Bible in 90 Days

¹⁶ राजा, तपाईंका पुत्रहरूले तपाईंपछि राज गर्नेछन्।
    तपाईंले तिनीहरूलाई पृथ्वीभरि शासकहरू बनाउनु हुनेछ।
¹⁷ तपाईंको नाउँ सदाका लागि प्रसिद्ध बनाउनेछु।
    मानिसहरूले तपाईंको सदा-सर्वदा प्रशंसा गर्नेछन्!

⁴ त्यहाँ एउटा नदी छ जसको धाराले
    सर्वोच्च परमेश्वरको पवित्र शहरमा आनन्द ल्याउँछ।
⁵ परमेश्वर त्यस शहरमा हुनुहुन्छ यसैले यो कहिल्यै नाश हुने छैन।
    घाम उदाउनु अघिनै परमेश्वर साथ दिन त्यहाँ हुनुहुन्छ।
⁶ जब परमप्रभु कराउनु हुनेछ अनि पृथ्वी टुक्रिने छ।
    प्रत्येक जाति डरले काम्ने छन् अनि ती साम्राज्यहरू धराशायी हुनेछन्।
⁷ सर्वशक्तिमान् परमप्रभु हामीसँग हुनुहुन्छ।
    याकूबका परमेश्वर हाम्रो शरणस्थान हुनुहुन्छ।

⁸ परमप्रभुले गर्नुभएको ती शक्तिशाली कामहरूलाई हेर।
    उहाँले पृथ्वीमा गर्नु भएको डरलाग्दा कार्यहरू हेर।
⁹ परमप्रभुले पृथ्वीमा कतैपनि युद्धहरू रोक्न सक्नु हुन्छ।
उहाँले सिपाहीहरूका धनु भाँच्न सक्नु हुन्छ,
    तिनीहरूका भालाहरू छरपस्ट पारेर तिनीहरूका ढालहरू जलाई दिनुहुन्छ।

¹⁰ परमेश्वर भन्नुहुन्छ, “लडाइँ रोक, म नै परमेश्वर हुँ भनेर जान!
    म जाति-जातिलाई परास्त गर्नु सक्छु,
    म संसारलाई अधीनमा राख्न सक्छु!”

¹¹ सर्वशक्तिमान् परमप्रभु हामीसँग हुनुहुन्छ।
    याकूबका परमेश्वर हाम्रो शरणस्थान हुनुहुन्छ।

⁵ नरसिंह र तुरहीको आवाजमा,
    जयजयकार साथ उहाँ आफ्नो सिंहासनतर्फ जानुहुन्छ।
⁶ परमेश्वरको स्तुति-गान गर।
    स्तुतिहरू गाऊ, हाम्रा राजाको निम्ति स्तुति-गाऊ।
⁷ परमेश्वर सारा पृथ्वीको राजा हुनुहुन्छ।
    प्रशंसाको^[b] गीतहरू गाऊ।
⁸ परमेश्वर आफ्नो पवित्र सिंहासनमा बस्नुहुन्छ
    र सबै जाति-जातिहरूमाथि राज गर्नुहुन्छ।
⁹ सबै जाति-जातिका शासकहरू एकार्कासित भेट गर्दछन्।
    अब्राहामका परमेश्वरको मानिसहरूसँग भेट गर्छन।
सबै जातिका सबै शासकहरू परमेश्वरकै हुन।
    परमेश्वर ती सबैका सर्वोच्च अधिकारी हुनुहुन्छ।

⁹ हे परमेश्वर, तपाईंको मन्दिरमा तपाईंको प्रेमपूर्ण अनुग्रहलाई हामी सतर्क भएर सोच्दछौं।
¹⁰ हे परमेश्वर, तपाईं प्रख्यात हुनुहुन्छ,
    मानिसहरूले तपाईंलाई पृथ्वीभरि प्रशंसा गर्दछन्।
    तपाईं कति धार्मिक हुनुहुन्छ भनेर सबैलाई थाहा छ।
¹¹ हे परमेश्वर! सियोन पर्वत खुशी हुन्छ।
    यहूदाका शहरहरू तपाईंको सही निर्णयले गर्दा रमाउँदछन्।
¹² सियोनको चारैतर्फ हिंड्।
    शहरमा हेर। त्यहाँका अग्ला महलहरू गन।
¹³ अग्ला पर्खालहरू हेर,
    सियोनका राजमलहरूको प्रशंसा गर।
    तब तिमीले आफ्ना भावी सन्तानहरूलाई यसको विषयमा भन्न सक्नेछौ।
¹⁴ यी परमेश्वर सदा-सर्वदाका लागि हाम्रा परमेश्वर हुनुहुन्छ।
    उहाँले हामीलाई सघैं पथ-प्रर्दशन गर्नु हुनेछ।

⁵ कष्ट आउँछ भनेर म किन डराउनु?
    यदि दुष्ट-मानिसहरूले वरिपरि घेरेर मलाई पासोमा पार्ने कोशिश गर्छन् भने पनि म डराउने आवश्यकता छैन।
⁶ कतिपय मानिसहरू सोच्छन् कि तिनीहरूको बल र धनले तिनीहरूलाई रक्षा गर्नेछ।
    तर ती मानिसहरू मूर्खहरू हुन्।
⁷ कुनै तिम्रो मानव मित्रले तिमीलाई बचाउन सक्तैन,
    अनि तिमीले परमेश्वरलाई घूस^[d] दिन सक्तैनौ।
⁸ कुनै मानिससँग त्यस्तो प्रशस्त धन हुनेछैन
    जसद्वारा उसले आफ्नो जीवन किन्न सकोस्।
⁹ कुनै मानिसँग त्यस्तो प्रशस्त धन हुनेछैन
    जसद्वारा उसले अनन्त बाँच्ने अधिकार किन्न सकोस्,
    अनि आफ्नो जीवन चिहानमा सड्न देखि बचाउन सकोस्।
¹⁰ हेर, ज्ञानी पुरूषहरू पनि त्यसरी नै मर्छन् जसरी मूर्खहरू र अट्टेरी^[e] मर्छन्।
    तिनीहरू मर्छन् र आफ्ना धन-सम्पत्तिहरू अरूहरूलाई छोडेर जान्छन्।
¹¹ चिहाननै तिनीहरूको निम्ति सदा-सर्वदा आफ्नो घर हुनेछ।
    तिनीहरू जत्तिनै जग्गा-जमीनका मालिक हुन् त्यसले कुनै फरक पर्दैन!
¹² मानिसहरू सम्पन्न हुन सक्लान, तर तिनीहरू यहाँ सधैँका लागि बाँच्न सक्तैनन्।
    तिनीहरू पशुहरू जस्तै मरेर जानेछन्।
¹³ ती मूर्खहरूसँग त्यही घटना हुनेछ
    जो आफ्ना सम्पत्तिसँग खुशी हुन्छन्।
¹⁴ ती मानिसहरू खाली भेंडा जस्तै हुन्।
    चिहान नै तिनीहरूको खोर हो।
मृत्यु तिनीहरूको गोठाला हुनेछन।
    त्यस पश्चात् त्यो बिहान धार्मिक मानिसहरू नै विजेता हुनेछन्।
    जति बेला ती धर्मी मानिसहरूका शरिरहरूत विस्तारै चिहानमा सड्दछ तिनीहरू आफ्ना सुन्दर-सुन्दर घरहरूदेखि टाढा हुन्छन।
¹⁵ तर परमेश्वरले मूल्य तिर्नु हुनेछ अनि मेरो जीवन बचाउनु हुनेछ,
    उहाँले मलाई पातालको शक्तिबाट बचाउनु हुनेछ जब उहाँले मलाई आफूसितै लैजानु हुने छ!

¹⁶ तिनीहरू धनी छन् भनेर मानिसहरूसित नडराऊ।
    तिनीहरूका सुन्दर घरहरू छन् भनी नडराऊ।
¹⁷ ती मानिसहरू मरेर गएपछि आफूसँग केही पनि लाँदैनन्।
    तिनीहरूले ती कुनै पनि सुन्दर चीजहरू लगेर जाने होइनन्।
¹⁸ एकजना धनी मानिसले आफ्नो जीवनमा कति राम्रो काम गरें भनेर आफूलाई नै बधाइ दिन सक्छ।
    अनि हो, अरू मानिसहरूले पनि उसले राम्रो काम गर्यो भनेर उसको प्रशंसा गर्न सक्छन्।
¹⁹ तर उसको मरणको समय आउनेछ अनि आफ्नो पिता-पुर्खाहरूकहाँ जान्छ,
    अनि उसले कहिल्यै पनि दिनको उज्यालो देख्ने छैन।
²⁰ मानिसहरू सम्पन्न हुन सक्लान अनि अझै बुझ्दैनन्
    तिनीहरू पशुहरू जस्तै मर्ने छन्।

⁶ परमेश्वर न्यायी हुनुहुन्छ
    र आकाशले उहाँको धार्मिकता प्रकट गर्नेछ।

⁷ परमेश्वर भन्नुहुन्छ, “हे मेरो भक्तजनहरू, ध्यान दिएर मेरो कुरा सुन!
    इस्राएल का मानिसहरू हो, म तिमीहरूलाई तिमीहरूकै विरूद्धमा साक्षी प्रकट गर्ने छु
    म परमेश्वर हुँ, तिमीहरूकै परमेश्वर।
⁸ मैले तिमीहरूले चढाएका बलिहरूका विषय मैले गुनासो गरिरहेको छैन।
    तिमी इस्राएल का मानिसहरूले सधैँ नै होमबलिहरू चढायौं।
    प्रत्येक दिन ती बलिहरू मलाई चढायौं।
⁹ म तिम्रो घरबाट साँढेहरू लिने छैन
    म तिमीहरूको गोठहरूबाट बाख्राहरू लिने छैन।
¹⁰ मलाई ती पशुहरूको आवश्यकता छैन।
मसँग पहिल्यैबाट जंङ्गलमा पशुहरू छन्।
    हजारौं पर्वतहरूमा त्यस्ता पशुहरू मेरो आफ्नै छन्।
¹¹ उच्च पर्वतहरूमा भएका सबै चरा-चुरूङ्गीहरू म जान्दछु।
    प्रत्येक जल-प्राणी र जति पहाडहरूमा छन् ती सबै मेरै हुन्।
¹²     म भोको छैन तर यदि म भोको हुँदो हुँ ता पनि म तिमीहरूलाई खाना माग्ने छैन।
    पहिल्यैबाटै यो संसार र यसका प्रत्येक चीजहरू मेरो आफ्नै हुन्।
¹³ म साँढेहरूको मासु र बाख्राहरूका दूध खान्नँ।”

¹⁴ यसैले अरूहरूसँग बाँडचुँड गरे पछिको धन्यवादको अर्पणहरू लिएर मसित हुनलाई आऊ।
    तिमीहरूले उच्चतम् परमेश्वरलाई वचनहरू दिएका छौ, यसैले ती वचनहरू पूरा गर।
¹⁵ परमप्रभु भन्नुहुन्छ, “तिमीहरूलाई दुःख परेको बेला मलाई पुकार म सहयोग गर्नेछु।
    अनि त्यसपछि तिमीहरूले मलाई सम्मान गर्न सक्छौ।”

¹⁶ परमेश्वरले दुष्ट मानिसहरूलाई भन्नुहुन्छ,
    “तिमीहरूले मेरो नियमहरूको बारेमा कुरा गर्छौ।
    तिमीहरूले मेरो करारको बारेमा कुरा गर्यौ।
¹⁷ यसकारण यसलाई किन उपेक्षा गर्छौ जब कि म तिमीहरूलाई सुधार्न खोज्छु?
    किन मैले भनेका कुराहरू अस्वीकार गर्दछौ?
¹⁸ तिमीहरूले चोरलाई भेट्छौ र त्यो सित मिल्न दौडन्छौ।
    तिमीहरू व्यभिचारीहरूसँग सुत्छौ।
¹⁹ तिमीहरूले अनुचित र झूटो कुराहरू गर्छौ।
²⁰ तिमीहरूले लगातार आफ्ना दाज्यू भाइहरूको विषयमा आलोचना गर्छौ,
    अनि दोष लगाईरहेका छौ।
²¹ यद्यपि तिमीहरूले त्यस्ता अनुचित कुराहरू गरे पनि म चुपचाप बसें,
    यसैले तिमीहरूले सोच्यौ कि म पनि तिमीहरू जस्तै हुँ।
हेर! धेरै बेर म चुपचाप बस्ने छैन!
    म स्पष्ट गर्न चाहन्छु र तिमीहरूकै सम्मुखमा दोष लाउनेछु।
²² तिमीहरूले परमेश्वरलाई भुलेर गयौ,
    यो मैले तिमीहरूलाई टुक्रा-टुक्रा पार्नु भन्दा अघि नै बुझ्ने चेष्टा गर।
यदि त्यस्तो भयो भने,
    कसैले पनि तिमीहरूलाई बचाउँन सक्ने छैन।
²³ यदि कसैले धन्यवाद अर्पण दिन्छ भने, उसले मलाई श्रद्धा देखाउँछ,
    तर त्यो जसले सही जीवन विताउन चाहन्छ म उसलाई मेरो मुक्तिको शक्ति देखाउने छु।”

¹⁸ हे परमेश्वर, सियोन प्रति कल्याणकारी बन्नु होस्।
    यरूशलेमको पर्खालहरू पुनःर्निर्माण गर्नुहोस्।
¹⁹ तब तपाईंले धार्मिकताको बलिदान,
    र होमबलिहरूको आनन्द लिन सक्नु हुन्छ।
    अनि मानिसहरूले फेरि साँढेहरू तपाईंको वेदीमा चढाउने छन्।

⁴ तिमी र तिम्रो झूटो बोल्ने जिब्रोले मानिसहरूलाई कष्ट दिन मन पराँउछन्।
⁵ यसैले परमेश्वरले तिमीहरूलाई सदा-सर्वदाको निम्ति नाश गर्नुहुनेछ।
    उहाँले तिमीहरूलाई पक्रनु हुनेछ अनि तिम्रो घरबाट^[g] धकेल्दै तान्नु हुनेछ,
    जसरी मानिसहरूले उद्भिद्लाई जमीनबाट जरैसँग तानेर निकाल्दछ।
⁶ धर्मात्माहरूले यो देख्नेछन् र परमेश्वरको डर मान्ने छन्।
    परमेश्वरको आदर गर्नेछन्।
तिनीहरू तिमीमाथि हाँस्ने छन् र भन्नेछन्।
⁷     “हेर, परमेश्वरमाथि जो भर पर्दैन त्यस मानिसको गति कस्तो हुन्छ।
    उसले सोच्यो कि सम्पत्ति र झूटो कुराहरूले उसलाई रक्षा गर्नेछ।”

⁸ तर म परमेश्वरको मन्दिरमा उम्रिने हरियो धुपीको रूख जस्तै हुँ।
    म सदा-सर्वदा परमेश्वरको स्नेहपूर्ण करूणामा भरोसा गर्नेछु।
⁹ हे परमेश्वर, जुन कामहरू तपाईंले गर्नुभयो म ती कुराहरूको सदासर्वदा स्तुति गर्नेछु।
    म भक्तजनहरूका समक्ष तपाईंको नाउँ लिनेछु किनभने यो अति राम्रो छ!

⁴ परमेश्वर भन्नुहुन्छ, “निःसन्देह ती दुष्ट मानिसहरूले सत्य जान्दछन्।
    तिनीहरूले मलाई प्रार्थना गर्दैनन्।
    दुष्ट मानिसहरू मेरो भक्तजनहरूलाई ध्वंश पार्न उनीहरूको खाना खान जतिकै तयार छन्।”

⁵ तर ती दुष्ट मानिसहरू भयग्रस्त हुनेछन्
    त्यस्तो पहिले किहल्यै भएका-थिएनन्! ती पापीहरू इस्राएल का शत्रुहरू हुन्।
परमेश्वरले त्यस्ता पापीहरूलाई रद्ध गर्नु भएको छ।
    यसैले परमेश्वरका मानिसहरूले तिनीहरूलाई परास्त पार्नेछन्,
अनि परमेश्वरले तिनीहरूको हाडहरू छिन्न-भिन्न पारिदिनु हुनेछ।

⁶ म इच्छा गर्छु परमेश्वरले सियोन पर्वतमाथि
    इस्राएल को निम्ति विजय ल्याउनु हुनेछ।
त्यही बेला परमेश्वरले आफ्ना भक्तजनहरूलाई निर्वासनबाट फर्काई ल्याउनु हुनेछ।
    याकूब प्रफुल्लित हुनेछ।
    इस्राएल आनन्दले ओतप्रोत हुनेछ।

⁴ हेर, मेरो परमेश्वरले मलाई बचाउँनु हुनेछ।
    मेरो स्वामीले मलाई साथ दिनुहुनेछ।
⁵ जो मेरो विरूद्धमा उभिन्छन् तिनीहरूलाई परमेश्वरले दण्ड दिनुहुनेछ।
    परमेश्वर मप्रति साँचो हुनुहुन्छ, अनि उहाँले ती मानिसहरूलाई नाश गर्नुहुनेछ।

⁶ परमेश्वर, मेरो निस्वार्थ मनले तपाईंलाई भेटीहरू चढाइरहेछु।
    हे परमप्रभु, म तपाईंको शुभनाउँको स्तुति गर्नेछु।
⁷ किनभने तपाईंले मलाई सारा कष्टहरू देखि बचाउँनु भयो।
    मैले आफ्ना शत्रुहरू परास्त भइरहेको देखें।

⁸ म भागेर बाँच्ने थिएँ।
    म दुःखको तूफानबाट भाग्ने थिएँ।
⁹ मेरो स्वामी, तिनीहरूका झूटो कुराहरू बन्द गर्नुहोस्।
    मैले यस शहरमा उपद्रो र झगडा़हरू देखें।
¹⁰ प्रत्येक रात-दिन, हरेक छिमेकीपनमा, यो शहर
    अपराध र बर्बरताले भरिपूर्ण भयो।
¹¹ त्यहाँका गल्लीहरूमा अधिक भन्दा अधिक अपराधहरू भए।
    मानिसहरूले चारैतिर झूटा बोलेर ठगिरहेका थिए।

¹² यदि यो शत्रु भएको भएता,
    म हेला गरेको पनि सहन सक्थें।
यदि यो मेरो शत्रु भएता
    म उनीहरूको आक्रमणदेखि लुक्न सक्थें।
¹³ तर तिमी नै एक हौ, मेरो साथी मेरो सहकर्मी।
    मेरो साथीहरूले नै मलाई कष्टहरू दिइरहेकाछन्।
¹⁴ हामी आपसमा आफ्ना गुप्त कुराहरूको सहभागी हुने गर्दथ्यौ,
    अनि हामी सँगै भीड-भाडमा छिर्दै-छिर्दै परमेश्वरको मन्दिरमा जाने गर्दथ्यौं।

¹⁵ मेरो शत्रुहरूलाई मृत्युले अचानक लैजाओस्!
    म कामना गर्दछु कि पृथ्वीको मुख खुलियोस् र तिनीहरूलाई जिउँदै निली दिओस्।
    किनभने तिनीहरूले परस्परमा त्यस्तो डरालाग्दो योजनाहरू बनाइरहेछन्।

¹⁶ म सहयोगको लागि परमेश्वरलाई पुकार्ने छु,
    अनि परमप्रभुले मलाई जवाफ दिनु हुनेछ।
¹⁷ म परमेश्वरसँग बिहान, दिउँसो र बेलुकी कुरा गर्दछु।
    मेरो अस्तव्यस्त उहाँलाई बताउँछु।
    अनि उहाँले मेरो कुरा सुन्नु हुन्छ!
¹⁸ मैले धेरै युद्धहरू लडी सकेको छु।
    तर परमेश्वरले मलाई सधैँ बचाउनु भएको छ साथै सकुशल फर्काउनु भएको छ।
¹⁹ परमेश्वरले मेरा कुरा सुन्नु हुनेछ।
    सदा-सर्वदा रहने राजाले मलाई साथ दिनुहुनेछ।

मेरा शत्रुहरूले आफ्नो जीवन शैली सुधार्ने छैनन्।
    तिनीहरू डराउँदैनन् र परमेश्वरलाई आदर गर्दैनन्।
²⁰ मेरा शत्रुहरूले आफ्नै मित्रहरूमाथि पनि आक्रमण गर्छन्।
    तिनीहरूले सबै सहमत भएको कामहरू गर्दैनन्।
²¹ मेरा शत्रुहरू वास्तवमा चिप्लो घस्नेहरू हुन्,
    तिनीहरू शान्तिका कुराहरू गर्छन्, वास्तवमा तिनीहरू युद्धको तयारी गरिरहेका हुन्छन्।
तिनीहरूका शब्दहरू तेल जस्त चिप्लो हुँदछ,
    तर तिनीहरूले छुरीले झैं काट्ने गर्छन्।

²² तिम्रो चिन्ताहरू परमप्रभुलाई देऊ
    अनि उहाँले तिम्रो हेरचाह गर्नुहुनेछ।
    परमप्रभुले कहिले पनि धर्मात्माहरूलाई परास्त हुन दिनुहुन्न।

²³ हे परमेश्वर तपाईंको करार अनुसार,
    ती झूटोहरू र हत्याराहरूलाई आधा जीवन नबित्दै चिहानमा पठाउनु हुनेछ,
मेरो पक्षको करार अनुसार म तपाईंमा भरोसा गर्नेछु।

⁹ यसैले, मेरो शत्रुहरूलाई प्ररास्त गरिदिनोस्।
    जब म तपाईंलाई सहयोगको निम्ति गुहार गर्छु,
    म जान्दछु तपाईं त्यसो गर्न सक्नुहुन्छ,
    कारण तपाईं परमप्रभु परमेश्वर हुनुहुन्छ!
¹⁰ म परमेश्वरको वचनलाई प्रशंसा गर्छु।
    म परमप्रभुको प्रशंसा गर्छु जसले उहाँको वचन म प्रति राख्नुभयो।
¹¹ म परमेश्वरमा भरोसा गर्छु,
    यसैकारण मानिसहरूले मलाई के गर्न सक्लान् भनी मैले डर मान्नु पर्दैन।

¹² हे परमेश्वर, मैले खास वचनहरू तपाईंको लागि दिएको छु।
अनि मैले जे वचन दिएको छु त्यो गर्ने नै छु।
    म मेरो धन्यवादको भेटीहरू तपाईंलाई अर्पण गर्ने छु।
¹³ किनभने तपाईंले मेरो प्राणलाई मृत्युबाट बचाउँनु भयो।
तपाईंले मलाई परास्त हुन देखि जोगाउनु भयो।
    यसैले म उज्यालोमा परमेश्वरलाई उपासना गर्नेछु,
    त्यो खाली जिउँदो मानिसहरूले मात्र देख्न सक्छन्।

⁴ मेरो प्राण विपदमा छ।
    मेरा शत्रुहरू चारैतिर छन्।
तिनीहरू तीखा भालाहरू र काँडाहरू जस्ता दाँत
    अनि तरवार जस्तो धारिलो जिब्रो लिएर
    मानिसहरूलाई सिंहहरू जस्तो गर्जनछन्।

⁵ परमेश्वर, तपाईं स्वर्गभन्दा पनि उच्च हुनुहुन्छ।
    तपाईंको महिमा पृथ्वी ढाकिएर फैलिन्छ।
⁶ मेरा शत्रुहरूले मलाई पासोमा पार्ने चेष्टा गरिरहेका थिए।
तिनीहरूले मलाई फन्दामा पार्न चेष्टा गरिरहेका छन्।

⁷ हे परमेश्वर, म तपाईंमा भरोसा राख्छु, जे हुन्छ त्यसको निम्ति म तयार छु।
    म गाउनेछु अनि तपाईंको प्रशंसाको निम्ति बाजा बजाउँछु।
⁸ हे मेरो प्राण जाग!
    वीणा र सितार घन्काएर संगीत प्रारम्भ गर!
    प्रभात फेरि लगाऊ।
⁹ हे मेरा स्वामी, म सबैको अघि तपाईंको प्रशंसा गर्छु।
    प्रत्येक जाति समक्ष तपाईंको विषयमा म स्तुति-गान गर्छु।
¹⁰ तपाईंको स्नेहपूर्ण करूणा,
    आकाश माथि-माथि भएको बादलहरूको उचाई भन्दा उच्च छ।
¹¹ हे परमेश्वर तपाईं स्वर्गभन्दा पनि सर्बोउच्च हुनुहोस्।
    उहाँको महिमाले सारा पृथ्वीलाई ढाक्नदेऊ।

⁶ हे परमप्रभु, ती मानिसहरू सिंहहरू जस्ता हुन्छन्
    यसैले परमप्रभुले, तिनीहरूका दाँतहरू भाँची दिनुहोस्।
⁷ तिनीहरू नालीका पानी जस्तै सुकेर बिलाउँदै जाऊन्।
    तिनीहरू बाटोमा कुल्चिने जंगली झारहरू झैं होऊन्।
⁸ तिनीहरू घस्रँदा-घस्रँदै विलाई जाने चिप्ले कीरा जस्तै होऊन्।
    तिनीहरूले जन्मनु अघि नै मरेको शिशु जस्तो कहिल्यै दिनको उज्यालो देख्न नपाऊन्।
⁹ तिनीहरू तातो भाँडामा जलेर चाँडै खरानी हुने, काँडाहरू
    जस्तै चाँडो भन्दा चाँडो विनाश होउन्।

¹⁰ जब दुष्ट मानिसले सजाय पाएको देख्छ
    तब धार्मिक मानिस खुशी हुन्छ।
ऊ सबै शत्रुहरूलाई परास्त गर्ने
    सिपाही जस्तो हुनेछ।
¹¹ तब मानिसहरूले भन्ने छन्, “निश्चयनै धार्मिक मानिसहरू पुरस्कृत हुनेछन,
    परमेश्वरले निश्चयनै संसारमा न्याय गर्नुभयो।”

⁶ ती पापीहरू कुकुर जस्ता
    साँझै पिच्छे भुकदै शहरभित्र आउँदछन्,
    अनि ङ्वार-ङ्वार र ङुर-ङुर गर्दै शहरभित्र घुम्छन्।
⁷ तिनीहरूका निन्दा र धम्की सुन्नु होस्।
    तिनीहरूले निष्ठुरी कुराहरू गर्दछन्,
    तिनीहरूको कुरा कसले सुन्छ त्यो पर्वाह गर्दैनन्।

⁸ हे परमप्रभु, तिनीहरूलाई उपहास गर्नुहोस्।
    ती सबैलाई एक तमाशा बनाई दिनुहोस्।
⁹ म तपाईंको स्तुति-गान गर्नेछु।
    हे परमेश्वर, तपाईं नै मेरो उच्च पर्वतहरूमा पनि आश्रय हुनुहुन्छ।
¹⁰ परमेश्वरले मलाई प्रेम गर्नुहुन्छ, अनि उहाँले मलाई जित्न साथ दिनुहुन्छ।
    उहाँले मेरो शत्रुहरू परास्त गर्नलाई सघाउनु हुन्छ।
¹¹ हे परमेश्वर, तिनीहरूलाई नमार्नुहोस् नत्र मानिसहरूले भूल्न सक्छन्।
    मेरो स्वामी, मेरो रक्षक तपाईंको सामर्थ्यले तिनीहरूलाई परास्त पार्नु होस् अनि तितर-बितर पार्नु होस्।
¹² ती दुष्टहरू सराप्छन् र झूटो बोल्छन्।
    तिनीहरूले भनेको कुरामा दण्ड दिनुहोस्,
    तिनीहरूलाई आफ्नै फुटानीले पाशोमा फँसाओस्।
¹³ तपाईंको क्रोधले तिनीहरूलाई खरानीमा परिणत गरिदिनु होस्।
    तिनीहरूलाई पुरै नष्ट गर्नुहोस्।
तब संसार भरिका मानिसहरूले बुझ्ने छन्
    परमेश्वरले इस्राएल मा राज्य गर्नुहुन्छ!

¹⁴ ती धूर्त पुरूषहरू कुकुरहरू जस्तै छन्,
    ङ्वार्र-ङ्वार्र र ङुर-ङुर गर्ने कुकुरहरू जस्तै भुक्दै शहरभित्र पस्नेछन्।
¹⁵ तिनीहरूले खाने-कुरा खोज्छन्
    तर तिनीहरूले न त खानेकुरा न त सुत्ने ठाउँ नै पाउँछन्।
¹⁶ तर बिहान पख म तपाईंको स्तुति-गान गाउँनेछु
    म तपाईंको प्रेममा आनन्दित हुनेछु।
किनभने अग्लो पर्वतहरू झैं तपाईं मेरो शरणस्थान हुनुहुन्छ।
    अनि जब ममाथि सङ्कट आई पर्छ म तपाईंकहाँ दौडेर आउँदछु।
¹⁷ म मेरो गीत तपाईंको प्रशंसाको लागि गाउनेछु।
    किनभने तपाईं मेरो सुरक्षाको अग्लो पर्वत हुनुहुन्छ।
    तपाईं परमेश्वर हुनुहुन्छ जसले मलाई प्रेम गर्नुहुन्छ।

⁵ तपाईंको महान् शक्ति चलाएर हामीलाई बचाउनु होस्।
    मेरो प्रार्थनाको जवाफ दिनुहोस् अनि तपाईंले माया गर्ने मानिसहलाई बचाउँनु होस्!

⁶ परमेश्वर आफ्नो मन्दिरमा बोल्नु भयो,
    “यसकारण म धेरै नै खुशी छु।
म यो भूमि आफ्ना मानिसहरू माझ बाँड्दछु।
    म तिनीहरूलाई शेकेम दिनेछु,
    म तिमीहरूलाई सुक्कोत उपत्यका दिनेछु।
⁷ गिलाद र मनश्शे मेरो हुनेछ,
    एप्रैम मेरो शिरस्त्राण^[k] हुनेछ
    यहूदा मेरो राजदण्ड^[l] हुनेछ।
⁸ मोआब मेरो खुट्टा धुने बाटा हुनेछ।
    एदोम मेरो जुत्ताहरू बोक्ने दास हुनेछ
    म पलिस्तीका मानिसहरूलाई परास्त गर्ने छु अनि विजयको स्वर कराउनेछु।”

^9-10 तर परमेश्वर, तपाईंले हामीलाई त्याग्नु भयो!
    तपाईं हाम्रो सेनासँग जानु भएन।
यसैले यस्तो बलियो र सुरक्षित शहरमा कसले मेरो अगुवाई गर्ला?
    कसले मलाई एदोमसँग लडाइँ गर्नलाई बाटो देखाउला?
¹¹ हे परमेश्वर, हाम्रा शत्रुलाई हराउन हामीलाई सहयोग गर्नुहोस्।
    पृथ्वीका मानिसहरूले हामीहरूलाई सहयोग गर्न सक्तैनन्।
¹² परमेश्वरले मात्र हामीलाई बलियो बनाउन सक्नु हुन्छ।
    अनि परमेश्वरले मात्र हाम्रो शत्रुहरूलाई हराउन सक्नु हुन्छ।

⁵ हे परमेश्वर, मैले के दिन्छु भनेर वाचा गरेको थिएँ त्यो तपाईंले सुन्नु भएकोछ,
    तर प्रत्येक कुरा तपाईंका भक्तजनहरूले पाउने तपाईंबाट नै आउँदछन्।
⁶ राजालाई दीर्घायु दिनुहोस्।
    ऊ अनन्त सम्म बाँचोस्।
⁷ उनी परमेश्वर सँगै सदा-सर्वदा रहुन्।
    तपाईंको स्नेहपूर्ण करूणाले उहाँलाई बचाउँनु होस्।
⁸ अनि म तपाईंको नाउँको गुणगान सधैँभरी गर्नेछु।
    प्रत्येक दिन, मैले वाचा गरेका कुराहरू मात्र गर्ने छु।

³ कहिले सम्म तिमीले मलाई आक्रमण गर्नेछौ?
म ढल्की सकेको भित्ता जस्तो छु,
    ढल्न तयार भएको बार हुँ।
⁴ मेरो प्रतिष्ठित ओहोदा हुँदा हुँदै पनि,
    ती मानिसहरू मलाई नष्ट पार्ने योजनाहरू बनाउँछन्।
मेरो विषयमा झूटो कुराहरू गर्दा उनीहरू खुशी हुँदछन्।
    जनसमूहमा, तिनीहरूले मेरो विषयमा राम्रो कुराहरू गर्दछन्
    तर गुप्त रूपमा भने मलाई सराप्दछन्।

⁵ मेरो प्राणले धैर्यतापूर्वक मेरो सुरक्षाको निम्ति परमेश्वरलाई पर्खन्छ।
    परमेश्वर मात्र मेरो आशा हुनुहुन्छ।
⁶ परमेश्वर मेरो किल्ला हुनुहुन्छ, उहाँले मात्र मेरो उद्धार गर्न सक्नुहुन्छ।
    परमेश्वर मेरो सुरक्षाको ठाउँ हुनुहुन्छ।
⁷ मेरो गौरव र विजय परमेश्वरबाट आउँछ।
    उहाँ मेरो बलियो किल्ला र मेरो शरणस्थान हुनुहुन्छ।
⁸ हे मानिसहरू! परमेश्वरमाथि सधैँ भरोसा राख।
    तिमीहरूको सम्पूर्ण सङ्कटहरू परमेश्वरलाई बताऊ।
    परमेश्वर हाम्रा शरणस्थान हुनुहुन्छ।

⁹ मानिसहरूले वास्तवमा सहयोग गर्न सक्तैनन्।
    तिमीले आफ्नो बचाऊको निम्ति मानिसहरूमाथि भरोसा राख्न सक्तैनौ।
परमेश्वरको तुलनामा तिनीहरू केही पनि होइनन्
    फगत तिनीहरू पानीको वाफ हुन्।
¹⁰ सामानहरूलाई खोस्नलाई आफ्नो शक्तिमाथि भरोसा नगर।
    चोरेर तिमीहरूले फाइदा पाउनेछै भनेर नसोच।
अनि जब तिमी धनाढ्‌य हुनेछौ,
    सहयोगको लागि धनीहरूमाथि आशा नगर।
¹¹ परमेश्वर भन्नुहुन्छ, “एउटै चीज छ जसमाथि तिमीहरू निश्चय आधार लिन सक्छौ,
    अनि म विश्वास गर्छु, ‘शाक्ति परमेश्वरबाट आउँदछ!’”

¹² हे मेरो स्वामी, तपाईंको प्रेम साँच्चो छ।
    परमप्रभु, हरेक मानिसको काम अनुसार तपाईं उसलाई प्रतिफल अथवा दण्ड दिनुहुन्छ।

⁹ कतिपय मानिसहरूले मलाई मार्ने कोशिश गरिहेछन्,
तर तिनीहरू नाश हुने नै छन्।
    तिनीहरू आफ्ना चिहानहरूमा जानेछन्।
¹⁰ तिनीहरू तरवारले मारिनेन्छन्।
    जङ्गली कुकुरहरूले तिनीहरूका मृत शरीरहरू खानेछन्।
¹¹ तर राजा आफ्ना परमेश्वरसँग खुशी हुनेछन्,
अनि वचन दिएका ती मानिसहरू पनि परमेश्वरकै आज्ञामा गुण-गान गर्नेछन्।
    किनभने उहाँले ती सम्पूर्ण झूटाहरूलाई परास्त पार्नुभयो।

⁵ परमेश्वरले गर्नु भएको कामहरू हेर!
    ती कुराहरूले हामीलाई छक्क पार्छ।
⁶ परमेश्वरले सुक्खा धर्तीमा समुद्र बनाउनु भयो।
    उहाँका सुखी भक्तजनहरूले हिंडेर नदी पार गरे।
    प्रत्येकले तपाईंको नाउँको स्तुति-गान गरून्।
⁷ परमेश्वरले आफ्ना महान् शक्तिद्वारा संसार चलाउनु हुन्छ,
    उहाँले मानिसहरूलाई चारैतिर विचार्नु हुन्छ।
    कोही पनि उहाँको विरूद्धमा जान सक्तैनन्।

⁸ हे जातिहरू हो! हाम्रा परमेश्वरको गुण-गान गर।
    ठूलो स्वरले उहाँको गुण-गान गर।
⁹ मानिसहरूलाई जीवन दिनु भयो।
    अनि हाम्रो रक्षा उहाले गर्नुभयो।
¹⁰ मानिसहरूले चाँदीलाई आगोले खारे जस्तै, परमेश्वरले हाम्रो मन जाँन्नुभयो।
¹¹ हे परमेश्वर, तपाईंले हामीलाई पासोमा पार्नु भयो।
    तपाईंले हामीलाई गह्रौं भारी बोकाउनु भयो।
¹² तपाईंले आगो र पानी माथिबाट
    टाउको समातेर हामीलाई तान्नु भयो,^[m]
    त्यसैले तपाईंले हामीहरूलाई आश्चर्यचकित पार्नु भएकोछ।
^13-14 यसैकारण, म तपाईंको मन्दिरमा होमबलि अर्पण गर्नेछु।
जब-जब म सङ्कटमा परें तब तपाईंको सहयोग मागें।
    मैले तपाईंसँग प्रतिज्ञाहरू गरेको थिएँ।
अब, म तपाईंलाई ती चीजहरू दिइरहेछु जुन मैले प्रतिज्ञा गरेथें।
¹⁵     म तपाईंलाई पापमय बलिहरू अर्पण गर्नेछु,

म तपाईंलाई भेंडाहरू सहित धूपहरू चढाउँने छु,
    म साँढेहरू र बाख्राहरू चढाउने छु।

¹⁶ तिमीहरू सबैले परमेश्वरको उपासना गरिरहने छौ।
    आऊ, अनि म तिमीहरूलाई भन्ने छु परमेश्वरले मेरो निम्ति के गर्नुभयो।
^17-18 मैले उहाँलाई प्रार्थना गरें,
    र मेरो जिब्रोबाट उहाँको गुणगान गरें।
मेरो हृदय शुद्ध थियो,
    यसैले मेरो स्वामीले मलाई सुन्नुभयो।
¹⁹ परमेश्वरले मलाई सुन्नुभयो।
    परमेश्वरले मेरो प्रार्थना सुन्नुभयो।
²⁰ परमेश्वरको प्रशंसा गर!
    परमेश्वर मबाट विमुख हुनु भएन, उहाँले मेरो प्रर्थाना सुन्नुभयो।
    उहाँले आफ्नो प्रेम मलाई दर्शाउनु भयो।

² म भरोसा गर्दछु कि पृथ्वीमा भएका प्रत्येक मानिसले परमेश्वरको विषयमा जान्ने छन्।
    प्रत्येक जातिले देखुन् कि तपाईंले मानिसहरूलाई कसरी बचाउँनु हुन्छ।
³ हे परमप्रभु! मानिसहरूले तपाईंको गुण-गान गर्न सकुन्।
    प्रत्येक मानिसले तपाईंको प्रशंसा गर्न सकुन्।
⁴ प्रत्येक जातिमाथि प्रफुल्लित र आनन्द हुन सकुन्।
    किनभने तपाईंले मानिसहरूलाई निष्पक्षपूर्वक न्याय गर्नुहुन्छ।
    अनि तपाईंले प्रत्येक जातिमाथि शासन गर्नुहुन्छ।
⁵ मानिसहरूले तपाईंको गुण-गान गर्न सकुन्।
    हे परमेश्वर! प्रत्येक मानिसले तपाईंको गुण गाउन सकून्।
⁶ हे परमेश्वर, हाम्रो प्रिय परमेश्वर, हामीलाई आशीर्वाद दिनुहोस्।
    हाम्रो खेतले विस्तृत फसल दिओस्।
⁷ हामीलाई परमेश्वरले आशीर्वाद दिऊन्।
    अनि पृथ्वीमा भएका सारा मानिसहरूले परमेश्वरको डर मानुन् आदर गरून्।

⁷ हे परमेश्वर, तपाईंले आफ्नो भक्तजनहरूलाई मिश्रबाट बाहिर डोर्याउनु भयो।
    तपाईं मरुभूमि भएर कदम बढाउनु भयो र पृथ्वी पनि हल्लियो।
⁸ हे परमप्रभु इस्राएल का परमेश्वर, जब सीनैपर्वतमा आउनु भयो,
    तब पृथ्वी काम्यो अनि आकाश पग्लियो।
⁹ हे परमेश्वर, तपाईंले बर्षा पठाउनु भयो,
    क्लान्त, वृद्ध धर्तीलाई फेरि बलियो भूमि बनाउन।
¹⁰ तपाईंका पशुहरू फर्केर त्यही भूमिमा आए।
    हे परमेश्वर, तपाईंले गरीब दुःखीहरूलाई धेरै राम्रा चीजहरू दिनुभयो।
¹¹ परमेश्वरले आज्ञा दिनुभयो
    अनि धेरै मानिसहरू सुसमाचार सुनाउन गए।
¹² “शक्तिशाली राजाहरूका सिपाहीहरू भागेर गए।
    नारीहरूले लुटका सामान घर-घरमा भाग गरेर राखेकी छन्,
    जुन सिपाहीहरूले युद्धबाट ल्याएका थिए।
    ती मानिसहरू जो घरमा बसेका छन् तिनीहरूले सम्पत्ति बाँड्ने छन्।
¹³ तिनीहरूले चाँदीले छोपीएका ढुकुरका पखेंटाहरू पाउने छन्।
    तिनीहरूले सुनका चमकले टल्किरहेका पखेंटाहरू पाउने छन्।”

¹⁴ जालमन पर्वतमा परमेश्वरले शत्रु राजाहरू तितर-बितर पार्नु भयो।
    ती झरिरहेका हिमपात जस्तै थिए।
¹⁵ परमेश्वरको पर्वत बाशान पर्वत हो।
    बाशान पर्वत धेरै चुचुराहरू भएको विशाल पर्वत हो।
¹⁶ हे बाशान पर्वत! तिमी किन सियोन पर्वतलाई हेला गर्छौ?
    परमेश्वरले सीनै पर्वतलाई प्रेम गर्नुहुन्छ।
    उहाँले त्यही जग्गालाई वास-स्थान बनाउनु भयो।
¹⁷ परमप्रभु पवित्र सीनै पर्वतमा आउनु भयो।
    उहाँको पछि लाखौंलाख रथहरू छन्।
¹⁸ उहाँ उच्च पर्वत माथि-माथि जानु भयो।
    ती मानिसहरूसित जो उहाँका विरूद्ध भए
कैदीहरूको लहरलाई पथ-निर्देश गर्दै
    पुरूषहरूबाट उपहार लिनलाई,
    परमप्रभु परमेश्वर त्यहाँ रहनलाई जानु भयो।
¹⁹ परमप्रभुको प्रशंसा गर!
    प्रत्येक दिन उहाँले हाम्रो बोझ उठाउनु हुन्छ।
    जुन हामी आफैंले उठाउनु पर्ने हो परमेश्वरले हामीलाई मृत्युबाट बचाउनुहुन्छ।

²⁰ उहाँ हाम्रा परमेश्वर हुनुहुन्छ।
उहाँ नै परमेश्वर हुनुहुन्छ जसले हामीलाई उद्धार गर्नुहुन्छ।
    परमप्रभु हाम्रा परमेश्वरले हामीलाई बचाउनु हुन्छ।
²¹ परमेश्वरले आफ्ना शत्रुहरूलाई परास्त गरेको देखाउनु हुनेछ।
    परमेश्वरले उहाँको विरूद्ध लड्नेहरूलाई दण्ड दिनुहुनेछ।
²² मेरो स्वामीले भन्नुभयो, “म बाशानबाट शत्रु फर्काई ल्याउने छु,
    म पश्चिमबाट शत्रु ल्याउनेछु।
²³ यसकारण तिमीहरू उनीहरूको रगतमा हिंड्न सक,
    यसकारण तिमीहरूका कुकुरहरूले तिनीहरूको रगत ल्याप्-ल्याप् चाट्ने छन्।”
²⁴ हेर, परमेश्वरले विजयी लहरलाई डोर्याई रहनुभएको!
    हेर मेरो पवित्र परमेश्वर, मेरो राजा, विजयी लहरलाई डोर्याइरहनु भएको!
²⁵ आगाडि गायकहरू हिँडिरहेका छन्, तिनीहरूको पछि-पछि संगीतकारहरू हिँड्दैछन्।
    तिनीहरूलाई खैंजडी बजाउँदै गरेका कुमारीहरूले घेरेका छन्।
²⁶ समुदायहरूमा परमेश्वरको प्रशंसा गर!
    हे इस्राएल का मानिसहरू, परमप्रभुको प्रशंसा गर!
²⁷ त्यहाँ सानो बिन्यामीन छ, तिनीहरूलाई डोर्याईरहेका।
    अनि त्यहाँ यहूदाका महान् परिवार पनि छन्।
    अनि त्यहाँ जबूलून र नप्ताली अगुवाहरू पनि छन्।

²⁸ हे परमेश्वर, हामीलाई तपाईंको शक्ति देखाउनु होस्!
    हाम्रो निम्ति बितेका दिनहरूमा प्रयोग गर्नु भएको शक्ति देखाउनु होस्।
²⁹ राजाहरूले आफ्नो सम्पत्ति
    तपाईंको महल यरूशलेममा ल्याउने छन्।
³⁰ मिश्रमा भएका ती “मानिसहरूलाई” तिम्रो लठ्ठीले सधाऊ।
    तीनीहरू मानिसहरूको चरणमा भएका “पशुहरू” जस्ता छन्।
    “बाछाहरूको” माझमा “साँढेहरू” जस्ता छन्।
तिनीहरूलाई तिमीले अनुशरण गर्ने बनाऊ।
    तिनीहरूले आज्ञा मान्छन्।
तिमीले ती जातिहरूलाई युद्धमा हरायौ।
    अब तिनीहरूलाई चाँदीका टुक्रा ल्याउन लगाऊ।
³¹ मिश्रबाट तिनीहरूलाई सम्पत्ति ल्याउन लगाऊ,
    एथिओपियाहरूलाई तिमीकहाँ धन ल्याउन लगाऊ।
³² हे पृथ्वीका राजाहरू हो! परमेश्वरको गुण गाऊ।
    हाम्रो स्वामीको स्तुति-गान गर!

³³ परमेश्वरकोलागि गीत गाऊ!
उहाँ रथद्वारा सनातन आकाश भएर आउनु भईरहेछ।
    उहाँको शक्तिशाली आवाज सुन!
³⁴ परमेश्वरको प्रशंसा गाऊ,
    किनभने उहाँ इस्राएल माथि महिमित राजा हुनुहुन्छ
    अनि उहाँको शक्ति आकाशमा छ।
³⁵ हे परमेश्वर आफ्ना मन्दिरमा तपाईं डरलाग्दो हुनुहुन्छ।
इस्राएलका परमेश्वरले आफ्ना मानिसहरूलाई बल र शक्ति दिनुभयो,
परमेश्वरको प्रशंसा गर।