Bible in 90 Days

Mga huling awit ni David.

Ang mga bantog na lalaki ni David.

^8 (AK)Ito ang mga pangalan ng mga makapangyarihang lalake na nasa kay David: Si Josebbasebet na ^(AL)Tachemonita, na pinuno ng mga kapitan; na siya ring si Adino na Eznita, na siyang dumaluhong laban sa walong daan na nangapatay ng paminsan.

⁹ At pagkatapos niya'y si ^(AM)Eleazar, na anak ni Dodo, na anak ng isang Ahohita, na isa sa tatlong malalakas na lalake na kasama ni David, nang sila'y mangakipagaway sa mga Filisteo, na nangapipisan doon upang makipagbaka, at ang mga lalake ng Israel ay nagsialis:

¹⁰ Siya'y bumangon, at sinaktan ang mga Filisteo hanggang sa ang kaniyang kamay ay nangalay, at ang kaniyang kamay ay nadikit sa tabak: at ang Panginoo'y gumawa ng dakilang pagtatagumpay sa araw na yaon: at ang bayan ay bumalik na kasunod niya, upang manamsam lamang.

¹¹ At pagkatapos niya'y si ^(AN)Samma na anak ni Age, na Araita. At ang mga Filisteo ay nagpipisan sa isang pulutong, na kinaroroonan ng isang putol na lupa sa puno ng lentehas; at tinakasan ng bayan ang mga Filisteo.

¹² Nguni't siya'y tumayo sa gitna ng putol na yaon, at ipinagsanggalang niya, at pinatay ang mga Filisteo: at ang Panginoo'y gumawa ng dakilang pagtatagumpay.

¹³ At ^(AO)tatlo sa tatlong pung pinuno ay nagsilusong at nagsiparoon kay David sa pagaani sa ^(AP)yungib ng Adullam; at ang pulutong ng mga Filisteo ay nagsihantong sa ^(AQ)libis ng Rephaim.

¹⁴ At si David nga'y nasa ^(AR)katibayan, at ang ^(AS)pulutong nga ng mga Filisteo ay nasa Beth-lehem.

¹⁵ At nagnais si David, at nagsabi, Oh may magbigay sana sa akin ng tubig sa balon ng Beth-lehem, na nasa tabi ng pintuang-bayan!

¹⁶ At ang tatlong malalakas na lalake ay nagsisagasa sa hukbo ng mga Filisteo, at nagsiigib ng tubig sa balon ng Beth-lehem, na nasa siping ng pintuang bayan, at kinuha, at dinala kay David: nguni't hindi niya ininom yaon, kundi kaniyang ibinuhos na handog sa Panginoon.

¹⁷ At kaniyang sinabi, Malayo sa akin, Oh Panginoon, na aking gawin ito: ^(AT)iinumin ko ba ang dugo ng mga lalake na nagsiparoon na ipinain ang kanilang buhay? kaya't hindi niya ininom. Ang mga bagay na ito ay ginawa ng tatlong malalakas na lalake.

¹⁸ At si Abisai, na kapatid ni Joab, na anak ni Sarvia, ay pinuno ng tatlo. At kaniyang itinaas ang kaniyang sibat laban sa tatlong daan at pinatay niya sila, at nagkapangalan sa tatlo.

¹⁹ Hindi ba siya ang lalong marangal sa tatlo? kaya't siya'y ginawang punong kawal nila: gayon ma'y hindi siya umabot sa unang tatlo.

²⁰ At si ^(AU)Benaia, na anak ni Joiada, na anak ng matapang na lalake na taga Cabseel, na gumawa ng makapangyarihang gawa, na kaniyang pinatay ang dalawang anak ni Ariel na taga Moab; siya'y lumusong din at pumatay ng isang leon sa gitna ng isang hukay sa kapanahunan ng niebe.

²¹ At siya'y pumatay ng isang taga Egipto na malakas na ^(AV)lalake: at ang taga Egipto ay may sibat sa kaniyang kamay; nguni't siya'y nilusong niyang may tungkod, at inagaw niya ang sibat sa kamay ng taga Egipto, at pinatay niya siya ng kaniyang sariling sibat.

²² Ang mga bagay na ito ay ginawa ni Benaias, na anak ni Joiada, at nagkapangalan sa tatlong malalakas na lalake.

²³ Siya'y marangal kay sa tatlongpu, nguni't sa unang tatlo'y hindi siya umabot. ^(AW)At inilagay ni David siya sa kaniyang bantay.

²⁴ At si ^(AX)Asael na kapatid ni Joab ay isa sa tatlongpu; si Elhaanan na anak ni Dodo, na taga Beth-lehem,

²⁵ Si Samma na Harodita, si Elica na Harodita,

²⁶ Si Heles na Paltita, si Hira na anak ni Jecces na Tecoita.

²⁷ Si Abiezer na Anathothita, si Mebunai na Husatita,

²⁸ Si Selmo na Hahohita, si Maharai na Netophathita,

²⁹ Si Helec na anak ni Baana, na Netophathita, si Ithai na anak ni Ribai, na taga Gabaa, sa mga anak ng Benjamin.

³⁰ Si Benaia na Pirathonita, si Hiddai sa mga batis ng Gaas,

³¹ Si Abi-albon na Arbathita, si Azmaveth na Barhumita,

³² Si Eliahba na Saalbonita, ang mga anak ni Jassen, si Jonathan,

³³ Si Samma na Ararita, si Ahiam na anak ni Sarar, na Ararita,

³⁴ Si Elipheleth na anak ni Asbai, na anak ni Maachateo, si ^(AY)Eliam na anak ni Achitophel na Gelonita,

³⁵ Si Hesrai na Carmelita, si Pharai na Arbita;

³⁶ Si Igheal na anak ni Nathan na taga Soba, si Bani na Gadita,

³⁷ Si Selec na Ammonita, si Naharai na Beerothita, na mga tagadala ng sandata ni Joab na anak ni Sarvia;

³⁸ Si ^(AZ)Ira na Ithrita, si Gareb na Ithrita,

³⁹ Si ^(BA)Uria na Hetheo: silang lahat ay tatlong pu't pito.

Ang bayan ay binilang.

24 ^(BB)At ang galit ng Panginoon ay nagalab ^(BC)uli laban sa Israel, at kaniyang kinilos si David laban sa kanila, na sinabi, Ikaw ay yumaon, iyong bilangin ang Israel at Juda.

² At sinabi ng hari kay Joab na puno ng hukbo, na kasama niya, Magparoo't parito ka nga sa lahat ng mga lipi ng Israel, ^(BD)mula sa Dan hanggang sa Beer-seba, at bilangin ninyo ang bayan, upang aking maalaman ang kabuoan ng bayan.

³ At sinabi ni Joab sa hari, Ngayo'y dagdagan ng ^(BE)Panginoon mong Dios ang bayan, sa gaano man karami sila, ng makaisang daan pa; at makita ng mga mata ng aking panginoon na hari: nguni't bakit nalulugod ang panginoon ko na hari sa bagay na ito?

⁴ Gayon ma'y ang salita ng hari ay nanaig laban kay Joab, at laban sa mga puno ng hukbo. At si Joab at ang mga puno ng hukbo ay nagsilabas mula sa harapan ng hari upang bilangin ang bayan ng Israel.

⁵ At sila'y nagsitawid ng Jordan, at nagsihantong sa ^(BF)Aroer sa dakong kanan ng bayan na nasa gitna ng libis ng Gad, at sa Jazer:

⁶ Saka sila nagsiparoon sa Galaad, at sa lupain ng Tatimhodsi; at sila'y nagsidating sa Dan-jaan at sa palibot hanggang sa Sidon.

⁷ At nagsiparoon sa katibayan ng Tiro, at sa lahat ng mga bayan ng mga Heveo, at ng mga Cananeo; at sila'y nagsilabas sa timugan ng Juda, sa Beer-seba.

⁸ Sa gayon nang sila'y makapagparoo't parito na, sa buong lupain, ay nagsiparoon sila sa Jerusalem sa katapusan ng siyam na buwan at dalawang pung araw.

⁹ At ibinigay ni Joab sa hari ang bilang ng pagkabilang sa bayan; ^(BG)at mayroon sa Israel na walong daang libo na matapang na lalake na nagsisihawak ng tabak; at ang mga tao sa Juda ay limang daang libong lalake.

¹⁰ At ang puso ni David ay sinaktan niya pagkatapos na kaniyang nabilang ang bayan. At sinabi ni David sa Panginoon, ^(BH)Ako'y nagkasala ng malaki sa aking nagawa: nguni't ngayo'y isinasamo ko sa iyo na iyong pawiin ang kasamaan ng iyong lingkod; sapagka't aking ginawa ^(BI)ng buong kamangmangan.

¹¹ At nang bumangon si David sa kinaumagahan, ang salita ng Panginoon ay dumating sa propeta ^(BJ)Gad na ^(BK)tagakita ni David, na sinasabi,

¹² Ikaw ay yumaon at salitain mo kay David, Ganito ang sabi ng Panginoon, Pinagpapalagayan kita ng tatlong bagay; pumili ka ng isa sa mga yaon upang aking magawa sa iyo.

¹³ Sa gayo'y naparoon si Gad kay David, at nagsaysay sa kaniya: at nagsabi sa kaniya, ^(BL)Darating ba sa iyo ang pitong taon na kagutom sa iyong lupain? o tatakas ka bang tatlong buwan sa harap ng iyong mga kaaway samantalang hinahabol ka nila? o magkakaroon ba ng tatlong araw na pagkasalot sa iyong lupain? ngayo'y muniin mo, at dilidilihin mo kung anong kasagutan ang aking ibabalik doon sa nagsugo sa akin.

¹⁴ At sinabi ni David kay Gad, Ako'y nasa totoong kagipitan: mahulog tayo ngayon sa kamay ng Panginoon; ^(BM)sapagka't ang kaniyang mga kaawaan ay dakila: at huwag akong mahulog sa kamay ng tao.

Ang salot ay sinugo.

¹⁵ Sa gayo'y nagsugo ang Panginoon ng salot sa Israel mula sa umaga hanggang sa takdang panahon: at namatay sa bayan mula sa Dan hanggang sa Beer-seba ay pitong pung libong lalake.

¹⁶ At nang iunat ng anghel ang kaniyang kamay sa dakong Jerusalem upang gibain ay nagsisi ^(BN)ang Panginoon sa kasamaan, at sinabi ^(BO)sa anghel na ^(BP)lumipol ng bayan, Siya na; ngayo'y itigil mo ang iyong kamay. At ang anghel ng Panginoon ay nasa giikan ni ^(BQ)Arauna na Jebuseo.

¹⁷ At nagsalita si David sa Panginoon, nang kaniyang makita ang anghel na sumakit sa bayan, at nagsabi, Narito, ako'y nagkasala, at ako'y gumawa ng kalikuan; nguni't ang mga tupang ito, ano ang ginawa? isinasamo ko sa iyo na ang iyong kamay ay maging laban sa akin, at laban sa sangbahayan ng aking ama.

Si David ay nagtayo ng dambana sa Panginoon sa giikan ni Arauna.

¹⁸ At si Gad ay naparoon sa araw na yaon kay David, at nagsabi sa kaniya, Ikaw ay yumaon, magtayo ka ng isang dambana sa Panginoon sa giikan ni Arauna na Jebuseo.

¹⁹ At si David ay umahon ayon sa sinabi ni Gad, kung paanong iniutos ng Panginoon.

²⁰ At tumanaw si Arauna, at nakita ang hari, at ang kaniyang mga lingkod na nagsisilapit sa kaniya; at si Arauna ay lumabas at nagpatirapa sa harap ng hari.

²¹ At sinabi ni Arauna: Bakit ang aking panginoon na hari ay naparito sa kaniyang lingkod? ^(BR)At sinabi ni David, Upang bilhin ang giikan sa iyo, na mapagtayuan ng isang dambana sa Panginoon, upang ang salot ay ^(BS)magtigil sa bayan.

²² At sinabi ni Arauna kay David, Kunin ng aking panginoon na hari, at ihandog kung ano ang inaakala niyang mabuti: ^(BT)narito, ang mga baka na panghandog na susunugin, at ang mga kagamitan sa giikan at ang mga pamatok ng mga baka na pang kahoy:

²³ Ang lahat na ito, Oh hari, ibinibigay ni Arauna sa hari. At sinabi ni Arauna sa hari, Tanggapin ka nawa ng Panginoon mong Dios.

²⁴ At sinabi ng hari kay Arauna, Huwag; kundi katotohanang bibilhin ko sa iyo sa halaga: hindi nga ako maghahandog ng mga handog na susunugin sa Panginoon kong Dios na hindi nagkahalaga sa akin ng anoman. ^(BU)Sa gayo'y binili ni David ang giikan at ang mga baka ng limang pung siklong pilak.

²⁵ At nagtayo roon si David ng isang dambana sa Panginoon, at naghandog ng mga handog na susunugin at ng mga handog tungkol sa kapayapaan. ^(BV)Sa gayo'y nadalanginan ang Panginoon dahil sa lupain, at ang salot ay tumigil sa Israel.

Si David sa kaniyang katandaan.

1 Si David na hari nga ay matanda at totoong magulang na; at kanilang tinakpan siya ng mga kumot, nguni't siya'y hindi naiinitan.

² Kaya't sinabi ng mga lingkod niya sa kaniya, Ihanap ang aking panginoon na hari ng isang dalaga: at patayuin siya sa harap ng hari, at libangin niya siya; at mahiga siya sa iyong sinapupunan, upang ang aking panginoon na hari ay mainitan.

³ Sa gayo'y inihanap nila siya ng isang magandang dalaga sa lahat ng mga hangganan ng Israel, at nasumpungan si Abisag na Sunamita, at ^(BW)dinala sa hari.

⁴ At ang dalaga ay totoong maganda: at kaniyang nilibang ang hari at nagaalaga sa kaniya; nguni't hindi siya ginalaw ng hari.

⁵ Nang magkagayo'y nagmataas si ^(BX)Adonia na anak ni Haggith, na nagsabi, Ako'y magiging hari: at siya'y naghanda ng mga karo at mga mangangabayo, at limang pung lalaking mananakbo sa ^(BY)unahan niya.

Si Adonia ay nagtangka na maging hari.

⁶ At hindi siya kinasamaan ng loob ng kaniyang ama kailan man, na nagsabi, Bakit ka gumawa ng ganyan? at siya'y totoong makisig na lalake rin naman; at siya'y ^(BZ)ipinanganak na kasunod ni Absalom.

⁷ At siya'y nakipagsalitaan kay Joab na anak ni Sarvia, at sa saserdoteng kay Abiathar: at pagsunod nila kay Adonia ay ^(CA)nagsitulong sa kaniya.

⁸ Nguni't si Sadoc na saserdote, at si ^(CB)Benaia na anak ni Joiada, at si ^(CC)Nathan na propeta, at si Semei, at si Reihi, at ang mga makapangyarihang lalake na nauukol kay David, ay ^(CD)hindi kasama ni Adonia.

⁹ At nagpatay si Adonia ng mga tupa, at mga baka at ng mga pinataba sa siping ng bato ng Zoheleth, na nasa tabi ng ^(CE)Enrogel: at kaniyang tinawag ang lahat niyang kapatid na mga anak ng hari, at ang lahat na lalake sa Juda na mga lingkod ng hari.

¹⁰ Nguni't si Nathan na propeta, at si Benaia, at ang mga makapangyarihang lalake, at si ^(CF)Salomon na kaniyang kapatid ay hindi niya tinawag.

¹¹ Nang magkagayo'y nagsalita si Nathan kay Bath-sheba na ina ni Salomon, na nagsasabi, Hindi mo ba nabalitaan na naghahari si Adonia na anak ni Haggith, at hindi nalalaman ni David na ating panginoon?

¹² Ngayon nga'y parito ka, isinasamo ko sa iyo, na bigyang payo kita, upang iyong mailigtas ang iyong sariling buhay, at ang buhay ng iyong anak na si Salomon.

¹³ Ikaw ay yumaon, at pasukin mo ang haring si David, at sabihin mo sa kaniya, Di ba, panginoon ko, isinumpa mo sa iyong lingkod, na iyong sinasabi, Tunay na si ^(CG)Salomon na iyong anak ay maghahari pagkamatay ko, at siya'y uupo sa aking luklukan? bakit nga maghahari si Adonia?

¹⁴ Narito, samantalang nagsasalita ka pa roon sa hari, ay papasok naman ako na kasunod mo, at aking patototohanan ang iyong mga salita.

Tumutol si Bath-sheba.

¹⁵ At pinasok ni Bath-sheba ang hari sa silid; at ang hari ay totoong matanda na; at si Abisag na Sunamita ay siyang nagaalaga sa hari.

¹⁶ At si Bath-sheba ay yumukod at nagbigay galang sa hari. At sinabi ng hari, Anong ibig mo?

¹⁷ At sinabi niya sa kaniya, Panginoon ko, isinumpa mo ang Panginoon mong Dios sa iyong lingkod, na sinasabi, Tunay na si Salomon na iyong anak ay maghahari pagkamatay ko, at siya'y uupo sa aking luklukan.

¹⁸ At ngayo'y narito, si Adonia ay naghahari; at ikaw, panginoon ko na hari, ay hindi mo nalalaman;

¹⁹ At siya'y pumatay ng mga baka, at mga pinataba, at tupa na sagana, at tinawag ang lahat na anak ng hari, at si Abiathar na saserdote, at si Joab na puno ng hukbo: nguni't si Salomon na iyong lingkod ay hindi niya tinawag.

²⁰ At ikaw, panginoon ko na hari, ang mga mata ng buong Israel ay nasa iyo, upang iyong saysayin sa kanila kung sino ang uupo sa luklukan ng aking panginoon na hari pagkamatay niya.

²¹ Sa ibang paraa'y mangyayari, na pagka ang aking panginoon na hari ay ^(CH)natutulog na kasama ng kaniyang mga magulang, na ako at ang aking anak na si Salomon ay mabibilang sa mga may sala.

Kinatigan ni Nathan si Bath-sheba sa pagtutol.

²² At, narito, samantalang siya'y nakikipagsalitaan pa sa hari, ay pumasok si Nathan na propeta.

²³ At kaniyang isinaysay sa hari, na sinasabi, Narito, si Nathan na propeta. At nang siya'y dumating sa harap ng hari, siya'y yumukod ng kaniyang mukha sa lupa sa harap ng hari.

²⁴ At sinabi ni Nathan, Panginoon ko, Oh hari, iyo bang sinabi, Si Adonia ay maghahari pagkamatay ko, at siya'y uupo sa aking luklukan?

²⁵ Sapagka't siya'y lumusong nang araw na ito, at nagpatay ng mga baka, at mga pinataba, at mga tupa na sagana, at tinawag ang lahat na anak ng hari, at ang mga puno ng hukbo, at si Abiathar na saserdote; at, narito, sila'y nagkakainan at nagiinuman sa harap niya at nagsisipagsabi, Mabuhay ang haring si ^(CI)Adonia.

^26 (CJ)Nguni't ako, akong iyong lingkod, at si Sadoc na saserdote, at si Benaia na anak ni Joiada, at ang iyong lingkod na si Salomon, hindi niya tinawag.

²⁷ Ang bagay na ito baga ay ginawa ng aking panginoon na hari, at hindi mo ipinakilala sa iyong mga lingkod kung sino ang uupo sa luklukan ng aking panginoon na hari pagkamatay niya?

²⁸ Nang magkagayo'y sumagot ang haring si David, at nagsabi, Tawagin ninyo sa akin si Bath-sheba. At siya'y pumasok sa harap ng hari, at tumayo sa harap ng hari.

²⁹ At sumumpa ang hari, at nagsabi, Buhay ang Panginoon, na tumubos ng aking kaluluwa sa lahat ng ^(CK)karalitaan,

³⁰ Katotohanang kung paanong sumumpa ako sa iyo sa pangalan ng Panginoon, na Dios ng Israel, na sinasabi, Tunay na si Salomon na iyong anak ay maghahari pagkamatay ko, at siya'y uupo sa aking luklukan na kahalili ko; katotohanang gayon ang aking gagawin sa araw na ito.

³¹ Nang magkagayo'y iniyukod ni Bath-sheba ang kaniyang mukha sa lupa, at nagbigay galang sa hari, at nagsabi, Mabuhay ang aking panginoon na haring si David ^(CL)magpakailan man.

Si Salomon ay pinahiran ng langis upang maging hari.

³² At sinabi ng haring si David, ^(CM)Tawagin ninyo sa akin si Sadoc na saserdote, at si Nathan na propeta, at si Benaia na anak ni Joiada. At sila'y pumasok sa harap ng hari.

³³ At sinabi ng hari sa kanila, ^(CN)Ipagsama ninyo ang mga lingkod ng inyong panginoon, at pasakayin ninyo ang aking anak na si Salomon sa aking sariling mula, at ^(CO)ilusong ninyo siya sa ^(CP)Gihon.

³⁴ At pahiran siya ng langis doon ni ^(CQ)Sadoc na saserdote at ni Nathan na propeta na maging hari sa Israel: at kayo'y ^(CR)magsihihip ng pakakak, at magsipagsabi, Mabuhay ang haring si Salomon.

³⁵ Kung magkagayo'y magsisiahon kayong kasunod niya, at siya'y paririto, at uupo sa aking luklukan: sapagka't siya'y magiging hari, na kahalili ko: at inihalal ko siyang maging prinsipe sa Israel at sa Juda.

³⁶ At si Benaia na anak ni Joiada ay sumagot sa hari, at nagsabi, Siya nawa: ang Panginoon, ang Dios ng aking panginoon na hari ay magsabi nawa ng ganyan din.

³⁷ Kung paanong ang Panginoon ay sumaaking panginoon na hari ay gayon suma kay Salomon ^(CS)at gawin nawa ang kaniyang luklukang lalong dakila kay sa luklukan ng aking panginoong haring si David.

³⁸ Sa gayo'y si Sadoc na saserdote at si Nathan na propeta, at si Benaia na anak ni Joiada, at ang mga ^(CT)Ceretheo, at ang mga ^(CU)Peletheo ay nagsibaba, at pinasakay si Salomon sa mula ng haring si David, at dinala sa Gihon.

³⁹ At kinuha ni Sadoc na saserdote ang sisidlang sungay ng langis mula sa ^(CV)Tolda, at pinahiran ng langis si Salomon. ^(CW)At sila'y humihip ng pakakak; at ang buong bayan ay ^(CX)nagsabi, Mabuhay ang haring si Salomon.

⁴⁰ At ang buong bayan ay nagsiahong kasunod niya, at ang bayan ay humihip ng mga plauta, at nangagalak ng malaking pagkagalak, anopa't ang lupa ay umalingawngaw sa hugong nila.

⁴¹ At narinig ni Adonia at ng buong inanyayahan na nasa kaniya pagkatapos nilang makakain. At nang marinig ni Joab ang tunog ng pakakak, ay kaniyang sinabi, Anong dahil nitong hugong sa bayan na kaingay?

⁴² Samantalang siya'y nagsasalita pa, narito, si Jonathan na ^(CY)anak ni Abiathar na saserdote ay dumating at si Adonia ay nagsabi, Pumasok ka; sapagka't ^(CZ)ikaw ay karapatdapat na tao, at nagdadala ka ng mabubuting balita.

⁴³ At si Jonathan ay sumagot, at nagsabi kay Adonia, Katotohanang ginawang hari si Salomon ng ating panginoong haring si David:

⁴⁴ At sinugo ng hari na kasama niya si Sadoc na saserdote, at si Nathan na propeta, at si Benaia na anak ni Joiada, at ang mga ^(DA)Ceretheo at ang mga Peletheo at pinasakay nila siya sa mula ng hari:

⁴⁵ At siya'y pinapaging hari na pinahiran ng langis ni Sadoc na saserdote at ni Nathan na propeta sa Gihon: at sila'y nagsiahong galak mula roon, na anopa't ang bayan ^(DB)ay umalingawngaw uli. Ito ang hugong na iyong narinig.

⁴⁶ At si Salomon naman ay nauupo sa ^(DC)luklukan ng kaharian.

⁴⁷ At bukod dito'y ang mga lingkod ng hari ay nagsiparoon upang purihin ang ating panginoong haring si David, na nagsisipagsabi, Gawin nawa ng iyong Dios ang pangalan ni Salomon na lalong maigi kay sa iyong pangalan, at gawin ang kaniyang luklukan na lalong dakila kay sa iyong luklukan; ^(DD)at ang hari ay yumukod sa kaniyang ^(DE)higaan.

⁴⁸ At ganito pa ang sinabi ng hari, Purihin ang Panginoon, ang Dios ng Israel, na siyang nagbigay sa akin ng isa na makakaupo sa aking luklukan sa araw na ito, na nakita ng aking mga mata.

Si Adonia ay natakot.

⁴⁹ At ang lahat na inanyayahan ni Adonia ay nangatakot at nagsitindig, at yumaon bawa't isa sa kaniyang lakad.

⁵⁰ At natakot si Adonia dahil kay Salomon: at siya'y tumindig at yumaon, at ^(DF)pumigil sa mga anyong sungay ng dambana.

⁵¹ At nasaysay kay Salomon na sinasabi, Narito, si Adonia ay natatakot sa haring Salomon: sapagka't, narito, siya'y pumigil sa mga anyong sungay ng dambana, na nagsasabi, Isumpa ng haring Salomon sa akin sa araw na ito, na hindi niya papatayin ng tabak ang kaniyang lingkod.

⁵² At sinabi ni Salomon, Kung siya'y pakikilalang karapatdapat na tao, ay walang malalaglag na isang buhok sa kaniya sa lupa; ^(DG)nguni't kung kasamaan ang masumpungan sa kaniya siya'y mamamatay.

⁵³ Sa gayo'y nagsugo ang haring Salomon, at kanilang ibinaba siya mula sa dambana. At siya'y naparoon at nagbigay galang sa haring Salomon; at sinabi ni Salomon sa kaniya, Umuwi ka sa iyong bahay.

Ang bilin ni David kay Salomon.

2 Ang mga araw nga ni David na ikamamatay ay nalalapit; at kaniyang ibinilin kay Salomon na kaniyang anak, na sinasabi,

² Ako'y yumayaon ng lakad ng buong lupa; ^(DH)ikaw ay magpakalakas nga at magpakalalake;

³ At iyong ingatan ang bilin ng Panginoon mong Dios, na lumakad sa kaniyang mga daan, na ingatan ang kaniyang mga palatuntunan, ang kaniyang mga utos, at ang kaniyang mga kahatulan, at ang kaniyang mga patotoo, ayon sa nasusulat sa kautusan ni Moises, upang ikaw ay guminhawa sa lahat ng iyong ginagawa, at saan ka man pumihit:

⁴ Upang papagtibayin ng Panginoon ang kaniyang salita na kaniyang sinalita tungkol sa akin, ^(DI)na sinasabi, Kung ang iyong mga anak ay magsisipagingat sa kanilang lakad, ^(DJ)na lalakad sa harap ko sa katotohanan ^(DK)ng kanilang buong puso at ng kanilang buong kaluluwa, ^(DL)hindi ka kukulangin (sabi niya) ng lalake sa luklukan ng Israel.

⁵ Bukod dito'y talastas mo naman ang ginawa ni Joab na ^(DM)anak ni Sarvia sa akin, sa makatuwid baga'y ang ginawa niya sa dalawang puno ng mga hukbo ng Israel, kay Abner na ^(DN)anak ni Ner, at kay Amasa na ^(DO)anak ni Jether na kaniyang pinatay, at ibinubo sa kapayapaan ang dugo ng pakikidigma at nabubo ang dugo ng pakikidigma sa kaniyang bigkis na nasa kaniyang mga balakang, at sa loob ng kaniyang mga pangyapak na nasa kaniyang mga paa.

⁶ Gumawa ka nga ng ayon sa iyong karunungan, at huwag mong tulutang ang kaniyang uban sa ulo ay bumabang payapa sa Sheol.

⁷ Nguni't pagpakitaan mo ng kagandahang loob ang mga anak ni Barzillai na ^(DP)Galaadita, at maging kabilang sa nagsisikain sa iyong dulang; ^(DQ)sapagka't gayon sila nagsilapit sa akin nang ako'y tumakas kay Absalom na iyong kapatid.

⁸ At, narito, nasa iyo si Semei na ^(DR)anak ni Gera na Benjamita, na taga Bahurim, na siyang sumumpa sa akin ng mahigpit na sumpa nang araw na ako'y pumaroon sa Mahanaim: nguni't ^(DS)nilusong niyang sinalubong ako sa Jordan, at isinumpa ko sa kaniya ang Panginoon, na sinasabi, Hindi kita papatayin ng tabak.

^9 (DT)Ngayon nga'y huwag mong ariing walang sala, sapagka't ikaw ay lalaking pantas: at iyong maaalaman ang dapat gawin sa kaniya, at iyong ilusong na may dugo ang kaniyang uban sa ulo sa Sheol.

Kamatayan ni David.

^10 (DU)At si David ay natulog na kasama ng kaniyang mga magulang, at nalibing sa ^(DV)bayan ni David.

¹¹ At ang mga araw na ipinaghari ni David sa Israel ay apat na pung taon: ^(DW)pitong taong naghari siya sa Hebron, at tatlong pu't tatlong taong naghari siya sa Jerusalem.

¹² At si Salomon ay naupo sa luklukan ni David na kaniyang ama: ^(DX)at ang kaniyang kaharian ay natatag na mainam.

Hiniling ni Adonia na maging asawa si Abisag.

¹³ Nang magkagayo'y si Adonia na anak ni Hagith ay naparoon kay Bath-sheba na ina ni Salomon. At kaniyang sinabi, Naparirito ka bang payapa? ^(DY)At sinabi niya, Payapa.

¹⁴ Kaniyang sinabi bukod dito: Mayroon pa akong sasabihin sa iyo. At sinabi niya, Sabihin mo.

¹⁵ At kaniyang sinabi, Talastas mo na ang kaharian ay naging akin, at itinitig ng buong Israel ang kanilang mukha sa akin, upang ako'y maghari: gayon ma'y ang kaharian ay nagbago, at napasa aking kapatid: sapagka't kaniya ^(DZ)sa ganang Panginoon.

¹⁶ At ngayo'y hihingi ako ng isang hiling sa iyo, huwag mo akong pahindian. At sinabi niya sa kaniya, Sabihin mo.

¹⁷ At kaniyang sinabi, Isinasamo ko sa iyo na iyong salitain kay Salomon na hari, (sapagka't hindi siya pahihindi sa iyo,) na ibigay niyang asawa sa akin si Abisag na ^(EA)Sunamita.

¹⁸ At sinabi ni Bath-sheba, Mabuti; aking ipakikiusap ka sa hari.

Si Adonia ay pinatay.

¹⁹ Si Bath-sheba nga'y naparoon sa haring Salomon, upang ipakiusap sa kaniya si Adonia. At tumindig ang hari na sinalubong siya, at yumukod siya sa kaniya, at umupo sa kaniyang luklukan, at nagpalagay ng luklukan para sa ina ng hari; at siya'y naupo sa kaniyang ^(EB)kanan.

²⁰ Nang magkagayo'y sinabi niya, Ako'y humihingi ng isang munting hiling sa iyo: huwag mo akong pahindian. At sinabi ng hari sa kaniya, Hilingin mo, ina ko: sapagka't hindi kita pahihindian.

²¹ At sinabi niya, Ibigay mong asawa si Abisag na Sunamita sa iyong kapatid na kay Adonia.

²² At ang haring Salomon ay sumagot, at nagsabi sa kaniyang ina, At bakit mo hinihiling si Abisag na Sunamita para kay Adonia? hilingin mo para sa kaniya pati ng kaharian; ^(EC)sapagka't siya'y aking matandang kapatid; oo, para sa kaniya, at kay Abiathar na saserdote, at kay ^(ED)Joab na anak ni Sarvia.

²³ Nang magkagayo'y isinumpa ng haring Salomon ang Panginoon, na sinasabi, Hatulan ako ng Dios, at ^(EE)lalo na kung si Adonia ay hindi nagsalita ng salitang ito laban sa kaniyang sariling buhay.

²⁴ Ngayon nga'y buhay ang Panginoon, na nagtatag sa akin, at naglagay sa akin sa luklukan ni David na aking ama, at siyang gumawa sa akin ng isang bahay, gaya ng kaniyang ipinangako, tunay ^(EF)na si Adonia ay ^(EG)papatayin sa araw na ito.

²⁵ At nagsugo ang haring Salomon sa pamamagitan ng kamay ni ^(EH)Benaia na anak ni Joiada; at siyang dumaluhong sa kaniya, na anopa't siya'y namatay.

²⁶ At kay Abiathar na saserdote ay sinabi ng hari, Umuwi ka sa Anathoth, ^(EI)sa iyong sariling mga bukid; sapagka't ikaw ay karapatdapat sa kamatayan: nguni't sa panahong ito'y hindi kita papatayin, sapagka't iyong dinala ang kaban ng Panginoong Dios sa harap ni David na aking ama, ^(EJ)at sapagka't ikaw ay napighati sa lahat ng ^(EK)kinapighatian ng aking ama.

²⁷ Sa gayo'y inalis ni Salomon si Abiathar sa pagkasaserdote sa Panginoon upang kaniyang tuparin ang salita ng Panginoon, na kaniyang sinalita tungkol sa sangbahayan ni ^(EL)Eli, sa Silo.

Pinatay si Joab.

²⁸ At ang mga balita ay dumating kay Joab: sapagka't si Joab ay ^(EM)umanib kay Adonia, ^(EN)bagaman hindi siya umanib kay Absalom. At si Joab ay ^(EO)tumakas na napatungo sa Tolda ng Panginoon, at pumigil sa mga anyong sungay ^(EP)ng dambana.

²⁹ At nasaysay sa haring Salomon, Si Joab ay tumakas na napatungo sa Tolda ng Panginoon, at, narito, siya'y nasa siping ng dambana. Nang magkagayo'y sinugo niya si Benaia na anak ni Joiada, na sinasabi, Ikaw ay yumaon, daluhungin mo siya.

³⁰ At si Benaia ay naparoon sa Tolda ng Panginoon, at nagsabi sa kaniya, Ganito ang sabi ng hari, Lumabas ka. At kaniyang sinabi, Hindi; kundi ako'y mamamatay rito, At dinala ni Benaia sa hari ang salita uli, na sinasabi, Ganito ang sinabi ni Joab, at ganito ang isinagot sa akin.

³¹ At sinabi ng hari sa kaniya, Gawin kung paano ang sinabi niya, at daluhungin mo siya, at ilibing mo siya; upang iyong maalis ang ^(EQ)dugo na ibinubo ni Joab ng walang kadahilanan ^(ER)sa akin at sa sangbahayan ng aking ama.

³² At ibabalik ng Panginoon ang kaniyang dugo sa kaniyang sariling ulo, sapagka't siya'y dumaluhong sa dalawang lalake, na lalong matuwid, at maigi kay sa kaniya, at mga pinatay ng tabak, at hindi nalalaman ng aking amang si David, sa makatuwid baga'y si Abner na anak ni Ner, na puno ng hukbo ng Israel, at si Amasa na ^(ES)anak ni Jether, na puno ng hukbo ng Juda.

³³ Sa gayo'y ang kanilang dugo ay mababalik sa ulo ni Joab, at sa ulo ng kaniyang binhi magpakailan man: ^(ET)nguni't kay David, at ^(EU)sa kaniyang binhi, at sa kaniyang sangbahayan, sa kaniyang luklukan ay magkakaroon ng kapayapaan magpakailan man na mula sa Panginoon.

³⁴ Nang magkagayo'y sinampa ni Benaia na anak ni Joiada, at dinaluhong siya, at pinatay siya; at siya'y inilibing ^(EV)sa kaniyang sariling bahay sa ilang.

³⁵ At inilagay ng hari si Benaia na anak ni Joiada na kahalili niya sa hukbo: at si Sadoc na saserdote ay ^(EW)inilagay ng hari ^(EX)na kahalili ni Abiathar.

Si Semei ay hindi na pinaalis sa Jerusalem.

³⁶ At ang hari ay nagsugo at ipinatawag si Semei, at ^(EY)sinabi sa kaniya, Magtayo ka ng isang bahay sa Jerusalem, at tumahan ka roon, at huwag kang pumaroon saan man na mula roon.

³⁷ Sapagka't sa araw na ikaw ay lumabas, at tumawid sa batis ng Cedron, ^(EZ)talastasin mong mainam, na ikaw ay walang pagsalang mamamatay: ang iyong dugo ay sasa iyong sariling ^(FA)ulo.

³⁸ At sinabi ni Semei sa hari, Ang sabi ay mabuti: kung paanong sinabi ng aking panginoong hari, gayon gagawin ng iyong lingkod. At si Semei ay tumahan sa Jerusalem na malaon.

³⁹ At nangyari, sa katapusan ng tatlong taon, na dalawa sa mga alipin ni Semei ay tumanan na pumaroon kay Achis, na ^(FB)anak ni Maacha, hari sa ^(FC)Gath. At kanilang sinaysay kay Semei, na sinasabi, Narito, ang iyong mga alipin ay nasa Gath.

⁴⁰ At tumindig si Semei, at siniyahan ang kaniyang asno, at napasa Gath kay Achis, upang hanapin ang kaniyang mga alipin: at si Semei ay yumaon at dinala ang kaniyang mga alipin mula sa Gath.

⁴¹ At nasaysay kay Salomon na si Semei ay naparoon sa Gath mula sa Jerusalem, at bumalik uli.

⁴² At ang hari ay nagsugo at ipinatawag si Semei, at nagsabi sa kaniya, Di ba ipinasumpa ko sa iyo ang Panginoon, at ipinatalastas kong totoo sa iyo, na aking sinasabi, Talastasin mong tunay na sa araw na ikaw ay lumabas, at yumaon saan man, ay walang pagsalang mamamatay ka? at iyong sinabi sa akin. Ang sabi na aking narinig ay mabuti.

⁴³ Bakit nga hindi mo iningatan ang sumpa sa Panginoon, at ang utos na aking ibinilin sa iyo?

⁴⁴ Sinabi pa ng hari kay Semei, Iyong talastas ang ^(FD)buong kasamaan na nalalaman ng iyong puso, na iyong ginawa kay David na aking ama: kaya't ibabalik ^(FE)ng Panginoon ang iyong kasamaan sa iyong sariling ulo.

⁴⁵ Nguni't ang haring si Salomon ay magiging mapalad, at ang luklukan ni David ay magiging matatag sa harap ng Panginoon magpakailan man.

⁴⁶ Sa gayo'y inutusan ng hari si Benaia na anak ni Joiada; at siya'y lumabas, at dumaluhong sa kaniya, na anopa't siya'y namatay. At ang kaharian ay matatag sa kamay ni Salomon,

Si Salomon ay nagasawa.

3 At si Salomon ay nakipagkamaganak kay Faraon na hari sa Egipto sa pag-aasawa niya sa anak na babae ni Faraon, ^(FF)at dinala niya sa ^(FG)bayan ni David, hanggang sa kaniyang natapos itayo ang kaniyang sariling bahay, ^(FH)at ang bahay ng Panginoon, ^(FI)at ang ^(FJ)kuta ng Jerusalem sa palibot.

² Ang bayan ay naghahain lamang sa mga mataas na dako, ^(FK)sapagka't walang bahay na itinayo sa pangalan ng Panginoon hanggang sa mga araw na ^(FL)yaon.

³ At inibig ni Salomon ang Panginoon, ^(FM)na lumalakad sa mga palatuntunan ni David na kaniyang ama: siya'y naghahain lamang at nagsusunog ng kamangyan sa matataas na dako.

⁴ At ang hari ay naparoon sa ^(FN)Gabaon upang maghain doon; ^(FO)sapagka't yaon ang ^(FP)pinakamataas na dako; isang libong handog na susunugin ang inihandog ni Salomon sa dambanang yaon.

^5 (FQ)Sa Gabaon ay napakita ang Panginoon kay Salomon sa panaginip sa gabi: at sinabi ng Dios, Hingin mo kung ano ang ibibigay ko sa iyo.

⁶ At sinabi ni Salomon, Ikaw ay nagpakita sa iyong lingkod na aking amang kay David ng malaking kagandahang loob, ayon sa kaniyang inilakad sa harap mo sa katotohanan, at sa katuwiran, at sa katapatan ng puso sa iyo; at iyong iningatan sa kaniya itong dakilang kagandahang loob, na iyong binigyan siya ng isang anak na makauupo sa kaniyang luklukan, gaya sa araw na ito.

⁷ At ngayon, Oh Panginoon kong Dios, iyong ginawang hari ang iyong lingkod na kahalili ni David na aking ama; ^(FR)at ako'y isang munting bata lamang; hindi ko nalalaman ang paglulumabas at pumasok.

⁸ At ang iyong lingkod ay nasa gitna ng iyong bayan na iyong pinili, isang malaking bayan na hindi mabibilang o matuturingan dahil sa ^(FS)karamihan.

⁹ Bigyan mo nga ang iyong lingkod ng isang matalinong ^(FT)puso upang humatol sa iyong bayan, upang aking makilala ang mabuti at ang masama; sapagka't sino ang makahahatol dito sa iyong malaking bayan?

¹⁰ At ang pangungusap ay nakalugod sa Panginoon, na hiningi ni Salomon ang bagay na ito.

¹¹ At sinabi ng Dios sa kaniya, Sapagka't iyong hiningi ang bagay na ito, at hindi mo hiningi sa iyo ang mahabang buhay; o hiningi mo man sa iyo ang mga kayamanan, o hiningi mo man ang buhay ng iyong mga kaaway; kundi hiningi mo sa iyo'y katalinuhan upang kumilala ng kahatulan;

¹² Narito, aking ginawa ayon sa iyong salita: ^(FU)narito, aking binigyan ka ng isang pantas at matalinong puso; na anopa't ^(FV)walang naging gaya mo na una sa iyo, o may babangon mang sinoman pagkamatay mo.

¹³ At akin namang ibinigay sa iyo ang hindi mo hinihingi, ang ^(FW)kayamanan at gayon din ang karangalan, ^(FX)na anopa't walang magiging gaya mo sa mga hari, sa lahat ng iyong mga kaarawan.

¹⁴ At kung ikaw ay lalakad sa aking mga daan, upang ingatan ang aking mga palatuntunan, at ang aking mga utos, gaya ng inilakad ng iyong amang si David, ay akin ngang palalaunin ang iyong mga kaarawan.

¹⁵ At nagising si Salomon, at narito, yao'y isang panaginip: at siya'y naparoon sa Jerusalem, at tumayo sa harap ng ^(FY)kaban ng tipan ng Panginoon, at naghandog ng mga handog na susunugin, at naghandog ng mga handog tungkol sa kapayapaan, at gumawa ng kasayahan sa lahat ng kaniyang mga lingkod.

Matalinong paghatol ni Salomon.

¹⁶ Nang magkagayo'y naparoon sa hari ang dalawang babae na mga patutot, at nagsitayo sa harap niya.

¹⁷ At sinabi ng isang babae, Oh panginoon ko, ako at ang babaing ito ay tumatahan sa isang bahay; at ako'y nanganak ng isang batang lalake sa bahay na kasama ko siya.

¹⁸ At nangyari, nang ikatlong araw pagkatapos na ako'y makapanganak, na ang babaing ito'y nanganak naman; at kami ay magkasama; walang iba sa amin sa bahay, liban sa kaming dalawa sa bahay.

¹⁹ At ang anak ng babaing ito ay namatay sa kinagabihan; sapagka't kaniyang nahigan.

²⁰ At siya'y bumangon sa hating gabi, at kinuha niya ang anak kong lalake sa siping ko, samantalang ang iyong lingkod ay natutulog, at inihiga niya sa kaniyang sinapupunan, at inilagay ang kaniyang patay na anak sa aking sinapupunan.

²¹ At nang ako'y bumangon sa kinaumagahan upang aking pasusuhin ang aking anak, narito, siya'y patay: nguni't nang aking kilalanin ng kinaumagahan, narito, hindi ang aking anak na aking ipinanganak.

²² At sinabi ng isang babae, Hindi; kundi ang buhay ay aking anak at ang patay ay iyong anak. At sinabi ng isa: Hindi; kundi ang patay ay ang iyong anak, at ang buhay ay siyang aking anak. Ganito sila nangagsalita sa harap ng hari.

²³ Nang magkagayo'y sinabi ng hari, Ang isa'y nagsasabi, Ang aking anak ay ang buhay, at ang iyong anak ay ang patay: at ang isa'y nagsasabi, Hindi; kundi ang iyong anak ay ang patay, at ang aking anak ay ang buhay.

²⁴ At sinabi ng hari, Dalhan ninyo ako ng isang tabak. At sila'y nagdala ng isang tabak sa harap ng hari.

²⁵ At sinabi ng hari, Hatiin ng dalawa ang buhay na bata, at ibigay ang kalahati sa isa at ang kalahati ay sa isa.

²⁶ Nang magkagayo'y nagsalita ang babae na ina ng buhay na bata sa hari, sapagka't ang kaniyang pagmamahal ay nagniningas sa kaniyang anak, at sinabi niya, Oh^[a] panginoon ko, ibigay mo sa kaniya ang buhay na bata, at sa anomang paraa'y huwag mong patayin. Nguni't ang sabi ng isa, Hindi magiging akin ni iyo man; hatiin siya.

²⁷ Nang magkagayo'y sumagot ang hari at nagsabi, ibigay sa kaniya ang buhay na bata, at sa anomang paraa'y huwag patayin: siya ang ina niya.

²⁸ At nabalitaan ng buong Israel ang kahatulan na inihatol ng hari; at sila'y nangatakot sa hari: sapagka't kanilang nakita na ang ^(FZ)karunungan ng Dios ay nasa kaniya, upang gumawa ng kahatulan.

Ang kaniyang mga prinsipe.

4 At ang haring Salomon, ay hari sa buong Israel.

² At ito ang mga naging prinsipe na napasa kaniya: si Azarias, na anak ng ^(GA)saserdoteng si Sadoc.

³ Si Elioreph at si Ahia, na mga anak ni Sisa, ay mga kalihim; si Josaphat na ^(GB)anak ni Ahilud, ay ^(GC)kasangguni;

⁴ At si Benaia, na ^(GD)anak ni Joiada ay nangungulo sa hukbo; at si Sadoc at si Abiathar ^(GE)ay mga saserdote;

⁵ At si Azarias na anak ni Nathan ay nangungulo sa mga pinuno; at si Zabud na anak ni Nathan ay pangulong tagapangasiwa, na ^(GF)kaibigan ng hari;

⁶ At si Ahisar ay katiwala sa kaniyang bahay; at si Adoniram na ^(GG)anak ni Abda ay nasa ^(GH)mga magpapabuwis.

Ang kapangyarihan at kayamanan ni Salomon.

⁷ At si Salomon ay may labing dalawang katiwala sa buong Israel, na sila ang nagiimbak ng pagkain ukol sa hari, at sa kaniyang sangbahayan: bawa't isa sa kanila'y nagiimbak ng pagkain na isang buwan sa bawa't taon.

⁸ At ito ang kanilang mga pangalan: si Ben-hur sa lupaing maburol ng Ephraim:

⁹ Si Ben-dacer, sa Maccas, at sa Saalbim, at sa Beth-semes, at sa Elonbeth-hanan:

¹⁰ Si Ben-hesed, sa Aruboth (sa kaniya'y nauukol ang Socho, at ang buong lupain ng Ephet:)

¹¹ Si Ben-abinadab sa buong kataasan ng Dor (na ang asawa'y si Taphat na anak ni Salomon:)

¹² Si Baana na anak ni Ahilud sa Taanach, at sa Megiddo, at sa buong Beth-san na nasa siping ng Zaretan, sa ibaba ng Jezreel, mula sa Bethsan hanggang sa Abel-mehola, na may layong hanggang sa dako roon ng Jocmeam:

¹³ Si Ben-geber, sa Ramoth-galaad; (sa kaniya nauukol ang mga bayan ni Jair na anak ni Manases, na nasa Galaad; sa makatuwid baga'y sa kaniya nauukol ang lupain ng Argob, na nasa Basan, anim na pung malaking bayan na ^(GI)may mga kuta at mga halang na tanso:)

¹⁴ Si Ahinadab, anak ni Iddo sa Mahanaim:

¹⁵ Si Ahimaas, sa Nephtali; (Ito rin ang nagasawa kay Basemath na anak na babae ni Salomon.)

¹⁶ Si Baana, na anak ni Husai sa Aser at sa Alot.

¹⁷ Si Josaphat, na anak ni Pharua sa Issachar:

¹⁸ Si Semei, na anak ni Ela sa Benjamin:

¹⁹ Si Geber, na anak ni Uri sa lupain ng Galaad, na lupain ni Sehon na hari ng mga Amorrheo, ^(GJ)at ni Og na hari sa Basan; at siya lamang ang katiwala sa lupaing yaon.

²⁰ Ang Juda at ang Israel ay marami, na ^(GK)gaya ng buhangin sa tabi ng dagat sa karamihan, na nagkakainan, at nagiinuman, at nagkakatuwa.

²¹ At si Salomon ay nagpupuno sa lahat ng kaharian na ^(GL)mula sa Ilog hanggang sa lupain ng mga Filisteo, at hanggang sa hangganan ng Egipto: ^(GM)sila'y nagsipagdala ng mga kaloob, at nagsipaglingkod kay Salomon lahat ng kaarawan ng kaniyang buhay.

²² At ang pagkain ni Salomon sa isang araw ay tatlong pung takal ng mainam na harina, at anim na pung takal na harina,

²³ Sangpung matabang baka, at dalawang pung baka na mula sa pastulan, at isang daang tupa, bukod pa ang mga usang lalake at babae, at mga usang masungay, at mga pinatabang hayop na may pakpak.

²⁴ Sapagka't sakop niya ang buong lupain ng dakong ito ng Ilog, mula sa Tiphsa hanggang sa Gaza, sa lahat ng mga hari sa dakong ito ng Ilog: at siya'y may kapayapaan ^(GN)sa lahat ng mga dako sa palibot niya.

²⁵ At ang Juda at ang Israel ay nagsitahang tiwasay, na ^(GO)bawa't tao'y sa ilalim ng kaniyang puno ng ubas at sa ilalim ng kaniyang puno ng igos, ^(GP)mula sa Dan hanggang sa Beer-seba, sa lahat ng kaarawan ni Salomon.

²⁶ At mayroon si Salomong apat na pung libong kabayo sa kaniyang mga silungan para sa kaniyang mga karo, ^(GQ)at labing dalawang libong mangangabayo.

²⁷ At ipinag-imbak ng mga katiwalang ^(GR)yaon ng pagkain ang haring Salomon, at ang lahat na naparoon sa dulang ng haring Salomon, bawa't isa'y sa kaniyang buwan: walang nagkulang na anoman.

²⁸ Sebada naman at dayami sa mga kabayo, at sa mga matuling kabayo ay nagsipagdala sila sa dakong kinaroroonan ng mga pinuno, bawa't isa'y ayon sa kaniyang katungkulan.

Ang karunungan ni Salomon.

²⁹ At binigyan ng Dios si Salomon ng karunungan, at ^(GS)di kawasang katalinuhan at kaluwagan ng puso, gaya ng buhanging nasa tabi ng dagat.

³⁰ At ang karunungan ni Salomon ay mahigit kay sa karunungan ng lahat na anak ^(GT)ng silanganan, at kay sa buong karunungan ng ^(GU)Egipto.

³¹ Sapagka't lalong pantas kay sa lahat ng mga tao; ^(GV)kay sa kay Ethan na ^(GW)Ezrahita, at kay Eman, at kay Calchol, at kay Darda, na mga anak ni Mahol: at ang kaniyang kabantugan ay lumipana sa lahat ng mga bansa sa palibot.

³² At siya'y nagsalita ng tatlong libong kawikaan; at ang kaniyang mga awit ay isang libo at lima.

³³ At siya'y nagsalita ng tungkol sa mga punong kahoy, mula sa sedro na nasa Libano hanggang sa isopo na sumisibol sa pader: siya'y nagsalita rin ng tungkol sa mga hayop, at sa mga ibon, at sa nagsisiusad at sa mga isda.

³⁴ At naparoon ang mga taong mula sa lahat na bayan, upang marinig ang karunungan ni Salomon ^(GX)na mula sa lahat na hari sa lupa, na nakabalita ng kaniyang karunungan.

Ang pakikipagtalastasan sa haring Hiram bagay sa pagpapatayo ng templo.

5 At si Hiram na ^(GY)hari sa Tiro ay nagsugo ng kaniyang mga lingkod kay Salomon; dahil sa kaniyang nabalitaan na siya'y kanilang pinahiran ng langis na maging hari na kahalili ng kaniyang ama, sapagka't si Hiram ay naging laging maibigin ^(GZ)kay David.

^2 (HA)At si Salomon ay nagsugo kay Hiram, na kaniyang sinasabi,

³ Talastas mo na kung paanong si David na aking ama ay hindi nakapagtayo ng bahay sa pangalan ng Panginoon niyang Dios dahil sa mga pagdidigmaan sa palibot niya sa bawa't dako, ^(HB)hanggang sa inilagay sila ng Panginoon sa ilalim ng mga talampakan ng kaniyang mga paa.

⁴ Nguni't ngayo'y binigyan ako ng Panginoon kong Dios ng katiwasayan sa bawa't dako; ^(HC)wala kahit kaaway, o masamang pangyayari man.

⁵ At, narito, ako'y tumalagang ipagtayo ng bahay ang pangalan ng Panginoon kong Dios, gaya ng sinalita ng Panginoon kay David na aking ama, na nagsasabi, Ang iyong anak na aking iuupo sa iyong luklukan na kahalili mo, siya ang ^(HD)magtatayo ng bahay para sa aking pangalan.

⁶ Ngayon nga'y ipagutos mo na iputol nila ako ng mga puno ng sedro sa Libano; ^(HE)at ang aking mga bataan ay makakasama ng iyong mga bataan: at aking bibigyan ka ng kaupahan sa iyong mga bataan ayon sa lahat na iyong sasabihin: sapagka't iyong talastas na wala sinoman sa amin na makapagdadaras ng mga kahoy ng gaya ng mga Sidonio.

⁷ At nangyari nang mabalitaan ni Hiram ang mga salita ni Salomon, na siya'y nagalak na mainam, at nagsabi, ^(HF)Purihin ang Panginoon sa araw na ito, na nagbigay kay David ng isang pantas na anak, sa malaking bayang ito.

⁸ At si Hiram ay nagsugo kay Salomon, na nagsasabi, Aking narinig ang pasugo na iyong ipinasugo sa akin: aking gagawin ang iyong buong nasa tungkol sa kahoy na sedro, at tungkol sa kahoy na ^(HG)abeto.

⁹ Ang aking mga bataan ay magsisipagbaba mula sa Libano hanggang sa dagat: at aking gagawing mga balsa upang dumaan sa dagat hanggang sa dakong iyong pagtuturuan sa akin, at aking ipakakalag doon, at iyong tatanggapin: at iyong tutuparin ang aking nasa, sa pagbibigay ng pagkain ^(HH)sa aking sangbahayan.

¹⁰ Sa gayo'y binigyan ni Hiram si Salomon ng kahoy na sedro, at kahoy na abeto ayon sa kaniyang buong nasa.

¹¹ At binigyan ni Salomon si Hiram ng dalawang pung libong takal na trigo na pinaka pagkain ng kaniyang sangbahayan, at dalawang pung takal na taganas na langis; ^(HI)ganito binigyan ni Salomon si Hiram sa taon-taon.

¹² At binigyan ng Panginoon si Salomon ng karunungan, gaya ng kaniyang ipinangako sa kaniya; ^(HJ)at may kapayapaan si Hiram at si Salomon; at silang dalawa'y gumawa ng kasunduan.

¹³ At ang haring Salomon ay humingi ng mga mang-aatag sa buong Israel; at ang mga mang-aatag ay tatlong pung libong lalake.

¹⁴ At kaniyang sinusugo sila sa Libano na sangpu-sangpung libo bawa't buwan na halinhinan: isang buwan ay nasa Libano, at dalawang buwan ay sa bahay: at si ^(HK)Adoniram ay tagapamahala sa mga mang-aatag.

¹⁵ At si Salomon ay may pitong pung libong nagsisipagdala ng mga pasan ^(HL)at walong pung libong mangdadaras sa bundukin:

¹⁶ Bukod pa ang mga ^(HM)kapatas ni Salomon na nasa gawain, na tatlong libo at tatlong daan, na nagpupuno ^(HN)sa mga taong nagsisigawa ng gawain.

¹⁷ At ang hari ay nagutos, at nagsitibag sila ng malalaking bato, ng mga mahahalagang bato, upang ilagay ang tatagang-baon ng bahay ^(HO)na gumagamit ng mga batong tabas.

¹⁸ At tinabas ng mga tagapagtayo ni Salomon, at ng mga tagapagtayo ni Hiram at ng mga ^(HP)Gebalita, at inihanda ang mga kahoy, at ang mga bato upang itayo ang bahay.

Ang pagtatayo ng templo.

6 At nangyari ^(HQ)nang ikaapat na raan at walong pung taon pagkatapos na ang mga anak ni Israel ay nangakalabas sa lupain ng Egipto, nang ikaapat na taon ng paghahari ni Salomon sa Israel, nang buwan ng Ziph, na ikalawang ^(HR)buwan, na kaniyang pinasimulang itinayo ang bahay ng Panginoon.

^2 (HS)At ang bahay na itinayo ng haring Salomon ukol sa Panginoon, ang haba niyao'y anim na pung siko, at ang luwang ay dalawang pung siko, at ang taas ay tatlong pung siko.

³ At ang portiko sa harap ng templo ng bahay, may dalawang pung siko ang haba, ayon sa luwang ng bahay; at sangpung siko ang luwang niyaon sa harap ng bahay.

⁴ At iginawa ang bahay ng mga dungawan na ^(HT)may silahia.

⁵ At sa karatig ng pader ng bahay ay naglagay siya ng mga grado sa palibot, sa siping ng mga pader ng bahay sa palibot ng templo at gayon din sa ^(HU)sanggunian: at siya'y gumawa ng mga silid sa tagiliran ^(HV)sa palibot:

⁶ Ang kababababaan ay may limang siko ang luwang, at ang pangalawang grado ay may anim na siko ang luwang, at ang ikatlo ay may pitong siko ang luwang: sapagka't siya'y gumawa ng mga tungtungan sa labas ng bahay sa palibot, upang ang mga sikang ay huwag kumapit sa mga pader ng bahay.

⁷ At ang bahay, nang ginagawa, ay ginawa na mga bato na inihanda sa tibagan ng bato: ^(HW)at wala kahit pamukpok o palakol man, o anomang kasangkapang bakal na narinig sa bahay, samantalang itinatayo.

⁸ Ang pintuan sa mga kababababaang silid sa tagiliran ay nasa dakong kanan ng bahay: at sa pamamagitan ng isang hagdanang sinuso ay nakapapanhik sa pangalawang grado, at mula sa pangalawang grado ay sa ikatlo.

⁹ Gayon itinayo niya ang bahay, at tinapos at binubungan ang bahay ng mga sikang at mga tabla ng sedro.

¹⁰ At kaniyang ginawa ang mga grado na karatig ng buong bahay, na bawa't isa'y limang siko ang taas: at kumakapit sa bahay sa pamamagitan ng kahoy na sedro.

Ang tipan ng Dios.

¹¹ At ang salita ng Panginoon ay dumating kay Salomon, na sinasabi,

¹² Tungkol sa bahay na ito na iyong itinatayo, ^(HX)kung ikaw ay lalakad sa aking mga palatuntunan, at gagawin ang aking mga kahatulan, at iingatan ang lahat ng aking mga utos upang lakaran; ay akin ngang pagtitibayin ang aking salita sa iyo, na aking sinalita kay ^(HY)David na iyong ama.

¹³ At ako'y tatahan ^(HZ)sa gitna ng mga anak ni Israel, at hindi ko pababayaan ^(IA)ang aking bayang Israel.

¹⁴ Gayon itinayo ni Salomon ang bahay, at ^(IB)tinapos.

¹⁵ At kaniyang ginawa ang mga panig sa loob ng bahay na kahoy na sedro; mula sa lapag ng bahay hanggang sa mga panig ng kisame, na kaniyang binalot ng kahoy sa loob; at kaniyang tinakpan ang lapag ng bahay ng tabla na abeto.

¹⁶ At siya'y gumawa ng isang silid na dalawang pung siko sa pinakaloob ng bahay, ng tabla na sedro mula sa lapag hanggang sa mga panig sa itaas: na kaniyang ginawa sa loob na ukol sa sanggunian, sa makatuwid baga'y ukol sa ^(IC)kabanalbanalang dako.

¹⁷ At ang bahay, sa makatuwid baga'y ang templo sa harap ng sanggunian ay apat na pung siko ang haba.

¹⁸ At may mga sedro sa loob ng bahay na inukitan ng kulukuti at mga bukang bulaklak: lahat ay sedro; walang batong makikita.

¹⁹ At siya'y naghanda ng isang sanggunian sa gitna ng pinakaloob ng bahay, upang ilagay roon ang kaban ng tipan ng Panginoon.

²⁰ At ang loob ng sanggunian ay may dalawang pung siko ang haba, at dalawang pung siko ang luwang, at dalawang pung siko ang taas: at binalot niya ng taganas na ^(ID)ginto: at binalot niya ng sedro ang dambana.

²¹ Sa gayo'y binalot ni Salomon ang loob ng bahay ng taganas na ginto: at kaniyang kinanaan ng mga tanikalang ginto ang harapan ng sanggunian; at binalot ng ginto.

²² At binalot ng ginto ang buong bahay, hanggang sa ang bahay ay nayari: gayon din ang buong dambana ^(IE)na nauukol sa sanggunian ay kaniyang binalot ng ginto.

Dalawang querubin sa sanggunian.

²³ At sa sanggunian ay gumawa siya ng dalawang querubin ^(IF)na kahoy na olibo, na bawa't isa'y may sangpung siko ang taas.

²⁴ At limang siko ang isang pakpak ng querubin, at limang siko ang kabilang pakpak ng querubin: mula sa dulo ng isang pakpak hanggang sa dulo ng kabila ay sangpung siko.

²⁵ At ang isang querubin ay sangpung siko: ang dalawang querubin ay may isang sukat at isang anyo.

²⁶ Ang taas ng isang querubin ay may sangpung siko, at gayon din ang isang querubin.

²⁷ At kaniyang inilagay ang mga querubin sa pinakaloob ng bahay: at ang mga pakpak ng mga querubin ay nangakabuka ^(IG)na anopa't ang pakpak ng isa ay dumadaiti sa isang panig, at ang pakpak ng ikalawang querubin ay dumadaiti sa kabilang panig; at ang kanilang mga kabilang pakpak ay nagkakadaiti sa gitna ng bahay.

²⁸ At kaniyang binalot ng ginto ang mga querubin.

Mga ukit sa palibot at sa mga pintuan.

²⁹ At kaniyang inukitan ang lahat na panig ng bahay sa palibot ng mga ukit na larawan ng mga querubin, at ng mga puno ng palma, at ng mga ^(IH)bukang bulaklak, sa loob at sa labas.

³⁰ At ang lapag ng bahay ay binalot niya ng ginto, sa loob at sa labas.

³¹ At sa pasukan ng sanggunian, siya'y gumawa ng mga pintuan na kahoy na olibo: ang itaas ng pintuan at ang mga haligi niyaon ay ikalimang bahagi ng panig ang laki.

³² Sa gayo'y gumawa siya ng dalawang pinto na kahoy na olibo; at kaniyang inukitan ng mga ukit na mga querubin, at mga puno ng palma, at mga bukang bulaklak, at binalot niya ng ginto; at kaniyang ikinalat ang ginto sa mga querubin, at sa mga puno ng palma,

³³ Sa gayo'y gumawa naman siya sa pasukan ng templo ng mga haligi ng pintuan na kahoy na olibo, sa ikaapat na bahagi ng panig;

³⁴ At dalawang pinto na kahoy na abeto; ang dalawang pohas ng isang pinto ay ^(II)naititiklop, at ang dalawang pohas ng kabilang pinto ay naititiklop.

³⁵ At kaniyang pinagukitan ng mga querubin, at mga puno ng palma, at mga bukang bulaklak; at binalot niya ng ginto na kapit sa mga ukit na gawa.

³⁶ At kaniyang ginawa ang loob na looban, ^(IJ)na tatlong hanay na batong tabas, at isang hanay na sikang na kahoy na sedro.

³⁷ Nang ikaapat na taon, ^(IK)sa buwan ng Ziph, inilagay ang mga tatagang-baon ng bahay ng Panginoon.

³⁸ At nang ikalabing isang taon, sa buwan ng Bul, na siyang ikawalong buwan ay nayari ang bahay sa lahat ng bahagi niyaon, at ayon sa buong anyo niyaon. Na anopa't pitong taong ginawa.

Sariling bahay ni Salomon.

7 At itinayo ni Salomon ang kaniyang sariling bahay na labing tatlong taon, ^(IL)at kaniyang nayari ang kaniyang buong bahay.

² Sapagka't kaniyang itinayo ang bahay na kahoy sa ^(IM)gubat ng Libano; ang haba'y isang daang siko, at ang luwang ay limang pung siko, at ang taas ay tatlong pung siko, sa apat na hanay na haliging sedro na may sikang na sedro sa ibabaw ng mga haligi.

³ At binubungan ng sedro sa ibabaw ng apat na pu't limang sikang, na nasa ibabaw ng mga haligi; labing lima sa isang hanay.

⁴ At may mga dungawan sa tatlong grado, at ang liwanag ng mga yaon ay nangagkakatapatan, sa tatlong grado.

⁵ At ang lahat na pintuan at mga haligi ay pawang parisukat ang anyo: at ang mga liwanag ay nangagkakatapatan, sa tatlong grado.

⁶ At siya'y gumawa ng portiko na may mga haligi: ang haba niyao'y limang pung siko, at ang luwang niyao'y tatlong pung siko, at may isang portiko na nasa harap ng mga yaon; at mga haligi at sikang ang nangasa harap ng mga yaon.

⁷ At kaniyang ginawa ang portiko ng luklukan na kaniyang paghuhukuman, sa makatuwid baga'y ang portiko ng hukuman: ^(IN)at nababalot ng sedro sa lapag at lapag.

⁸ At ang kaniyang bahay na tahanan, ibang looban sa loob ng portiko ay sa gayon ding gawa. Kaniyang iginawa rin naman ng bahay ang anak na babae ni Faraon (na naging asawa ni Salomon) ^(IO)na hawig portikong ito.

⁹ Ang lahat na ito'y mga mahalagang bato, sa makatuwid baga'y mga batong tabas, ayon sa sukat, na nilagari ng mga lagari, sa labas at sa loob, mula sa mga tatagang-baon hanggang sa kataastaasan, at gayon sa labas hanggang sa malaking looban.

¹⁰ At ang tatagang-baon ay mga mahalagang bato, sa makatuwid baga'y mga malaking bato, mga batong may sangpung siko, at mga batong may walong siko.

¹¹ At sa ibabaw ay may mga mahalagang bato, sa makatuwid baga'y mga batong tabas, ayon sa sukat, at kahoy na sedro.

¹² At ang malaking looban sa palibot ay may ^(IP)tatlong hanay ng batong tabas, at isang hanay na sikang na sedro; gaya ng pinakaloob na looban ng bahay ng Panginoon, at ng portiko ng bahay.

Si Hiram sa Tiro ay gumawa sa templo.

¹³ At nagsugo ang haring Salomon, at ipinasundo si Hiram sa ^(IQ)Tiro.

¹⁴ Siya'y anak ^(IR)ng isang babaing bao sa lipi ni Nephtali, at ang kaniyang ama ^(IS)ay lalaking taga Tiro, na manggagawa sa tanso; at siya'y puspos ng karunungan, ^(IT)at katalinuhan, at kabihasahan, upang gumawa ng lahat na gawain sa tanso. At siya'y naparoon sa haring Salomon, at ginawa ang lahat niyang gawain.

¹⁵ Sapagka't kaniyang tinabas ang ^(IU)dalawang haligi na tanso, na may labing walong siko ang taas ng bawa't isa: at isang panukat na pisi na may labing dalawang siko ay maipalilibid sa bilog ng alinman sa bawa't isa.

¹⁶ At siya'y gumawa ng dalawang kapitel na binubong tanso, upang ilagay sa mga dulo ng mga haligi: ang taas ng isang kapitel ay limang siko at ang taas ng kabilang kapitel ay limang siko.

¹⁷ May mga yaring nilambat, at mga tirintas na yaring tinanikala, na ukol sa mga kapitel na nasa dulo ng mga haligi; pito sa isang kapitel, at pito sa kabilang kapitel.

¹⁸ Gayon ginawa niya ang mga haligi: at mayroong dalawang hanay sa palibot ng isang yaring lambat, upang takpan ang mga kapitel na nasa dulo ng mga haligi; at gayon ang ginawa niya sa kabilang kapitel.

¹⁹ At ang mga kapitel na nasa dulo ng mga haligi ^(IV)sa portiko ay mga yaring lila, na apat na siko.

²⁰ At may mga kapitel naman sa dulo ng dalawang haligi, na malapit sa pinakatiyan na nasa siping ng yaring lambat: at ang mga granada ay dalawang daan, na nahahanay sa palibot sa ikalawang kapitel.

²¹ At kaniyang itinayo ang mga haligi sa portiko ng templo: at kaniyang itinayo ang kanang haligi, at pinanganlang Jachin:^[b] at kaniyang itinayo ang kaliwang haligi, at pinanganlang Boaz.^[c]

²² At sa dulo ng mga haligi ay may yaring lila: sa gayo'y ang gawain sa mga haligi ay nayari.

Ang binubuong dagatdagatan, patungang tanso, at hugasang tanso.

²³ At kaniyang ginawa ang binubong ^(IW)dagatdagatan na may sangpung siko mula sa labi't labi, na lubos na mabilog, at ang taas ay limang siko: at isang panukat na pisi na may tatlong pung siko ang maipalilibid sa palibot.

²⁴ At sa ilalim ng labi sa paligid ay may ^(IX)mga kulukuti sa palibot, na sangpu sa bawa't siko, na nakalibid sa dagatdagatan sa palibot: ang mga kulukuti ay dalawang hanay, ^(IY)na binubo ng bubuin ang binubong dagatdagatan.

²⁵ Nakapatong ang dagatdagatan sa labing ^(IZ)dalawang baka, ang tatlo'y nakaharap sa dakong hilagaan, ang tatlo'y nakaharap sa dakong kalunuran, ang tatlo'y nakaharap sa dakong timugan, at ang tatlo'y nakaharap sa dakong silanganan; at ang dagatdagatan ay napapatong sa mga yaon, at ang lahat na puwitan ng mga yaon ay nasa loob.

²⁶ At ang kapal ng dagatdagatan ay isang dangkal; at ang labi niyaon ay yaring gaya ng labi ng isang tasa, gaya ng bulaklak na lila: naglalaman ng ^(JA)dalawang libong bath.

²⁷ At siya'y gumawa ng ^(JB)sangpung patungang tanso: apat na siko ang haba ng bawa't isa at apat na siko ang luwang, at tatlong siko ang taas.

²⁸ At ang pagkayari ng mga patungan ay ganitong paraan: may mga gilid na takip sa pagitan ng mga sugpong:

²⁹ At sa mga gilid na takip na nasa pagitan ng mga sugpong ay may mga leon, mga baka, at mga querubin; at sa itaas ng mga sugpong ay may tungtungan sa ibabaw; at sa ibaba ng mga leon, at mga baka, ay may mga tirintas na nangagbitin.

³⁰ At bawa't patungan ay may apat na gulong na tanso, at mga ejeng tanso: at ang apat na paa niyao'y may mga lapatan: sa ilalim ng hugasan ay may mga lapatan na binubo, na may mga tirintas sa siping ng bawa't isa.

³¹ At ang bunganga niyaong nasa loob ng kapitel, at ang taas ay may isang siko: at ang bunganga niyao'y mabilog ayon sa pagkayari ng tungtungan, na may isang siko't kalahati: at sa bunganga naman niyao'y may mga ukit, at ang mga gilid ng mga yaon ay parisukat, hindi mabilog.

³² At ang apat na gulong ay nasa ibaba ng mga gilid; at ang mga eje ng mga gulong ay nasa patungan: at ang taas ng bawa't gulong ay isang siko at kalahati.

³³ At ang pagkagawa ng mga gulong ay gaya ng pagkagawa ng mga gulong ng karo: ang mga eje ng mga yaon, at ang mga llanta ng mga yaon, at ang mga rayos ng mga yaon at ang mga boha niyaon ay pawang binubo.

³⁴ At may apat na lapatan sa apat na panulok ng bawa't patungan: ang mga lapatan ay kaputol ng patungan.

³⁵ At sa ibabaw ng patungan ay may isang nakababakod na mabilog na may kalahating siko ang taas: at sa ibabaw ng patunga'y nandoon ang mga panghawak, at ang mga gilid ay kaputol niyaon.

³⁶ At sa mga lamina ng mga panghawak niyaon at sa mga gilid niyaon, ay kaniyang inukitan ng mga querubin, mga leon, at mga puno ng palma ayon sa pagitan ng bawa't isa, na may mga tirintas sa palibot.

³⁷ Ayon sa paraang ito ay kaniyang ginawa ang sangpung patungan: lahat ng yaon ay iisa ang pagkabubo, iisa ang sukat, at iisa ang anyo.