Bible in 90 Days

¹⁵ May kasayahan at kagalakan na ihahatid sila:
Sila'y magsisipasok sa bahay-hari.
¹⁶ Sa halip ng iyong mga magulang ay ang iyong mga anak,
^(A)Na siya mong gagawing mga pangulo sa buong lupa.
¹⁷ Aking ipaaalaala ang iyong pangalan sa lahat ng sali't saling lahi:
Kaya't ang mga bayan ay mangagpapasalamat sa iyo magpakailan-kailan man.

46 Ang Dios ay ^(B)ating ampunan at kalakasan,
^(C)Handang saklolo sa kabagabagan.
² Kaya't hindi tayo matatakot bagaman ang lupa ay mabago,
At bagaman ang mga bundok ay mangaglipat sa kagitnaan ng mga dagat;
³ Bagaman ang tubig niyaon ay magsihugong at mabagabag.
Bagaman ang mga bundok ay mangauga dahil sa unos niyaon. (Selah)
^4 (D)May isang ilog, na ang mga agos ay nagpapasaya ^(E)sa bayan ng Dios.
Sa banal na dako ng mga tabernakulo ng Kataastaasan.
^5 (F)Ang Dios ay nasa gitna niya; siya'y hindi makikilos:
Tutulungan siya ng Dios na maaga.
⁶ Ang mga bansa ay nangagkagulo, ang mga kaharian ay nangakilos:
Inihiyaw niya ang kaniyang tinig, ang lupa ay natunaw.
^7 (G)Ang Panginoon ng mga hukbo ay sumasa atin;
Ang Dios ni Jacob ay ating kanlungan. (Selah)
⁸ Kayo'y parito, inyong masdan ang mga gawa ng Panginoon,
Kung anong mga kagibaan ang kaniyang ginawa sa lupa.
^9 (H)Kaniyang pinapaglilikat ang mga pagdidigma sa wakas ng lupa;
Kaniyang binabali ang busog, at pinuputol ang sibat;
Kaniyang sinusunog ang mga karo sa apoy.
¹⁰ Kayo ay magsitigil at kilalanin ninyo na ako ang Dios:
^(I)Ako'y mabubunyi sa gitna ng mga bansa, ako'y mabubunyi sa lupa.
¹¹ Ang Panginoon ng mga hukbo ay sumasa atin;
Ang Dios ni Jacob ay ating kanlungan.

47 Oh ^(J)ipakpak ang inyong mga kamay ninyong lahat na mga bayan;
Magsihiyaw kayo sa Dios ng tinig ng pagtatagumpay.
² Sapagka't ang Panginoong kataastaasan ^(K)ay kakilakilabot;
^(L)Siya'y dakilang Hari sa buong lupa.
^3 (M)Kaniyang pasusukuin ang mga bayan sa ilalim natin,
At ang mga bansa sa ilalim ng ating mga paa.
⁴ Kaniyang ipipili tayo ^(N)ng ating mana,
^(O)Ang karilagan ni Jacob na kaniyang minahal. (Selah)
^5 (P)Ang Dios ay napailanglang na may hiyawan,
Ang Panginoon na may tunog ng pakakak.
⁶ Kayo'y magsiawit ng mga pagpuri sa Dios, kayo'y magsiawit ng mga pagpuri:
Kayo'y magsiawit ng mga pagpuri sa ating Hari, kayo'y magsiawit ng mga pagpuri.
⁷ Sapagka't ang Dios ^(Q)ay Hari ng buong lupa:
^(R)Magsiawit kayo ng mga pagpuri na may pagunawa.
^8 (S)Ang Dios ay naghahari sa mga bansa:
Ang Dios ay nauupo sa kaniyang banal na luklukan.
⁹ Ang mga pangulo ng mga bayan ay nangapipisan
Upang maging bayan ng Dios ni Abraham;
Sapagka't ang mga ^(T)kalasag ng lupa ay ukol sa Dios;
Siya'y totoong bunyi.

48 Dakila ang Panginoon, at marapat pakapurihin,
^(U)Sa bayan ng aming Dios, sa kaniyang ^(V)banal na bundok.
^2 (W)Maganda sa kataasan, ang kagalakan ng buong ^(X)lupa,
Siyang bundok ng Sion, sa mga dako ng hilagaan,
^(Y)Na bayan ng dakilang Hari.
³ Ang Dios ay napakilala sa kaniyang mga bahay-hari, na pinakakanlungan.
⁴ Sapagka't narito, ang mga hari ay nagpupulong,
Sila'y nagsidaang magkakasama.
⁵ Kanilang nakita, nagsipanggilalas nga sila;
Sila'y nanganglupaypay, sila'y ^(Z)nangagmadaling tumakas.
^6 (AA)Panginginig ay humawak sa kanila roon;
Sakit, gaya ng sa isang babae sa pagdaramdam.
^7 (AB)Sa pamamagitan ng hanging silanganan
Iyong binabasag ang mga sasakyan sa Tharsis.
⁸ Kung ano ang aming narinig, ay gayon ang aming nakita
Sa ^(AC)bayan ng Panginoon ng mga hukbo, sa bayan ng aming Dios:
^(AD)Itatatag ito ng Dios magpakailan man. (Selah)
⁹ Aming inaalaala ang iyong kagandahang-loob, Oh Dios,
Sa gitna ng iyong templo.
¹⁰ Kung ano ang ^(AE)iyong pangalan, Oh Dios,
Gayon ang pagpuri sa iyo hanggang sa mga wakas ng lupa;
Ang iyong kanan ay puspos ng katuwiran.
¹¹ Matuwa ka bundok ng Sion,
Magalak ang mga ^(AF)anak na babae ng Juda,
Dahil sa iyong mga kahatulan.
¹² Libutin ninyo ang Sion, at inyong ligirin siya:
Inyong saysayin ang mga moog niyaon.
¹³ Tandaan ninyong mabuti ang kaniyang mga kuta,
Inyong masdan ang kaniyang mga bahay-hari;
Upang inyong maisaysay ito sa ^(AG)susunod na lahi.
¹⁴ Sapagka't ang Dios na ito ay ating Dios magpakailan-kailan man:
Siya'y magiging ating ^(AH)patnubay hanggang sa kamatayan.

49 ^(AI)Dinggin ninyo ito, ninyong lahat na mga bayan;
Pakinggan ninyo, ninyong lahat na nananahan sa daigdig:
^2 (AJ)Ng mababa at gayon din ng mataas,
Ng mayaman at ng dukha na magkasama.
³ Ang aking bibig ay magsasalita ng karunungan;
At ang pagbubulay ng aking puso ay magiging sa pagunawa.
^4 (AK)Ikikiling ko ang aking panig sa talinghaga:
Ibubuka ko ang aking ^(AL)malabong sabi sa alpa.
⁵ Bakit ako matatakot sa mga kaarawan ng kasamaan,
Pagka kinukulong ako ng kasamaan sa aking mga sakong?
⁶ Silang ^(AM)nagsisitiwala sa kanilang kayamanan,
At nangaghahambog sa karamihan ng kanilang mga kayamanan;
⁷ Wala sa kaniyang ^(AN)makatutubos sa ano pa mang paraan sa kaniyang kapatid,
Ni ^(AO)magbibigay man sa Dios ng pangtubos sa kaniya:
⁸ (Sapagka't ^(AP)ang katubusan ng kanilang kaluluwa ay mahal,
At ito'y naglilikat magpakailan man:)
⁹ Upang siya'y mabuhay na lagi,
Upang siya'y ^(AQ)huwag makakita ng kabulukan.
¹⁰ Sapagka't nakikita niya na ang mga pantas ay ^(AR)nangamamatay,
Ang mangmang at gayon din ang ^(AS)hangal ay nililipol,
^(AT)At iniiwanan ang kanilang kayamanan sa mga iba.
¹¹ Ang kanilang pagiisip sa loob ay, na ang kanilang mga bahay ay mananatili magpakailan man,
At ang kanilang mga tahanang dako ay sa lahat ng sali't saling lahi;
^(AU)Tinatawag nila ang kanilang mga lupain ayon sa kanilang sariling mga pangalan.
¹² Nguni't ang tao'y hindi lalagi sa karangalan:
Siya'y gaya ng mga hayop na nangamamatay.
¹³ Itong kanilang lakad ay ^(AV)kanilang kamangmangan:
Gayon ma'y pagkatapos nila ay sinasangayunan ng mga tao ang kanilang mga kasabihan. (Selah)
¹⁴ Sila'y nangatakda sa Sheol na parang kawan;
Kamatayan ay magiging pastor sa kanila:
At ^(AW)ang matuwid ay magtataglay ng kapangyarihan sa kanila sa kinaumagahan;
At ang kanilang kagandahan ay mapapasa Sheol upang matunaw,
Upang mawalan ng tahanan.
¹⁵ Nguni't ^(AX)tutubusin ng Dios ang aking kaluluwa sa kapangyarihan ng Sheol:
^(AY)Sapagka't tatanggapin niya ako. (Selah)
¹⁶ Huwag kang matakot pagka may yumaman.
Pagka ang kaluwalhatian ng kaniyang bahay ay lumago:
¹⁷ Sapagka't pagka siya'y namatay ay wala siyang dadalhin;
Ang kaniyang kaluwalhatian ay hindi bababang susunod sa kaniya.
¹⁸ Bagaman habang siya'y nabuhay ay ^(AZ)kaniyang pinagpala ang kaniyang kaluluwa,
(At pinupuri ka ng mga tao pagka gumagawa ka ng mabuti sa iyong sarili),
¹⁹ Siya'y paroroon sa lahi ng kaniyang mga magulang;
Hindi sila makakakita kailan man ng ^(BA)liwanag.
²⁰ Taong nasa karangalan, at hindi nakakaunawa,
Ay gaya ng mga hayop na namamatay.

50 Ang makapangyarihang Dios, ang Dios na Panginoon, ay nagsalita,
At tinawag ang lupa ^(BC)mula sa pagsikat ng araw hanggang sa paglubog niyaon.
² Mula sa Sion na ^(BD)kasakdalan ng kagandahan,
^(BE)Sumilang ang Dios.
³ Ang aming Dios ay darating at hindi tatahimik;
^(BF)Isang apoy na mamumugnaw sa harap niya,
At magiging totoong malaking bagyo sa palibot niya.
^4 (BG)Siya'y tatawag sa langit sa itaas,
At sa lupa upang mahatulan niya ang kaniyang bayan:
⁵ Pisanin mo ang ^(BH)aking mga banal sa akin;
^(BI)Yaong nangakikipagtipan sa akin sa pamamagitan ng hain.
⁶ At ^(BJ)ipahahayag ng langit ang kaniyang katuwiran;
Sapagka't ang Dios ay siyang hukom. (Selah)
^7 (BK)Iyong dinggin, Oh aking bayan, at ako'y magsasalita;
Oh Israel, at ako'y magpapatotoo sa iyo:
^(BL)Ako'y Dios, iyong Dios.
^8 (BM)Hindi kita sasawayin dahil sa iyong mga hain;
At ang iyong mga handog na susunugin ay laging nangasa harap ko.
^9 (BN)Hindi ako kukuha ng baka sa iyong bahay,
Ni ng kambing na lalake sa iyong mga kawan.
¹⁰ Sapagka't bawa't hayop sa gubat ay akin,
At ang hayop sa libong burol.
¹¹ Nakikilala ko ang lahat ng mga ibon sa mga bundok:
At ^(BO)ang mga mabangis na hayop sa parang ay akin.
¹² Kung ako'y magutom ay hindi ko sasaysayin sa iyo:
^(BP)Sapagka't ang sanglibutan ay akin, at ang buong narito.
¹³ Kakanin ko ba ang laman ng mga toro,
O iinumin ang dugo ng mga kambing?
^14 (BQ)Ihandog mo sa Dios ang haing pasasalamat:
At ^(BR)tuparin mo ang iyong mga panata sa Kataastaasan:
¹⁵ At ^(BS)tumawag ka sa akin sa kaarawan ng kabagabagan;
Ililigtas kita, at iyong luluwalhatiin ako.
¹⁶ Nguni't sa masama ay sinasabi ng Dios,
Anong iyong gagawin upang ipahayag ang aking mga palatuntunan,
At iyong kinuha ang aking tipan sa iyong bibig?
¹⁷ Palibhasa't iyong kinapopootan ang pagtuturo,
At iyong iniwawaksi ang aking mga salita sa likuran mo.
¹⁸ Pagka nakakita ka ng magnanakaw, pumipisan ka sa kaniya,
At naging kabahagi ka ng mga mapangalunya.
¹⁹ Iyong ibinubuka ang iyong bibig sa kasamaan,
At ang iyong dila ay kumakatha ng karayaan.
²⁰ Ikaw ay nauupo, at ^(BT)nagsasalita laban sa iyong kapatid;
Iyong dinudusta ang anak ng iyong sariling ina.
²¹ Ang mga bagay na ito ay iyong ginawa, ^(BU)at ako'y tumahimik;
Iyong inisip na tunay na ako'y gayong gaya mo:
Nguni't sasawayin kita, at ^(BV)aking isasaayos sa harap ng iyong mga mata.
²² Gunitain nga ninyo ito, ninyong nangakalilimot sa Dios,
Baka kayo'y aking pagluraylurayin at walang magligtas:
^23 (BW)Ang naghahandog ng haing pasasalamat ay lumuluwalhati sa akin;
At sa kaniya na nagaayos ng kaniyang pakikipagusap
Aking ipakikita ang pagliligtas ng Dios.

51 ^(BY)Maawa ka sa akin, Oh Dios, ayon sa iyong kagandahang-loob:
Ayon sa karamihan ng iyong malumanay na mga kaawaan ^(BZ)ay pinawi mo ang aking mga pagsalangsang.
^2 (CA)Hugasan mo akong lubos sa aking kasamaan,
At linisin mo ako sa aking kasalanan.
³ Sapagka't ^(CB)kinikilala ko ang aking mga pagsalangsang:
At ang aking kasalanan ay laging nasa harap ko.
^4 (CC)Laban sa iyo, sa iyo lamang ako nagkasala,
At nakagawa ng kasamaan sa iyong paningin:
^(CD)Upang ikaw ay ariing ganap pag nagsasalita ka,
At maging malinis pag humahatol ka.
^5 (CE)Narito, ako'y inanyuan sa kasamaan;
At sa kasalanan ay ipinaglihi ako ng aking ina,
⁶ Narito, ikaw ay nagnanasa ng katotohanan sa mga loob na sangkap;
At sa kubling bahagi ay iyong ipakikilala sa akin ang karunungan.
^7 (CF)Linisin mo ako ng hisopo, at ako'y magiging malinis:
Hugasan mo ako ^(CG)at ako'y magiging lalong maputi kay sa nieve.
⁸ Pagparinggan mo ako ng kagalakan at kasayahan;
Upang ^(CH)ang mga buto na iyong binali ay mangagalak.
⁹ Ikubli mo ang iyong mukha sa aking mga kasalanan,
At pawiin mo ang aking lahat na mga kasamaan.
¹⁰ Likhaan mo ako ng isang malinis na puso, Oh Dios;
At ^(CI)magbago ka ng isang matuwid na espiritu sa loob ko.
¹¹ Huwag mo akong paalisin sa ^(CJ)iyong harapan;
^(CK)At huwag mong bawiin ang iyong santong Espiritu sa akin.
¹² Ibalik mo sa akin ang kagalakan ng iyong pagliligtas:
At alalayan ako ^(CL)ng kusang espiritu.
¹³ Kung magkagayo'y ituturo ko sa mga mananalangsang ang iyong mga lakad;
At ang mga makasalanan ay ^(CM)mangahihikayat sa iyo.
¹⁴ Iligtas mo ako sa salang pagbububo ng dugo, Oh Dios, ikaw na Dios ng aking kaligtasan;
At ang aking dila ay aawit ng malakas tungkol sa iyong katuwiran.
¹⁵ Oh Panginoon, bukhin mo ang aking mga labi;
At ang aking bibig ay magsasaysay ng iyong kapurihan.
¹⁶ Sapagka't ^(CN)hindi ka nalulugod sa hain; na kung dili ay bibigyan kita:
Wala kang kaluguran sa handog na susunugin.
^17 (CO)Ang mga hain sa Dios ay bagbag na loob:
Isang bagbag at may pagsisising puso, Oh Dios, ay hindi mo wawaling kabuluhan.
^18 (CP)Gawan mo ng mabuti ang iyong mabuting kasayahan sa Sion:
^(CQ)Itayo mo ang mga kuta ng Jerusalem.
¹⁹ Kung magkagayo'y malulugod ka ^(CR)sa mga hain ng katuwiran,
Sa handog na susunugin at sa ^(CS)handog na susunuging buo:
Kung magkagayo'y mangaghahandog sila ng mga toro sa iyong dambana.

52 Bakit ka naghahambog sa kasamaan, Oh ^(CU)makapangyarihang tao?
Ang kagandahang-loob ng Dios ay palagi.
^2 (CV)Ang dila mo'y kumakatha ng totoong masama;
Gaya ng matalas na ^(CW)pangahit, na gumagawang may karayaan.
³ Iniibig mo ang kasamaan ng higit kay sa kabutihan;
^(CX)At ang pagsisinungaling kay sa pagsasalita ng katuwiran. (Selah)
⁴ Iniibig mo ang lahat na mananakmal na salita,
Oh ikaw na magdarayang dila.
⁵ Ilulugmok ka ring gayon ng Dios magpakailan man,
Itataas ka niya, at ilalabas ka sa iyong tolda,
At ^(CY)bubunutin ka niya sa ^(CZ)lupain ng may buhay. (Selah)
^6 (DA)Makikita naman ng matuwid, at matatakot,
^(DB)At tatawa sa kaniya, na magsasabi,
⁷ Narito, ito ang tao na hindi ginawang kaniyang katibayan, ang Dios;
Kundi ^(DC)tumiwala sa kasaganaan ng kaniyang mga kayamanan,
At nagpakalakas sa kaniyang kasamaan.
⁸ Nguni't tungkol sa akin, ^(DD)ay gaya ako ng sariwang punong kahoy ng olibo sa bahay ng Dios:
Tumitiwala ako sa kagandahangloob ng Dios magpakailan-kailan man.
⁹ Ako'y magpapasalamat sa iyo magpakailan man, sapagka't iyong ginawa:
At ako'y maghihintay sa iyong pangalan ^(DE)sapagka't mabuti, sa harapan ng ^(DF)iyong mga banal.

53 ^(DG)Ang mangmang ay nagsabi sa puso niya, Walang Dios.
Nangapahamak sila, at nagsigawa ng kasuklamsuklam na kasamaan;
^(DH)Walang gumawa ng mabuti.
² Tinunghan ng Dios ang mga anak ng mga tao mula sa langit,
Upang tignan kung may sinomang nakakaunawa,
Na humanap sa Dios.
³ Bawa't isa sa kanila ay ^(DI)tumalikod: sila'y magkakasamang naging mahahalay;
Walang gumawa ng mabuti, wala, wala kahit isa.
⁴ Wala bang kaalaman ang mga manggagawa ng kasamaan?
^(DJ)Na siyang kumakain ng aking bayan na tila kumakain ng tinapay,
At hindi nagsisitawag sa Dios.
⁵ Doo'y nangapasa malaking katakutan sila ^(DK)na hindi kinaroroonan ng takot:
Sapagka't ^(DL)pinangalat ng Dios ang mga ^(DM)buto niya na humahantong laban sa iyo;
Iyong inilagay sila sa kahihiyan, sapagka't itinakuwil sila ng Dios.
⁶ Oh kung ang kaligtasan ng Israel ay lumabas sa Sion.
^(DN)Pagka ibabalik ng Dios ang nangabihag ng kaniyang bayan,
Magagalak nga ang Jacob at matutuwa ang Israel.

54 Iligtas mo ako, Oh Dios, sa pamamagitan ng iyong pangalan.
At hatulan mo ako sa iyong kapangyarihan.
² Dinggin mo ang aking dalangin, Oh Dios;
Pakinggan mo ang mga salita ng aking bibig.
³ Sapagka't ^(DP)ang mga tagaibang lupa ay nagsibangon laban sa akin,
At ang mga mangdadahas na tao ay nagsisiusig ng aking kaluluwa:
Hindi nila inilagay ang Dios sa harap nila. (Selah)
⁴ Narito, ang Dios ay aking katulong:
^(DQ)Ang Panginoon ay sa kanila na nagsisialalay ng aking kaluluwa.
⁵ Kaniyang ibabalik ang kasamaan sa aking mga kaaway:
^(DR)Gibain mo sila sa iyong katotohanan.
^6 (DS)Ako'y maghahain sa iyo ng kusang handog:
Ako'y magpapasalamat sa iyong pangalan, Oh Panginoon, ^(DT)sapagka't mabuti.
⁷ Sapagka't iniligtas niya ako sa lahat ng kabagabagan;
^(DU)At nakita ng aking mata ang aking nasa sa aking mga kaaway.

55 ^(DV)Dinggin mo ang aking dalangin, Oh Dios;
At huwag kang magkubli sa aking pananaing.
² Pakinggan mo ako, at iyong sagutin ako:
^(DW)Ako'y walang katiwasayan sa aking pagdaramdam, at ako'y dumadaing;
³ Dahil sa tinig ng kaaway,
Dahil sa pagpighati ng masama;
^(DX)Sapagka't sila'y naghagis ng kasamaan sa akin,
At sa galit ay inuusig nila ako.
^4 (DY)Ang aking puso ay nagdaramdam na mainam sa loob ko:
At ang mga kakilabutan ng kamatayan ay nahulog sa akin.
^5 (DZ)Katakutan at panginginig ay dumating sa akin,
At tinakpan ako ng ^(EA)kakilabutan.
⁶ At aking sinabi, Oh kung ako'y nagkaroon ng mga pakpak na gaya ng kalapati!
Lilipad nga ako, at magpapahinga.
⁷ Narito, kung magkagayo'y gagala ako sa malayo,
Ako'y titigil sa ilang. (Selah)
⁸ Ako'y magmamadaling sisilong
Mula sa malakas na hangin at bagyo.
⁹ Ipahamak mo, Oh Panginoon, at guluhin mo ang kanilang wika:
Sapagka't ako'y nakakita ng ^(EB)pangdadahas at pagaaway sa bayan.
¹⁰ Araw at gabi ay nagsisiligid sila sa mga kuta niyaon:
Kasamaan man at kahirapan ay nangasa gitna rin niyaon.
¹¹ Kasamaan ay nasa gitna niyaon;
Ang pagpighati at pagdaraya ay hindi humihiwalay sa kaniyang mga lansangan.
¹² Sapagka't hindi kaaway ang dumuwahagi sa akin;
Akin nga sanang nabata:
^(EC)Ni hindi rin ang nagtatanim sa akin ang nagmamalaki laban sa akin;
Nagtago nga sana ako sa kaniya:
¹³ Kundi ikaw, lalake na kagaya ko,
^(ED)Aking kasama at aking kaibigang matalik.
¹⁴ Tayo ay maligayang nagpapayuhang magkasama,
Tayo'y lumalakad na magkaakbay ^(EE)sa bahay ng Dios.
¹⁵ Dumating nawang bigla sa kanila ang kamatayan,
^(EF)Mababa nawa silang buháy sa ^(EG)Sheol:
Sapagka't kasamaan ay nasa kanilang tahanan, sa gitna nila.
¹⁶ Tungkol sa akin, ay tatawag ako sa Dios;
At ililigtas ako ng Panginoon.
^17 (EH)Sa hapon at sa umaga, at sa katanghaliang tapat, ako'y dadaing at hihibik:
At kaniyang didinggin ang aking tinig.
¹⁸ Kaniyang tinubos ang aking kaluluwa sa kapayapaan mula sa pagbabaka laban sa akin:
^(EI)Sapagka't sila'y marami na nakikipaglaban sa akin.
¹⁹ Didinggin ng Dios, at paghihigantihan sila,
Siyang tumatahan ng una. (Selah)
Ang mga tao na walang mga pagbabago,
At hindi nangatatakot sa Dios.
²⁰ Kaniyang iniunat ang kaniyang mga kamay laban sa gayon na nasa kapayapaan sa kaniya:
Kaniyang nilapastangan ang kaniyang tipan.
^21 (EJ)Ang kaniyang bibig ay malambot na parang mantekilya:
Nguni't ang kaniyang puso ay pakikidigma:
Ang kaniyang mga salita ay lalong mabanayad kay sa langis,
^(EK)Gayon ma'y mga bunot na tabak.
^22 (EL)Ilagay mo ang iyong pasan sa Panginoon, at kaniyang aalalayan ka:
Hindi niya titiising makilos kailan man ang matuwid.
²³ Nguni't ikaw, Oh Dios, ibababa mo sila sa hukay ng kapahamakan:
Mga mabagsik at magdarayang tao ay ^(EM)hindi darating sa kalahati ng kanilang mga kaarawan;
Nguni't titiwala ako sa iyo.

56 ^(EO)Maawa ka sa akin, Oh Dios: sapagka't sasakmalin ako ng tao:
Buong araw ay nangbababag siya na pinipighati ako.
² Ibig akong sakmalin ng aking mga kaaway buong araw:
Sapagka't sila'y maraming may kapalaluan na nagsisilaban sa akin.
³ Sa panahong ako'y matakot,
Aking ilalagak ang aking tiwala sa iyo.
⁴ Sa Dios (ay pupuri ako ng kaniyang salita),
Sa Dios ay inilagak ko ang aking tiwala, ^(EP)hindi ako matatakot;
Anong magagawa ng laman sa akin?
⁵ Buong araw ay binabaligtad nila ang aking mga salita:
Lahat ng kanilang mga pagiisip ay laban sa akin sa ikasasama.
⁶ Sila'y nagpipisan, ^(EQ)sila'y nagsisipagkubli,
Kanilang tinatandaan ang aking mga hakbang,
Gaya ng kanilang ^(ER)pagaabang sa aking kaluluwa.
⁷ Tatakas ba sila sa pamamagitan ng masama?
Sa galit ay ilugmok mo ang mga bayan, Oh Dios.
⁸ Iyong isinasaysay ang aking mga paggagala:
^(ES)Ilagay mo ang aking mga luha sa iyong botelya;
^(ET)Wala ba sila sa iyong aklat?
⁹ Tatalikod nga ang aking mga kaaway sa kaarawan na ako'y tumawag:
Ito'y nalalaman ko, sapagka't ang ^(EU)Dios ay kakampi ko.
¹⁰ Sa Dios (ay pupuri ako ng salita),
Sa Panginoon (ay pupuri ako ng salita),
¹¹ Sa Dios ay inilagak ko ang aking tiwala, ^(EV)hindi ako matatakot;
Anong magagawa ng tao sa akin?
¹² Ang iyong mga panata ay sa akin, Oh Dios:
Ako'y magbabayad ng mga handog na pasalamat sa iyo.
¹³ Sapagka't ^(EW)iniligtas mo ang aking kaluluwa sa kamatayan:
Hindi mo ba iniligtas ang aking mga paa sa pagkahulog?
Upang ako'y makalakad sa harap ng Dios
^(EX)Sa liwanag ng buhay.

57 ^(EZ)Maawa ka sa akin, Oh Dios, maawa ka sa akin;
Sapagka't ang aking kaluluwa ay nanganganlong sa iyo.
Oo, sa ^(FA)lilim ng iyong mga pakpak ay manganganlong ako,
^(FB)Hanggang sa makaraan ang mga kasakunaang ito.
² Ako'y dadaing sa Dios na Kataastaasan;
Sa Dios na nagsagawa ng lahat na mga bagay sa akin.
^3 (FC)Siya'y magsusugo mula sa langit, at ililigtas ako,
Pagka yaong lulunok sa akin ay dumuduwahagi; (Selah)
^(FD)Susuguin ng Dios ang kaniyang kagandahang-loob at ang kaniyang katotohanan.
⁴ Ang aking kaluluwa ay nasa gitna ng mga leon:
Ako'y nahihiga sa gitna niyaong mga pinaningasan ng apoy,
Sa mga anak ng tao, na ang mga ngipin ay sibat at mga pana,
At ang kanilang dila ay ^(FE)matalas na tabak.
^5 (FF)Mabunyi ka, Oh Dios, sa itaas ng mga langit;
Mataas ang iyong kaluwalhatian sa buong lupa.
⁶ Kanilang hinandaan ng ^(FG)silo ang aking mga hakbang.
Ang aking kaluluwa ay nakayuko:
Sila'y nagsihukay ng isang ^(FH)lungaw sa harap ko.
Sila'y nangahulog sa gitna niyaon. (Selah)
^7 (FI)Ang aking puso ay matatag, Oh Dios, ang aking puso ay matatag:
Ako'y aawit, oo, ako'y aawit ng mga pagpuri.
^8 (FJ)Gumising ka, ^(FK)kaluwalhatian ko; gumising ka, salterio at alpa:
Ako'y gigising na maaga.
⁹ Ako'y magpapasalamat sa iyo, Oh Panginoon, sa gitna ng mga bayan:
Ako'y aawit sa iyo ng mga pagpuri sa gitna ng mga bansa.
^10 (FL)Sapagka't ang iyong kagandahang-loob ay dakila hanggang sa mga langit,
At ang iyong katotohanan hanggang sa mga alapaap.
¹¹ Mabunyi ka, Oh Dios, sa itaas ng mga langit;
Mataas ang iyong kaluwalhatian sa buong lupa.

58 Tunay bang kayo'y nangagsasalita ng katuwiran Oh kayong mga makapangyarihan?
Nagsisihatol ba kayo ng matuwid, Oh kayong mga anak ng mga tao?
² Oo, sa puso ay nagsisigawa kayo ng kasamaan;
Inyong tinitimbang ang pangdadahas ng inyong mga kamay sa lupa.
³ Ang masama ay naliligaw mula sa bahay-bata:
Sila'y naliligaw pagkapanganak sa kanila, na nagsasalita ng mga kasinungalingan.
^4 (FM)Ang kanilang kamandag ay parang kamandag ng ahas:
Sila'y ^(FN)gaya ng binging ahas na nagtatakip ng kaniyang pakinig;
⁵ At hindi nakakarinig ng tinig ^(FO)ng mga enkantador,
Na kailan man ay hindi umeenkanto ng gayon na may karunungan.
⁶ Iyong bungalin ang kanilang mga ngipin, ^(FP)Oh Dios, sa kanilang bibig:
Iyong bungalin ang mga malaking ngipin ng mga batang leon, Oh Panginoon.
^7 (FQ)Mangatunaw nawa silang parang tubig na umaagos:
Pagka inihilagpos niya ang kaniyang mga palaso, maging gaya nawa ng nangaluray.
⁸ Maging gaya nawa ng laman ng suso na natutunaw at napapawi:
^(FR)Na gaya ng naagas sa babae na hindi nakakita ng araw.
^9 (FS)Bago makaramdam ang inyong mga palyok ng mga dawag na panggatong,
^(FT)Kaniyang kukunin ang mga yaon ng ipoipo, ang sariwa at gayon din ang nagniningas.
^10 (FU)Magagalak ang matuwid pagka nakita niya ^(FV)ang higanti:
Kaniyang huhugasan ^(FW)ang kaniyang mga paa sa dugo ng masama.
^11 (FX)Na anopa't sasabihin ng mga tao, Katotohanang may kagantihan sa matuwid:
Katotohanang may Dios na ^(FY)humahatol sa lupa.

59 Iligtas mo ako ^(GA)sa aking mga kaaway, Oh Dios ko:
Ilagay mo ako sa mataas sa kanila na nagsisibangon laban sa akin.
² Iligtas mo ako sa mga manggagawa ng kasamaan,
At iligtas mo ako sa mga mabagsik na tao.
³ Sapagka't narito, kanilang binabakayan ang aking kaluluwa;
Ang mga makapangyarihan ay ^(GB)nagpipisan laban sa akin:
^(GC)Hindi dahil sa aking pagsalangsang, o sa aking kasalanan man, Oh Panginoon.
⁴ Sila'y nagsisitakbo at nagsisihanda na wala akong sala:
^(GD)Ikaw ay gumising na tulungan mo ako, at masdan mo.
⁵ Sa makatuwid baga'y ikaw, ^(GE)Oh Panginoong Dios ng mga hukbo, na Dios ng Israel,
Ikaw ay bumangon upang iyong dalawin ang lahat ng mga bansa:
Huwag kang maawa sa kanino mang masamang mananalangsang. (Selah)
⁶ Sila'y nagsibalik sa kinahapunan, ^(GF)sila'y nagsitahol na parang aso,
At nililigid ang bayan.
⁷ Narito, sila'y nanunungayaw ng kanilang bibig;
^(GG)Mga tabak ay nangasa kanilang mga labi:
Sapagka't ^(GH)sino, sabi nila, ang nakikinig?
⁸ Nguni't ikaw, Oh Panginoon, ^(GI)tatawa sa kanila;
Iyong tutuyain ang lahat ng mga bansa.
⁹ Dahil sa kaniyang kalakasan, didinggin kita;
^(GJ)Sapagka't ang Dios ay aking matayog na moog.
^10 (GK)Ang aking Dios pati ng kaniyang kagandahang-loob ay sasalubong sa akin:
Ipakikita ng Dios ^(GL)sa akin ang aking nasa sa aking mga kaaway.
^11 (GM)Huwag mo silang patayin, baka makalimot ang aking bayan;
Pangalatin mo sila ng iyong kapangyarihan, at ibaba mo sila,
Oh Panginoon na kalasag namin.
^12 (GN)Dahil sa kasalanan ng kanilang bibig, at sa mga salita ng kanilang mga labi,
Makuha nawa sila sa kanilang kapalaluan,
At dahil sa sumpa at pagsisinungaling na kanilang sinalita.
^13 (GO)Pugnawin mo sila sa poot, pugnawin mo sila, upang sila'y mawala:
At ^(GP)ipakilala mo sa kanila na ang Dios ay nagpupuno sa Jacob,
Hanggang sa mga wakas ng lupa. (Selah)
¹⁴ At sa kinahapunan ay papagbalikin mo sila, pahagulhulin mo silang parang aso,
At libutin nila ang bayan.
^15 (GQ)Sila'y gagala na magmamanhik-manaog dahil sa pagkain,
At maghihintay buong gabi kung hindi sila mabusog.
¹⁶ Nguni't aking aawitin ang iyong kalakasan;
Oo, aking aawiting malakas ang iyong kagandahang-loob sa kinaumagahan:
Sapagka't ikaw ay naging aking matayog na moog,
At kanlungan sa kaarawan ng aking kabagabagan.
¹⁷ Sa iyo, Oh ^(GR)kalakasan ko, aawit ako ng mga pagpuri:
Sapagka't ang Dios ay aking matayog na moog, ang Dios ng aking kaawaan.

60 Oh Dios, ^(GT)iniwaksi mo kami, ibinagsak mo kami;
Ikaw ay nagalit; Oh papanauliin mo kami.
² Iyong niyanig ang lupain; iyong pinabuka:
^(GU)Pagalingin mo ang mga sira niyaon: sapagka't umuuga.
^3 (GV)Nagpakita ka sa iyong bayan ng mahihirap na bagay:
^(GW)Iyong ipinainom sa amin ang alak na pangpagiray.
^4 (GX)Nagbigay ka ng watawat sa nangatatakot sa iyo,
Upang maiwagayway dahil sa katotohanan. (Selah)
^5 (GY)Upang ang ^(GZ)iyong minamahal ay makaligtas,
Magligtas ka ng iyong kanan, at sagutin mo kami.
^6 (HA)Nagsalita ang Dios sa kaniyang kabanalan; ako'y magsasaya:
^(HB)Aking hahatiin ang ^(HC)Sichem, at aking susukatin ^(HD)ang libis ng Succoth,
⁷ Galaad ay ^(HE)akin, at Manases ay akin;
Ephraim naman ay sanggalang ng aking ulo;
Juda ay ^(HF)aking setro.
^8 (HG)Moab ay aking hugasan;
^(HH)Sa Edom ay aking ihahagis ang aking panyapak;
Filistia, ^(HI)humiyaw ka dahil sa akin.
⁹ Sinong magdadala sa akin sa matibay na bayan?
Sinong papatnubay sa akin hanggang sa Edom?
^10 (HJ)Hindi mo ba kami iniwaksi, Oh Dios?
At hindi ka lumalabas, Oh Dios, na kasama ng aming mga hukbo.
¹¹ Tulungan mo kami laban sa kaaway;
Sapagka't ^(HK)walang kabuluhan ang tulong ng tao.
¹² Sa pamamagitan ng Dios ay ^(HL)gagawa kaming may katapangan:
Sapagka't siya ang ^(HM)yumayapak sa aming mga kaaway.

61 Dinggin mo ang aking daing, Oh Dios;
Pakinggan mo ang aking dalangin.
² Mula sa wakas ng lupa ay tatawag ako sa iyo, pagka nanglupaypay ang aking puso:
Patnubayan mo ako sa malaking bato na lalong mataas kay sa akin.
³ Sapagka't ikaw ay naging aking kanlungan,
^(HN)Matibay na moog sa kaaway.
^4 (HO)Ako'y tatahan sa iyong tabernakulo magpakailan man:
Ako'y manganganlong sa lilim ng iyong mga pakpak. (Selah)
⁵ Sapagka't dininig mo, Oh Dios, ang aking mga panata: Ibinigay mo ang mana sa nangatatakot sa iyong pangalan.
^6 (HP)Iyong pahahabain ang buhay ng hari:
Ang kaniyang mga taon ay magiging parang malaong panahon.
⁷ Siya'y tatahan sa harap ng Dios magpakailan man: Oh maghanda ka ng kagandahang-loob ^(HQ)at katotohanan, upang mapalagi siya.
⁸ Sa gayo'y aawit ako ng pagpuri sa iyong pangalan magpakailan man.
^(HR)Upang maisagawa ko araw-araw ang aking mga panata.

62 Sa ^(HS)Dios lamang naghihintay ng tahimik ang aking kaluluwa:
Sa kaniya galing ang aking kaligtasan.
² Siya lamang ang aking kanlungan at aking kaligtasan:
Siya ang ^(HT)aking matayog na moog; hindi ako lubhang makikilos.
³ Hanggang kailan maghahaka kayo ng masama laban sa isang tao.
Upang patayin siya ninyong lahat,
^(HU)Na gaya ng pader na tumagilid, o bakod na nabubuwal?
⁴ Sila'y nagsisisangguni lamang upang ibagsak siya sa kaniyang karilagan;
Sila'y natutuwa sa mga kasinungalingan:
Sila'y nagsisibasbas ng kanilang bibig, ^(HV)nguni't nanganunumpa sa loob. (Selah)
⁵ Kaluluwa ko, maghintay kang tahimik sa Dios lamang;
Sapagka't ang aking pagasa ay mula sa kaniya.
⁶ Siya lamang ang aking malaking bato at aking kaligtasan:
Siya'y aking matayog na moog; ^(HW)hindi ako makikilos.
^7 (HX)Nasa Dios ang aking kaligtasan at aking kaluwalhatian;
Ang malaking bato ng aking kalakasan, at ang kanlungan ko'y nasa Dios.
⁸ Magsitiwala kayo sa kaniya buong panahon, kayong mga bayan;
^(HY)Buksan ninyo ang inyong dibdib sa harap niya;
Dios ay kanlungan sa atin. (Selah)
^9 (HZ)Tunay na walang kabuluhan ang mga taong may mababang kalagayan, at ang mga taong may mataas na kalagayan ay kabulaanan:
Sa mga timbangan ay sasampa sila;
Silang magkakasama ay lalong magaan kay sa walang kabuluhan.
¹⁰ Huwag kang tumiwala sa kapighatian,
At huwag maging walang kabuluhan sa pagnanakaw:
^(IA)Kung ang mga kayamanan ay lumago, huwag ninyong paglalagakan ng inyong puso.
¹¹ Ang Dios ay nagsalitang ^(IB)minsan,
Makalawang aking narinig ito;
^(IC)Na ang kapangyarihan ay ukol sa Dios:
¹² Sa iyo naman, Oh Panginoon, ukol ang ^(ID)kagandahang-loob:
Sapagka't ^(IE)ikaw ay nagbabayad sa bawa't tao ayon sa kaniyang gawa.

63 Oh Dios, ikaw ay Dios ko; hahanapin kitang ^(IG)maaga:
Kinauuhawan ka ^(IH)ng aking kaluluwa, pinananabikan ka ng aking laman,
Sa isang tuyo at uhaw na lupa na walang tubig.
² Sa gayo'y tumingin ako sa iyo sa santuario.
Upang tanawin ang ^(II)iyong kapangyarihan at ang iyong kaluwalhatian.
^3 (IJ)Sapagka't ang iyong kagandahang-loob ay mainam kay sa buhay:
Pupurihin ka ng aking mga labi.
⁴ Sa gayo'y pupurihin ^(IK)kita habang ako'y nabubuhay:
^(IL)Igagawad ko ang aking mga kamay sa iyong pangalan.
⁵ Ang kaluluwa ko'y matutuwa na gaya sa utak at taba;
At ang bibig ko'y pupuri sa iyo ng masayang mga labi;
⁶ Pagka ^(IM)naaalaala kita sa aking higaan,
At ginugunita kita sa pagbabantay sa gabi.
⁷ Sapagka't naging katulong kita,
At ^(IN)sa lilim ng mga pakpak mo'y magagalak ako.
⁸ Ang kaluluwa ko'y nanununod na mainam sa iyo:
Inaalalayan ako ng iyong kanan.
⁹ Nguni't ang nagsisihanap ng kaluluwa ko, upang ipahamak,
Magsisilusong sa mga lalong ^(IO)mababang bahagi ng lupa.
¹⁰ Sila'y mangahuhulog sa kapangyarihan ng tabak:
Sila'y magiging pagkain sa mga zorra.
¹¹ Nguni't ^(IP)ang hari ay magagalak sa Dios:
Bawa't sumusumpa sa pamamagitan niya ay ^(IQ)luluwalhati;
Sapagka't ^(IR)ang bibig nila na nagsasalita ng mga kasinungalingan ay patitigilin.

64 Dinggin mo ang tinig ko. Oh Dios, sa aking hibik:
Ingatan mo ang buhay ko sa pagkatakot sa kaaway.
² Ikubli mo ako sa lihim na payo ng mga manggagawa ng kasamaan;
Sa panggugulo ng mga manggagawa ng kasamaan:
^3 (IS)Na siyang nangaghasa ng kanilang dila na parang tabak,
At pinahilagpos ang kanilang mga ^(IT)palaso, sa makatuwid baga'y ang masasakit na salita:
⁴ Upang kanilang maihilagpos sa sakdal sa mga lihim na dako:
Biglang inihihilagpos nila sa kaniya at hindi natatakot.
⁵ Sila'y nagpapakatapang sa masamang akala;
Sila'y nagsasangusapan ng paglalagay ng lihim na silo;
Sinasabi nila, ^(IU)Sinong makakakita?
⁶ Sila'y nagsisipagsiyasat ng mga kasamaan;
Aming naganap, sabi nila, ang masikap na pagsiyasat;
At ang pagiisip sa loob ng bawa't isa, at ang puso ay malalim.
^7 (IV)Nguni't pahihilagpusan sila ng Dios;
Sila'y masusugatang bigla ng isang palaso.
⁸ Sa gayo'y sila'y ^(IW)matitisod palibhasa't ang kanilang sariling dila ay laban sa kanila:
Ang lahat na makakita sa kanila ay ^(IX)mangaguuga ng ulo.
⁹ At lahat ng mga tao ay ^(IY)mangatatakot;
At kanilang ipahahayag ang salita ng Dios,
At may karunungang kanilang bubuhayin ang kanilang gawa.
¹⁰ Ang matuwid ay ^(IZ)matutuwa sa Panginoon, at manganganlong sa kaniya;
At lahat ng mga matuwid sa puso ay magsisiluwalhati.

65 Ang kapurihan ay naghihintay sa iyo, Oh Dios, sa Sion:
At sa iyo'y maisasagawa ang panata.
² Oh ikaw na dumidinig ng dalangin,
^(JA)Sa iyo'y paroroon ang lahat ng laman.
³ Mga kasamaan ay nangananaig laban sa akin:
Tungkol sa aming pagsalangsang, ay ^(JB)lilinisin mo.
^4 (JC)Mapalad ang tao na ^(JD)iyong pinipili, at pinalalapit mo sa iyo,
^(JE)Upang siya'y makatahan sa iyong mga looban:
^(JF)Kami ay mangasisiyahan sa kabutihan ng iyong bahay,
Ng iyong banal na templo.
⁵ Sasagutin mo kami sa katuwiran sa pamamagitan ng mga kakilakilabot na bagay,
Oh Dios ng aming kaligtasan;
Ikaw na katiwalaan ng ^(JG)lahat na wakas ng lupa,
At nila na malayo sa dagat:
⁶ Na naglalagay na matibay ng mga bundok sa pamamagitan ng kaniyang kalakasan;
Palibhasa't nabibigkisan sa palibot ng kapangyarihan:
^7 (JH)Na nagpapatigil ng hugong ng mga dagat,
Ng hugong ng kanilang mga alon,
^(JI)At ng kaingay ng mga bayan.
⁸ Sila naman na nagsisitahan sa mga pinakadulong bahagi ay nangatatakot sa iyong mga tanda:
Ikaw ang nagbibigay galak sa pagbubukang liwayway at pagtatakip-silim.
^9 (JJ)Iyong dinadalaw ang lupa, at ^(JK)dinidilig mo,
Iyong pinayayamang mainam;
^(JL)Ang ilog ng Dios ay puno ng tubig:
Iyong pinagtataanan sila ng trigo, pagka't inihanda mo ang lupa.
¹⁰ Iyong dinidilig ang kaniyang bungkal ng sagana;
Iyong pinapantay ang kaniyang mga bungkal;
Iyong mga pinalalambot ng ambon;
Iyong pinagpapala ang pagsibol niyaon.
¹¹ Iyong dinudulutan ang taon ng iyong kabutihan;
At ang iyong mga landas ay pumapatak ng katabaan.
¹² Nagsisipatak sa mga ^(JM)pastulan sa ilang;
At ang mga burol ay nabibigkisan ng kagalakan.
¹³ Ang mga^[a] pastulan ay nangabihisan ng mga kawan;
Ang mga libis naman ay nangatatakpan ng trigo;
Sila'y magsisihiyaw sa kagalakan, sila naman ay nagsisiawit.

66 Magkaingay kayong may kagalakan ^(JN)sa Dios, buong lupa.
² Awitin ninyo ang kaluwalhatian ng kaniyang pangalan:
Paluwalhatiin ninyo ang pagpuri sa kaniya.
³ Inyong sabihin sa Dios, ^(JO)Napaka kakilakilabot ng iyong mga gawa!
Sa kadakilaan ng iyong kapangyarihan ay magsisuko ang iyong mga kaaway sa iyo.
⁴ Buong lupa ay sasamba sa iyo,
At aawit sa iyo;
Sila'y magsisiawit sa iyong pangalan. (Selah)
^5 (JP)Kayo ay magsiparito, at tingnan ninyo ang mga gawa ng Dios;
Siya'y kakilakilabot sa kaniyang gawain sa mga anak ng mga tao.
^6 (JQ)Kaniyang pinagiging tuyong lupa ang dagat:
Sila'y nagsidaan ng paa sa ilog:
Doo'y nangagalak kami sa kaniya.
⁷ Siya'y nagpupuno ng kaniyang kapangyarihan magpakailan man:
Papansinin ^(JR)ng kaniyang mga mata ang mga bansa:
Huwag mangagpakabunyi ^(JS)ang mga manghihimagsik. (Selah)
⁸ Oh purihin ninyo ang ating Dios, ninyong mga bayan,
At iparinig ninyo ang tinig ng kaniyang kapurihan:
⁹ Na umaalalay sa ating kaluluwa sa buhay,
At hindi tumitiis na makilos ang ating mga paa.
¹⁰ Sapagka't ^(JT)ikaw, Oh Dios, tinikman mo kami:
^(JU)Iyong sinubok kami na para ng pagsubok sa pilak.
¹¹ Iyong isinuot kami sa silo;
Ikaw ay naglagay ng mainam na pasan sa aming mga balakang.
¹² Iyong pinasakay ^(JV)ang mga tao sa aming mga ulo;
^(JW)Kami ay nangagdaan sa apoy at sa tubig;
Nguni't dinala mo kami sa saganang dako.
^13 (JX)Ako'y papasok sa iyong bahay na may mga handog na susunugin,
Aking babayaran sa iyo ang mga panata ko,
¹⁴ Na sinambit ng aking mga labi,
At sinalita ng aking bibig, ^(JY)nang ako'y nasa kadalamhatian.
¹⁵ Ako'y maghahandog sa iyo ng mga matabang handog na susunugin,
Na may haing mga tupa;
Ako'y maghahandog ng mga toro na kasama ng mga kambing. (Selah)
^16 (JZ)Kayo'y magsiparito at dinggin ninyo, ninyong lahat na nangatatakot sa Dios,
At ipahahayag ko kung ano ang kaniyang ginawa sa aking kaluluwa.
¹⁷ Ako'y dumaing sa kaniya ng aking bibig,
At siya'y ibinunyi ng aking dila.
^18 (KA)Kung pinakundanganan ko ang kasamaan sa aking puso,
Hindi ako didinggin ng Panginoon:
¹⁹ Nguni't katotohanang dininig ako ng Dios;
Kaniyang pinakinggan ang tinig ng aking dalangin.
²⁰ Purihin ang Dios,
Na hindi iniwaksi ang aking dalangin,
Ni ang kaniyang kagandahang-loob sa akin.

67 Dios maawa ka sa amin, at pagpalain mo kami,
^(KB)At pasilangin nawa niya ang kaniyang mukha sa amin; (Selah)
^2 (KC)Upang ang iyong daan ay maalaman sa lupa,
Ang iyong pangligtas na kagalingan ^(KD)sa lahat ng mga bansa.
^3 (KE)Purihin ka ng mga bayan, Oh Dios;
Purihin ka ng lahat ng mga bayan.
⁴ Oh mangatuwa at magsiawit sa kasayahan ang mga bansa:
Sapagka't iyong hahatulan ang mga bayan ng karampatan,
At iyong pamamahalaan ang mga bansa sa lupa. (Selah)
⁵ Purihin ka ng mga bayan, Oh Dios;
Purihin ka ng lahat ng mga bayan.
⁶ Isinibol ^(KF)ng lupa ang kaniyang bunga:
Ang Dios ang sarili naming Dios ay pagpapalain kami.
⁷ Pagpapalain kami ng Dios:
At lahat ng mga wakas ng lupa ay ^(KG)mangatatakot sa kaniya.

68 Bumangon nawa ang ^(KH)Dios, mangalat ang kaniyang mga kaaway;
Sila namang nangagtatanim sa kaniya ay magsitakas sa harap niya.
^2 (KI)Kung paanong napaparam ang usok ay gayon nangapaparam sila.
^(KJ)Kung paanong natutunaw ang pagkit sa harap ng apoy,
Gayon mamatay ang masama sa harapan ng Dios.
³ Nguni't mangatuwa ^(KK)ang matuwid; mangagalak sila sa harap ng Dios:
Oo, mangagalak sila ng kasayahan.
⁴ Kayo'y magsiawit sa Dios, kayo'y magsiawit ng kapurihan sa kaniyang pangalan:
^(KL)Ipaghanda ninyo ng maluwang na lansangan siya na nangangabayo sa mga ilang;
^(KM)Ang kaniyang pangalan ay JAH; at mangagalak kayo sa harap niya.
^5 (KN)Ama ng mga ulila, at hukom ng mga babaing bao,
Ang Dios sa kaniyang banal na tahanan.
⁶ Pinapagmamaganak ^(KO)ng Dios ang mga nagiisa:
^(KP)Kaniyang inilalabas sa kaginhawahan ang mga bilanggo:
Nguni't ^(KQ)ang mga mapanghimagsik ay magsisitahan sa tuyong lupa.
⁷ Oh Dios, ^(KR)nang ikaw ay lumabas sa harap ng iyong bayan,
Nang ikaw ay lumakad sa ilang; (Selah)
^8 (KS)Ang lupa ay nayanig,
Ang mga langit naman ay tumulo sa harapan ng Dios:
Ang ^(KT)Sinai na yaon ay nayanig sa harapan ng Dios, ng Dios ng Israel.
⁹ Ikaw, Oh Dios, naglagpak ng saganang ulan,
Iyong pinatibay ang iyong mana, noong ito'y mahina.
¹⁰ Ang iyong kapisanan ay tumahan doon:
Ikaw, Oh Dios, ipinaghanda mo ng iyong kabutihan ang dukha.
¹¹ Nagbibigay ng salita ang Panginoon:
Ang mga babaing nangaghahayag ng mga balita ay malaking hukbo.
¹² Mga hari ng mga hukbo ay ^(KU)nagsisitakas, sila'y nagsisitakas:
^(KV)At nangamamahagi ng samsam ang naiwan sa bahay.
^13 (KW)Mahihiga ba kayo sa gitna ng mga kulungan ng mga kawan,
^(KX)Na parang mga pakpak ng kalapati na natatakpan ng pilak,
At ng kaniyang balahibo ng gintong madilaw?
¹⁴ Nang ang Makapangyarihan sa lahat ay magkalat ng mga hari roon,
Ay tila nagka nieve sa ^(KY)Salmon.
¹⁵ Bundok ng Dios ay ang bundok ng Basan;
Mataas na bundok ang bundok ng Basan.
¹⁶ Bakit kayo'y nagsisiirap, kayong matataas na mga bundok,
^(KZ)Sa bundok na ninasa ng Dios na maging kaniyang tahanan?
Oo, tatahan doon ang Panginoon magpakailan man.
^17 (LA)Ang mga karo ng Dios ay dalawang pung libo samakatuwid baga'y libolibo:
Ang Panginoon ay nasa gitna nila, kung paano sa Sinai, gayon sa santuario.
^18 (LB)Sumampa ka sa mataas, ^(LC)pinatnubayan mo ang iyong bihag sa pagkabihag;
Tumanggap ka ng mga ^(LD)kaloob sa gitna ng mga tao, Oo, pati sa mga mapanghimagsik, upang makatahang kasama nila ang Panginoong Dios.
¹⁹ Purihin ang Panginoon na nagpapasan araw-araw ng aming pasan,
Sa makatuwid baga'y ang Dios na siyang aming kaligtasan. (Selah)
²⁰ Ang Dios sa amin ay Dios ng mga kaligtasan;
At ^(LE)kay Jehova na Panginoon ukol ang pagpapalaya sa kamatayan.
^21 (LF)Nguni't sasaktan ng Dios ang ulo ng kaniyang mga kaaway.
Ang bunbunang mabuhok ng nagpapatuloy sa kaniyang sala.
²² Sinabi ng Panginoon, ^(LG)Ibabalik ko uli mula sa Basan,
Ibabalik ko uli sila mula sa mga kalaliman ng dagat:
^23 (LH)Upang madurog mo sila, na nalulubog ang iyong paa sa dugo,
^(LI)Upang ang dila ng iyong mga aso ay magkaroon ng kaniyang pagkain sa iyong mga kaaway.
²⁴ Kanilang nakita ang iyong mga lakad, Oh Dios,
Sa makatuwid baga'y ang lakad ng aking Dios, ng aking Hari, sa loob ng santuario.
^25 (LJ)Ang mga mangaawit ay nangagpauna, ang mga manunugtog ay nagsisunod,
^(LK)Sa gitna ng mga dalaga na nagtutugtugan ng mga pandereta.
²⁶ Purihin ninyo ang Dios sa mga kapisanan,
Sa makatuwid baga'y ang Panginoon, ninyong mga sa bukal ng ^(LL)lahi ng Israel.
²⁷ Doo'y ^(LM)ang munting Benjamin ay siyang kanilang puno,
Ang mga pangulo ng Juda at ang kanilang pulong,
Ang mga pangulo ng Zabulon, ang mga pangulo ng Nephtali.
²⁸ Ang Dios mo'y ^(LN)nagutos ng iyong kalakasan:
Patibayin mo, Oh Dios, ang ginawa mo sa amin.
²⁹ Dahil sa iyong templo sa Jerusalem
^(LO)Mga hari ay mangagdadala ng mga kaloob sa iyo.
³⁰ Sawayin mo ang mga mailap na hayop sa mga puno ng tambo,
Ang karamihan ng mga toro na kasama ng mga guya ng mga bayan,
Na niyayapakan sa ilalim ng paa ang mga putol ng pilak;
Iyong pinangalat ang mga bayan na nangagagalak sa pagdidigma.
³¹ Mga pangulo ay ^(LP)magsisilabas sa Egipto;
Magmamadali ang ^(LQ)Etiopia na igawad ang kaniyang mga kamay sa Dios.
³² Magsiawit kayo sa Dios, kayong mga kaharian sa lupa;
Oh magsiawit kayo ng mga pagpuri sa Panginoon.
³³ Sa kaniya na ^(LR)sumasakay sa langit ng mga langit, na noon pang una:
Narito, binibigkas niya ang kaniyang tinig, na makapangyarihang tinig,
³⁴ Inyong isa Dios ang kalakasan:
Ang kaniyang karilagan ay nasa Israel,
At ang kaniyang kalakasan ay nasa mga langit.
³⁵ Oh Dios, ikaw ay ^(LS)kakilakilabot mula sa iyong mga dakong banal:
Ang Dios ng Israel, ay nagbibigay ng kalakasan at kapangyarihan sa kaniyang bayan.
Purihin ang Panginoon.

69 Iligtas mo ako, Oh Dios; Sapagka't ^(LT)ang tubig ay tumabon sa aking kaluluwa.
² Ako'y lumulubog sa malalim na burak na walang tayuan:
Ako'y lumulubog sa malalim na tubig, na tinatabunan ako ng agos.
³ Ako'y hapo sa aking daing; ang lalamunan ko'y tuyo:
Ang mga mata ko'y nangangalumata habang hinihintay ko ang aking Dios.
^4 (LU)Silang nangagtatanim sa akin ng walang anomang kadahilanan ay higit kay sa mga buhok ng aking ulo:
Silang ibig maghiwalay sa akin, na mga kaaway kong may kamalian, ay mga makapangyarihan:
^(LV)Akin ngang isinauli ang hindi ko kinuha.
⁵ Oh Dios, kilala mo ang kamangmangan ko;
At ang mga kasalanan ko'y hindi lihim sa iyo.
⁶ Huwag mangapahiya dahil sa akin ang nangaghihintay sa iyo,
Oh Panginoong Dios ng mga hukbo:
Huwag mangalagay sa kasiraang puri dahil sa akin ang nagsisihanap sa iyo, Oh Dios ng Israel.
⁷ Sapagka't ^(LW)dahil sa iyo ay nagdala ako ng kadustaan;
Kahihiyan ay tumakip sa aking mukha.
^8 (LX)Ako'y naging iba sa aking mga kapatid,
At taga ibang lupa sa mga anak ng aking ina.
^9 (LY)Sapagka't napuspos ako ng sikap sa iyong bahay;
^(LZ)At ang mga pagduwahagi nila na nagsisiduwahagi sa iyo ay nangahulog sa akin.
¹⁰ Pag umiiyak ako at pinarurusahan ko ng pagaayuno ang aking kaluluwa,
Yao'y pagkaduwahagi sa akin.
¹¹ Nang magsuot ako ng kayong magaspang,
Ay naging kawikaan ako sa kanila.
¹² Pinag-uusapan ako nilang nangauupo sa pintuang-bayan;
At ako ang awit ng mga lango.
¹³ Nguni't tungkol sa akin, ang dalangin ko'y sa iyo, Oh Panginoon, ^(MA)sa isang kalugodlugod na panahon:
Oh Dios, sa karamihan ng iyong kagandahang-loob,
^14 (MB)Iligtas mo ako sa burak, at huwag mo akong ilubog:
Maligtas ako sa kanila na nangagtatanim sa akin, at sa malalim na tubig.
¹⁵ Huwag akong tangayin ng baha,
Ni lamunin man ako ng kalaliman:
At huwag takpan ng ^(MC)hukay ang kaniyang bunganga sa akin.
¹⁶ Sagutin mo ako, Oh Panginoon; sapagka't ang iyong kagandahang-loob ay mabuti:
^(MD)Ayon sa karamihan ng iyong mga malumanay na kaawaan ay bumalik ka sa akin.
¹⁷ At huwag mong ikubli ang iyong mukha sa iyong lingkod;
Sapagka't ako'y nasa kahirapan; sagutin mo akong madali.
¹⁸ Lumapit ka sa aking kaluluwa, at tubusin mo:
Iligtas mo ako dahil sa aking mga kaaway.
¹⁹ Talastas mo ang ^(ME)aking kadustaan, at ang aking ^(MF)kahihiyan, at ang aking kasiraang puri:
Ang aking mga kaaway, ay pawang nangasa harap mo.
²⁰ Kaduwahagihan ay sumira ng aking puso; at ^(MG)ako'y lipos ng kabigatan ng loob:
At ako'y naghintay na may maawa sa akin, nguni't wala;
At mga mangaaliw, nguni't wala akong masumpungan.
²¹ Binigyan naman nila ako ng pagkaing mapait;
^(MH)At sa aking kauhawan ay binigyan nila ako ng suka na mainom.