Beginning

40 ^(A)Aking hinintay na may pagtitiis ang Panginoon;
At siya'y kumiling sa akin, at dininig ang aking daing.
² Isinampa naman niya ako mula sa isang kakilakilabot na balon, ^(B)mula sa balahong malagkit;
^(C)At itinuntong niya ang aking mga paa sa isang malaking bato, at ^(D)itinatag ang aking mga paglakad.
^3 (E)At siya'y naglagay ng bagong awit sa aking bibig, sa makatuwid baga'y pagpuri sa aming Dios:
Marami ang mangakakakita at mangatatakot,
At magsisitiwala sa Panginoon.
^4 (F)Mapalad ang tao na ginagawang kaniyang tiwala ang Panginoon,
At hindi iginagalang ang palalo, ni ang mga naliligaw man sa pagsunod sa mga kabulaanan.
^5 (G)Marami, Oh Panginoon kong Dios, ang mga kagilagilalas na mga gawa na iyong ginawa,
^(H)At ang iyong mga pagiisip sa amin:
Hindi malalagay na maayos sa harap mo;
Kung ako'y magpapahayag at sasalitain ko sila,
Sila'y higit kay sa mabibilang.
^6 (I)Hain at handog ay hindi mo kinaluluguran;
Ang aking pakinig ay iyong binuksan:
Handog na susunugin, at handog tungkol sa kasalanan ay hindi mo hiningi.
⁷ Nang magkagayo'y sinabi ko: Narito, dumating ako;
^(J)Sa balumbon ng aklat ay ^(K)nakasulat tungkol sa akin:
^8 (L)Aking kinalulugurang sundin ang iyong kalooban, Oh Dios ko;
Oo, ang iyong kautusan ay ^(M)nasa loob ng aking puso.
⁹ Ako'y nagpahayag ng mabuting balita ng katuwiran ^(N)sa dakilang kapisanan;
Narito, hindi ko pipigilin ang aking mga labi,
Oh Panginoon, iyong nalalaman.
¹⁰ Hindi ko ikinubli ang iyong katuwiran sa loob ng aking puso;
Aking ibinalita ang iyong pagtatapat, at ang iyong pagliligtas:
Hindi ko inilihim ang iyong kagandahang-loob at ang iyong katotohanan sa dakilang kapisanan.
¹¹ Huwag mong pigilin sa akin ang iyong mga malumanay na kaawaan, Oh Panginoon:
Panatilihin mong lagi sa akin ang ^(O)iyong kagandahang-loob at ang iyong katotohanan.
¹² Sapagka't kinulong ako ng walang bilang na kasamaan.
Ang mga kasamaan ko ay ^(P)umabot sa akin, na anopa't hindi ako makatingin;
Sila'y ^(Q)higit kay sa mga buhok ng aking ulo,
At ang aking puso ay nagpalata sa akin.
¹³ Kalugdan^[a] mo nawa, Oh Panginoon, na iligtas ako:
Ikaw ay ^(R)magmadaling tulungan mo ako, Oh Panginoon.
^14 (S)Sila'y mangapahiya nawa at mangatulig na magkakasama
Na nagsisiusig ng aking kaluluwa upang ipahamak:
Sila nawa'y mangapaurong at mangadala sa kasiraang puri
Na nangalulugod sa aking kapahamakan.
¹⁵ Mangapahamak nawa sila dahil sa kanilang kahihiyan
Na nangagsasabi sa akin, Aha, ^(T)Aha.
¹⁶ Mangagalak at mangatuwa nawa sa iyo ang lahat na nagsisihanap sa iyo:
Yaong nangagiibig ng iyong kaligtasan ay ^(U)mangagsabi nawang palagi,
^(V)Ang Panginoon ay dakilain.
^17 (W)Nguni't ako'y dukha at mapagkailangan;
Gayon ma'y inalaala ako ^(X)ng Panginoon:
Ikaw ang aking saklolo at aking tagapagligtas;
Huwag kang magluwat, Oh Dios ko.

41 ^(Y)Mapalad siya na ^(Z)nagpapakundangan sa dukha:
^(AA)Ililigtas siya ng Panginoon sa panahon ng kaligaligan.
² Pananatilihin siya, at iingatan siyang buháy ng Panginoon,
At siya'y pagpapalain sa ibabaw ng lupa;
^(AB)At huwag mong ibigay siya sa kalooban ng kaniyang mga kaaway.
³ Aalalayan siya ng Panginoon sa hiligan ng panghihina:
Iyong inaayos ang buo niyang higaan sa kaniyang pagkakasakit.
⁴ Aking sinabi, Oh Panginoon, maawa ka sa akin:
^(AC)Pagalingin mo ang aking kaluluwa; sapagka't ako'y nagkasala laban sa iyo.
⁵ Ang aking mga kaaway ay nangagsasalita ng kasamaan laban sa akin, na nangagsasabi,
Kailan siya mamamatay, at mapapawi ang kaniyang pangalan?
⁶ At kung siya'y pumaritong tingnang ako ^(AD)siya'y nagsasalita ng walang kabuluhan;
Ang kaniyang puso ay nagpipisan ng kasamaan sa kaniyang sarili;
Pagka siya'y lumabas, isinasaysay niya.
⁷ Yaong lahat na nangagtatanim sa akin ay nangagbubulong-bulungan laban sa akin:
Laban sa akin ay nagsisikatha ng panghamak.
⁸ Isang masamang sakit, wika nila, ay kumapit na madali sa kaniya;
At ngayon siyang nahihiga ay hindi na babangon pa.
^9 (AE)Oo, ang aking kasamasamang kaibigan, na aking tiniwalaan,
Na kumain ng aking tinapay,
Nagtaas ng kaniyang sakong laban sa akin.
¹⁰ Nguni't ikaw, Oh Panginoon, maawa ka sa akin, at ibangon mo ako,
Upang aking magantihan sila.
¹¹ Sa pamamagitan nito ay natatalastas ko na nalulugod ka sa akin,
Sapagka't ang aking kaaway ay hindi nagtatagumpay sa akin.
¹² At tungkol sa akin, iyong inaalalayan ako ^(AF)sa aking pagtatapat,
At ^(AG)inilalagay mo ako sa harap ng iyong mukha magpakailanman.
^13 (AH)Purihin ang Panginoon, ang Dios ng Israel,
Mula sa walang pasimula at hanggang sa walang hanggan.
^(AI)Siya nawa, at Siya nawa.

42 Kung paanong humihingal ang usa sa pagkauhaw sa tubig ^(AJ)ng mga batis,
Gayon humihingal ang aking kaluluwa sa pagkasabik sa iyo, Oh Dios.
^2 (AK)Kinauuhawan ng aking kaluluwa ang Dios, ^(AL)ang buháy na Dios:
Kailan ako paririto, ^(AM)at haharap sa Dios?
³ Ang aking mga luha ay ^(AN)naging aking pagkain araw at gabi,
^(AO)Habang kanilang sinasabing lagi sa akin, Saan nandoon ang iyong Dios?
⁴ Ang mga bagay na ito ay aking naaalaala, at ^(AP)nanglulumo ang aking kaluluwa sa loob ko,
^(AQ)Kung paanong ako'y nagpatuloy sa karamihan, ^(AR)at pinatnubayan ko sila sa bahay ng Dios,
Na may tinig ng kagalakan at pagpupuri, na isang karamihan na nagdidiwang ng kapistahan.
^5 (AS)Bakit ka nanglulumo, Oh kaluluwa ko?
At bakit ka nababagabag sa loob ko?
Umasa ka sa Dios: sapagka't pupuri pa ako sa kaniya
Dahil sa kagalingan ng kaniyang mukha.
⁶ Oh Dios ko, ang aking kaluluwa ay nanglulumo sa loob ko;
Kaya't aking inaalaala ka ^(AT)mula sa lupain ng Jordan,
At ng ^(AU)Hermonitas, mula sa burol ng Mizhar.
^7 (AV)Kalaliman ay tumatawag sa kalaliman sa hugong ng iyong mga baha:
^(AW)Lahat ng iyong alon at ang iyong malaking alon ay nagsitabon sa akin.
⁸ Gayon ma'y ^(AX)uutusan ng Panginoon ang kaniyang kagandahang-loob sa araw,
At ^(AY)sa gabi ay sasa akin ang awit sa kaniya,
Sa makatuwid baga'y isang dalangin sa Dios ng aking buhay.
⁹ Aking sasabihin sa Dios na aking ^(AZ)malaking bato, Bakit mo ako kinalimutan?
Bakit ako'y yayaong tumatangis dahil sa pagpighati ng kaaway?
¹⁰ Na wari tabak sa aking mga buto, na tinutuya ako ng aking mga kaaway;
^(BA)Habang sinasabi nilang lagi sa akin, Saan nandoon ang iyong Dios?
^11 (BB)Bakit ka nanglulumo, Oh kaluluwa ko?
At bakit ka nababagabag sa loob ko?
Umasa ka sa Dios: sapagka't pupuri pa ako sa kaniya,
Na siyang kagalingan ng aking mukha, at aking Dios.

43 Hatulan mo ako, ^(BC)Oh Dios, at ^(BD)ipagsanggalang mo ang aking usap laban sa masamang bansa:
Oh iligtas mo ako sa magdaraya at hindi ganap na tao.
² Sapagka't ikaw ang Dios ng aking kalakasan; bakit mo ako ^(BE)itinakuwil?
^(BF)Bakit ako yumayaong tumatangis dahil sa pagpighati ng kaaway?
^3 (BG)Oh suguin mo ang iyong liwanag at ang iyong katotohanan; patnubayan nawa nila ako:
Dalhin nawa nila ako sa ^(BH)iyong banal na bundok.
At sa iyong mga tabernakulo.
⁴ Kung magkagayo'y paparoon ako sa dambana ng Dios,
Sa Dios na aking malabis na kagalakan:
At sa alpa ay pupuri ako sa iyo, Oh Dios, aking Dios.
^5 (BI)Bakit ka nanglulumo, Oh kaluluwa ko?
At bakit ka nababagabag sa loob ko?
Umasa ka sa Dios: sapagka't pupuri pa ako sa kaniya,
Na siyang kagalingan ng aking mukha, at aking Dios.

44 Narinig namin ng aming mga pakinig, Oh Dios,
Isinaysay sa amin ^(BJ)ng aming mga magulang,
Kung anong gawa ang iyong ginawa sa kanilang mga kaarawan,
Ng mga kaarawan ng una.
^2 (BK)Iyong itinaboy ng iyong kamay ang mga bansa,
Nguni't itinatag mo sila;
Iyong dinalamhati ang mga bayan,
Nguni't iyong pinangalat sila.
^3 (BL)Sapagka't hindi nila tinamo ang lupain na pinakaari sa pamamagitan ng kanilang sariling tabak,
Ni iniligtas man sila ng kanilang sariling kamay:
Kundi ng iyong kanan, at ng iyong bisig, at ng ^(BM)liwanag ng iyong mukha,
^(BN)Sapagka't iyong nilingap sila.
^4 (BO)Ikaw ang aking Hari, Oh Dios:
^(BP)Magutos ka ng kaligtasan sa Jacob.
⁵ Dahil sa iyo'y ^(BQ)itutulak namin ang aming mga kaaway:
Sa iyong pangalan ay ^(BR)yayapakan namin sila na nagsisibangon laban sa amin.
⁶ Sapagka't ^(BS)hindi ako titiwala sa aking busog.
Ni ililigtas man ako ng aking tabak.
⁷ Nguni't iniligtas mo kami sa aming mga kaaway,
At inilagay mo sila sa kahihiyan na nangagtatanim sa amin.
⁸ Sa Dios ay naghahambog kami buong araw,
At mangagpapasalamat kami sa iyong pangalan magpakailan man. (Selah)
⁹ Nguni't ngayo'y itinakuwil mo ^(BT)kami, at inilagay mo kami sa kasiraang puri;
At hindi ka lumalabas na kasama ng aming mga hukbo.
¹⁰ Iyong pinatatalikod kami sa kaaway:
At silang nangagtatanim sa amin ay nagsisisamsam ng sa ganang kanilang sarili.
^11 (BU)Iyong ibinigay kaming gaya ng mga tupa na pinaka pagkain;
At ^(BV)pinangalat mo kami sa mga bansa.
^12 (BW)Iyong ipinagbibili ang iyong bayan na walang bayad,
At hindi mo pinalago ang iyong kayamanan sa pamamagitan ng kanilang halaga.
^13 (BX)Ginawa mo kaming katuyaan sa aming mga kapuwa,
Isang kasabihan at kadustaan nila na nangasa palibot namin.
^14 (BY)Iyong ginawa kaming kawikaan sa gitna ng mga bansa,
^(BZ)At kaugaan ng ulo sa gitna ng mga bayan.
¹⁵ Buong araw ay nasa harap ko ang aking kasiraang puri,
At ang kahihiyan ng aking mukha ay tumakip sa akin,
¹⁶ Dahil sa tinig niya na dumuduwahagi at tumutungayaw;
^(CA)Dahil sa kaaway at sa manghihiganti.
¹⁷ Lahat ng ito'y dumating sa amin; gayon ma'y hindi namin kinalimutan ka,
Ni ^(CB)gumawa man kami na may karayaan sa iyong tipan.
¹⁸ Ang aming puso ay hindi tumalikod,
^(CC)Ni ang amin mang mga hakbang ay humiwalay sa iyong daan;
¹⁹ Na kami ay iyong lubhang nilansag ^(CD)sa dako ng mga chakal,
At tinakpan mo kami ^(CE)ng lilim ng kamatayan.
²⁰ Kung aming nilimot ang pangalan ng aming Dios,
^(CF)O aming iniunat ang aming mga kamay sa ibang dios;
^21 (CG)Hindi ba sisiyasatin ito ng Dios?
Sapagka't nalalaman niya ang mga lihim ng puso.
^22 (CH)Oo, dahil sa iyo ay pinapatay kami buong araw;
Kami ay nabilang na parang mga tupa sa patayan.
^23 (CI)Ikaw ay gumising, bakit ka natutulog, Oh Panginoon?
Ikaw ay bumangon, huwag mo kaming itakuwil magpakailan man.
^24 (CJ)Bakit mo ikinukubli ang iyong mukha,
At kinalilimutan mo ang aming kadalamhatian at aming kapighatian?
²⁵ Sapagka't ang aming kaluluwa ay nakasubsob sa alabok:
Ang aming katawan ay nadidikit sa lupa.
²⁶ Ikaw ay bumangon upang kami ay tulungan,
At tubusin mo kami dahil sa iyong kagandahang-loob.

45 Ang aking puso ay nananagana sa isang mainam na bagay:
Aking sinasalita ang mga bagay na aking ginawa tungkol sa hari:
Ang aking dila ay panulat ^(CK)ng bihasang manunulat.
² Ikaw ay maganda kay sa mga anak ng mga tao;
^(CL)Biyaya ay nabubuhos sa iyong mga labi:
Kaya't pinagpala ka ng Dios magpakailan man.
³ Ibigkis mo ang iyong ^(CM)tabak sa iyong hita, Oh makapangyarihan,
Kalakip ang iyong ^(CN)kaluwalhatian at ang iyong kamahalan.
⁴ At sa iyong kamahalan ay sumakay kang may kaginhawahan, Dahil sa katotohanan, at sa kaamuan, at sa katuwiran:
At ang iyong kanan ay magtuturo sa iyo ng ^(CO)kakilakilabot na mga bagay.
⁵ Ang iyong mga ^(CP)palaso ay matulis;
Ang mga bayan ay nangabubuwal sa ilalim mo:
Sila'y nangasa puso ng mga kaaway ng hari.
^6 (CQ)Ang iyong luklukan, Oh Dios, ay magpakailan-kailan man:
Cetro ng kaganapan ang cetro ng iyong kaharian.
^7 (CR)Iyong iniibig ang katuwiran, at pinagtataniman ang kasamaan:
Kaya't ang Dios, ang iyong Dios, ay nagpahid sa iyo ^(CS)ng langis
Ng langis ^(CT)ng kasayahan na higit kay sa iyong mga kasama.
⁸ Ang lahat ng iyong mga damit ay amoy mira, at aloe, at kasia:
Mula sa bahay-haring garing ay pinasasaya ka ng mga panugtog na kawad.
^9 (CU)Ang mga anak na babae ng hari ay nangasa gitna ng iyong mga marangal na babae:
^(CV)Sa iyong kanan ay nakatayo ang reyna na may ^(CW)ginto sa Ophir.
¹⁰ Iyong dinggin, Oh anak na babae, at iyong pakundanganan, at ikiling mo ang iyong pakinig;
^(CX)Kalimutan mo naman ang iyong sariling bayan, at ang bahay ng iyong magulang;
¹¹ Sa gayo'y nanasain ng hari ang iyong kagandahan;
Sapagka't siya'y iyong panginoon; at sumamba ka sa kaniya.
¹² At ang anak na babae ng Tiro ay dodoon na ^(CY)may kaloob;
Pati ng mayaman sa gitna ng iyong bayan ay ^(CZ)mamamanhik ng iyong lingap.
¹³ Ang anak na babae ng hari ay totoong maluwalhati sa bahay-hari.
Ang kaniyang suot ay yaring may ginto.
¹⁴ Siya'y ihahatid sa hari na ^(DA)may suot na bordado:
Ang mga dalaga, na kaniyang mga kasama na nagsisisunod sa kaniya, ay
Dadalhin sa iyo.
¹⁵ May kasayahan at kagalakan na ihahatid sila:
Sila'y magsisipasok sa bahay-hari.
¹⁶ Sa halip ng iyong mga magulang ay ang iyong mga anak,
^(DB)Na siya mong gagawing mga pangulo sa buong lupa.
¹⁷ Aking ipaaalaala ang iyong pangalan sa lahat ng sali't saling lahi:
Kaya't ang mga bayan ay mangagpapasalamat sa iyo magpakailan-kailan man.