tungod kay nagsalig sila sa iya. Gani ginpadaog sila sang Dios sa mga Hagarnon kag sa tanan nga kadampig sini. ²¹ Ginpanguha nila ang kasapatan sang mga Hagarnon: 50,000 ka kamelyo, 250,000 ka karnero, kag 2,000 ka asno. Ginbihag man nila ang 100,000 ka tawo, ²² kag madamo ang ila ginpamatay tungod kay ginbuligan sila sang Dios sa pagpakig-away. Kag gin-estaran nila ang mga lugar sini hasta sang ginbihag sila.

Ang Katunga nga Tribo ni Manase

²³ Madamo gid ang katunga nga tribo ni Manase. Nag-estar sila sa kadutaan halin sa Bashan pakadto sa Baal Hermon, Senir, kag Bukid sang Hermon. ²⁴ Amo ini ang mga pangulo sang ila mga pamilya: si Efer, Ishi, Eliel, Azriel, Jeremias, Hodavia, kag Jadiel. Mga maayo sila nga mga soldado kag bantog nga mga pangulo sang ila mga pamilya. ²⁵ Pero indi sila matutom sa Dios sang ila mga katigulangan kundi nagsimba sila sa mga dios sang mga katawhan nga ginlaglag sang Dios sa sadto nga duta. ²⁶ Amo ina kon ngaa ginbuot sang Dios sang Israel nga salakayon sila ni Haring Pul sang Asiria (nga amo man si Tiglat Pileser). Ginbihag ni Pul ang mga tribo ni Reuben, Gad kag katunga sang tribo ni Manase kag gindala sa Hala, Habor, Hara, kag sa Suba sang Gozan, nga sa diin didto sila hasta subong.

Ang mga Kaliwat ni Levi nga mga Pari

6 Amo ini ang mga anak nga lalaki ni Levi: si Gershon,^[ax] Kohat, kag Merari. ² Ang mga anak ni Kohat amo sila ni Amram, Izhar, Hebron, kag Uziel. ³ Ang mga anak ni Amram amo sila ni Aaron, Moises, kag Miriam. Ang mga anak ni Aaron amo sila ni Nadab, Abihu, Eleazar, kag Itamar. ⁴ Si Eleazar amay ni Finehas, si Finehas amay ni Abishua, ⁵ kag si Abishua amay ni Buki. Si Buki amay ni Uzi, ⁶ si Uzi amay ni Zerahia, kag si Zerahia amay ni Merayot. ⁷ Si Merayot amay ni Amaria, si Amaria amay ni Ahitub, ⁸ kag si Ahitub amay ni Zadok. Si Zadok amay ni Ahimaaz, ⁹ si Ahimaaz amay ni Azaria, kag si Azaria amay ni Johanan. ¹⁰ Si Johanan amay ni Azaria nga amo ang pangulo nga pari sa templo nga ginpatindog ni Solomon sa Jerusalem. ¹¹ Si Azaria amay ni Amaria, si Amaria amay ni Ahitub, ¹² kag si Ahitub amay ni Zadok. Si Zadok amay ni Shalum, ¹³ si Shalum amay ni Hilkia, kag si Hilkia amay ni Azaria. ¹⁴ Si Azaria amay ni Seraya, kag si Seraya amay ni Jehozadak. ¹⁵ Si Jehozadak nga ini naupod sa mga bihag sang ginpabihag sang Ginoo ang mga taga-Juda kag taga-Jerusalem kay Nebucadnezar.

Ang mga Kaliwat ni Levi nga mga Levita

¹⁶ Ang mga anak nga lalaki ni Levi amo sila ni Gershon, Kohat, kag Merari. ¹⁷ Ang mga anak ni Gershon amo si Libni kag si Shimei. ¹⁸ Ang mga anak ni Kohat amo sila ni Amram, Izhar, Hebron, kag Uziel. ¹⁹ Ang mga anak nga lalaki ni Merari amo si Mali kag si Mushi.

Amo ini ang mga pamilya sang mga Levita nga ginlista suno sa ila mga katigulangan:

²⁰ Sa mga kaliwat ni Gershon: Libni, Jahat, Zima, ²¹ Joa, Iddo, Zera, kag Jeaterai.

²² Sa mga kaliwat ni Kohat: Aminadab, Kora, Asir, ²³ Elkana, Ebiasaf,^[ay] Asir, ²⁴ Tahat, Uriel, Uzia, kag Shaul. ²⁵ Sa mga kaliwat ni Elkana: Amasai, Ahimot, ²⁶ Elkana, Zofai, Nahat, ²⁷ Eliab, Jeroham, Elkana, kag Samuel.^{[az] 28} Ang mga anak ni Samuel amo si Joel,^[ba] ang kamagulangan, kag ang ikaduha amo si Abia.

²⁹ Sa mga kaliwat ni Merari: Mali, Libni, Shimei, Uza, ³⁰ Shimea, Haggia, kag Asaya.

Ang mga Musikero sa Templo

³¹ May mga tawo nga gintugyanan ni David sa pagkanta kag pagtukar sa balay sang Ginoo sa tapos masaylo didto ang Kahon sang Kasugtanan. ³² Nag-alagad sila paagi sa pagkanta didto sa Tolda nga Simbahan (nga ginatawag man nga Tolda nga Ginapakigkitaan), hasta sa tion nga napatindog ni Solomon ang templo sang Ginoo sa Jerusalem. Ginhimo nila ang ila buluhaton suno sa mga pagsulundan nga ginpatuman sa ila. ³³ Amo ini sila ang mga nag-alagad upod sa ila mga anak:

Si Heman nga musikero nga kaliwat ni Kohat. (Si Heman anak ni Joel. Si Joel anak ni Samuel. Si Samuel anak ni Elkana. ³⁴ Si Elkana anak ni Jeroham. Si Jeroham anak ni Eliel. Si Eliel anak ni Toa. ³⁵ Si Toa anak ni Zuf. Si Zuf anak ni Elkana. Si Elkana anak ni Mahat. Si Mahat anak ni Amasai. ³⁶ Si Amasai anak ni Elkana. Si Elkana anak ni Joel. Si Joel anak ni Azaria. Si Azaria anak ni Zefanias. ³⁷ Si Zefanias anak ni Tahat. Si Tahat anak ni Asir. Si Asir anak ni Ebiasaf. Si Ebiasaf anak ni Kora. ³⁸ Si Kora anak ni Izhar. Si Izhar anak ni Kohat. Si Kohat anak ni Levi. Si Levi anak ni Israel.)

³⁹ Si Asaf nga kaliwat ni Gershon. Siya ang primero nga kabulig ni Heman. (Si Asaf anak ni Berekia. Si Berekia anak ni Shimea. ⁴⁰ Si Shimea anak ni Micael. Si Micael anak ni Baasea. Si Baasea anak ni Malkia. ⁴¹ Si Malkia anak ni Etni. Si Etni anak ni Zera. Si Zera anak ni Adaya. ⁴² Si Adaya anak ni Etan. Si Etan anak ni Zima. Si Zima anak ni Shimei. ⁴³ Si Shimei anak ni Jahat. Si Jahat anak ni Gershon. Si Gershon anak ni Levi.)

⁴⁴ Si Etan nga kaliwat ni Merari. Siya ang ikaduha nga kabulig ni Heman. (Si Etan anak ni Kishi. Si Kishi anak ni Abdi. Si Abdi anak ni Maluc. ⁴⁵ Si Maluc anak ni Hashabia. Si Hashabia anak ni Amazia. Si Amazia anak ni Hilkia. ⁴⁶ Si Hilkia anak ni Amzi. Si Amzi anak ni Bani. Si Bani anak ni Shemer. ⁴⁷ Si Shemer anak ni Mali. Si Mali anak ni Mushi. Si Mushi anak ni Merari. Kag si Merari anak ni Levi.)

⁴⁸ Ang ila kapareho nga mga Levita ginhatagan sang iban nga mga buluhaton sa Tolda nga Ginapakigkitaan, ang balay sang Dios. ⁴⁹ Pero si Aaron kag ang iya mga kaliwat amo lang ang ginhimo nga mga pari. Sila ang nagahalad sa halaran sang halad nga ginasunog kag sa halaran nga sulunugan sang insenso. Kag sila man ang nagahimo sang iban pa nga buluhaton nga may kaangtanan sa Labing Balaan nga Lugar. Nagahalad sila para matubos ang mga Israelinhon sa ila mga sala. Ginahimo nila ini suno sa tanan nga ginsugo ni Moises nga alagad sang Dios. ⁵⁰ Amo ini ang mga kaliwat ni Aaron: si Eleazar, Finehas, Abishua, ⁵¹ Buki, Uzi, Zerahia, ⁵² Merayot, Amaria, Ahitub, ⁵³ Zadok, kag Ahimaaz.

Ang mga Duta sang mga Kaliwat ni Levi

⁵⁴ Amo ini ang mga lugar nga ginhatag sa mga kaliwat ni Aaron nga halin sa lahi ni Kohat. Sila ang una nga ginhatagan sang duta paagi sa paggabot-gabot. ⁵⁵ Lakip sa sini nga mga lugar amo ang Hebron sa Juda kag ang mga palahalban sa palibot sini. ⁵⁶ Pero ang mga kaumahan kag ang mga baryo sa palibot sang Hebron ginhatag kay Caleb nga anak ni Jefune. ^57-59 Gani ginhatag sa mga kaliwat ni Aaron ang masunod nga mga lugar lakip ang mga palahalban sini: Hebron (ang dalangpan nga banwa), Libna, Jatir, Eshtemoa, Hilen,^[bb] Debir, Ashan,^[bc] Juta,^[bd] kag Bet Shemesh. ⁶⁰ Kag halin sa duta sang tribo ni Benjamin ginhatag sa ila ang Gibeon,^[be] Geba, Alemet, kag Anatot, lakip na ang mga palahalban sini. 13 tanan ka banwa ang ginhatag sa sining mga kaliwat ni Kohat. ⁶¹ Ang nabilin nga mga kaliwat ni Kohat ginhatagan sang 10 ka banwa paagi sa paggabot-gabot halin sa kadutaan sang katunga nga tribo ni Manase.

⁶² Ang mga kaliwat ni Gershon, suno sa kada pamilya, ginhatagan sang 13 ka banwa halin sa mga tribo ni Isacar, Asher, Naftali, kag halin sa katunga sang tribo ni Manase sa Bashan.

⁶³ Ang mga kaliwat ni Merari, suno sa kada pamilya, ginhatagan sang 12 ka banwa halin sa tribo ni Reuben, Gad, kag Zebulun.

⁶⁴ Gani ginhatag sang mga Israelinhon sa mga kaliwat ni Levi ang ini nga mga banwa kag ang mga palahalban sini. ⁶⁵ Ginhatag sa ila paagi sa paggabot-gabot ang nasambit na nga mga banwa nga halin sa tribo ni Juda, Simeon, kag Benjamin. ⁶⁶ Ang iban nga mga kaliwat ni Kohat ginhatagan sang mga banwa halin sa tribo ni Efraim. ⁶⁷ Ginhatag sa ila ang Shekem (ang dalangpan nga banwa sa kabukiran sang Efraim), Gezer, ⁶⁸ Jokmeam, Bet Horon, ⁶⁹ Ayalon, kag Gat Rimon, pati na ang mga palahalban sini. ⁷⁰ Ang iban pa gid nga kaliwat ni Kohat ginhatagan sang ila kapareho nga mga Israelinhon sang mga banwa halin sa katunga sang tribo ni Manase. Ang ginhatag sa ila amo ang Aner kag Bileam pati ang mga palahalban sini.

⁷¹ Ang mga kaliwat ni Gershon ginhatagan sang masunod nga mga banwa: Halin sa katunga sang tribo ni Manase: Golan sa Bashan kag ang Ashtarot, pati ang mga palahalban sini. ⁷² Halin sa tribo ni Isacar: Kedesh, Daberat, ⁷³ Ramot, kag Anem, pati ang mga palahalban sini. ⁷⁴ Halin sa tribo ni Asher: Mashal, Abdon, ⁷⁵ Hukok, kag Rehob, pati ang mga palahalban sini. ⁷⁶ Halin sa tribo ni Naftali: Kedesh sa Galilea, Hamon, kag Kiriataim, pati ang mga palahalban sini.

⁷⁷ Ang nabilin nga mga kaliwat ni Merari ginhatagan sang masunod nga kadutaan: Halin sa tribo ni Zebulun: Jokneam, Karta,^[bf] Rimono, kag Tabor, pati ang mga palahalban sini. ⁷⁸ Halin sa tribo ni Reuben sa tabok sang Suba sang Jordan sa sidlangan sang Jerico: Bezer sa may desierto, Jaza,^{[bg] 79} Kedemot, kag Mefaat, pati ang mga palahalban sini. ⁸⁰ Kag halin sa tribo ni Gad: Ramot sa Gilead, Mahanaim, ⁸¹ Heshbon, kag Jazer, pati ang mga palahalban sini.

Ang mga Kaliwat ni Isacar

7 Si Isacar may apat ka anak nga lalaki nga sila ni Tola, Pua, Jashub, kag Shimron. ² Ang mga anak ni Tola amo sila ni Uzi, Refaya, Jeriel, Jamai, Ibsam, kag Shemuel.^[bh] Ini sila mga pangulo sang ila mga pamilya. Sang si David ang hari, ang kadamuon sang maayo nga mga soldado halin sa mga kaliwat ni Tola 22,600.

³ Ang anak nga lalaki ni Uzi amo si Izrahia. Si Izrahia kag ang iya apat ka anak nga sila ni Micael, Obadias, Joel, kag Ishia mga pangulo sang ila mga pamilya. ⁴ Madamo sila sang asawa kag mga anak, gani suno sa lista sang ila mga kaliwat, may ara sila sang 36,000 ka lalaki nga handa sa pagserbisyo sa militar. ⁵ Ang kadamuon sang maayo nga mga soldado halin sa tanan nga pamilya ni Isacar 87,000, suno sa listahan sang ila mga kaliwat.

Ang mga Kaliwat ni Benjamin

⁶ Si Benjamin may tatlo ka anak nga lalaki nga sila ni Bela, Beker, kag Jediel. ⁷ Si Bela may lima ka anak nga sila ni Ezbon, Uzi, Uziel, Jerimot, kag Iri. Mga pangulo sila sang ila mga pamilya. Ang kadamuon sang ila maayo nga mga soldado 22,034, suno sa listahan sang ila mga kaliwat. ⁸ Ang mga anak ni Beker amo sila ni Zemira, Joash, Eliezer, Elioenai, Omri, Jeremot, Abia, Anatot, kag Alemet. Sila tanan ang mga anak ni Beker. ⁹ Ang kadamuon sang ila maayo nga mga soldado 20,200. Ini sila kag ang mga pangulo sang ila mga pamilya nalista sa listahan sang ila mga kaliwat. ¹⁰ Ang anak ni Jediel amo si Bilhan. Ang mga anak ni Bilhan amo sila ni Jeush, Benjamin, Ehud, Kenaana, Zetan, Tarshish, kag Ahishahar. ¹¹ Ini sila mga pangulo sang ila mga pamilya. May 17,200 sila ka maayo nga mga soldado nga handa sa pagserbisyo sa militar. ¹² Ang mga anak ni Ir amo sila ni Shupim kag Hupim,^[bi] kag ang anak ni Aher amo si Hushim.^[bj]

Ang mga Kaliwat ni Naftali

¹³ Ang mga anak nga lalaki ni Naftali kay Bilha amo sila ni Jaziel,^[bk] Guni, Jezer, kag Shilem.^[bl]

Ang mga Kaliwat ni Manase

¹⁴ Si Manase may duha ka anak sa iya asawa nga Arameanhon. Sila amo si Asriel kag si Makir. Si Makir amay ni Gilead, ¹⁵ kag si Makir ang nagpangita sang asawa para kay Hupim kag kay Shupim.^[bm] May utod nga babayi si Makir nga ang ngalan si Maaca. Isa pa ka anak ni Makir amo si Zelofehad nga ang iya mga anak puro babayi. ¹⁶ May mga anak man nga lalaki si Makir kay Maaca. Ang ngalan sang ila mga anak amo si Peresh kag si Sheresh. Ang mga anak nga lalaki ni Peresh amo si Ulam kag si Rakem. ¹⁷ Ang anak nga lalaki ni Ulam amo si Bedan. Amo ini sila ang mga kaliwat ni Gilead nga anak ni Makir kag apo ni Manase. ¹⁸ Ang utod nga babayi ni Gilead ^[bn] nga si Hamoleket may mga anak nga lalaki nga sila ni Ishhod, Abiezer, kag Mala.

¹⁹ Ang mga anak nga lalaki ni Shemida amo sila ni Ahian, Shekem, Likhi, kag Aniam.

Ang mga Kaliwat ni Efraim

²⁰ Amo ini ang mga kaliwat ni Efraim: Shutela, Bered, Tahat, Eleada, Tahat, ²¹ Zabad, kag Shutela. Ang mga anak ni Efraim nga si Ezer kag si Elead ginpatay sang mga tumandok sang Gat, sang nagpangawat sila sang ila kasapatan. ²² Dugay gid nga nagpangasubo si Efraim sa ila pagkapatay, kag nagkadto ang iya mga paryente sa paglipay sa iya. ²³ Sang ulihi naghulid si Efraim sa iya asawa kag nagbusong ini kag nagbata sing lalaki. Gin-ngalanan ni Efraim ang bata nga Beria,^[bo] tungod sang trahedya nga nag-abot sa ila pamilya. ²⁴ May anak nga babayi si Efraim nga si Sheera. Ini siya amo ang nagtukod sang idalom kag ibabaw nga bahin sang Bet Horon kag sang Uzen Sheera. ²⁵ May mga kaliwat pa si Efraim nga sila ni Reshef, Tela, Tahan, ²⁶ Ladan, Amihud, Elishama, ²⁷ Nun, kag Josue.

²⁸ Ang mga duta nga nabaton kag ginaestaran sang mga kaliwat ni Efraim amo ang Betel kag ang palibot sini nga mga baryo, ang Naaran sa sidlangan dampi, ang Gezer sa nakatundan kag ang mga baryo sa palibot sini, ang Shekem kag ang mga baryo sa palibot sini pakadto sa Aya kag sa mga baryo sini. ²⁹ Ang mga kaliwat ni Manase amo ang nagapanag-iya sa mga banwa sang Bet Shan, Taanac, Megido, kag Dor, kag pati sa mga baryo sa palibot sini.

Amo ato ang mga banwa nga gin-estaran sang mga kaliwat ni Jose nga anak ni Israel.^[bp]

Ang mga Kaliwat ni Asher

³⁰ Ang mga anak nga lalaki ni Asher amo sila ni Imnah, Ishva, Ishvi, kag Beria. Ang ila utod nga babayi amo si Sera. ³¹ Ang mga anak nga lalaki ni Beria amo si Heber kag si Malkiel. Si Malkiel amay ni Birzait. ³² Si Heber amay nila ni Jaflet, Shomer, kag Hotam. Ang ila utod nga babayi amo si Shua. ³³ Ang mga anak nga lalaki ni Jaflet amo sila ni Pasac, Bimhal, kag Ashvat.

³⁴ Ang mga anak nga lalaki ni Shomer amo sila ni Ahi, Roga,^[bq] Huba, kag Aram. ³⁵ Ang mga anak nga lalaki sang utod ni Shomer nga si Helem^[br] amo sila ni Zofa, Imna, Shelesh, kag Amal. ³⁶ Ang mga anak nga lalaki ni Zofa amo sila ni Sua, Harnefer, Shual, Beri, Imra, ³⁷ Bezer, Hod, Shama, Shilsha, Itran,^[bs] kag Beera. ³⁸ Ang mga anak nga lalaki ni Jeter amo sila ni Jefune, Pispa, kag Ara. ³⁹ Ang mga anak nga lalaki ni Ula amo sila ni Ara, Haniel, kag Rizia. ⁴⁰ Sila tanan ang mga kaliwat ni Asher nga mga pangulo sang ila mga pamilya. Maayo sila nga mga soldado kag bantog nga mga lider. Ang kadamuon sang mga lalaki nga kaliwat ni Asher nga handa sa pagserbisyo sa militar 26,000, suno sa listahan sang ila mga kaliwat.

Ang mga Kaliwat ni Benjamin

8 Amo ini ang mga anak nga lalaki ni Benjamin halin sa kamagulangan hasta sa kamanghuran: Bela, Ashbel, Ahara, ² Noha, kag Rafa. ³ Ang mga anak ni Bela amo sila ni Addar, Gera, Abihud,^{[bt] 4} Abishua, Naaman, Ahoa, ⁵ Gera, Shefufan, kag Huram. ⁶ Ang mga kaliwat ni Ehud, nga mga pangulo sang ila mga pamilya, ginpahalin sa Geba kag nagsaylo sila sa Manahat. ⁷ Sila amo si Naaman, Ahia, kag Gera. Ining si Gera nga amay ni Uza kag ni Ahihub amo ang nagpanguna sa ila sa pagsaylo.

⁸ Ginbulagan ni Shaharaim ang iya mga asawa nga si Hushim kag si Baara. Sang ulihi nag-estar siya sa Moab, kag nakabata sila ⁹ sang iya asawa nga si Hodesh. Ang ila mga anak nga lalaki amo sila ni Jobab, Zibia, Mesha, Malcam, ¹⁰ Jeuz, Sakia, kag Mirma. Ini sila nangin pangulo sang ila mga pamilya. ¹¹ May anak man si Shaharaim sa asawa niya nga si Hushim. Sila amo si Abitub kag si Elpaal. ¹² Ang mga anak ni Elpaal amo sila ni Eber, Misham, Shemed (nga nagtukod sang mga banwa sang Ono kag Lod, kag sang mga baryo sa palibot sini), ¹³ Beria, kag Shema. Sila ang mga pangulo sang ila mga pamilya nga nag-estar sa Ayalon. Sila man ang nagpahalin sang mga pumuluyo sang Gat. ^14-16 Ang mga anak ni Beria amo sila ni Ahio, Shashak, Jeremot, Zebadia, Arad, Eder, Micael, Ishpa, kag Joha.

^17-18 Ang mga anak ni Elpaal amo sila ni Zebadia, Meshulam, Hizki, Heber, Ishmerai, Izlia, kag si Jobab.

^19-21 Ang mga anak ni Shimei amo sila ni Jakim, Zicri, Zabdi, Elienai, Ziletai, Eliel, Adaya, Beraya, kag Shimrat.

^22-25 Ang mga anak ni Shashak amo sila ni Ishpan, Eber, Eliel, Abdon, Zicri, Hanan, Hanania, Elam, Antotia, Ifdea, kag Penuel. ^26-27 Ang mga anak ni Jeroham amo sila ni Shamsherai, Sheharia, Atalia, Jaareshia, Elias, kag Zicri. ²⁸ Ini sila mga pangulo sang ila mga pamilya suno sa listahan sang ila mga kaliwat, kag nag-estar sila sa Jerusalem.

²⁹ Si Jiel^[bu] nga amay ni Gibeon nag-estar sa Gibeon. Ang ngalan sang iya asawa amo si Maaca. ³⁰ Ang iya mga anak nga lalaki halin sa kamagulangan hasta sa kamanghuran amo sila ni Abdon, Zur, Kish, Baal, Ner,^[bv] Nadab ³¹ Gedor, Ahio, Zeker,^{[bw] 32} kag Miklot (nga amay ni Shimea).^[bx] Nag-estar sila malapit sa ila mga paryente sa Jerusalem. ³³ Si Ner amay ni Kish, si Kish amay ni Saul, kag si Saul amay nila ni Jonatan, Malkishua, Abinadab, kag Eshbaal.^{[by] 34} Ang anak ni Jonatan amo si Merib Baal^[bz] nga amay ni Micas. ³⁵ Ang mga anak ni Micas amo sila ni Piton, Melec, Tarea, kag Ahaz. ³⁶ Si Ahaz amay ni Jehoada,^[ca] kag si Jehoada amay nila ni Alemet, Azmavet, kag Zimri. Si Zimri amay ni Moza, ³⁷ kag si Moza amay ni Binea. Ang anak ni Binea amo si Rafah,^[cb] ang anak ni Rafah amo si Eleasa, kag ang anak ni Eleasa amo si Azel. ³⁸ Si Azel may anom ka anak nga sila ni Azrikam, Bokeru, Ishmael, Shearia, Obadias, kag Hanan. ³⁹ Ang mga anak sang utod ni Azel nga si Eshek amo sila ni Ulam ang kamagulangan, Jeush ang ikaduha, kag Elifelet ang ikatatlo. ⁴⁰ Maisog ang mga anak ni Ulam kag sagad magpana. Madamo sila sang mga anak kag mga kaapuhan—150 tanan.

Ini sila tanan mga kaliwat ni Benjamin.

9 Ang tanan nga Israelinhon nalista sa listahan sang mga kaliwat sa Libro sang Kasaysayan sang mga Hari sang Israel. Ginbihag ang katawhan sang Juda sa Babilonia tungod kay indi sila matutom sa Ginoo. ² Karon, ang una nga nakabalik sa ila mga banwa sa ila kaugalingon nga duta amo ang ordinaryo nga mga Israelinhon, mga pari, mga Levita, kag mga suluguon sa templo.

³ Amo ini sila ang mga katawhan sang Juda, Benjamin, Efraim, kag Manase nga nakabalik kag nag-estar sa Jerusalem:

690 sila tanan halin sa tribo ni Juda.

⁷ Sa tribo ni Benjamin:

⁹ Ini sila tanan mga pangulo sang ila mga pamilya. 956 tanan ka tawo halin sa tribo ni Benjamin ang nakabalik, suno sa listahan sang ila mga kaliwat.

¹⁰ Sa mga pari:

¹³ 1,760 tanan ka pari ang nakabalik. Mga pangulo sila sang ila mga pamilya, kag maayo sila nga mga pangulo. Sila ang gintugyanan sa pag-alagad sa templo sang Dios.

¹⁴ Sa mga Levita:

¹⁷ Sa mga guwardya sang mga puwertahan:

Si Shalum ang ila pangulo. ¹⁸ Hasta subong sila ang mga guwardya sang Puwertahan sang Hari sa sidlangan dampi sang siyudad. Sila sadto ang mga guwardya sa puwertahan nga pasulod sa kampo sang mga kaliwat ni Levi. ¹⁹ Si Shalum anak ni Kore kag apo ni Ebiasaf,^[cc] nga halin sa pamilya ni Kora. Si Shalum kag ang iya kapareho nga mga kaliwat ni Kora amo ang gintugyanan sa pagguwardya sang puwertahan sang Tolda nga Ginapakigkitaan pareho sa ila mga katigulangan nga gintugyanan man sa pagguwardya sang puwertahan sang balay^[cd] sang Ginoo. ²⁰ Sang una si Finehas nga anak ni Eleazar amo ang nagadumala sa mga guwardya sang puwertahan, kag gin-updan siya sang Ginoo.

²¹ Si Zacarias nga anak ni Meshelemia guwardya man sa puwertahan sang Tolda nga Ginapakigkitaan.

²² Ang mga guwardya sang puwertahan 212 tanan, kag ginlista sila suno sa listahan sang ila mga kaliwat sa ila mga baryo. Ang naghatag sang katungdanan sa ila mga katigulangan bilang mga guwardya sang puwertahan (tungod kay masaligan sila) amo si David kag si Samuel nga propeta. ²³ Ini nga mga guwardya kag ang ila mga kaliwat amo ang gintugyanan sa pagguwardya sa mga puwertahan sang balay sang Ginoo—nga gintawag man nga Tolda. ²⁴ Nagabantay sila sa apat ka kilid: sa sidlangan, nakatundan, aminhan, kag bagatnan. ²⁵ Kon kaisa ang ila mga paryente nga nagaestar sa mga baryo nagabulos sa ila sa pagbantay sa sulod sang pito ka adlaw. ²⁶ Pero ang apat ka pangulo nga mga guwardya, nga mga kaliwat ni Levi, amo ang responsable sa mga kuwarto kag sa mga bodega sang templo. ²⁷ Nagapulaw sila sa pagbantay sa palibot sang templo kay kinahanglan gid nila ini nga bantayan kag abrihan kada aga.

²⁸ Ang iban sa ila amo ang gintugyanan sa pagtatap sang mga kagamitan nga ginagamit sa pagsimba. Ginaisip nila ini kon ila gamiton kag ginaisip liwat pagkatapos gamiton. ²⁹ Ang iban gintugyanan sa pagtatap sang iban pa nga mga kagamitan sa templo pati sang harina, bino, lana, insenso, kag mga panakot. ³⁰ Pero katungdanan sang mga pari ang pagmiksla sang mga panakot. ³¹ Si Matitia nga kaliwat ni Levi, nga kamagulangan nga anak ni Shalum nga kaliwat ni Kora, amo ang gintugyanan sa pagluto sang tinapay nga inughalad. ³² Ang iban nga mga kaliwat ni Kora amo ang gintugyanan sa pagpreparar kag pagplastar sang mga tinapay sa lamisa kada Adlaw nga Inugpahuway. ³³ Ang mga musikero sa templo mga pangulo sang mga pamilya nga mga kaliwat ni Levi. Kag wala na sila sing iban nga mga buluhaton, tungod kay nagahimo sila sang ila buluhaton adlaw-gab-i. ³⁴ Ini sila tanan mga pangulo sang mga pamilya nga mga kaliwat ni Levi, kag nalista sila sa listahan sang ila mga kaliwat. Nag-estar sila sa Jerusalem.

Ang mga Kaliwat ni Saul^(F)

³⁵ Si Jiel nga amay ni Gibeon nag-estar sa Gibeon. Ang ngalan sang iya asawa amo si Maaca. ³⁶ Ang iya mga anak nga lalaki halin sa kamagulangan hasta sa kamanghuran amo sila ni Abdon, Zur, Kish, Baal, Ner, Nadab, ³⁷ Gedor, Ahio, Zacarias, kag Miklot ³⁸ (nga amay ni Shimeam). Nag-estar sila malapit sa ila mga paryente sa Jerusalem. ³⁹ Si Ner amay ni Kish, si Kish amay ni Saul, kag si Saul amay nila ni Jonatan, Malkishua, Abinadab, kag Eshbaal. ⁴⁰ Ang anak ni Jonatan amo si Merib Baal^[ce] nga amay ni Micas. ⁴¹ Ang mga anak ni Micas amo sila ni Piton, Melec, Tarea, kag Ahaz.^{[cf] 42} Si Ahaz amay ni Jada,^[cg] kag si Jada amay nila ni Alemet, Azmavet, kag Zimri. Si Zimri amay ni Moza, ⁴³ kag si Moza amay ni Binea. Ang anak ni Binea amo si Refaya, ang anak ni Refaya amo si Eleasa, kag ang anak ni Eleasa amo si Azel. ⁴⁴ Si Azel may anom ka anak nga sila ni Azrikam, Bokeru, Ishmael, Shearia, Obadias, kag Hanan.