The Daily Audio Bible

²² परमेश्वरले भन्नुभयो, “मेरा मानिसहरू मूर्ख छन्।
    तिनीहरूले मलाई चिन्दैनन्।
तिनीहरू अज्ञानी नानीहरू हुन्।
    तिनीहरू बुझ्दैनन्।
तिनीहरू दुष्टाईं गर्नमा सिपालु छन्,
    तर तिनीहरू असल काम कसरी गर्नु जान्दैनन्।”

²⁷ परमप्रभुले यी कुराहरू भन्नुभयो
“सारा देश नै नष्ट हुनेछ।
    तर म पूर्ण रूपले यो भूमिलाई नष्ट पार्ने छैन।
²⁸ त्यसै कारण त्यो भूमि रूनेछ,
    अनि माथि आकाश कालो हुनेछ।
म बोलें अनि परिवर्तन हुने छैन्।
    मैले निर्णय लिएँ अनि मेरो मन बद्लिने छैन्।”

²⁹ प्रत्येक शहरले घोडसवारी
    र धनुर्धारीहरूको आवाज सुन्नेछ अनि भाग्नेछ!
केही मानिसहरू पोथ्राहरूमा लुक्नेछन्,
    कतिपय मानिसहरू चट्टानहरूमाथि चढ्नेछन्।
सबै शहरहरू शून्य हुनेछन्,
    त्यहाँ कोही पनि बस्ने छैन।

³⁰ यहूदा तिमी नष्ट भएकाछौ,
    यसकारण अहिले तिमी के गरिरहेका छौ?
तिमी किन तिम्रो सब भन्दा राम्रो
    रातो वस्त्र लगाईरहेका छौ?
किन तिमी तिम्रो सुनका गरगहनाहरू लगाई रहेछौ?
    तिमी किन आफैंलाई सुन्दर पारिरहेकाछौ?
    खाली यो समयको बर्बादी हो।
तिम्रा प्रेमीहरूले तिमीलाई घृणा गर्छन।
    तिनीहरू तिम्रो ज्यान लिनु खोज्दैछन्।
³¹ एउटी स्त्रीलाई प्रसुती पीडाको समयको जस्तै आवाज मैले सुनेको छु।
    पहिलो पल्ट प्रसुती पीडामा परेकी स्त्रीको आवाज झैं थियो।
    त्यो सियोनकी छोरीले हावाको लागि कष्ट श्वास फेर्दै
र मद्दतको लागि हात फैलाउँदै गरेको आवाज थियो।
    “हाय! म बेहोश हुन लागेकि छु,
    अनि हत्याराहरू मेरा वरिपरि छन्।”

⁴ तर मैले परमप्रभुलाई भनें,
    “यिनीहरू गरीबहरू मात्र छन्।
तिनीहरू मूर्ख छन्, तिनीहरू परमप्रभुले देखाउनु भएको बाटो चिन्दैनन्,
    अर्थात् तिनीहरू आफ्नो परमेश्वरको इच्छा बुझ्दैनन्।
⁵ यसकारण म यहूदाका अग्रजहरूकहाँ जानेछु,
    र तिनीहरूसँग कुरा गर्नेछु,
कारण परमप्रभुले देखाउनु भएको बाटो तिनीहरूले चिन्दछन्,
    अनि आफ्नो परमप्रभुको व्यवस्था बुझ्दछन्।”
तर तिनीहरू सबैले परमप्रभुको सेवाबाट
    अलग रहन एक भएका थिए।
⁶ तिनीहरू परमेश्वरको विरूद्ध उठे।
    यसकारण जङ्गलबाट आएका सिंहले तिनीहरूलाई आक्रमण गर्नेछ,
मरुभूमिबाट आएका ब्वाँसोले तिनीहरूलाई मार्नेछ।
    एउटा चितुवा तिनीहरूकै शहरहरूमा लुकेकोछ।
त्यस चितुवाले शहरबाट बाहिर जो आउँछ त्यसलाई टुक्रा-टुक्रा पार्नेछ।
    तिनीहरूको भाग्य यस्तै हुनेछ कारण तिनीहरूले घरिघरि पाप गरे,
    अनि धरै पल्ट परमप्रभुबाट टाढा गए।

⁷ परमेश्वरले भन्नुभयो, “यहूदा, मैले तिमीलाई क्षमा गर्नु पर्ने एउटा सही कारण भन?
    तिम्रा छोरा-छोरीहरूले मलाई परित्याग गरे।
    तिनीहरूले मूर्तिहरूका कसम खाए जो साँच्चो देवताहरू होइनन्।
मैले तिनीहरूले इच्छा गरेको प्रत्येक चीज दिएँ।
    तर तिनीहरू मेरा विश्वासघाती भए।
    तिनीहरू भीडको साथ वेश्याहरूकहाँ भेला भए।
⁸ तिनीहरू खूब पोसिएका घोडाहरू,
काम-वासनाले मस्त भएका जस्तै छन्।
    तैपनि तिनीहरूले आफ्नै छिमेकीका पत्नीहरूलाई डाक्दैछन्।
⁹ यी कर्महरूको लागि के म
    सजाय नदिऊँ?”
यो सन्देश परमप्रभुबाट आएको हो।
    “हो! म त्यस्ता जातिहरूलाई सजाय दिनेछु।

¹⁰ “यहूदाको दाखका बोटहरूको एक किनार लागेर जाऊ,
    दाखका काट तर सम्पूर्ण प्रकारले नष्ट नगर।
तिनीहरूका सबै हाँगाहरू काटी फाल।
    किनभने ती हाँगाहरू परमप्रभुको सम्पत्ति होइनन्।
¹¹ इस्राएलका परिवारहरू
    अनि यहूदा सम्पूर्णरूपले मप्रति अविश्वासी भए।”
    यो सन्देश परमप्रभुबाट आएको हो।

¹² “तर तिनीहरूले परमप्रभुलाई अस्वीकार गरे,
    तिनीहरूले विषयमा भने,
‘परमप्रभुले हामीलाई केही गर्नु हुने छैन।
    कुनै नराम्रो घट्ना घट्ने छैन।
    हामीले युद्ध देख्नु पर्ने हामी भोकै बस्नु पर्नेछ।’
¹³ झूटा अगमवक्ताहरू सुख्खा हावा मात्र हुन्।
    परमेश्वरको वचन तिनीहरूमा छैन।
    तिनीहरूमाथि यही हुनेछ।”

¹⁴ परमप्रभु सेनाहरूका परमेश्वरले यी कुराहरू भन्नुभयो
    “ती मानिसहरूले भने म तिनीहरूलाई दण्ड दिने छैन तिनीहरूलाई।
यसकारण यर्मिया, मैले तिमीलाई दिएका वचनहरू आगो जस्तै हुनेछन्,
    अनि ती मानिसहरू दाउरा जस्तै हुने छन्।
    त्यो आगोले तिनीहरूलाई पूर्ण रूपले भस्म पार्नेछ।”
¹⁵ हे इस्राएलको घराना हो, यो सन्देश परमप्रभुबाट आएको हो,
    “म तिमीहरूमाथि आक्रमण गराउनु एउटा जाति धेरै टाढाबाट ल्याउँदैछु।
यो एउटा सामर्थी जाति हो,
    यो एउटा प्राचीन जाति हो।
त्यसको भाषा तिमीहरूले जान्दैनौ।
    तिनीहरूले के भन्छन् त्यो तिमीहरू बुझ्दैनौ।
¹⁶ तिनीहरूका काँड राख्ने तरकस खुल्ला चिहान जस्तो छ।
    तिनीहरू सबै शक्तिशाली योद्धाहरू हुन्।
¹⁷ तिनीहरूले तिमीहरूका सबै अन्नहरू
    र खाद्य जिनिसहरू खाइदिनेछन्।
    तिनीहरूले तिमीहरूका सबै छोरा-छोरीहरू ध्वंस पार्नेछन्।
तिनीहरूले तिमीहरूका भेंडाको बथान र गाईका बथानहरू
    अनि दाखका बोटहरू र नेभाराहरू खाइदिनेछन्।
तिनीहरूले तिमीहरूका पक्का शहरहरू तलवारले नष्ट पर्नेछन्।
    तिनीहरूले तिमीहरूका पक्का शहरहरू नष्ट पर्ने छन् जसमा तिमीहरू भरोसा गर्थ्यौ।”

³⁰ “परमप्रभु भन्नुहुन्छ, डरलाग्दो र भयानक
    एउटा घटना यस देशमा घट्यो।
³¹ अगमवक्ताहरूले झूटो अगमवाणी दिन्छन्।
    पूजाहारीहरूले आफू खुशी शासन गर्छन्,
अनि मेरा मानिसहरूले त्यसलाई त्यसरी नै मन पराउँछन्।
    जब अन्त आउँछ तिमीहरूले के गर्नेछौ?

⁴ “यरूशलेमको विरूद्ध युद्ध गर्न तैयार हौ।
    उठ! मध्य-दिनमा हामी शहर आक्रमण गर्नेछौं।
तर अति ढिलो भइसकेको छ।
    साँझको छाँयाहरू फैलिरहेका छन्।
⁵ यसकारण उठ! हामी राती शहर आक्रमण गर्नेछौ।
    आऊ, यरूशलेमको पक्का महलहरू नष्ट पारौं।”

⁶ यही रीतले सेनाहरूका परमप्रभु भन्नुहुन्छ
    “रूखहरू काट र त्यही रूखहरूले यरूशलेमको वरिपरि
    छेक्ने घेराहरू बनाऊ।
अत्याचार बाहेक त्यस शहरमा केही छैन।
    यसलाई सजाय भोगाउनै पर्छ।
⁷ एउटा कुवाले आफ्नो पानी ताजा राख्छ।
    त्यस्तै प्रकारले, यरूशलेमले आफ्नो दुष्टता ताजा राख्छ।
सधैँ शहरमा दङ्गा र ध्वंशको विषयमा सुन्छु।
    म सधैँ यरूशलेममा विराम चोटहरू देख्छु।
⁸ चेताउनी तर्फ ध्यान देऊ, यरूशलेम।
    यदि तिमीहरूले सुनेनौ भने म तिमीहरूपट्टि पिठ्यूँ फर्काउँनेछु।
म तिम्रो भूमि रित्तो मरुभूमि जस्तै पारिदिने छु।
    कोही पनि त्यहाँ बस्न योग्य हुनेछैन।”

⁹ यही प्रकारले सेनाहरूका परमप्रभु भन्नुहुन्छ:
“खेतमा दाख बटुले झैं इस्राएलमा बाँकी रहेका मानिसहरू भेला गर।
    दाखहरू टिप्नेले झैं दाखको बोटहरू फेरि नियाल।”
¹⁰ म कोसित बोल्नु?
    मैले कसलाई चेताउनी दिनु?
    कसले मेरो कुरा सुन्छ?
इस्राएलका मानिसहरूले आफ्ना कानहरू थुनेका छन्।
    यसकारण तिनीहरूले मेरो चेताउनी सुन्दैनन्।
परमप्रभुको वचन तिनीहरूका निम्ति शरमपूर्ण हुन्छ।
    तिनीहरू उहाँका कुरा सुन्नु चाहँदैनन्।
¹¹ यसकारण म परमप्रभुको क्रोधले भरिएको छु।
    म त्यसलाई लिएर थाकिसकेको छु।
“परमप्रभुको क्रोध गल्लीहरूमा खेलिरहेका नानीहरूमाथि पोखाऊ।
    जवानहरूमाथि परमेश्वरको क्रोध खन्याऊ।
लोग्ने-स्वास्नी एकै साथ सबै पक्राऊ पर्नेछन्।
    सबै बूढा-पाकाहरू पक्राऊ पर्नेछन्।
¹² तिनीहरूका घरहरू अन्य मानिसहरूलाई दिइनेछ।
    तिनीहरूका खेतहरू र पत्नीहरू अन्य मानिसहरूलाई दिइनेछ।
म यस भूमिका मानिसहरूमाथि मेरो हात उठाउनेछु।”
    यो सन्देश परमेश्वरबाट आएको हो।

¹³ “इस्राएलका सबै मानिसहरू लोभी छन्।
    माथिल्लो तहदेखि तल्लो तहसम्मका इस्राएली मानिसहरू,
घुसको लागि मरिमेटछन्।
    अनि अगमवक्ता देखिलिएर पूजाहारीहरूसम्म झूटो बोल्छन्।
¹⁴ अगमवक्ताहरू र पूजाहारीहरूले तिनीहरूका घाउहरूमा मलमपट्टी गर्नु पर्छ।
    तर तिनीहरूले ती घाऊहरूलाई कोट्‌याको जस्तो मात्र ठाने।
तिनीहरू भन्छन्, ‘प्रत्येक कुरो ठीक छ,
    अनि प्रत्येक जग्गामा शान्ति छ’, जब कि त्यहाँ शान्ति छैन।
¹⁵ पूजाहारीहरू र अगमवक्ताहरू आफूले गरेका,
नराम्रा कुराहरूले लज्जित हुनु पर्ने।
    तर तिनीहरू एकदमै लज्जित छैनन्।
तिनीहरू कसरी लज्जित हुनुपर्ने जान्दैनन्।
    यसकारण तिनीहरू अरूसितै दण्डित हुनु पर्छ।
जब म मानिसहरूलाई सजाय दिन्छु,
तिनीहरू भूईँमा फ्याँकिनु पर्छ।”
    परमप्रभुले यी कुराहरू भन्नुभयो।

¹⁹ यो परमेश्वरको इच्छा थियो कि उनको सम्पूर्णता ख्रीष्ट मै बाँचिरहोस्।
²⁰     अनि यो परमेश्वरको इच्छा थियो कि उहाँले स्वर्ग
    अनि पृथ्वीको जम्मै वस्तुहरू ख्रीष्ट मार्फत फेरि उहाँमा ल्याउने।
क्रूसमा परमेश्वरले ख्रीष्टको रगतबाट शान्ति ल्याउनु भयो।

¹⁰ तब मैले सोचें, “जुन कुराले मलाई सधैँ सताई रहन्छ त्यो होः
    ‘के सर्वशक्तिमान् परमेश्वरले आफ्नो शक्ति गुमाउनु भयो?’”

¹¹ म सम्झना गर्छु उहाँले कस्तो-कस्तो कार्य गर्नुभयो भनेर।
    परमेश्वर म ती आश्चर्यपूर्वक कुराहरू सम्झना गर्छु,
    जुन तपाईंले धेरै-धेरै अगाडि गर्नु भएको थियो।
¹² तपाईंले के गर्नु भएको थियो त्यो मैले सोचें।
    म तपाईंका सबै शक्तिशाली कार्यहरू सोच्दछु।
¹³ परमेश्वर, तपाईंका बाटोहरू पवित्र छन्,
    तपाईं बाहेक कोही पनि महान् छैन।
¹⁴ तपाईं परमेश्वर हुनुहुन्छ जसले अचम्मका कामहरू गर्नु हुन्छ।
    तपाईंले मानिसहरूलाई आफ्नो महान् शक्तिहरू देखाउनु भयो।

¹⁵ तपाईंको शक्तिले मानिसहरूलाई बचाउनु भयो
    तपाईंले याकूब र यूसफका सन्तानहरूलाई बचाउनु भयो।
¹⁶ परमेश्वर, पानीले तपाईंलाई देख्यो र भयभित भयो।
    गहिरो पानी भएका ठाउँहरू पनि डरले कामे।
¹⁷ बाक्लो बादलहरूले पानी बर्षाए।
    मानिसहरूले डरलाग्दो उच्चबादलहरूमा
    बिजुली चम्केको देखें।
¹⁸ त्यहाँ बिजुलीको गडगडाहट थियो,
    तब बिजुलीको चमक्‌ले संसार नै उज्यालो पार्यो,
    अनि पृथ्वी थर-थर काँप्न थाल्यो।
¹⁹ परमेश्वर, तपाईं गहिरो पानी भएर हिँड्नु भयो,
तपाईंले गहन समुद्र पार गर्नुभयो,
    तर तपाईंले कुनै छाप छोड्नु भएन।
²⁰ तपाईंले आफ्ना भक्तजनहरूलाई भेंडा सरह डोर्याउनँ,
    मोशा र हारूनलाई खटाउनु भयो।