Bible in 90 Days

¹¹ “त्यसदिन म दाऊदको ढलेको पाललाई उठाउनेछु,
    म चर्केकाहरू र नष्ट भएका भवनहरू मर्मत गर्नेछु।
म त्यसलाई पहिलेको जस्तै
    पुनः र्निर्माण गर्नेछु।
¹² ताकि एदोममा बाँकी रहेका मानिसहरू
    र राष्ट्रहरू जो मेरो नाउँले (यहोवा) कहलाइन्छन्,
तिनीहरू लिनलाई परमप्रभु,
    जसले यी सब गर्ने घोषणा गर्नु हुन्छ।”
¹³ परमप्रभु भन्नुहुन्छ, “त्यो समय आइरहेछ,
    जब प्रत्येक प्रकारको भोजन ज्यादाहुन्छ।
अब मानिसहरूले आफ्नो फसल काटिसकेका हुँदैनन्,
    हलो जोत्ने समय आइहाल्छ,
मानिसहरू अहिले दाखरस निकाल्नको लागि बसेका हुन्छन्,
    फेरि दाखको रोप्ने समय आइहाल्छ।
पहाडबाट दाखरसको धारा बग्ने छ
    अनि त्यो पहाडबाट झर्नेछन्।
¹⁴ मेरो मानिस इस्राएलीहरूलाई कैदबाट फर्काएर ल्याउनेछु।
    तिनीहरूले त्यो नष्ट भएको शहर फेरि बनाउँनेछन्
अनि तिनीहरू ती शहरमा बस्नेछन्।
    उनीहरूले दाख बारीहरू लाउनेछन्
अनि तिनीहरूले उब्जाऊ गरेको
    दाखरस पिउनेछन्,
उनीहरूले बगैंचाहरू रोप्नेछन्
    अनि त्यसबाट फलेको फलहरू खानेछन्।
¹⁵ उनीहरूलाई उनीहरूकै जमिनमा बसाउँछु
    अनि उनीहरू फेरि त्यो देशबाट निकालिने छैनन्।
    जुन मैले उनीहरूलाई दिएँ।”
परमप्रभु तिमीहरूका परमेश्वरले यी कुराहरू भन्नुभयो।

हामीले परमप्रभु परमेश्वरबाट एउटा विवरण सुन्यौ।
    देशहरूमा एउटा राजदूत पठाइएको थियो।
उनले भने, “आऊ, एदोमको बिरूद्ध युद्ध गरौं।”

² “एदोम, म तिमीलाई सब भन्दा सानो देश बनाई दिनेछु।
    मानिसहरूले तिमीलाई घृणा गर्नेछन्।
³ तिम्रो आफ्नो घमण्डले तिमीलाई धोका दिएकोछ।
    तिमी अग्लो पहडहरूको गुफामाहरू बस्नेछौ।
    तिम्रो घर पहाको अग्लाईमा छ
र तिमी आफ्नो मनमा भन्छौ कि
    ‘मलाई कसैले पनि तल जमीनमा खसाल्न सक्तैंन।’”

⁴ परमेश्वर परमप्रभु भन्नुहुन्छ:
“यद्यपि तिमीले चील जस्तै माथि उड्‌यौ,
    अनि आफ्नो गुँड ताराहरूको बीचमा बनायौ भने पनि,
    म तिमीलाई त्यहाँबाट तल ल्याउँनेछु।
⁵ तिमी साँच्चै नै सर्वनाश हुनेछौ!
    हेर यदि कुनै चोर तिमी कहाँ आए,
जब राती डाकु आए,
    तिनीहरू आफ्नो निम्ति यथेष्ट हुने मात्र लुटेर जानेछ।
यदि तिम्रो दाखको बारीमा दाख चोर्न आए दाख टिपी सकेपछि
    उसले पनि आफ्नो पछाडी केही नकेही छोडेर जान्छ।
⁶ तर हे एसाव! तिमीबाट तिम्रो सबै कुरो खोसिनेछ।
    मानिसहरूले लुकाएको सबै भण्डार खोजेर निकाल्नेछन्,
    अनि सबै भेट्उनेछन्।
⁷ तिम्रा मित्र राष्ट्रहरूले तिमीलाई आक्रमण गर्छन्
    र सिमानाबाट तिमीलाई तान्छन्।
तिनीहरू तिम्रा मित्रहरू हुन् भनी मानिएका छन्।
    तर तिनीहरूले तिमीलाई धोका दिन्छन्,
    र तिमीलाई पराजय गर्छन्।
ती जसले तिम्रो रोटी तिमीसित मिलेर खान्छन्
    तिनीहरूले तिम्रो विरूद्ध पड्‌यन्त्र गरिरहेका छन्।
र तिमीलाई त्यो थाहासम्म पनि हुँदैन।”

² “मेरो कष्टको कारणले
    मैले परमप्रभुलाई प्रार्थना गरें
    अनि उहाँले मलाई
उत्तर दिनुभयो।
    मृत्युको संसारदेखि म कराएँ,
    र तपाईंले मेरो बिन्ति सुन्नुभयो।

² हे जाति-जातिका मानिसहरू हो! तिमीहरू सबैले सुन,
    हे पृथ्वी र त्यसमा बस्ने मानिसहरू सुन।
मेरो मालिक, परमप्रभु उहाँको पवित्र मन्दिरबाट आउँदै हुनुहुन्छ।
    मेरो मालिक तिमीहरूको बिरुद्धमा एकजना साक्षी भई आउँनु हुनेछ।
³ हेर, परमप्रभु आफ्नो वास स्थानबाट बाहिर जाँदै हुनुहुन्छ।
    उहाँ पृथ्वीको अग्लो ठाउँमा जानको निम्ति उभिएर तल आउँदै हुनुहुन्छ।
⁴ परमप्रभु परमेश्वरको चरणमुनि पर्वत पग्लेर जानेछ,
    जसरि मैन आगोमा पग्लन्छ,
जसरि उपत्यकाहरू टुक्रा-टुक्रा हुन्छन्।
    जसरी पहाडबाट पानी बगेर झर्छ।
⁵ यस्तो भयो किनभने याकूबले पाप गरेको थियो।
    किनभने इस्रएलका कुल समुहले पाप गरेका थिए।

याकूबको पाप के हो?
    यो सामरिया हो।
यहूदाको अग्लो स्थान कुनहो?
    यो यरूशलेम हो।
⁶ यसकारण म सामरियालाई खाली मैदानमा भग्नावशेषको थुप्रोमा परिणत गरिदिनेछु।
    त्यो यस्तो स्थान हुनेछ जहाँ दाख रोपिनेछ।
म सामरियाका ढुङ्गाहरूलाई बेंसीमा फालिदिनेछु
    र त्यसका जगहरू सतहमा पुर्याइदिनेछु।
⁷ म त्यसका मूर्तिहरू सबै टुक्रा-टुक्रा पारिदिनेछु।
    सबै धन जे त्यले कमाएको छ भस्म पारिदिनेछु
र म तिनीहरूको झूटा देवताहरूको मुर्तिहरू सबै ध्वंश गरिदिनेछु,
    जबकि यी मूर्तिहरू वेश्याबृति मार्फत बनिएका थिए।
ती मूर्तिहरू फेरि वेश्याहरूलाई नै
    तिर्न प्रयोग हुनेछन्।

⁸ म चाँडै बिनाशको बिषयमा शोकाकुल हुनेछु र म विलाप गर्नेछु।
    म खालि खुट्टा र नाङ्गै हिँड्नेछु।
म स्याल जस्तै साह्रो कराउँनेछु
    र शतुरमुर्गा झैं विलाप गर्नेछु।
⁹ सामरियाको घाऊ निको हुनेछैन।
    त्यसको पाप यहूदा सम्म फैलनेछ।
यो मेरा मानिसहरूको शहरको प्रवेसद्वार सम्म जानेछ,
    किनकि यो त यरूशलेम सम्म आपुगेको छ।
¹⁰ यो कुरा गातमा नभन।
    त्यसका निम्ति रूँदै नरोऊ,
विलाप गर्दै बेत-लाप्रामा
    धुलोमा लडी-बडी गर।
¹¹ हे शाफीरका वासिन्दाहरू हो,
    तिमीहरू आफ्नो बाटोमा नाङ्गो
र लज्जित भएर जाऊ।
    ती मानिसहरू जो सानानको वासिन्दाहरू हुन्
तिनीहरू बाहिर आउने छैनन्।
    बेतेसेलमा मानिसहरूको रूवाबासिले तिमीबाट सहाएता लिनेछन्।
¹² मारोतका वासिन्दाहरूले केही राम्रो कुरा होस् भनी
    व्याकुलतापूर्वक पर्खिरहेकाछन्।
किनभने कष्ट परमप्रभुबाट
    यरूशलेमको मुलढोकामा आएकोछ।
¹³ हे लाकीशका वासिन्दाहरू हो!
    तिमीहरूले वेगवान घोडाहरू रथमा बाँध।
सियोनको पाप रथहरूबाट नै शुरु भएको थियो।
    जसको मार्फत तिनीहरूले इस्राएलले गरे जस्तै पाप गरे।
¹⁴ यसकारण मोरशेत गातमा
    तिम्रो बिदाको सौगात तिमीले दिनु पर्नेछ।
अकजीबाका घरहरूले
    इस्राएलका राजालाई धोका दिनेछन्।
¹⁵ हे मोरेशाका वासिन्दाहरू!
    तिनीहरूको बिरुद्ध म एक जना मानिस पठाऊनेछु
जसले तिमीहरूबाट सबै चिजहरू खोस्नेछ।
    इस्रएलको महिमा अदुल्लाम सम्म आउनेछ।
¹⁶ यसकारण तिमीले आफ्नो केश काट, चिण्डे^[a] होऊ।
    किनकि तिमी आफ्नो छोरा-छोरी जसलाई तिमी माया गर्छौ
तिनीहरूका निम्ति रूँने छौ अनी तिम्रो शोक दर्शाउनको निम्ति एउटा गिद्ध झैं चिन्डे होऊ।
    किनकि तिम्रो नानीहरूलाई कैदी झैं लगिनेछ।

2 मानिसहरूमाथि यस्तो बिपत्ति आइपर्नेछ, जो पापपूर्ण योजनाहरू बनाउँछन्।
    यस्ता मानिसहरू ओछ्यानमा सुति-सुति षड्यन्त्र रच्दछन्,
अनि बिहान उज्यालो हुने बित्तिकै आफ्नो षड्यन्त्रमा हिँड्न थाल्दछन्।
    त्यसो गर्ने सामर्थ तिनीहरूसँग छ।
² तिनीहरूले जमीनको चाहना गर्छन् भने तिनीहरूलाई लिन्छन्।
    तिनीहरूले घरहरू लिने इच्छा गर्छन भने यसलाई लिन्छन्।
तिनीहरूले कुनै पनि मानिसलाई धोका दिन्छन् र उसको घर लान्छन्।
    तिनीहरूले एउटा मानिसलाई धोका दिन्छन् र उसको सबै चिजहरू लिनेछन्।

³ यसकारण परमप्रभु यी कुराहरू भन्नुहुन्छ:
“हेर म तिमीहरूमाथि विपत्ति ल्याउने योजना बनाउँदैछु।
    तिमी आफ्नो सुरक्षा गर्न सक्दैनौ।
तिनीले आफैंले आफैंलाई यो कष्टमा सहायता गर्न सक्दैनौ।
    किनभने नराम्रो समय आउँदैछ।
⁴ त्यस समय मानिसहरू तिमीमाथि हाँस्नेछन्।
    तिम्रो बिषयमा बिलापको गीत तिनीहरूले गाउँनेछन्।
अनि भन्नेछन्, ‘हामी नष्ट भयौं,
    परमप्रभुले हाम्रा मानिसहरूको जमीन खोसेर
अरू मानिसहरूलाई दिनुभयो।
    हो उहाँले मेरो जमीन हाम्रो शत्रुहरूलाई बाँडिदिनु भयो।
⁵ जब त्यो भूमि परमप्रभुका मानिसहरूको सभामा चिठ्ठाहालेर बाँडिन्छ,
    प्रतिनिधिको रुपमा सेवा गर्ने तिम्रो कोही हुनेछैन।’”

⁶ मानिसहरू भन्छन्, “तिमीले हामीलाई उपदश नदेऊ,
    उनीहरूले यस्तो गर्नु हुँदैन थियो,
हामीमाथि कुनै पनि नराम्रा कुराहरू आईपर्ने छैनन्।”

¹² हे याकूब, म निश्चयनै तिमीहरू सबैलाई भेला गर्नेछु।
    म इस्राएलका बाँचेका सबैलाई भेला पार्नेछु।
म तिनीहरूलाई गोठका भेंडा़ बाख्राहरू
    र खर्कका बिचमा बथान झैं एकै ठाउँमा भेलापार्नेछु।
फेरि त्यो स्थान धेरै मानिसहरूको भिडले
    खचाखच र हल्ला- खल्ला हुनेछ।
¹³ तिनीहरू मध्ये एकजना आउनेछ,
    जसले पर्खाल भत्काएर जान सक्नेछ।
उसले पर्खाल भत्काएर मानिसको अघि बाटो बनाउने छ,
    र मानिसको अघि बाटो तयार पार्नेछ।
तिनीहरू मोक्ष प्राप्त गरेर त्यो शहर छोडेर जानेछन्।
    तब राजा तिनीहरूसँग जानेछन्।
    परमप्रभु मानिसहरूसँग हुनुहुनेछ।

3 फेरि मैले भनें, “हे याकूबका अगुवाहगरु, अब सुन्।
    इस्राएलको शासकहरू तिमाहरूले न्याय के हो सो जान्नु पर्छ।
² तिमीहरूले मलाई घृणा गरेर खराबलाई प्रेम गर्छौ।
    तिमीले मानिसको छाला काढ्छौ।
    तिमीहरूले तिनीहरूका हड्डीहरूबाट मासु निकाल्दछौ।
³ तिमीहरूले मेरा मानिसहरूलाई ध्वंश पारिरहेका छौ।
    तिमीहरूले उनीहरूको छाला सम्म काढि रहेको छौ।
    तिनीहरूको हड्डी भाँचेर भाँडामा पकाइने मासुको टुक्रा जस्तै बनाउँदै छौ।
⁴ तिमीहरूले परमप्रभुको प्रार्थना गरिरहेकाछौ
    तर परमप्रभु जवाफ दिनुहुन्न।
परमप्रभुले आफ्नो मुख तिनीहरूदेखि लुकाईरहनु भएकोछ।
    किनकि तिमीहरूले नराम्रो कर्म गरेका छौ।”

“यदि मानिसहरूले यी झूटो अगमवक्ताहरूलाई
खान दिए भने तिमीहरूलाई ‘शान्ति होस्’ भन्दछन्,
    यदि ती मानिसहरूले खान दिएनन् भने तिनीहरूको विरूद्ध सेनाहरू भड्काउँछन्।

⁸ तर परमप्रभुको आत्माले मलाई
    शक्ति, न्याय, अनि सामर्थ्य दिनुभएको छ।
म याकूबलाई उसको अपराध बताउँनेछु।
    हो, म इस्राएललाई त्यसको पापको बिषयमा भन्नेछु।

⁹ हे याकूबका अगुवाहरू, इस्राएलका शासकहरू,
तिमीहरू मेरो कुरा सुन।
    तिमीहरू न्यायलाई घृणा गर्दछौ।
यदि कुनै वस्तु बाटोमा छ भने,
    तिमीहरूले त्यसलाई बाङ्गो पारिदिन्छौ।
¹⁰ तिमीहरूले सियोनको निर्माण गर्दा मानिसको हत्या गर्यौ।
    तिमीहरूले यरूशलेमलाई पापको मूलढोका बनाउँ छौ।
¹¹ यरूशलेमका न्यायधीशहरूले
    घुस लिएर न्याय गर्छन्।
यरूशलेमका पूजहारीहरूले
    ज्यानलिएर ब्यावस्था सिकाउँछन्।
मानिसहरूले अगमवक्ताहरूलाई पैसा दिनुपर्दथ्यो,
    अनि मात्र उनीहरूले कुनै दण्ड पाउँदैनथिए।
उनीहरूले सोच्थे, परमप्रभुले उनीहरूलाई बँचाउँछन्
    अनि भन्छन्, “परमप्रभुले हामीलाई साथ दिनुहुन्छ,
    यसैकारण हामीमाथि कुनै बिपत्ति आउन सक्दैन।”

4 अब पछिल्लो दिनमा परमप्रभुको मन्दिर,
    डाँडा चाहिँ पहाडहरूमा सर्वोच्च बनाईने छ,
अनि त्यो पहाडहरू भन्दा उच्च पारिने छ
    अनि अरू जातिहरू त्यसमा ओईरिएर आउनेछन्।
² धेरै मानिसहरू त्यहाँआएर भन्नेछन्,
    “आऊ हामी परमप्रभुको पहाड,
    याकूबको परमेशवरको मन्दिरमा जाउँ,
र उहाँले हामीलाई आफ्नो मार्ग सिकाउँनु हुनेछ।
    हामीहरू उहाँको मार्गमा हिंड्नेछौं।”

⁶ परमप्रभु भन्नुहुन्छ,
“लङ्गडाहरूलाई म त्यसदिन जम्मा गर्नेछु,
    अनि धपाईएकाहरूलाई
र तिनीहरू जसलाई मैले दण्ड दिएको थिएँ,
    म भेला गर्नेछु।

⁹ अब तिमी किन चिच्याई-चिच्याई रून्छ्यौ?
    के तिमी माथि राज्य गर्ने कुनै राजा छैनन्?
के तिम्रो सल्लाहकार नष्ट भयो,
    र प्रसववेदनामा परेकी स्त्रीलाई जस्तै तिमीलाई पीडाले सताएकोछ?
¹⁰ हे सियोनकी छोरी,
    सुत्केरी वेदनामा परेकी आइमाईको पीडामा रोऊ।
किनकि अब तिमी शहरबाट बहिर जानेछ्यौ
    र मैदानमा बस्नेछौ
र माथि बाबेलमा जानेछ्यौ
    र त्यहाँ तिमी सुरक्षित रहनेछ्यौ।
परमप्रभुले तिम्रा शत्रुको हातबाट
    तिम्रो उद्धार गर्नुहुनेछ।

¹¹ अनि अब धेरै जातिहरू भेला भएर तिम्रो बिरूद्ध भन्नेछन्,
    “त्यो अशुद्ध होस् र सियोनलाई
    हाम्रो आँखाले नियालेर हेर्न पाईयोस्।”

¹³ “हे सियोन छोरी, उठ अनि दाईँ गर
    किनभने म तिम्रा सींङहरूलाई
फलामको र तिम्रो खूरहरूलाई पीत्तलको बनाउनेछु।
    तिमीले धेरै जातिहरूलाई चूर-चूर पार्नेछौ
र तिनीहरूको धन-सम्पत्ति
    सारा पृथ्वीका मालिक परमप्रभुमा अर्पण गर्नेछौं।”

² तर हे बेतलेहम एप्रात,
    तिमी यहूदाका बीचमा धेरै सानो छौ,
तिमी जो यहूदाका हजारौंका बीचमा सानो छौ,
    तर तिमीबाट एउटा “इस्राएलको शासक” मेरो निम्ति आउँनेछ।
उहाँको सुरुवात प्राचीन कालदेखिनै छ,
    धेरै-धेरै अघि देखि।
³ यसकारण जब सम्म जन्मेको कष्टमा पर्नेले जन्माउँदैन,
    तब सम्म उहाँले सियोनलाई त्यागि दिनुहुनेछ।
तब तिनका बाँचेका दाज्यू-भाइहरू चाहिँ
    इस्राएलीहरूकहाँ फर्किएर आउनेछन्।
⁴ अनि ऊ खडा हुन्छ आफ्नो भेंडा़को बथानलाई परमप्रभुको शक्तिले
    अनि उसका परमप्रभु परमेशवरको महिमाले खुवाउँछ।
तिनीहरू सुरक्षित हुनेछन्
    किनभने ऊ पृथ्वीको अर्को अन्त सम्म महान रहनेछ।
⁵     यहीं शान्ति हुनेछ

¹⁰ परमप्रभु भन्नुहुन्छ,
“त्यसदिन म तिम्रा घोडाहरू खोस्नेछु
    र म तिम्रा रथहरू नष्ट गरिदिनेछु।
¹¹ म तिम्रो देशको सबै शहरहरू उजाड पारिदिनेछु।
    म तिम्रो सबै गढीहरू भत्काई दिनेछु।
¹² फेरि तिमीले जादू चलाउने प्रयत्न गर्नेछौनौं,
    फेरि तिमी ती मानिसहरूको भविष्य बताउँने प्रयास गर्नेछौनौ।
¹³ म तिम्रा झूटा देवताको, मूर्तिहरू नष्ट गरिदिनेछु।
    ती झूटा देवताको मूर्तिहरूको ढुङ्गाको मूर्ति,
स्मृति, स्तम्भहरू सबै उखेलेर फ्याँकिदिनेछु,
    जसलाई तिमीहरू स्वयंले आफ्नो हातले बनाएका थियौ,
    तिमीहरू त्यसको पूजा गर्ने पाउनेछैनौ।
¹⁴ म अशेरा देवीका पूजाको खम्बाहरू नष्ट गरिदिनेछु।
    अनि म सबै तिम्रो झूटो देवताहरू नष्ट गरिदिनेछु।
¹⁵ त्यहाँ केही जातिहरू छन् जसले मेरो कुरा सुन्दैनन्।
    म तिनीहरूसित क्रोधित हुनेछु र म तिनीहरूसित बद्ला लिनेछु।”

6 परमप्रभुले जे भन्दै हुनुहुन्छ, त्यसलाई ध्यानदेऊ:
    “उठ अनि पहाडको सामुन्ने खडा हौ,
अनि फेरि उहाँलाई आफ्नो कथाको पक्ष सुनाऊ।
    पहाडहरूलाई आफ्नो कथा सुनाऊ।
² परमप्रभु आफ्ना मानिसहरूलाई आरोप गर्नु हुन्छ।
    पहाडहरू आफ्ना परमप्रभुको आरोप सुन,
अटल रहने पृथ्वीका जगहरू हो,
परमप्रभुको आरोप सुन,
    उहाँले प्रमाणित गर्नुहुनेछ कि इस्राएल देषी छ।”

⁶ जब म परमप्रभुको छेउमा जान्छु अनि प्रमाण गर्छु,
    तब परमेश्वरको छेउमा आफूसँग के लिएर जाऊँ?
के परमप्रभुलाई एक बर्षको बाछो,
    होमबलि चढाउन लिएर जाऊँ?
⁷ के परमप्रभु एक हजार भेंडा़
    र तेलका दश हजार नदीसित प्रशन्न हुनुहुन्छ?
के म आफ्नो अपराधको निम्ति आफ्नो जेठो छोरा
    जो आफ्नो शरिरको अंग हो, त्यो अर्पण गरूँ?

⁹ परमप्रभुको आवाजले यरूशलेम शहरलाई बोलाउँदैछः
उहाँ भन्नुहुन्छ, “ज्ञानी मानिसले परमप्रभुको नाउँलाई सम्मान गर्छ।
    यसकारण तिमी जातिहरू र तिमीहरू जो यहाँ जम्मा भएकाहरू हो ध्यन देऊ।
¹⁰ के अझै पनि दुष्टहरूले चोरेको धन सम्पत्ति
    लुकाएर राखेको छ?
के दुष्टहरूले अझै पनि मानिसहरूलाई
    टोकरीहरूले धोका दिइ रहेकोछ,
    जुन टोकरीहरू सानो छ।
¹¹ के मैले ती दुष्ट मानिसहरूलाई बेवास्ता गर्ने?
    जसले अझै पनि कपट तराजु
    र छलको ढकले मानिसहरूलाई ठगिरहेका छन्?
¹² त्यस शहरका धनी मानिसहरू निर्दयी काम गर्छन्।
    त्यस शहरका मानिसहरू अझै पनि झूटो बोल्दछन्।
    हो! ती मानिसहरू तिनीहरूको झूटो कुरा गर्छन्।
¹³ यसकारण मैले तिमीहरूलाई दण्ड दिन शुरु गरें।
    म तिमीहरूलाई तिमीहरूको पापको कारण नष्ट गरिदिनेछु।
¹⁴ तिमीहरूले भोजन गर्नेछौ तर तिम्रो पेट भरिने छैन।
    अनि फेरि तिमी भोको हुनेछौ।
तिमीले मानिसहरूलाई बचाउने कोसिस गर्छौ
    तर तिमीले जसलाई बचाउँछौ,
    म त्यसलाई तरवारले काटिदिनेछु।
¹⁵ तिमीहरू आफ्नो बिऊ छर्छौ,
    तर तिमीहरू बाली काट्ने छैनौ।
तिमीले कोलमा जैतून पेलेर तेल निकाल्छौ
    तर तिमीले आफ्नो शिरमा घस्न पनि तेल प्रशस्त मात्रामा पाउदैनौ।
तिमी दाख पेलेर दाखरस त निकाल्छौ
    तर पिउँन पर्याप्त हुँदैन।
¹⁶ यस्तो किन हुन्छ?
    किनकि तिमीहरू ओम्रीको कानूनहरू पालन गर्छौ।
तिमीहरू ती नराम्रा कुराहरू भन्छौ
    जुन कुराहरू आहाब का घरानामा गर्छन्।
तिमीहरू उनीहरूको शिक्षा अनुसार चल्छौ।
    यसकारण म तिमीहरूलाई नष्ट पर्नेछु।
तिम्रो शहरका मानिसहरू हाँसोको पात्र हुनेछन्।
    तिमीहरू अन्य राज्यहरूको घृणाको पात्र बनिनेछौ।”

7 म व्यकुल छु, किनकि म ग्रीष्म ऋतुको त्यो फल जस्तै जस्तै भएकोछु,
जो टिपिसकिएको छ।
    म त्यो दाख जस्तै भएको छु जो टिपिसकिएको छ।
अब त्यहाँ एउटा पनि दाख रहेकोछैन।
    पहिले फलेको नेभारानै छैन जुन मलाई मन पर्थ्यो,
    त्यो एउटा पनि रहेको छैन।
² यसको अर्थ हुन्छ; ती सबै राम्रा मानिसहरू गइसकेकाछन्,
    एउटै पनि धर्मी मानिसहरू यो भूमिमा रहेनन्।
हरेक मानिसहरू एक- अर्कालाई मार्नको निम्ति ढुकी बस्छन्।
    हरेक मानिस आफ्नो भाइलाई जालमा फसाउँन षड्यन्त्र रचिबस्छन्।
³ मानिसहरूको दुवै हातहरू नराम्रो काम गर्न तयार छन्।
    शसकहरू काम गर्नलाई घुस माग्छन्।
न्यायकर्ताले पैसा लिएर न्यायलयमा फैसला बद्लि गर्छन्।
    “मुख्य अगुवाहरू” साँचो र निष्पक्ष निर्णय लिंदैनन्।
    तिनीहरू आफूलाई जस्तो मनपर्छ त्यस्तै काम गर्छन्।
⁴ तिनीहरूले असललाई पनि नोक्सान गर्ने छन्,
    र काँढा घारीमा फ्याँक्ने छन्।

तिमीहरूका अगमवक्ताले भनेका थिए यस्तो दिन आउनेछ,
    तिमीहरूका प्रहरीहरूको दिन आउँदैछ।
अब तिमीहरूलाई सजाय दिनेछन्।
    तिमी अन्योलमा पर्नेछौ।
⁵ तिमी आफ्नो छिमेकीमाथि भरोसा नगर।
    तिमी आफ्नो साथीलाई विश्वास नगर।
आफ्नो पत्नीसित पनि खुलेर कुरा नगर।
⁶ मानिसको आफ्नै घर भित्र शत्रु हुन्छ।
    छोराले बाबुको आदर गर्दैनन्।
छोरी आफ्नी आमाको बिरुद्धमा जानेछे।
    बुहारी आफ्नी सासुको बिरुद्धमा जानेछे।

⁷ म सहायताको निम्ति परमप्रभुलाई हेर्नेछु।
    म परमेश्वरको प्रतिक्षा गर्नेछु,
उहाँले मलाई बचाउँनु भएकोछ।
    मेरा परमेश्वरले मेरो कुरा सुन्नुहुनेछ।
⁸ म लडेकेछु तर हे, मेरो शत्रु!
    मेरो हाँसो नउडाऊ किनकि म फेरि खडा़ हुनेछु।
यद्यपि आज अँध्यारोमा बसेकोछु,
    परमप्रभुले ममा ज्योति ल्याउनुहुनेछ।

⁹ मैले परमप्रभुको विरुद्ध पाप गरेंको थिएँ।
    यसकारण, उहाँ मसित रिसाउँनु भएको थियो।
तर न्यायलयमा उहाँले मेरो निम्ति मुद्दा लडी इन्साफ गर्नुहुनेछ।
    उहाँले त्यही काम गर्नुहुनेछ जुन काम मेरो निम्ति उचितछ।
फेरि उहाँले मलाई बाहिर उज्यालोमा ल्याउनुहुनेछ।
    अनि म उहाँको उद्धार हेर्नेछु।
¹⁰ फेरि मेरो शत्रुहरूले
    यो देखेर लज्जित हुनेछन्।
मेरो शत्रुहरूले मलाई सोधेको थियो,
    “तेरा परमप्रभु परमेश्वर कहाँछन्?”
त्यस समय, म उसमाथि हाँस्नेछु।
    मानिसहरूले उसलाई,
    हिलो मैलोले कुल्चेको जस्तै कुल्चने छन्।

¹¹ त्यो समय आउनेछ जुन दिन तिम्रा पर्खाल फेरि निर्माण हुनेछ,
    त्यस समयमा तिम्रो देश विशाल हुनेछ।
¹² तिम्रा मानिसहरू तिम्रो भुमिमा फर्केर आउनेछन्।
    तिनीहरू अश्शूर र मिश्रदेशदेखि आउनेछन्।
तिम्रा मानिसहरू मिश्र र यूफ्रेटिस नदीको
    अर्को भूमिबाट आउनेछन्,
समुद्रदेखि लिएर समुद्रसम्मका
    र पर्वतदेखि पर्वतसम्मका मानिसहरू आउनेछन्।

¹⁵ जब मैले तिमीलाई मिश्रबाट निकालेर ल्याएको थिएँ,
मैले धेरै अचम्मको कामहरू गरेको थिएँ।
    त्यस्तै अचम्मका कामहरू म तिमीलाई देखाउँनेछु।
¹⁶ ती अचम्मका कामहरू अन्य जातिहरूले देख्ने छन्,
    अनि लज्जित हुनेछन्।
ती जातिहरूले देख्नेछन्,
    तिनीहरूको शक्ति मेरो छेउमा केहि पनि होइन।
उनीहरू छक्क पर्नेछन्,
    अनि आफ्नो मुख हातले छोप्नेछन्
अनि कान बन्द गर्नेछन्
    र केही पनि सुन्ने छैनन्।
¹⁷ तिनीहरूले जमीनमा घस्रने सर्पले झैं
    धूलो चाट्नेछन्, र तिनीहरू डरले काम्नेछन्।
तनीहरू परमप्रभु हाम्रा परमेश्वरकहाँ
    घस्रने किरा झैं तिनीहरूका किल्लाहरूबाट आउँनेछन्।
तिनीहरू तिमीहरूसित डराउँनेछन्।

¹⁸ तपाईं जस्तो परमेश्वर अरू छैनन्।
    तपाईंले पापीहरूलाई क्षमा गरिदिनुहुन्छ।
    तपाईंले आफ्नो बाँचेका मानिसहरूका पाप क्षमा गरिदिनुहुन्छ।
तपाईले आफ्ने रिसलाई राखिराख्नु हुन्न
    किनकि तपाईं सधैँ दया गर्न रूचाउनु हुन्छ।
¹⁹ हे परमप्रभु! हाम्रा पापहरू टाढा फ्याँकि दिनुहोस्,
फेरि हामीलाई सुख चैन दिनुहोस्,
    हाम्रा पापहरू तपाईंले टाढा गहीरो समुद्रमा फ्याँकि दिनुहुनेछ।
²⁰ तपाईं याकूबप्रति साँच्चो हुनुहुन्छ,
    अब्राहम प्रति दयालु हुनुहुन्छ।
तपाईंले यस्तो शपथ धेरै अगाडी,
    हाम्रो पिता-पुर्खाहरूसँग गर्नुभएको थियो।

² परमप्रभु ईर्ष्यँलु र बद्ला लिने परमेश्वर हुनुहुन्छ।
    परमप्रभुले दोषीहरूलाई दण्ड दिनुहुन्छ।
    परमप्रभु एकदमै क्रोधित हुनुहुन्छ।
परमप्रभुले उहाँका शत्रुहरूलाई दण्ड दिनुहुन्छ
    र उनीहरूसँग एकदमै क्रोधित हुनुहुन्छ।
³ परमप्रभु धैर्यशील हुनुहुन्छ,
    तर उहाँ अत्यन्तै शक्तिशाली पनि हुनुहुन्छ,
अनि उहाँले दोषीलाई दण्ड दिनुहुन्छ।
    उहाँले तिनीहरूलाई भाग्न दिनुहुँदैन।
उहाँले आफ्नो शक्ति देखाउनको निम्ति भुवँरी,
    र आँधिहरू ल्याउनु हुनेँछ।
मानिसहरू यो पृथ्वीमा माटोमाथि हिँड्छन्
    तर परमप्रभु बादलमाथि हिंड्नुहुन्छ।
⁴ परमुप्रभु समुद्रहरूसित कर्कश शब्दमा बोल्नु हुन्छ
    अनि त्यो समुद्र सुक्दछ।
सबै नदीहरू सुक्नेछन्।
    बाशनर कर्मेलको हरियाली सुख्खाले मार्नेछ।
    लबानेनको फूलहरू ओइलिनेछन्।
⁵ परमप्रभुको आगमन हुनेछ
    अनि पहाडहरू डरले काम्नेछन्,
    अनि पहाडहरू पग्लेर बग्नेछन्।
परप्रभुको आगमन हुनेछ
    र पृथ्वी डरले काम्नेछ।
यो संसार अनि यसमा रहने सबै
    डरले काम्नेछन्।
⁶ परमप्रभुको भयानक रिसको अघि कोही पनि उभिन सक्तैन।
    कसैले पनि परमप्रभुको भयानक रिस सहन सक्तैन।
उहाँको क्रोध आगो झैं हुन्छ।
    जब उहाँ आउनुहुन्छ तब चट्टानहरू पनि टुक्रा-टुक्रा हुन्छन्।
⁷ परमप्रभु असल हुनुहुन्छ!
    उहाँ कष्टको समयमा सुरक्षित स्थान हुनुहुन्छ।
    उहाँमाथि भरोसा गर्नेहरूको उहाँले हेरचाह गर्नु हुन्छ।
⁸ तर उहाँले आफ्नो शत्रुहरूलाई पुरै नष्ट पार्नु हुन्छ।
    उहाँले शत्रुहरूलाई बाढीको पानीले बगाए जस्तै बगाउनु हुन्छ।
    अँध्यारोको बिचमा पनि उहाँले आफ्नो शत्रुहरूलाई लखेट्नु हुन्छ।
⁹ के तिमीले परमप्रभुको बिरूद्धमा षड्यन्त्र रच्दैछौ?
परमप्रभुले तिमीलाई समाप्त पारिदिनु हुनेछ
    अनि अरू धेरै कष्ट पैदा गर्न सक्षम हुने छैनौ।
¹⁰ भाँडा भित्र अड्किएर जलिरहेको काँडाहरू जस्तै,
    तिमीहरू ध्वंश हुनेछौ।
सुकेको बल्ने घाँसहरू जस्तै
    तिमी झट्टै नष्ट हुनेछौ।

2 हे निनवे, तिम्रो बिरूद्धमा युद्ध गर्ने शत्रुहरू आउँदैछन्।
    यसकारण तिमीले आफ्नो शहर शक्तिशाली भूमिहरू सुरक्षित राख।
बाटोमा रक्षागर र युद्धका निम्ति तयार होऊ।
    लडाईंका निम्ति तत्पर होऊ।
² किभने परमप्रभुले इस्राएलको महिमा जस्तै
    याकूबको महिमा फर्काएर ल्याउँदै हुनुहुन्छ।
शत्रुले तिनीहरूलाई ध्वंश पारेकोछ
    अनि तिनीहरूको दाखबारि नष्ट पारेकोछ।

3 यो हत्याराहरूको शहरलाई
    एकदमै नराम्रो हुनेछ!
निनवे शहर एकदमै झूटले भरिएको छ।
यो अन्य देशहरूबाट ल्याएको
    सामानहरूले भरिएकोछ।
² तमीहरूले कोर्राको आवाज,
    पाङ्ग्राहरूको आवाज,
घोडाहरूका दौड
    अनि रथहरू दगुर्दै गरेको आवाजहरू सुन्दैछौ।
³ घोड-सवारले आक्रमण गरिरहेकाछन्
    र तिनीहरूका तरवारहरू चम्किरहेकाछन्,
    तिनीहरूको भालाहरू चम्किरहेकाछन्।
त्यहाँ लाशको थुप्रो छ,
    अनगन्ती लाशहरू छरिएका छन्,
    मानिसहरू ती लाशहरूमा ठेस लागेर लरबराएका छन्।
⁴ यी सबै निनवेको कारणले भएको हो।
    निनवे वेश्या जस्तै छे जो कहिल्यै पनि तृप्तिहुँदिन।
    त्यसलाई अझै धेरै-धेरै चाहिन्छ।
उसले अझै धेरै देशमा आफूलाई बेच्यो
    अनि त्यसले उसलाई आफ्नो दास बनाउँन टुना-मुना गर्यो।