The Daily Audio Bible

5 मेरी प्रेमीका, हे मेरी दुलही,
म आफ्नो सुगन्धित सामग्रीसित बगैंचामा पसें।
    मैले मेरो मुर्र र मशलाहरू बटुलेकोछु।
मैले मेरो चाका महसँग खाएँ।
    मैले आफ्नो दाखरस र दूध पिएकोछु।

हे साथीहरू हो, खाऊ! प्रेमीहरू हो, पिऊ!
    र प्रेमको मद्यले मस्त हौ।

² म मस्त सुतें,
    तर मेरो हृदय जाग्रित थियो।
मैले मेरा प्रेमीले ढोका ढक्ढकाइरहेको सुन्छु:
    “ढोका खोल मेरी प्रेमी, मेरी ढुकुर,
    मेरी प्रियतमा, पूर्णता,
मेरो शीर शीतले भिजेकोछ,
    मेरो केश मध्य रातले भिजाएकोछ।”
³ “मैले मेरा लुगाहरू फुकालिसकेकोछु।
    म फेरि पहिरिन चाहाँदिनँ।
मैले मेरा पाऊ धोइसकेकोछु,
    यसलाई म फेरि मैला हुन दिँदिनँ।”
⁴ तर उसको निम्ति म व्याकुल भएँ
    मेरा प्रेमीले ढोकाको प्वालबाट हातहाल्दा।
⁵ म आफ्नु प्रेमीको लागि ढोका उघार्न उठें,
    मेरा हातहरूबाट रस गन्ध,
अनि औलीहरूबाट
    रस गन्धका थोपाहरू तल तिर चुहे।
⁶ जब मैले मेरा प्रेमीको लागि ढोका उघारें,
    तर मेरो प्रेमी त्यहाँबाट गइसकेका थिए।
म झण्डै मरें
    जब उहाँ आएर गए पछि।
मैले उहाँलाई खोजी हिडें
    तर भेटिनँ,
मैले उहाँलाई बोलाउँदै खोजे
    तर उहाँले मेरो उत्तर दिनु भएन।
⁷ शहरका पहरेदारहरूले मलाई भेटे,
    र तिनीहरूले मलाई पिटे,
    अनि मलाई चोट पुर्याए।
पर्खाल माथि बसेका पहरेदारहरूले
    मैले ओढेको घुम्टो खोसे।
⁸ हे यरूशलेमका तरूणीहरू! म तिमीहरूलाई भन्छु,
    यदि तिमीहरूले मेरा प्रेमीलाई भेट्यौ भने,
भनिदेऊ म उहाँलाई यति साह्रो प्रेम गर्छु,
    कि जब उहाँ मसित हुनुहुन्न तब म बिमारी हुन्छु।

⁹ स्त्रीहरूमा तिमी अति सुन्दरी छौ,
    तिम्रा प्रेमी र अन्य प्रेमीहरूमा के भिन्नता छ?
के तिम्रा प्रेमी अरूका प्रेमीहरू भन्दा उत्तम छन्?
    के यसैकारण तिमी हामीबाट वचन लिन चाहान्छौ कि,
    तिम्रा प्रेमी अरूका प्रेमीहरू भन्दा सुन्दर छन्?

¹⁰ दश हजार मानिसहरूको बीचमा पनि
    मेरा प्रेमी उज्जवल र तन्दुरूस्त देखिन्छन्।
¹¹ उहाँको शीर शुद्ध सुन जस्तै छ,
    उहाँको घुँघुरिएको कालो काग जस्तै केश छ।
¹² उहाँका आँखाहरू खोलाको किनारमा बसिरहेका ढुक्कुर जस्ता छन्,
    उहाँका आँखाहरू दूधमा डुबेका
    ढुक्कुरहरू जस्ता छन्।
¹³ उहाँका गाला सुगन्धित मसलाको बगैंचा झैं,
    सुगन्धको लागि प्रयोग गरिएका फूलहरू जस्तो छ।
उहाँका ओठहरू सुगन्धित रस चुहिरहने,
    लिली फूलहरू जस्ता छन्।
¹⁴ उहाँका पाखुराहरू ढुङ्गा जडित
    सुनका डन्डाहरू जस्ता छन्,
उहाँको शरीर नीलम जडित
    हात्तिको चिल्लो दाँत जस्तो छ।
¹⁵ उहाँका पाऊहरू शुद्ध सुनमा राखिएका
    सङ्गमरमर जस्ता छन्।
उहाँ लेबनोनमा हुने राम्रो उद्भिद्
    अग्लो देवदारू वृक्ष झैं देखिनु हुन्छ।
¹⁶ हो, यरूशलेमका स्त्रीहरू!
    उहाँको मुख अधिक मिठास पूर्ण छ।
मेरा प्रेमी अत्यन्तै कामनीय हुनुहुन्छ।
    मेरा प्रियतम, मेरा साथी यस्तो हुनुहुन्छ।

6 हे सुन्दरी स्त्री,
    भन तिम्रा प्रेमी कहाँ गएका छन्?
भन तिनी कुन बाटो गएका छन्?
    ताकि हामी उहाँको खोजीगर्न तिमीलाई सहायता गर्न सकौं।

² मेरो प्रेमी आफ्नो बगैंचामा जानुभएको छ।
    उहाँ बगैंचालाई हेर्न
र त्यहाँबाट लिलीहरू
    बटुल्न जानु भएको छ।
³ म मेरा प्रेमीकी हुँ र उहाँ मेरो प्रेमी हुनुहुन्छ।
    उहाँ लिली फूलको बगैंचामा डुल्नु हुन्छ।

⁴ तिमी तिर्सा जस्तै सुन्दरी छौ,
    तिमी यरूशलेम जस्तै आकर्षक छौ।
    तिमी एउटा झण्डा बोक्ने डरलाग्दो सेना झैं सहासी छौ।
⁵ तिम्रा आँखाहरूले मलाई अति उत्तेजित बनाउँछन्।
    अनि तिम्रो केश लामो र घुम्रिएको छ।
गिलाद पर्वतबाट तलतिर ओर्लदै गरेका बाख्राहरूको बगाल झैं।
    यसर्थ तिमीले मलाई नहेर।
⁶ तिम्रो दाँतहरू नुहाएर निस्केका
    र कत्रन तयार रहेका भेंडा़हरू जस्तै छन्।
तिनीहरू सबै जुम्ल्हा पाठाहरू जन्माए
    अनि तिनीहरू मध्ये एउटा पनि गुमाएनन्।
⁷ घुम्टो मित्र तिम्रा ती कनपटहरू एस्ता छन् कि
    जस्ता दारीमका फ्याकलाहरू हुन्।

¹⁰ ती कन्या स्त्री को हुन्?
    अरूणोदय झैं चम्कन्छिन्
जुनझैं सुन्दरी छिन्।
    तिनी घामझैं चहकिली छिन्
तिमी एउटा झण्डा बोक्ने
    डरलाग्दा सेनाझैं साहासी छौ।

¹¹ म तल ओखरको बगैंचा तिर गएँ
    बेंसीहरूको फल हेर्न
दाखहरू फूल्यो कि भनेर हेर्न
    दारिमले कोपीलाहरू लगायो कि भनेर हेर्न गएँ।
¹² तिनले मलाई मेरा मानिसहरूको सब भन्दा राम्रो रथमा
    चढ्न मन्जुरी दिएको अनुभव गरें।

¹³ हे शूलम्मेनी फर्केर आऊ, फर्केर आऊ,
    फर्केर आऊ ताकि हामी तिमीलाई हेर्न सक्छौं,

7 हे राजकुमारी! यी जुत्ताहरूमा तिम्रा पाऊ साँच्चै सुन्दर देखिन्छन्।
    तिम्रा छेपारीहरू कुनै शिल्पीले कुँदेको गहना झैं छन्।
² तिम्रो नाभि गोलो बटुको झैं छ,
    यसमा दाखरस बिना कहीले नहोस्।
तिम्रो पेट यस्तो छ कि
    गहुँको थुप्रो लिली फूलहरूले सीमाना लगाए जस्तो छ।
³ तिम्रो स्तनहरू एक जोडा हरिण को पाठहरू जस्तै छन्।
⁴ तिम्रो घाँटी यस्तो छ, मानौ हात्तीको दाँतले बनिएको किल्ला हो।
तिम्रा आँखाहरू यस्ता छन्,
    मानौ बाथ रब्बीमको फाटक नजिक हेस्बोनमा भएको कुणहरू हुन्।
तिम्रो नाक यस्तो छ,
    मानौ त्यो लबनानको किल्ला हो जुन दमश्कश तिर फर्केकोछ।
⁵ तिम्रो टाउको कार्मेलको पर्वत जस्तो छ
    अनि टाउकोको केश रेशम जस्तो छ।
तिम्रो तल झरेको लामो केशले
    राजाको पनि मन पग्लिन्छ।
⁶ तिमी मेरो निम्ति कति आनन्दायक छौ, हे मेरी प्रेमीका!
    तिमी कति राम्री र मनमोहक छौ।
⁷ तिमी खजुरको रूख जस्तै अग्ली छौ।
    अनि तिम्रा ती स्तनहरू खजुर फलेको झुप्पा जस्तै छन्।
⁸ म खजुरको रूखमाथि चढ्नेछु,
    र त्यसका हाँगाहरू समात्छु।

¹⁰ म मेरा प्रेमीकी हुँ
    र जसलाई उहाँले चाहनुहुन्छ, म त्यो हुँ।
¹¹ आउँनु होस् मेरा प्रेमी,
    हामी मैदानमा जाँऊ,
    हामी गाँउमा रात काटौं।
¹² हामी चाँडै दाखबारीमा जाँऊ,
    हामी त्यहाँ हेरौं कतै दाखका फूलहरू फक्रेका छन् कि
हेरौं कतै फूल फुलिसकेको छन् कि
    अनि दारीमको बोटमा फूलहरू ढकमक्क छन् कि
    म त्यहाँ तिमीलाई देखाउँने छु म तिमीलाई कति प्रेम गारेरहेकीछु।

³ उनको देब्रे हात मेरो टाउको मुनि छ
    अनि दाहिने हातले मलाई समात्नु भएको छ।

⁵ ती स्त्री को हुन्?
    जो आफ्नो प्रेमीसित अढेसिएर मरुभूमिबाट आउँदै छिन्।

मैले तपाईंलाई स्याऊको बोट मुनि जगाएँ,
    जहाँ तपाईंकी आमाले तपाईंलाई गर्भधारण गरेकी थिईन्,
    जहाँ तपाईंको जन्म भएको थियो।
⁶ मलाई तपाईंको हृदयमा छाप लगाउँनु होस्,
    यदि म एउटा औंठी जस्तै भएर तपाईंको हातमा रहन्छु,
प्रेम मृत्यु जस्तै प्रबल हुन्छ,
    अनि तृष्णा चाहिँ चिहान जस्तै शक्तिशाली हुन्छ,
कुनै ज्वालाभन्दा पनि कडा,
    त्यो दन्केको आगो झैं दन्किन्छ।
⁷ के कसैले आफ्नो प्रेमका निम्ति,
    आफ्नोमा भएको प्रत्येक चीज दिन्छ भने
ऊ उपेक्षित हुन्छ र?^[a]

⁸ हाम्री सानी बहिनी छ
    अनि जसको स्तन विकाश भएकै छैन,
यदि कसैले तिनलाई विवाह गर्न खोजे,
    हामीले बहिनीको लागि के गर्नु पर्ने?

¹⁰ म एउटा पर्खाल हुँ,
    मेरा स्तनहरू धरहराहरू जस्तै छन्।
    म उसको निम्ति एउटा सुरक्षाको अनुभव गर्ने भएकी छु।

¹¹ बाल-हमनमा सुलेमानको एउटा दाखको बगैंचा थियो,
    तिनले आफ्नो बगैंचा रखवालहरू दिए,
र प्रत्येक रखवालले
    1,000 चाँदीको शेकेल बराबरको दाख ल्याउनु पर्थ्ये।

¹³ बगैंचामा तिमी नै बस,
    साथीहरूले तिम्रो आवाज सुनिरहेका छन्,
    तिमी मलाई पनि सुन्न देऊ।

¹⁴ हे प्रियतम, चाँडो गर्नु होस्।
    अब सुगन्धित मसालाको पर्वतमा तपाईं हरिण,
    अथवा मृगका पाठा जस्तै हुनु होस्।

“उसले उद्धारता पूर्वक गरीबहरूलाई दिंदछ,
    उसको दयाभाव सदा-सर्वदा रहिरहन्छ।”^(A)

¹ हे परमेश्वर, मतर्फ कृपालु हुनुहोस्,
    किनभने तपाईंको दयालु कृपा-दृष्टिले,
तपाईंको महान् अनुग्रहले
    मेरा सारा पापहरू मेटाई दिनुहोस्।
² परमेश्वर मेरो दोष धोएर मेटाई दिनुहोस्।
    मेरा पापहरू धोइ-पखाली दिनुहोस्, मलाई फेरि एकपल्ट शुद्ध पारिदिनुहोस्।
³ म जान्दछु मैले पाप गरें।
    म सधैँ ती पापहरू देख्दछु।
⁴ हे परमेश्वर, जुन तपाईंले गल्ती भन्नुभयो मैले त्यही कुरा गरें।
    परमेश्वर, तपाईंको विरूद्धमा मात्र मैले पाप गरें
म ती गल्तीहरू स्वीकार गर्दछु,
    ताकि मानिसहरूले जानुन म गलत छु, र तपाईं साँच्चो हुनुहुन्छ।
    तपाईंको निर्णयहरू निष्कपट छन्।
⁵ पापमा नै मेरी आमाले मलाई गर्भधारण गरिन्
    अनि म पापमा नै जन्मेको थिएँ।
⁶ हे परमेश्वर, तपाईंले मलाई साँच्चो रूपमा विश्वासी भएको देख्न चाहनु हुन्छ,
    यसैले साँचो ज्ञान मेरो अन्तस्करणमा हाली दिनुहोस्।
⁷ विधिपूर्वक हिसप झारले^[a] मस्काएर मलाई शुद्ध पार्नुहोस्।
    जबसम्म म हिऊँ जस्तो सेतो हुन्न तबसम्म मलाई धोइ पखाल्नुहोस्।
⁸ मलाई खुशी पार्नुहोस्।
बताउनुहोस् फेरि खुशी कसरी हुनु।
    तपाईंले धूलो-पिठो पार्नु भएको हड्डीहरू फेरि आनन्दले नाचोस्।
⁹ मेरो पापहरू तपाईं नहेर्नु होस्!
    ती सबै मेटी दिनुहोस्!
¹⁰ हे परमेश्वर, शुद्ध हृदय मभित्र सृजना गरिदिनु होस्!
    मेरो आत्मा फेरि एकपल्ट बलियो पारी दिनुहोस्।
¹¹ मलाई नठेल्नु होस्।
    अनि मदेखि तपाईंको पवित्र आत्मा टाढा नलैजानु होस्!
¹² तपाईंको सहयोगले मलाई खुशी पार्दछ।
    मलाई फेरि एकपल्ट त्यो आनन्द दिनुहोस्।
    मेरो आत्मा बलियो पारी दिनुहोस् र तपाईंको आज्ञा पालन गर्न तयार होस्।
¹³ म पापीहरूलाई तपाईंको चाहना अनुसार कसरी बाँच्नु भनेर सिकाउने छु
    अनि तिनीहरू फर्केर तपाईं कहाँ आउने छन्।
¹⁴ हे परमेश्वर, मृत्यु दण्ड देखि मलाई बचाउँनु होस्।
    तपाईंको धार्मिकताको विषयमा,
मलाई गीत गाउन दिनुहोस्।
¹⁵     हे मेरो स्वामी, म मेरो मुख खोल्नेछु र तपाईंको प्रशंसा-गीत गाउने छु!
¹⁶ तपाईं वास्तवमा बलिहरू चाहनु हुन्न्,
    यसकारण मैले किन बलिहरू चढाउनु।
¹⁷ जुन बलि परमेश्वरले चाहनु हुन्छ त्यो विनम्र आत्मा हो।
    हे परमेश्वर, जो-जो विनम्र अनि समर्पित हृदय लिएर आउँदछन्, तपाईं उनीहरू देखि मुख फर्काउनु हुन्न!