Bible in 90 Days

¹ हे परमेश्वर, म तपाईंको प्रशंसा गर्छु!
    मेरो प्रार्थनाहरूको लागि कान नथुन्नु होला!
² दुष्ट मानिसहरूले मेरो बारेमा झूटा कुराहरू भनिरहेका छन्।
    तिनीहरूले भनेका कुराहरू सत्य होइनन्।
³ मानिसहरूले मेरो बारेमा उपेक्षामूलक कुराहरू गर्दछन्।
    मानिसहरूले विनाकारण ममाथि आक्रमण गर्दछन्।
⁴ मैले तिनीहरूलाई प्रेम गरें तर तिनीहरूले मलाई घृणा गरें।
    यसैले अब म तपाईंलाई प्रार्थना गरिरहेछु।
⁵ मैले ती मानिसहरूको लागि राम्रो कामहरू गरें।
    तर तिनीहरूले मप्रति अनुचित कामहरू गरें।
म तिनीहरूलाई प्रेम गर्छु
    तर तिनीहरूले मलाई घृणा गर्छन्।

¹ परमप्रभुले मेरो प्रभुलाई भन्नुभयो,
    “जति बेला सम्म म तिम्रा शत्रुहरूलाई तिम्रो अधीनमा पार्दिन,
    त्यस बेलासम्म मेरो दाहिनेपट्टि बस्।”

¹ शुद्ध जीवन जिउने मानिसहरू खुशी हुन्छन्।
    ती मानिसहरूले परमप्रभुको उपदेशहरू पछ्याउँदछ।
² परमप्रभुको करार जसले पालन गर्छ ती मानिसहरू सुखी हुन्छन्।
    तिनीहरूले परमप्रभुलाई आफ्ना सम्पूर्ण हृदयबाटै खोज्दछन्।
³ ती मानिसहरूले अनुचित कामहरू गर्दैनन्,
    तिनीहरूले परमप्रभुको आज्ञा पालन गर्दछन्।
⁴ परमप्रभु, तपाईंले आफ्ना आज्ञाहरू हामीलाई दिनु भयो
    अनि ती आज्ञाहरू पूर्ण हृदयले पालन गर्नु भनेर बताउनु भयो।
⁵ परमप्रभु, यदि सधैँ तपाईंको
    विधिहरू पालन गरें भने,
⁶ तब म कहिल्यै पनि लज्जित हुने छैन
    जब म तपाईंको आज्ञाहरू पालन गर्छु।
⁷ जस्तो म तपाईंको न्याय र सद्गुणको अध्ययन गर्छु
    म साँच्चो रूपमा तपाईंको सम्मान गर्नेछु।
⁸ परमप्रभु, म तपाईंका आज्ञाहरू पालन गर्नेछु,
    कृपया मलाई नत्याग्नु होस्!

⁹ तपाईंको विधिहरू अपनाएर
    कसरी एउटा युवा मानिस साँच्चो जीवन जिउन सक्छ?
¹⁰ म सम्पूर्ण हृदयबाट परमेश्वरको सेवा गर्ने कोशिश गर्दछु।
    परमेश्वर, तपाईंका आदेशहरू पालन गर्नलाई मलाई साथ दिनुहोस्।
¹¹ मैले तपाईंको उपदेशहरू होशियारी साथ कण्ठस्थ गरें।
    किनभने तपाईंको विरूद्धमा म पाप नगरूँ।
¹² हे परमप्रभु, तपाईंको प्रशंसा होस्।
    मलाई तपाईंको विधिहरू सिकाउनु होस्।
¹³ म तपाईंको ज्ञानपूर्ण विधिहरूको बारेमा बताउने छु।
¹⁴ म अरू केही भन्दा तपाईंको करार नै अध्ययन गर्दा
    आनन्द पाउँछु।
¹⁵ म तपाईंको विधि विषयमा चर्चा गर्नेछु।
    म तपाईंको जिउने पथको अनुशरण गर्नेछु।
¹⁶ म तपाईंको नियमहरूमा रमाउने छु
    म तपाईंका वचनहरू भुल्ने छैन।

¹⁷ मेरो निम्ति राम्रो गर्नुहोस्, ताकि म बाँच्न सकौं
    अनि तपाईंको आज्ञा पालन गर्नसकौं।
¹⁸ हे परमप्रभु, मेरो आँखाहरू उघारी दिनुहोस्,
ताकि तपाईंका शिक्षाहरू हेर्न सकुँ
    अनि तपाईंका चमत्कारी कार्यहरू अध्ययन गर्न सकुँ।
¹⁹ म यस पृथीवीमा भौतारी हिँड्ने परदेशी जस्तै हुँ।
    मैले तपाईँका आज्ञाहरू जान्नु परेको छ।
    परमप्रभु, तपाईंका उपदेशहरू मबाट नलुकाउनुहोस्।
²⁰ म सारा समय तपाईंको विधिहरू
    अध्ययन गर्न चाहन्छु।
²¹ हे परमप्रभु! तपाईंले अहंकारी मानिसहरूलाई निन्दा गर्नुभयो।
    अनुचित घटनाहरू तिनीहरूतर्फ घट्नेछन्,
    किनकि तिनीहरूले तपाईंका आज्ञाहरू पालन गर्न अस्वीकार गरे।
²² मलाई लज्जित र व्याकुल हुन नदिनुहोस्।
    मैले तपाईंको करार पालन गरेको छु।
²³ अगुवाहरूले पनि मेरो बिरोधमा कुरा गरे।
    तर म तपाईंको दास हुँ, हे परमप्रभु!
    अनि मैले तपाईंको नियमहरू पढेकोछु।
²⁴ तपाईंको करार मेरो सल्लाहाकार हो।
    यसले मलाई हितकारी परामर्श दिंदछ।

²⁵ म चाँडै मर्नेछु, हे परमप्रभु!
    तपाईंको प्रतिज्ञा बमोजिम मलाई बाँच्न दिनु होस्।
²⁶ मैले आफ्नो जीवनको बारेमा तपाईंलाई बताएँ।
अनि तपाईंले त्यसको प्रत्युत्तर दिनुभयो।
    अब, तपाईंका नियमहरू सिकाउनु होस्।
²⁷ हे परमप्रभु, तपाईंका नियमहरू बुझ्न मलाई साथ दिनुहोस्।
    तपाईंले सृजना गर्नु भएका आश्चर्यजनक कुराहरूको विषयमा मलाई अध्ययन गर्न दिनुहोस्।
²⁸ म दुःखीत र थकित छु।
    आज्ञा दिनुहोस् अनि मलाई फेरि बलियो बनाई दिनुहोस्।
²⁹ हे परमप्रभु! मलाई कठिन जीवन बाँच्न नदिनुहोस्।
    तपाईंको शिक्षाहरूले मलाई बाटो देखाउनु होस्।
³⁰ हे परमप्रभु! म तपाईं प्रति उदार भई बसौं भनेर रोजेको छु।
    मैले सचेतपूर्ण तपाईंका निर्णयहरू मनन गरेको छु।
³¹ म तपाईंको करार-वचनमा अडिग भएर बस्नेछु।
    मलाई असन्तुष्ट नबनाउनु होस्।
³² म खुशीले तपाईंको आज्ञाहरू पालन गर्नेछु।
    परमप्रभु, तपाईंका आज्ञाहरूले मलाई आनन्द दिन्छ।

³³ हे परमप्रभु, मलाई तपाईंका नियमहरू सिकाउनु होस्,
    अनि म होशियारीसित तिनीहरूको अनुशरण गर्नेछु।
³⁴ मलाई बुझ्न सहायता गर्नु होस्
    अनि म तपाईंको व्यवस्था पालन गर्ने छु।
³⁵ हे परमप्रभु, तपाईंको आज्ञाहरूसँग मलाई बाटो देखाउनु होस्।
    म साँच्चो रूपले त्यो जीवन शैली अपनाउने छु।
³⁶ मलाई धनाढ्य हुनुको सट्टामा
    तपाईंको करारको बारेमा सोच्नलाई साथ दिनुहोस्।
³⁷ परमप्रभु, बेकामे मूर्तिहरूमा मेरो ध्यान पर्न नदिनु होस्।
    तपाईंको तरिकामा मलाई बाँच्न दिनुहोस्।
³⁸ त्यही गर्नुहोस् जुन तपाईंले आफ्नो दासलाई वचन दिनु भएको थियो
    ताकि मानिसहरूले तपाईंको श्रद्धा गरून्।
³⁹ हे परमप्रभु, जुन हप्कीदेखि म डराउँछु
    त्यो मबाट हटाइदिनुहोस् तपाईंको बुद्धिमानी निर्णयहरू उत्तम छन्।
⁴⁰ हेर्नुहोस्, म तपाईंको आज्ञाहरू मन पराउँछु।
    तपाईंको धार्मिकतामा मलाई बाँच्न दिनुहोस्।

⁴¹ हे परमप्रभु, मलाई तपाईंका स्नेहपूर्ण करूणा तपाईंले देखाउनु होस्,
    अनि तपाईंले प्रतिज्ञा दिए झैं, मलाई बचाउनु होस्।
⁴² जसले मलाई निन्दा गर्छ, तिनीहरूको निम्ति म जवाफ दिनेछु।
    म साँच्चि नै तपाईंको वचनहरूमा भरोसा गर्छु।
⁴³ हे परमप्रभु! म सधैँ तपाईंको साँच्चो उपदेशहरू बोल्न पाऊँ।
    म तपाईंको बुद्धिमानी निर्णयहरूमा आश्रित छु।
⁴⁴ हे परमप्रभु, म तपाईंको उपदेशहरू सदा-सर्वदा अनुशरण गर्नेछु।
⁴⁵ यसकारण म स्वतन्त्र हुने छु।
    किनभने मैले तपाईंको नियमहरू पालन गर्ने कष्ट गरें।
⁴⁶ म तपाईंको करारको विषयमा राजाहरूसँग चर्चा गर्नेछु,
    अनि तिनीहरूले मलाई लज्जित पार्ने छैनन्।
⁴⁷ म तपाईंको आज्ञाहरू मनन गर्दा आनन्दित हुन्छु।
    परमप्रभु म ती आज्ञाहरू मन पराउँछु।
⁴⁸ हे परमप्रभु, म तपाईंको आज्ञाहरूलाई प्रशंसा गर्छु।
    म तिनीहरूलाई मन पराउँछु अनि म तिनीहरूलाई अध्ययन गर्छु।

⁴⁹ हे परमप्रभु, मप्रति गर्नु भएको प्रतिज्ञा याद गर्नुहोस्।
    त्यो प्रतिज्ञाले मलाई आशा दिएकोछ।
⁵⁰ म पीडित् थिएँ, र तपाईंले मलाई सान्त्वना दिनुभयो।
    तपाईंका वचनहरूले मलाई फेरि एकपल्ट जीवित तुल्यायो।
⁵¹ ती घमण्डीहरूले मलाई लगातार अपमान गरे,
    तर मैले तपाईंका शिक्षाहरूको अनुशरण गर्न छोडिनँ।
⁵² हे परमप्रभु, म सधैँ तपाईंको बुद्धिमानी निर्णयहरूले
    मलाई सान्त्वना दिंदछ।
⁵³ जब मैले ती दुष्ट मानिसहरूले तपाईंको उपदेशहरू
    मान्न छाड्दै गएको देखें र म क्रोधित भएँ।
⁵⁴ मेरो प्रवासको घरमा तपाईंका नियमहरू नै
    मेरो गीतहरू भएका छन्।
⁵⁵ हे परमप्रभु, मैले रातमा तपाईंको नाउँ स्मरण गरेको छु।
    अनि मैले तपाईंको उपदेशहरू पनि याद गरेको छु।
⁵⁶ किनभने म सतर्कतासाथ तपाईंको आज्ञाहरू पालन गर्दछु।

⁵⁷ हे परमप्रभु, मैले मेरो कर्त्तव्य नै तपाईंको आज्ञाहरू पालन गर्नु हो भनेर निर्णय लिएँ।
⁵⁸ हे परमप्रभु, म सम्पूर्ण रूपले तपाईंमाथिनै आश्रित छु
    मप्रति सधैँ तपाईंले वचन दिए झै, कृपादृष्टि रहोस्।
⁵⁹ मैले आफ्नो जीवनलाई खुब होशियारिसँग सोचें।
    अनि म तपाईंको करार प्रति फर्किएर आएँ।
⁶⁰ कुनै विलम्ब नगरीकन हतारिन्दै
    म तपाईंको आज्ञाहरूलाई पालन गर्नलाई फर्कें।
⁶¹ केही दुष्ट मानिसहरूका झुण्डले मेरो बारेमा नीच कुराहरू गरे।
    तर परमप्रभु, मैले तपाईंको उपदेशहरू भुलिनँ।
⁶² तपाईंको धार्मिक निर्णयहरूको निम्ति
    धन्यवाद दिन म रातमा उठें।
⁶³ ज-जसले तपाईंलाई पूज्दछन् म ती सबै मानिसहरूको साथी हुँ।
    ज-जसले तपाईंको आदेशहरू मान्दछन,
    म ती सबै मानिसहरूको साथी हुँ।
⁶⁴ हे परमप्रभु, पृथ्वी तपाईंको स्नेहपूर्ण करूणाले भरिन्छ।
    मलाई तपाईंको नियमहरू सिकाउनुहोस्।

⁶⁵ परमप्रभु, तपाईंले आफ्नो दासको लागि असल काम गर्नुभयो।
    तपाईंले वचन दिएकै अनुसार काम गर्नुभयो।
⁶⁶ हे परमप्रभु, ज्ञानी निर्णयहरू लिन मलाई बुद्धि दिनुहोस्।
    म तपाईंको आज्ञाहरूमा भरोसा राख्छु।
⁶⁷ म पीडित हुनु भन्दा अगाडि, मैले धेरै नराम्रो कामहरू गरेको थिएँ
    तर अहिले खुब सतर्क भएर तपाईंको आज्ञाहरू पालन गर्दछु।
⁶⁸ परमेश्वर तपाईं भलो हुनुहुन्छ, र तपाईंले असल कामहरू गर्नुहुन्छ।
    मलाई तपाईंको नियमहरू सिकाउनु होस्।
⁶⁹ मानिसहरू ज-जसले आफूलाई म भन्दा उत्तम ठान्दछ तर तिनीहरूले मेरो बारेमा झूटा कुराहरू गर्छन्।
    तर परमप्रभु मेरो सम्पूर्ण हृदय सहित म तपाईंको आज्ञाहरू लगातार पालन गर्छु।
⁷⁰ ती मानिसहरू अत्यन्त मूर्ख छन्।
    तर म तपाईंका उपदेशहरू अध्ययन गर्दा आनन्दित हुन्छु।
⁷¹ मेरो निम्ति वेदना उत्तम थियो।
    मैले तपाईंको नियमहरू सिकें।
⁷² हे परमप्रभु, तपाईंका उपदेशहरू मेरो लागि असल छन्।
    तिनीहरू एक हजार टुक्रा चाँदी र सुनहरू भन्दा उत्तम छन्।

⁷³ हे परमप्रभु, तपाईंले मलाई बनाउनु भयो अनि मलाई सघाउनु भयो।
    मलाई तपाईंका आज्ञाहरू सिक्नु र बुझ्नुलाई सहयोग गर्नुहोस्।
⁷⁴ हे परमप्रभु! तपाईंका भक्तजनहरूले मलाई हेर्दछन् र आदर गर्दछन्।
    तिनीहरू खुशी छन् किनभने तपाईंले जे भन्नुभयो मैल त्यसैमा विश्वास गरें।
⁷⁵ हे परमप्रभु, म जान्दछु कि तपाईंका निर्णयहरू निष्पक्ष छन्।
    अनि तपाईंले मलाई दण्ड दिनु सठीक थियो।
⁷⁶ अब, तपाईंको स्नेहपूर्ण करूणाले मलाई सान्त्वना दिनुहोस्।
    तपाईंको प्रतिज्ञा बमोजिम मलाई सान्त्वना दिनुहोस्।
⁷⁷ हे परमप्रभु, मलाई सान्त्वना दिनुहोस् र मलाई बाँच्न दिनुहोस्।
    म तपाईंको शिक्षाहरूमा आनन्दित् हुन्छु।
⁷⁸ मानिसहरू ज-जसले तिनीहरू म भन्दा असल हुँ भनेर सोचे,
र मेरो बारेमा झूटो बोले।
    ती मानिसहरू लज्जित होऊन् परमप्रभु,
    म तपाईंको व्यवस्था सिक्छु, पढछु।
⁷⁹ भरोसा गर्छु तपाईंको भक्तजनहरू मकहाँ फर्केर आऊन।
    यसकारण तिनीहरूले तपाईंको करार-वचनहरू सिक्न सक्छन्।
⁸⁰ परमप्रभु, मैले तपाईंको आज्ञाहरू सम्पूर्ण प्रकारले पालन गर्न सकुँ,
    ताकि म लज्जित हुने छैन।

⁸¹ म मर्न आँटेको छु।
तपाईंले मलाई बचाउनु हुन्छ भनेर पर्खिरहेछु।
    तर परमप्रभु, तपाईंले भनेका कुराहरूमा म भरोसा गर्छु।
⁸² मैले तपाईंको प्रतिज्ञा लगातार हेरिरहेकोछु।
    तर मेरो आँखाहरू शिथिल भइरहेछन्,
    परमप्रभु कहिले मलाई सान्त्वना दिनुहुन्छ?
⁸³ म धुवाँमाथि झुण्डियाएर राखिएको सुक्खा छालाको थैलो भए तापनि,
    तपाईंको नियमहरू भुल्ने छैन।
⁸⁴ म कहिले सम्म बाँच्ने छु?
    हे परमप्रभु, जसले मेरो खेदो गरे, ती मानिसहरूलाई कहिले सजाय दिनु हुन्छ?
⁸⁵ कतिपय अंहकारी मानिसहरूले मलाई झूटो कुराहरू जुन तपाईंको
    उपदेशहरूको विरूद्ध हुन् तीद्वारा मलाई प्रहार गरे।
⁸⁶ हे परमप्रभु, मानिसहरू सबैले तपाईंको आज्ञाहरूमाथि भरोसा गर्न सक्छन्,
    ती मानिसहरूले बिना कारणै मेरो खेदो गरे, मलाई सहायता गर्नुहोस्!
⁸⁷ ती मानिसहरूले प्रायः मलाई ध्वंश गरिसके।
    तर मैले तपाईंको आज्ञाहरू मान्न छाडिनँ।
⁸⁸ हे परमप्रभु, तपाईंको स्नेहपूर्ण करूणा मलाई दर्शाउनु होस्
    अनि मलाई बाँच्न दिनुहोस् र तपाईंले जे भन्नुहुन्छ म त्यही गर्नेछु।

⁸⁹ हे परमप्रभु, तपाईंका वचनहरू सदा-सर्वदा रहनेछन्।
तपाईंका वचनहरू स्वर्गमा पनि अनन्त रहनेछन्।
⁹⁰ तपाईं सदा-सर्वदा विश्वासी हुनुहुन्छ।
    हे परमप्रभु, तपाईंले पृथ्वी सृजना गर्नुभयो,
    अनि यो अझ विश्वासयोग्य हुनुहुन्छ।
⁹¹ तपाईं कै नियमहरूले गर्दा, यो आज सम्म जीवित रहेको छ
    किनभने यसले तिनीहरूलाई दासले झैं पालन गर्दछ।
⁹² यदि तपाईंको शिक्षाहरूमा मैले आनन्द नलिएको भए,
    मेरो पीडाहरूले मलाई ध्वंश पार्ने थियो।
⁹³ हे परमप्रभु, म तपाईंको आज्ञाहरू कहिल्यै भुल्ने छैन
    किनभने तिनीहरूले मलाई बाँच्न दिए।
⁹⁴ हे परमप्रभु, म तपाईंकै हुँ, यसैले मलाई बचाउनु होस्।
    किनभने मैले तपाईंको आज्ञाहरू पालन गर्न यथाशक्य कोशिश गरें।
⁹⁵ दुष्ट मानिसहरूले मलाई ध्वंश गर्ने प्रयास गरे।
    तर तपाईंको नियमले मलाई ज्ञानी बनायो।
⁹⁶ तपाईंको नियमहरू बाहेक
    प्रत्येक कुराको आफ्नो सीमा हुन्छ।

⁹⁷ हे परमप्रभु! म तपाईंका व्यवस्थालाई माया गर्छु।
    म त्यसको विषयमा सदाकाल भन्ने गर्छु।
⁹⁸ हे परमप्रभु, तपाईंको आज्ञाहरूले मलाई मेरो शत्रुहरूभन्दा बढता ज्ञानी बनाउँदछ।
    तपाईंको नियमहरू मसँग सदैव रहन्छ।
⁹⁹ म आफ्ना शिक्षकहरू भन्दा पनि ज्ञानी छु,
    किनभने म तपाईंको करार-वचनको अध्ययन गर्दछु।
¹⁰⁰ मेरो समझदार नेताहरूले भन्दा मैले बढ्ता बुझेको छु
    किनभने म तपाईंको आज्ञाहरू राख्दछु।
¹⁰¹ मेरो प्रत्येक पाठशालाहरू
    बेठीक मार्गहरूबाट अलग्ग राखी दिनु भयो।
¹⁰² यसैले तपाईं मेरो गुरू हुनुहुन्छ
    यसैले तपाईंको नियमहरू पालन गर्न देखि म रोकिने छैन।
¹⁰³ तपाईंका वचनहरू मेरो मुखमा
    मह भन्दा पनि मीठा छन्।
¹⁰⁴ तपाईंका शिक्षाहरूले मलाई ज्ञानी बनाउँदछ,
    यसैले म झूटा शिक्षाहरूलाई घृणा गर्दछु।

¹⁰⁵ हे परमप्रभु, तपाईंका वचनहरू बत्ती हुन्
    जसले मेरो बाटोहरू उज्यालो पार्छन्।
¹⁰⁶ तपाईंको नियमहरू असल छन्।
    म ती नियमहरू पालन गर्ने कसम खाँदछु अनि म आफ्नो वचन राख्नेछु।
¹⁰⁷ हे परमप्रभु, म धेरै समयदेखि पीडित रहेको छु।
    कृपया तपाईंको प्रतिज्ञा अनुसार मलाई पुन:र्जिवित पार्नु होस्!
¹⁰⁸ हे परमप्रभु, मेरो प्रशंसा ग्रहण गर्नुहोस्।
    अनि तपाईंका नियमहरू सिकाउनु होस्।
¹⁰⁹ मेरो प्राण अनवरत विपदमा परेको छ
    तर मैले तपाईंको शिक्षाहरू भुलेको छैन।
¹¹⁰ दुष्ट मानिसहरूले मलाई पासोमा फसाउँन कोशिश गरे।
    तर मैले तपाईंको आज्ञाहरूलाई उल्ङ्घन गरिनँ।
¹¹¹ हे परमप्रभु, म सधैँ तपाईंको करार पत्र पालन गर्नेछु।
    यसले मलाई खुशी पार्दछ।
¹¹² म मेरो जीवनको अन्त सम्म नै,
    सकेसम्म तपाईंको विधिहरू पालन गर्ने प्रयास गर्नेछु।

¹¹³ हे परमप्रभु, म त्यस्ता मानिसहरूलाई घृणा गर्छु,
जो तपाईं प्रति पूर्ण रूपले विश्वासी छैनन्।
    तर म तपाईंको शिक्षाहरू मन पराउँछु।
¹¹⁴ मलाई लुकाउनु होस् र रक्षा गर्नुहोस्।
    हे परमप्रभु, तपाईंले भन्नु भएका प्रत्येक कुरामा म भरोसा गर्छु।
¹¹⁵ हे परमप्रभु, दुष्ट मानिसहरूलाई मेरो नजीक आउन नदिनुहोस्,
    अनि म परमेश्वरको आज्ञाहरू पालन गर्नेछु।
¹¹⁶ हे परमप्रभु, तपाईंले वचन दिए जस्तै मलाई सघाउनु होस्, अनि म बाँच्ने छु।
    म तपाईंमा भरोसा राख्छु यसर्थ मलाई असन्तुष्ट नपार्नु होस्।
¹¹⁷ परमप्रभु, मलाई साथ दिनुहोस र म बाँच्ने छु।
    म तपाईंका आज्ञाहरू अनन्त सिक्ने छु।
¹¹⁸ हे परमप्रभु, तपाईंका विधिहरू भङ्ग गर्नेहरूदेखि तपाईं विमुख भएर जानु हुन्छ।
    किनभने तिनीहरूले तपाईंको करार अनुसार हिंडछु भनेर झूटो बोले।
¹¹⁹ परमप्रभु, पृथ्वीमा तपाईंले दुष्ट मानिसहरूलाई मैला पुछेको जस्तो फ्याँकिदिनु भयो।
    यसैले म तपाईंको करारलाई सदा-सर्वदा मान्ने नै छु।
¹²⁰ हे परमप्रभु, म तपाईंबाट भयभीत छु।
    म डराउँछु र तपाईंका विधिहरूको आदर गर्दछु।

¹²¹ मैले के सही र के राम्रो त्यही गरेकोछु।
    हे परमप्रभु, मलाई ती मानिसहरूकहाँ नदिनु होस्,
    जसले मलाई आघात पुर्याउन चाहन्छन्।
¹²² मप्रति असल रहने कसम खानुहोस् किनकि म तपाईंको दास हुँ।
    हे परमप्रभु, ती अंहकारीसहरूलाई मप्रति आघात पुर्याउन नदिनुहोस्।
¹²³ हे परमप्रभु, तपाईंबाट सहायताको र तपाईंको राम्रो वचनको निम्ति बाटो हेर्दा हेर्दा
    मेरो आँखाहरू टट्टाई सके।
¹²⁴ म तपाईंको दास हुँ,
तपाईंको स्नेहपूर्ण करूणा मलाई देखाउनु होस्।
    मलाई तपाईंको विधिहरू सिकाउनु होस्।
¹²⁵ म तपाईंको दास हुँ, मलाई बुझ्ने सामर्थ पार्नुहोस,
    ताकि तपाईंको करार-वचन म बुझ्न सकुँ।
¹²⁶ हे परमप्रभु, यो तपाईंले केही गर्ने समय हो।
    मानिसहरूले तपाईंको विधिहरू भङ्ग गरे।
¹²⁷ हे परमप्रभु, म खाटी सुन भन्दा पनि
    तपाईंको आज्ञाहरू मन पराउँछु।
¹²⁸ म खुब होशियारीसँग तपाईंको आज्ञाहरू पालन गर्छु।
    म झूटो शिक्षाहरूलाई घृणा गर्दछु।

¹²⁹ हे परमप्रभु, तपाईंको करार अद्भूत छ।
    यसकारण म त्यसको अनुशरण गर्दछु।
¹³⁰ कुनै ज्योतिले तिनीहरूलाई बाँच्ने ठीक तरिका देखाए झैं मानिसहरूले तपाईंको शब्दहरू बुझ्न शुरू गरे।
    तपाईंका वचनले सामान्य भन्दा सामान्य मानिसहरूलाई सम्म बुद्धिमानी बनाउँदछ।
¹³¹ हे परमप्रभु, म साँच्चो रूपले तपाईंका आज्ञाहरू मनन गर्न चाहन्छु,
    म त्यो स्वास रोकिएर अधैर्यपूर्ण पर्खिरहेको मानिस जस्तो छु।
¹³² हे परमेश्वर, मलाई हेर्नुहोस र म प्रति कृपालु बन्नु होस्।
    जसले तपाईंको नाउँको पुकारा गर्छन्,
    ती मानिसहरूका लागि असल काम गरिदिनुहोस्।
¹³³ हे परमप्रभु, तपाईंले कसम खाए झैं मलाई डोर्याउनु होस्
    मतर्फ कुनै प्रकारको दुर्घटना घट्न नदिनुहोस्।
¹³⁴ हे परमप्रभु, मलाई दुःख-कष्ट दिने मानिसहरूबाट बचाउनु होस्
    अनि म तपाईंको आज्ञाहरू पालन गर्ने छु।
¹³⁵ हे परमप्रभु, मलाई ग्रहण गर्नुहोस्,
    अनि आफ्नो नियमहरू सिकाउनुहोस्।
¹³⁶ म आँसुका बलिन्द्रधारा नदी सरी बहाएर रोएँ
    किनभने कसैले पनि तपाईंको शिक्षाहरू पालन गरेनन्।

¹³⁷ हे परमप्रभु, तपाईं धर्मी हुनुहुन्छ।
    तपाईंका नियमहरू सही र ईमान्दार छन्।
¹³⁸ तपाईंले हामीलाई आफ्ना करारमा धार्मिक नियमहरू दिनुभयो।
    हामी साँच्चै नै तिनीहरूमा भरोसा गर्न सक्छौं।
¹³⁹ मेरो उत्साहले मलाई ध्वंश पारिरहेछ।
    म अत्यन्त उदास छु किनभने मेरो शत्रुहरूले तपाईंको आज्ञाहरू भूले।
¹⁴⁰ परमप्रभु, हामीले प्रमाण पनि दियौं कि हामी तपाईंकै वचनमा विश्वास गर्छौं।
    अनि म यसलाई मन पराउँछु।
¹⁴¹ म क्षुद्र र तुच्छ छु, अनि मानिसहरूले मेरो आदर गर्दैनन्।
    तर म तपाईंको आज्ञाहरू भुल्ने छैन।
¹⁴² परमप्रभु, तपाईंको धार्मिकता चिरस्थायी छ।
    अनि तपाईंको उपदेशहरू विश्वास गर्न सकिन्छ।
¹⁴³ मसँग सङ्कट र दुःखका दिनहरू छँदै थिए
    तर म तपाईंको आज्ञाहरूमा आनन्द लिन्छु।
¹⁴⁴ तपाईंको करार अनन्तको लागि असल छ।
    यसलाई समझशक्ति दिनुहोस् ताकि म बाँच्न सकुँ।

¹⁴⁵ हे परमप्रभु, म मेरो सम्पूर्ण हृदयले तपाईंलाई पुकारा गर्छु।
    मलाई जवाफ दिनुहोस्! म तपाईंको आज्ञाहरू पालन गर्छु।
¹⁴⁶ हे परमप्रभु, म तपाईंलाई पुकारा गर्छु मलाई बँचाउनु होस्!
    अनि म तपाईंको करार पालन गर्नेछु।
¹⁴⁷ तपाईंलाई प्रार्थना गर्न म बिहानै उठ्दछु।
    म तपाईंले भन्नुभएको कुरामा विश्वास गर्दछु।
¹⁴⁸ तपाईंका वचनहरू मनन गर्न
    म रातमा अबेर सम्म बस्छु।
¹⁴⁹ आफ्नो सारा प्रेमले, मलाई बोलाउनु होस्।
    हे परमप्रभु, तपाईंले ठीक भनेका कुरानै गरूँ अनि मलाई बाँच्न दिनुहोस्।
¹⁵⁰ मानिसहरूले मेरो विरूद्ध दुष्ट योजनाहरू बनाइरहेछन्।
    ती मानिसहरूले तपाईंको शिक्षाहरू अनुशरण गर्दैनन्।
¹⁵¹ परमप्रभु, तपाईं मेरो नजीकै हुनुहुन्छ।
    अनि तपाईंका सबै आदेशहरूमा भरोसा गर्न सकिन्छ।
¹⁵² धेरै बर्ष अघिदेखि तपाईंको करारबाट सिकें
    कि तपाईंको उपदेशहरू अनन्त रहने छन्।

¹⁵³ हे परमप्रभु, मेरो पीडाहरू हेर्नुहोस् र मलाई बचाउनु होस्।
    मैले तपाईंको उपदेशहरू भुलेको छैन।
¹⁵⁴ हे परमप्रभु, मेरो लडाइँ मेरो निम्ति लडि दिनु होस् र मलाई बचाउनु होस्।
    तपाईंले वचन दिए जस्तै मलाई बाँच्न दिनुहोस्।
¹⁵⁵ दुष्ट मानिसहरूले जित्ने छैन
    किनभने तिनीहरूले तपाईंको नियमहरू मान्दैनन्।
¹⁵⁶ हे परमप्रभु, तपाईं कृपालु हुनुहुन्छ।
    तपाईंले ठीक भनेकै काम गरूँ, र मलाई बाँच्न दिनुहोस्।
¹⁵⁷ मेरो धेरै शत्रुहरू छन् मलाई घात गर्नेहरू धेरै छन्
    तर मैले तपाईंको करार-वचन अनुशरण गर्न देखि रोकिने छैनँ।
¹⁵⁸ म ती विश्वास घातीहरूलाई देख्छु,
तिनीहरूले तपाईंको वचनको पालन गर्दैनन्,
    र म तिनीहरूलाई घृणा गर्छु।
¹⁵⁹ हेर्नुहोस्, मैले तपाईंको आज्ञाहरू पालन गर्न यथासक्य कोशिश गरें।
    हे परमप्रभु, तपाईंको सारा प्रेमसहित, मलाई बाँच्न दिनुहोस्।
¹⁶⁰ हे परमप्रभु, आदि कालदेखि नै, सारा तपाईंका वचनहरू भरोसा गर्न सकिन्थ्यो।
    अनि तपाईंको धार्मिक नियमहरू सदा-सर्वदा रहनेछन्।

¹⁶¹ प्रभावशाली शासकहरूले अकारण मलाई आक्रमण गरे।
    तर डर राख्दछु र तपाईंको नियमलाई आदर गर्दछु।
¹⁶² परमप्रभु, तपाईंको वचनले मलाई आनन्दित तुल्यायो,
    धेरै धन पाएर अत्यन्त खुशी भएको मानिसलाई जस्तो।
¹⁶³ म झूटाहरूलाई घृणा गर्दछु, म तिनीहरूलाई तिरस्कार गर्दछु।
    तर परमप्रभु म तपाईंको शिक्षाहरू मन पराउँछु।
¹⁶⁴ दिनमा सातपल्ट म तपाईंको प्रशंसा गर्छु।
    किनकि तपाईँका नियमहरू असलछन्।
¹⁶⁵ मानिसहरू जसले तपाईंको उपदेश मन पराउछन्,
तिनीहरू साँच्चो रूपमा शान्तिमा पुग्दछन्।
    केहीले पनि तिनीहरू पतन गराउन सक्दैन।
¹⁶⁶ हे परमप्रभु, म तपाईंलाई पर्खिरहेछु।
    मलाई बचाउन्नु होस् भनेर मैले तपाईंको आज्ञाहरू पालन गरें।
¹⁶⁷ मैले तपाईंको करार-वचनलाई अनुशरण गरें।
    हे परमप्रभु, म तपाईंको व्यवस्था बढ्ता नै मान्दछु।
¹⁶⁸ मैले तपाईंको करार र आज्ञाहरू पालन गरे।
    हे परमप्रभु, मैले गरेका सबै कुराहरू तपाईंलाई थाहा छ।

¹⁶⁹ हे परमप्रभु, मेरो खुशीका गीतलाई सुन्नुहोस्।
    तपाईंले कसम खाए जस्तै मलाई बुद्धिमानी बनाउनु होस्।
¹⁷⁰ परमप्रभु, मेरो प्रार्थना सुनी दिनुहोस्।
    तपाईंले वचन दिए झैं मलाई बचाउनु होस्।
¹⁷¹ म प्रशंसाको गीत गाँउछु।
    किनभने तपाईंले मलाई आफ्नो नियमहरू सिकाउनु भयो।
¹⁷² तपाईंको वचनहरू जवाफ दिन मलाई सहयोग गर्नुहोस् र मलाई मेरो गीत गाउन दिनुहोस्।
    परमप्रभु, तपाईंको सारा नियमहरू असल छन्।
¹⁷³ मैले तपाईंका आज्ञाहरू पालन गर्न खोजें।
    यसैले आउनुहोस् र मलाई साथ दिनुहोस्।
¹⁷⁴ हे परमप्रभु, म चाहन्छु, मलाई बचाउनु होस्।
    तर तपाईंको शिक्षाहरूले मलाई खुशी पार्छन्।
¹⁷⁵ मलाई बाँच्न दिनुहोस् र तपाईंको प्रशंसा गर्न दिनुहोस्,
    परमप्रभु! तपाईंका नियमहरूले मलाई सघाओस्।
¹⁷⁶ म हराएको भेंडा सरह भड्किरहें।
    हे परमप्रभु, आएर मलाई खोज्नु होस्।
म तपाईंको दास हुँ,
    अनि मैले तपाईंको भरोसा भुलेको छैन।

¹ म सङ्कटमा थिएँ,
    मैले परमप्रभुको सहायता मागें।
    अनि उहाँले मलाई बचाउनु भयो!
² हे परमप्रभु, मलाई ती मानिसहरूबाट जोगाउनु होस्,
जसले मेरो बारेमा झूटो बोलें।
    ती मानिसहरूले भनेका कुराहरू सत्य थिएनन्।

¹ सहायताको निम्ति म पहाडहरू तिर हेर्छु।
    तर मेरो सहायता कहाँबाट आउँछ?
² मेरो सहायता स्वर्ग र पृथ्वी सृजना गर्नुहुने
    परमप्रभुबाट आउँछ।
³ परमेश्वरले पतनहुन दिनु हुनेछैन,
    तिम्रो संरक्षक निदाई जाने होइन।
⁴ इस्राएल को रक्षा गर्ने निन्द्रालु हुनुहुन्न।
    परमेश्वर कहिल्यै निदाउनु हुन्न।
⁵ परमप्रभु तिम्रो रक्षक हुनुहुन्छ,
    उहाँले आफ्नो महान् शक्तिद्वारा तिम्रो रक्षा गर्नुहुन्छ।
⁶ तिमीलाई दिउँसो घामले
    अनि राती जूनले हानि पुराउँदैन।
⁷ परमप्रभुले प्रत्येक सङ्कटबाट तिम्रो रक्षा गर्नुहुन्छ।
    परमप्रभुले तिम्रो प्राणको रक्षा गर्नुहुन्छ।
⁸ तिमी आउँदा र जाँदा परमप्रभुले रक्षा गर्नुहुनेछ।
    परमप्रभुले तिमीलाई अहिले र अनन्तसम्म सहयोग गर्नुहुनेछ!

¹ म अत्यन्त खुशी थिएँ जब मानिसहरूले यसो भने,
    “परमप्रभुको मन्दिर तर्फ जाऊँ।”
² हामी यहाँ, यरूशलेमको प्रवेशद्वारमा उभिरहेकाछौं।
³ यो नयाँ यरूशलेम हो।
    एक संयुक्त शहर जस्तो यो शहर फेरि निर्माण गरियो।
⁴ त्यही ठाउँ हो जहाँ परिवार समूहहरू जान्छन्।
    परमप्रभुको नाउँको स्तुति-गान गर्नलाई इस्राएलका मानिसहरू त्यहाँ जाँदछन्।
⁵ दाऊद परिवारका राजाहरूले त्यहाँ तिनीहरूको राज सिंहासन बनाए।
    तिनीहरूले मानिसहरूको न्याय गर्न राज सिंहासन त्यहाँ बनाए।

¹ हे परमेश्वर, म माथि हेर्छु र तपाईंलाई प्रार्थना गर्छु।
    तपाईं राजा सरह स्वर्गमा विराजमान हुनुहुन्छ।
² दासहरू आफ्ना आवश्यकताको निम्ति उनीहरूको स्वामीमाथि भर पर्दछ,
    दासीहरू आफ्ना मालिक्नीहरू माथि भर पर्छन्,
तर हामी परमप्रभु हाम्रा परमेश्वर माथि भर पर्छौं,
    र उहाँबाट दया पर्खिरहन्छौं।
³ हे परमप्रभु, हामीमाथि तपाईंको दया रहिरहोस्,
    किनभने हामी धेरै समय सम्म निन्दित भएका छौं।
⁴ हामीले धेरै समयदेखि ती घमण्डी मानिसहरूबाट निन्दित भइरहेका छौं।
    जसले हामीलाई हाँसो उडाउँछन् र अनादर गर्छन्।

¹ मलाई जवाफ देऊ इस्राएल,
यदि परमप्रभु हाम्रो पक्षमा नभई दिएको भए,
    हामी माथि कस्तो घटना घट्ने थियो होला?
² जब मानिसहरूले हामीलाई आक्रमण गरे
    त्यस समय यदि परमप्रभु हाम्रो पक्षमा नभएको भए के हुने थियो?
³ हाम्रा शत्रुहरूले हामीलाई जिउँदै निल्ने थिए,
    जब तिनीहरू हामीमा क्रोधित हुनेगर्थे।
⁴ हाम्रो शत्रुहरूका सैनिकहरूले
    हामीलाई बाढीले बगाए झैं
    र नदीले हामीलाई डुबाए झैं पार्ने थिए।
⁵ ती अंहकारी मानिसहरू हाम्रा मुख-मुख सम्म उठ्ने पानी भए
    हामीलाई डुबाउने थियो।

¹ मानिसहरू जसले परमप्रभुमाथि भरोसा राख्दछन्,
तिनीहरू सियोन पर्वत जस्तो हुनेछन्।
    तिनीहरू कहिल्यै पनि हल्लिने छैनन।
    तिनीहरू सदा-सर्वदा रहनेछन्।
² पर्वतहरू सारा यरूशलेम वरिपरि छन्।
    अनि परमप्रभु आफ्ना मानिसहरूको वरिपरि हुनुहुन्छ,
    उहाँले आफ्ना मानिसहरूलाई सदा-सर्वदा रक्षा गर्नुहुनेछ।
³ दुष्ट मानिसहरूले धर्मी मानिसहरूको देशलाई अधीन गर्न कहिल्यै सक्दैन।
    यदि त्यस्तो भयो भने, असल मानिसहरूले पनि अनुचित कामहरू गर्न थाल्दछन्।

¹ जब हामीलाई परमप्रभुले एकपल्ट फर्काएर ल्याउनु हुन्छ
    त्यो हाम्रो लागि सपना जस्तै लाग्नेछ।
² हामी हर्षोल्लासले हाँसिरहेको हुने छौ र खुशीका गीतहरू गाउने छौ।
    अन्य सम्प्रदायका मानिसहरूले भन्नेछन्,
    “परमप्रभुले इस्राएल का मानिसहरूका निम्ति अद्भूत काम गर्नुभयो।”
³ हो, हामी अत्यन्त खुशी हुनेछौं
    यदि परमप्रभुले हाम्रो लागि त्यस्तो आश्चर्यजनक काम गरिदिनु हुन्छ भने।

¹ यदि घर बनाउँने परमप्रभु हुनुहुन्न भने।
    घर बनाउनेहरूले त्यसै तिनीहरूको समय बर्बाद गरिरहेछन्।
यदि यो शहरमाथि परमप्रभुले ध्यान दिनु भएको होइन भने
    प्रहरीहरूले आफ्नो समय व्यर्थ खेर फ्याँकिरहेछन्।

¹ परमप्रभुको सबै भक्तजनहरू खुशी छन्।
    ती मानिसहरू परमप्रभुले रूचाएको तरिकामा बस्दछन्।

¹ मेरो जीवनकालमा प्रशस्त शत्रुहरू छँदै थिए।
    इस्राएल ती शत्रुहरूको बारेमा हामीलाई बताऊ।
² मेरो जीवनकालमा प्रशस्त शत्रुहरू छँदै थिए
    तर तिनीहरूले कहिल्यै जितेनन्।
³ तिनीहरूले मेरो ढाडमा गहिरो चोट नपारून्जेलल सम्म मलाई कुटे।
    धेरै समय सम्म मेरो गहिरो घाउ थियो।
⁴ तर परमप्रभुले डोरीहरू काटीदिनु भयो।
    अनि ती दुष्टहरूबाट मलाई छुटकारा दिनुभयो।
⁵ मानिसहरू जसले सियोनलाई घृणा गर्छन्, तिनीहरू परास्त होऊन्।
    तिनीहरू लडाइँ गर्न छाडेर भागुन्।
⁶ ती मानिसहरू छानामा भएको घाँसहरू जस्ता थिए।
    ती घाँसहरू बढ्ने अगावै ओइलएर मरे।
⁷ घाँस काट्ने मानिसले एकमुट्ठी घाँस त्यहाँबाट पाउन सक्तैन।
    एक थुप्रो अन्नको निम्ति पनि प्रशस्त हुँदैन।
⁸ तिनीहरूको नजिकैबाट गइरहेको मानिसहरूले यसो भन्ने छैनन्,
    “परमप्रभुको आशीर्वाद तिमीहरूमा रहोस्।”
    मानिसहरूले तिनीहरूलाई भन्ने छैनन्,
    “हामी तिमीहरूलाई परमप्रभुको नाउँमा आशीर्वाद दिनेछौं।”

¹ हे परमप्रभु, म गहीरो सङ्कटमा छु।
    यसैकारण म तपाईंलाई गुहार मान्छु।
² मेरो स्वामी! मलाई ध्यान दिनु होस्।
    मेरो गुहार प्रति ध्यान दिनु होस्।
³ परमप्रभु, यदि तपाईंले मानिसहरूलाई उनीहरूका पापहरूका लागि दण्ड दिनुहुन्छ भने,
    कुनै मानिस पनि जिउँदो हुने थिएन।
⁴ परमप्रभु, तपाईंका मानिसहरूलाई क्षमा गरिदिनु होस्,
    त्यसपछि त्यहाँ तपाईंलाई पूज्ने मानिसहरू हुनेछन्।

¹ हे परमप्रभु, म अहङ्काकारी छैन।
    म आफूलाई महत्व दिने काम गर्दिनँ।
म महानकार्य गर्ने कोशिश गर्दिनँ
    म ती कठिन-कार्यहरूको जुन कार्यहरू गर्नु मेरो निम्ति असम्भव छ।
² म चुपचाप छु, मेरो प्राण शान्त छ।
    आमाको काखमा भएको एक सन्तोषी बालक जस्तो
    मेरो प्राण चुपचाप र शान्त छ।

¹ हे परमप्रभु! सम्झनु होस्, कसरी दाऊद पीडित भए।
² दाऊदले परमप्रभुसँग एक प्रतिज्ञा गरेका थिए।
    दाऊदले याकूबका सर्वशक्तिमान् परमप्रभुसँग शपथ लिएका थिए।
³ दाऊदले भने, “म आफ्नो घरभित्र जाने छैन,
    म आफ्नो ओछ्यानमा ढल्कने छैन,
⁴ म सुत्ने छैन,
    म आफ्नो आँखालाई विश्राम दिने छैन,
⁵ जबसम्म याकूबको सर्व-शक्तिमान् परमप्रभुको
    घर बनाउन जमीन पाउँदिन, म ती कुराहरू गर्ने छैन!”

¹ जब दाज्यू-भाइहरू एक साथ मिलेर बस्छन
    त्यो अति नै राम्रो र आनन्दपूर्ण हुँदछ।
² हारूनको शिरमा पोखिएको यो एक सुगन्धित तेल जस्तो लाग्छ।
    त्यो तेल उनको दाह्रीबाट झर्दै उनको विशेष लुगाहरूमा बहन्छ।
³ यो हर्मोन पर्वतबाट आएर सियोन पर्वतमा झरिरहेको हिऊँ जस्तो छ।
    किनभने यो सियोनमा थियो,
    जहाँ परमप्रभुले अनन्त जीवनको आशीर्वाद दिनुभएको थियो।

¹ परमप्रभुको प्रशंसा गर, हे सबै दासहरू हो!
    जसले रातभरि मन्दिरमा सेवा गरे।
² दासहरू हो, आफ्ना पाखुराहरू उठाऊ
    र परमप्रभुलाई “धन्य हौ” भन।
³ परमप्रभुले सियोनबाट तिमीहरूलाई आशीर्वाद दिऊन।
    जसले, स्वर्ग र पृथ्वी सृजनु भयो।