Bible in 90 Days

^14 (A)Katuwiran at kahatulan ay patibayan ng iyong luklukan:
^(B)Kagandahang-loob at katotohanan ay nagpapauna sa iyong mukha.
¹⁵ Mapalad ^(C)ang bayan na nakakaalam ng masayang tunog:
Sila'y nagsisilakad, Oh Panginoon, sa liwanag ng iyong mukha.
¹⁶ Sa iyong pangalan ay nangagagalak sila buong araw:
At sa iyong katuwiran ay nangatataas sila.
¹⁷ Sapagka't ikaw ang kaluwalhatian ng kanilang kalakasan:
At sa iyong lingap ay matataas ang ^(D)aming sungay.
¹⁸ Sapagka't ang aming kalasag ay ukol sa Panginoon;
At ang aming hari ay ^(E)sa Banal ng Israel.
^19 (F)Nang magkagayo'y nagsalita ka sa pangitain sa iyong mga banal,
At iyong sinabi, Aking ^(G)ipinagkatiwala ang saklolo sa isang ^(H)makapangyarihan;
Aking itinaas ang isang hirang mula sa bayan.
^20 (I)Aking nasumpungan si David na aking lingkod;
Aking pinahiran siya ng aking banal na langis:
²¹ Na siyang itatatag ng aking kamay;
Palakasin naman siya ng aking bisig.
^22 (J)Hindi dadahas sa kaniya ang kaaway;
Ni dadalamhatiin man siya ng anak ng kasamaan.
²³ At ibubuwal ko ang kaniyang mga kaaway sa harap niya,
At sasaktan ko ang nangagtatanim sa kaniya.
²⁴ Nguni't ang pagtatapat ko at ang kagandahang-loob ko ay sasa kaniya;
At sa pangalan ko'y ^(K)matataas ang kaniyang sungay.
^25 (L)Akin namang ilalapag ang kaniyang kamay sa dagat,
At ang kaniyang kanan ay sa mga ilog.
²⁶ Siya'y dadaing sa akin, ^(M)Ikaw ay Ama ko,
Dios ko, at malaking bato ng aking kaligtasan.
²⁷ Akin namang gagawin siyang ^(N)panganay ko,
Na pinakamataas ^(O)sa mga hari sa lupa.
²⁸ Ang kagandahang-loob ko'y aking iingatan sa kaniya magpakailan man,
At ang tipan ko'y mananayong matibay sa kaniya.
²⁹ Ang kaniya namang binhi ay pananatilihin ko magpakailan man,
At ang luklukan niya'y ^(P)parang mga araw ng langit.
^30 (Q)Kung pabayaan ng kaniyang mga anak ang kautusan ko,
At hindi magsilakad sa aking mga kahatulan;
³¹ Kung kanilang salangsangin ang mga palatuntunan ko,
At hindi ingatan ang mga utos ko;
³² Kung magkagayo'y aking dadalawin ng pamalo ang kanilang mga pagsalangsang,
At ng mga hampas ang kanilang kasamaan.
³³ Nguni't ang aking kagandahang-loob ay hindi ko lubos na aalisin sa kaniya,
Ni akin mang titiisin na ang pagtatapat ko'y magkulang.
³⁴ Ang tipan ko'y hindi ko sisirain,
Ni akin mang babaguhin ang bagay na lumabas sa aking mga labi.
³⁵ Minsan ay sumampa ako ^(R)sa pamamagitan ng aking kabanalan.
Hindi ako magbubulaan kay David;
³⁶ Ang kaniyang binhi ay mananatili magpakailan man;
At ang kaniyang luklukan ay ^(S)parang araw sa harap ko.
³⁷ Matatatag magpakailan man na parang buwan,
At tapat na ^(T)saksi sa langit. (Selah)
³⁸ Nguni't iyong ^(U)itinakuwil at tinanggihan,
Ikaw ay napoot sa iyong pinahiran ng langis.
³⁹ Iyong kinayamutan ang tipan ng iyong lingkod:
^(V)Iyong nilapastangan ang kaniyang putong sa pagtatapon sa lupa.
^40 (W)Iyong ibinuwal ang lahat niyang mga bakod:
Iyong dinala sa pagkaguho ang kaniyang mga katibayan.
⁴¹ Lahat na nagsisidaan sa lansangan ay nagsisisamsam sa kaniya.
^(X)Siya'y naging kadustaan sa kaniyang mga kalapit.
⁴² Iyong itinaas ang kanan ng kaniyang mga kaaway;
Iyong pinagalak ang lahat niyang mga kaaway.
⁴³ Oo, iyong ibinaligtad ang talim ng kaniyang tabak,
At hindi mo itinayo siya sa pakikibaka.
⁴⁴ Iyong pinapaglikat ang kaniyang kakinangan.
At iyong ibinagsak ang kaniyang luklukan sa lupa.
^45 (Y)Iyong pinaikli ang mga kaarawan ng kaniyang kabinataan:
Iyong tinakpan siya ng kahihiyan. (Selah)
^46 (Z)Hanggang kailan, Oh Panginoon, magkukubli ka magpakailan man?
Hanggang kailan magniningas ang iyong poot na parang apoy?
^47 (AA)Oh alalahanin mo kung gaano kaikli ang aking panahon:
Sa anong pagkawalang kabuluhan nilalang mo ang lahat ng mga anak ng mga tao.
⁴⁸ Sinong tao ang mabubuhay at hindi makakakita ng kamatayan,
Na magliligtas ng kaniyang kaluluwa sa kapangyarihan ng Sheol? (Selah)
⁴⁹ Panginoon, saan nandoon ang iyong dating mga kagandahang-loob,
^(AB)Na iyong isinumpa kay David sa iyong pagtatapat?
^50 (AC)Alalahanin mo Panginoon, ang kadustaan ng iyong mga lingkod;
Kung paanong taglay ko ^(AD)sa aking sinapupunan ang pagdusta ng lahat na makapangyarihang bayan;
⁵¹ Na idinusta ng iyong mga kaaway, Oh Panginoon,
Na kanilang idinusta sa ^(AE)mga bakas ng iyong pinahiran ng langis.
^52 (AF)Purihin ang Panginoon, magpakailan man.
Siya nawa, at Siya nawa.

90 ^(AG)Panginoon, ^(AH)ikaw ay naging tahanang dako namin
Sa lahat ng sali't saling lahi.
^2 (AI)Bago nalabas ang mga bundok,
O bago mo nilikha ang lupa at ang sanglibutan,
Mula nga ng walang pasimula hanggang sa walang hanggan, ikaw ang Dios.
³ Iyong pinapagiging kapahamakan ang tao;
At iyong sinasabi, ^(AJ)Magsipanumbalik kayo, kayong mga anak ng mga tao.
^4 (AK)Sapagka't isang libong taon sa iyong paningin
Ay parang kahapon lamang nang makaraan,
At parang pagpupuyat sa gabi.
⁵ Iyong dinadala sila na parang baha; ^(AL)sila'y parang pagkakatulog:
Sa kinaumagahan ay ^(AM)parang damo sila na tumutubo.
^6 (AN)Sa kinaumagahan ay namumulaklak at lumalago;
Sa kinahapunan ay pinuputol at natutuyo.
⁷ Sapagka't kami ay nangasupok sa iyong galit,
At sa iyong poot ay nangabagabag kami.
^8 (AO)Iyong inilagay ang aming kasamaan sa harap mo,
^(AP)Ang aming lihim na mga kasalanan sa liwanag ng iyong mukha.
⁹ Sapagka't lahat naming kaarawan ay dumaan sa iyong poot:
Aming niwawakasan ang aming mga taon na parang isang buntong hininga.
¹⁰ Ang mga kaarawan ng aming mga taon ay pitong pung taon,
O kung dahil sa kalakasan ay umaabot ng walong pung taon;
Gayon ma'y ang kanilang kapalaluan ay hirap at kapanglawan lamang;
Sapagka't madaling napapawi, at kami ay nagsisilipad.
¹¹ Sinong nakakaalam ng kapangyarihan ng iyong galit,
At ng iyong poot ayon sa katakutan na marapat sa iyo?
^12 (AQ)Kaya ituro mo sa amin ang pagbilang ng aming mga kaarawan,
Upang kami ay mangagtamo sa amin ng pusong may karunungan.
^13 (AR)Manumbalik ka, Oh Panginoon; hanggang kailan pa?
At ^(AS)iyong papagsisihin ang tungkol sa mga lingkod mo.
¹⁴ Oh busugin mo kami sa kinaumagahan ng iyong kagandahang-loob;
Upang kami ay mangagalak at mangatuwa sa lahat ng kaarawan namin.
¹⁵ Pasayahin mo kami ayon sa mga kaarawan na iyong idinalamhati sa amin,
At sa mga taon na aming ikinakita ng kasamaan.
^16 (AT)Mahayag nawa ang iyong gawa sa iyong mga lingkod,
At ang kaluwalhatian mo sa kanilang mga anak.
^17 (AU)At sumaamin nawa ang kagandahan ng Panginoong aming Dios:
At ^(AV)iyong itatag sa amin ang gawa ng aming mga kamay;
Oo, ang gawa ng aming mga kamay ay itatag mo.

91 Siyang ^(AW)tumatahan sa lihim na dako ng Kataastaasan.
Ay mananatili ^(AX)sa lilim ng Makapangyarihan sa lahat.
² Aking sasabihin tungkol sa Panginoon, Siya'y aking kanlungan at aking katibayan,
Ang Dios ko na ^(AY)siyang aking tinitiwalaan.
³ Sapagka't kaniyang ililigtas ^(AZ)ka sa silo ng paninilo,
At sa mapamuksang salot.
⁴ Kaniyang tatakpan ka ^(BA)ng kaniyang mga bagwis,
At sa ^(BB)ilalim ng kaniyang mga pakpak ay manganganlong ka:
Ang kaniyang katotohanan ^(BC)ay kalasag at baluti.
^5 (BD)Ikaw ay hindi matatakot sa kakilabutan sa gabi,
Ni sa pana man na humihilagpos kung araw;
⁶ Dahil sa salot na dumarating sa kadiliman,
^(BE)Ni dahil sa paggiba man na sumisira sa katanghaliang tapat.
⁷ Isang libo ay mabubuwal sa iyong siping,
At sangpung libo sa iyong kanan;
Nguni't hindi lalapit sa iyo.
^8 (BF)Iyong mamamasdan lamang ng iyong mga mata,
At iyong makikita ang ganti sa masama.
⁹ Sapagka't ikaw, Oh Panginoon, ay aking kanlungan!
Iyong ginawa ang Kataastaasan na ^(BG)iyong tahanan;
¹⁰ Walang kasamaang mangyayari sa iyo,
Ni anomang salot ay lalapit sa iyong tolda.
^11 (BH)Sapagka't siya'y magbibilin sa kaniyang mga anghel tungkol sa iyo,
Upang ingatan ka sa lahat ng iyong mga lakad.
¹² Kanilang dadalhin ka sa kanilang mga kamay,
^(BI)Baka matisod ka ng iyong paa sa isang bato.
¹³ Iyong yayapakan ang leon at ang ulupong:
Ang batang leon at ang ahas ^(BJ)ay yuyurakan mo ng iyong mga paa.
¹⁴ Sapagka't kaniyang inilagak ang kaniyang pagibig sa akin, kaya't iniligtas ko siya:
Aking ilalagay siya sa mataas, sapagka't ^(BK)kaniyang naalaman ang pangalan ko.
¹⁵ Siya'y tatawag sa akin, at sasagutin ko siya;
Ako'y ^(BL)sasa kaniya sa kabagabagan:
Aking ililigtas siya, at pararangalan ^(BM)siya.
¹⁶ Aking bubusugin siya ^(BN)ng mahabang buhay,
At ipakikita ko sa kaniya ang aking pagliligtas.

92 Isang mabuting bagay ^(BO)ang magpapasalamat sa Panginoon,
At umawit ng mga pagpuri sa iyong pangalan, Oh Kataastaasan:
² Upang ^(BP)magpakilala ng iyong kagandahang-loob sa umaga,
At ng iyong pagtatapat gabigabi.
^3 (BQ)Na may panugtog na may sangpung kawad, at may salterio;
Na may dakilang tunog na alpa.
⁴ Sapagka't ikaw, Panginoon, iyong pinasaya ako sa iyong gawa:
Ako'y magtatagumpay sa mga gawa ng iyong mga kamay.
^5 (BR)Kay dakila ng iyong mga gawa, Oh Panginoon!
Ang iyong mga pagiisip ay ^(BS)totoong malalim.
^6 (BT)Ang taong hangal ay hindi nakakaalam;
Ni nauunawa man ito ng mangmang.
⁷ Pagka ang masama ay lumilitaw na parang damo,
At pagka gumiginhawa ang lahat na manggagawa ng kasamaan;
Ay upang mangalipol sila magpakailan man:
⁸ Nguni't ikaw, Oh Panginoon, ay mataas magpakailan man.
⁹ Sapagka't, narito, ^(BU)ang mga kaaway mo, Oh Panginoon,
Sapagka't, narito, ang mga kaaway mo'y malilipol;
Lahat ng mga ^(BV)manggagawa ng kasamaan ay mangangalat.
¹⁰ Nguni't ang sungay ko'y ^(BW)iyong pinataas na parang sungay ng ^(BX)mailap na toro:
^(BY)Ako'y napahiran ng bagong langis.
^11 (BZ)Nakita naman ng aking mata ang nasa ko sa aking mga kaaway,
Narinig ng aking pakinig ang nasa ko sa mga manggagawa ng kasamaan na nagsisibangon laban sa akin.
^12 (CA)Ang matuwid ay giginhawa na parang puno ng palma.
Siya'y tutubo na parang ^(CB)cedro sa Libano.
^13 (CC)Sila'y nangatatag sa bahay ng Panginoon;
Sila'y giginhawa sa mga looban ng aming Dios.
¹⁴ Sila'y mangagbubunga sa katandaan;
Sila'y mapupuspos ng katas at kasariwaan:
¹⁵ Upang ipakilala na ang Panginoon ay matuwid;
Siya'y ^(CD)aking malaking bato, ^(CE)at walang kalikuan sa kaniya.

93 Ang Panginoon ay ^(CF)naghahari; ^(CG)siya'y nananamit ng karilagan;
Ang Panginoon ay nananamit ng kalakasan; ^(CH)siya'y nagbigkis niyaon:
Ang sanglibutan naman ay ^(CI)natatag, na hindi mababago.
^2 (CJ)Ang luklukan mo'y natatag ng una:
Ikaw ay mula sa walang pasimula.
³ Ang mga baha ay nagtaas, Oh Panginoon,
Ang mga baha ay nagtaas ng kanilang hugong;
Ang mga baha ay nagtaas ng kanilang mga alon.
⁴ Ng higit sa mga hugong ng maraming tubig,
Malalakas na hampas ng alon sa dagat,
^(CK)Ang Panginoon sa itaas ay makapangyarihan.
⁵ Ang iyong mga patotoo ay totoong tunay:
Ang kabanalan ay nararapat sa iyong bahay,
Oh Panginoon, magpakailan man.

94 Oh Panginoon, ikaw na ^(CL)Dios na kinauukulan ng panghihiganti,
Ikaw na Dios na kinauukulan ng panghihiganti, sumilang ka.
² Bumangon ka, ^(CM)ikaw na hukom ng lupa:
Ibigay mo sa palalo ang panghihiganti sa kanila.
³ Panginoon, ^(CN)hanggang kailan ang masama,
Hanggang kailan magtatagumpay ang masama?
⁴ Sila'y dumadaldal, sila'y nagsasalita na may kapalaluan:
Lahat na manggagawa ng kasamaan ay nangagmamalaki.
⁵ Kanilang pinagwawaraywaray ang iyong bayan, Oh Panginoon,
At dinadalamhati ang iyong mana.
⁶ Kanilang pinapatay ang bao at ang taga ibang lupa,
At pinapatay ang ulila.
⁷ At ^(CO)kanilang sinasabi, Ang Panginoo'y hindi makakakita,
Ni pakukundanganan man ng Dios ni Jacob ito.
⁸ Gunitain ninyo, ninyong mga hangal sa gitna ng bayan:
At ninyong mga mangmang, kailan tayo magiging pantas?
^9 (CP)Siyang lumikha ng pakinig, hindi ba siya makakarinig?
Siyang lumikha ng mata, hindi ba siya makakakita?
^10 (CQ)Siyang nagpaparusa sa mga bansa, ^(CR)hindi ba siya sasaway,
Sa makatuwid baga'y siyang nagtuturo sa tao ng kaalaman?
^11 (CS)Nalalaman ng Panginoon ang mga pagiisip ng tao,
Na sila'y pawang walang kabuluhan.
^12 (CT)Mapalad ang tao na iyong pinarurusahan, Oh Panginoon,
At tinuturuan mo sa iyong kautusan.
¹³ Upang iyong mabigyan ng kapahingahan sa mga kaarawan ng kasakunaan,
^(CU)Hanggang sa mahukay ang hukay na ukol sa masama.
^14 (CV)Sapagka't hindi itatakuwil ng Panginoon ang kaniyang bayan,
Ni pababayaan man niya ang kaniyang mana.
¹⁵ Sapagka't kahatulan ay babalik sa katuwiran:
At susundan ng lahat na matuwid sa puso.
¹⁶ Sino ang babangon dahil sa akin laban sa mga manggagawa ng kasamaan?
Sinong tatayo dahil sa akin laban sa mga manggagawa ng kasamaan?
^17 (CW)Kundi ang Panginoon ay naging aking katulong,
Ang kaluluwa ko'y tumahang madali sana sa katahimikan.
¹⁸ Nang aking sabihin, ^(CX)Ang aking paa ay natitisod;
Inalalayan ako ng iyong kagandahang-loob, Oh Panginoon.
¹⁹ Sa karamihan ng aking mga pagiisip sa loob ko
Ang iyong mga pagaliw ay nagbibigay lugod sa aking kaluluwa.
²⁰ Makikisama ba sa iyo ang luklukan ^(CY)ng kasamaan,
Na nagaanyo ng pagapi sa pamamagitan ng palatuntunan?
²¹ Sila'y nagpipisan laban sa kaluluwa ng matuwid,
At ^(CZ)pinarusahan nila ang walang salang dugo.
²² Nguni't ang Panginoon ay naging aking matayog na moog;
At ang Dios ko'y ^(DA)malaking bato na aking kanlungan.
²³ At dinala niya sa kanila ang kanilang sariling kasamaan,
At ihihiwalay niya sila sa kanilang sariling kasamaan;
Ihihiwalay sila ng Panginoon naming Dios.

95 ^(DB)Oh magsiparito kayo, tayo'y magsiawit sa Panginoon:
^(DC)Tayo'y magkaingay na may kagalakan ^(DD)sa malaking bato na ating kaligtasan.
² Tayo'y magsiharap sa kaniyang harapan na may pagpapasalamat,
Tayo'y magkaingay na may kagalakan sa kaniya na may mga pagaawitan.
³ Sapagka't ang ^(DE)Panginoon ay dakilang Dios,
At dakilang Hari sa lahat ng mga dios,
⁴ Na sa kaniyang kamay ang mga malalim na dako ng lupa,
Ang mga kataasan ng mga bundok ay kaniya rin.
⁵ Ang dagat ay kaniya, at kaniyang ginawa:
At ang kaniyang mga kamay ay lumikha ng tuyong lupa.
⁶ Oh magsiparito kayo, tayo'y magsisamba at magsiyukod;
Tayo'y magsiluhod sa harap ng Panginoon na May-lalang sa atin.
⁷ Sapagka't siya'y ating Dios,
At tayo'y ^(DF)bayan ng kaniyang pastulan, at mga tupa ng kaniyang kamay.
Ngayon, kung ^(DG)inyong didinggin ang kaniyang tinig!
⁸ Huwag ninyong papagmatigasin ang inyong puso, gaya sa Meriba,
Gaya sa kaarawan ng Masa ^(DH)sa ilang:
^9 (DI)Nang tuksuhin ako ng inyong mga magulang,
Tinikman ako, at nakita ang gawa ko.
¹⁰ Apat na pung taong namanglaw ako sa lahing yaon,
At aking sinabi, Bayan na nagkakamali sa kanilang puso.
At hindi naalaman ang aking mga daan:
¹¹ Kaya't ako'y sumumpa sa aking poot,
^(DJ)Na sila'y hindi magsisipasok sa aking ^(DK)kapahingahan.

96 ^(DL)Oh magsiawit kayo ^(DM)sa Panginoon ng bagong awit:
Magsiawit kayo sa Panginoon, buong lupa.
² Magsiawit kayo sa Panginoon, purihin ninyo ang pangalan niya;
Ihayag ninyo ang kaniyang pagliligtas sa araw-araw.
³ Ipahayag ninyo ang kaniyang kaluwalhatian sa mga bansa
Ang kagilagilalas niyang mga gawa sa lahat ng mga bayan
⁴ Sapagka't dakila ang Panginoon, at marapat na purihin:
Siya'y kinatatakutang higit kay sa lahat na dios.
⁵ Sapagka't lahat ng mga dios sa mga bayan ay mga diosdiosan.
^(DN)Nguni't nilikha ng Panginoon ang langit.
⁶ Karangalan at kamahalan ay nasa harap niya:
^(DO)Kalakasan at kagandahan ay nasa kaniyang santuario.
⁷ Magbigay kayo sa Panginoon, ^(DP)kayong mga angkan ng mga bayan,
Magbigay kayo sa Panginoon ng kaluwalhatian at kalakasan.
⁸ Magbigay kayo sa Panginoon ng kaluwalhatiang ukol sa kaniyang pangalan;
^(DQ)Kayo'y mangagdala ng handog, at magsipasok kayo sa kaniyang mga ^(DR)looban.
⁹ Oh sambahin ninyo ang Panginoon sa kagandahan ng kabanalan:
Manginig kayo sa harap niya, buong lupa.
¹⁰ Sabihin ninyo sa gitna ng mga bansa, Ang Panginoon ay naghahari:
Ang sanglibutan naman ay natatatag na hindi makikilos:
Kaniyang hahatulan ng karapatan ang mga bayan.
¹¹ Matuwa ang langit at magalak ang lupa;
Humugong ang dagat, at ang buong naroon;
^12 (DS)Sumaya ang bukiran at lahat na nasa kaniya;
Kung magkagayo'y aawit dahil sa kagalakan, ang lahat na punong kahoy sa gubat;
¹³ Sa harap ng Panginoon; sapagka't siya'y dumarating:
Sapagka't siya'y dumarating upang hatulan ang lupa:
^(DT)Kaniyang hahatulan ng katuwiran ang sanglibutan,
At ng kaniyang katotohanan ang mga bayan.

97 Ang Panginoon ay ^(DU)naghahari; magalak ang lupa;
Matuwa ang karamihan ng mga pulo.
^2 (DV)Mga ulap at kadiliman ay nasa palibot niya:
Katuwiran at kahatulan ay patibayin ng kaniyang luklukan.
³ Apoy ay nagpapauna sa kaniya, At sinusunog ang kaniyang kaaway sa buong palibot.
⁴ Tumatanglaw ^(DW)ang mga kidlat niya sa sanglibutan:
Nakita ng lupa, at niyanig.
^5 (DX)Ang mga bundok ay natunaw na parang pagkit sa harap ng Panginoon,
Sa harapan ng Panginoon ng buong lupa.
⁶ Ipinahahayag ^(DY)ng langit ang kaniyang katuwiran,
At nakita ng lahat na bayan ang kaniyang kaluwalhatian.
⁷ Mangahiya silang lahat na nangaglilingkod sa mga larawan,
Nangaghahambog tungkol sa mga diosdiosan:
Kayo'y magsisamba sa kaniya ^(DZ)kayong lahat na mga dios.
⁸ Narinig ng Sion, at natuwa,
At ang mga anak na babae ng Juda ay nangagalak;
Dahil sa iyong mga kahatulan, Oh Panginoon.
⁹ Sapagka't ikaw, Oh Panginoon, ay ^(EA)kataastaasan sa buong lupa:
Ikaw ay nataas na totoong higit kay sa lahat na mga dios.
¹⁰ Oh kayong nagsisiibig sa Panginoon, ^(EB)ipagtanim ninyo ang kasamaan.
Kaniyang iniingatan ang mga kaluluwa ng kaniyang mga banal;
Kaniyang iniligtas sila ^(EC)sa kamay ng masama.
^11 (ED)Liwanag ang itinanim na ukol sa mga banal,
At kasayahan ay sa may matuwid na puso.
¹² Mangatuwa kayo sa Panginoon, kayong mga matuwid;
^(EE)At mangagpasalamat sa kaniyang banal na pangalan.

98 ^(EF)Oh magsiawit kayo sa Panginoon ng bagong awit;
Sapagka't siya'y gumawa ng mga kagilagilalas na bagay:
^(EG)Ang kaniyang kanan at ang kaniyang banal na bisig ay gumawa ng kaligtasan para sa kaniya:
^2 (EH)Ipinakilala ng Panginoon ang kaniyang pagliligtas:
^(EI)Ang kaniyang katuwiran ay ipinakilala niyang lubos sa paningin ng mga bansa.
^3 (EJ)Kaniyang inalaala ang kaniyang kagandahang-loob at ang kaniyang pagtatapat sa bahay ng Israel:
Nakita ng ^(EK)lahat ng mga wakas ng lupa ang pagliligtas ng aming Dios.
⁴ Magkaingay kayo na may kagalakan sa Panginoon, buong lupa.
Mangagpasimula at magsiawit dahil sa kagalakan, oo, magsiawit kayo ng mga pagpuri.
⁵ Magsiawit kayo sa Panginoon ng mga pagpuri ^(EL)ng alpa;
Ng alpa at ng tinig na tugma.
⁶ Ng mga pakakak at tunog ng corneta
^(EM)Magkaingay kayo na may kagalakan sa harap ng Hari, ng Panginoon.
^7 (EN)Humugong ang dagat at ang buong naroon;
Ang sanglibutan at ang nagsisitahan doon;
^8 (EO)Ipakpak ng mga baha ang kanilang mga kamay;
Magawitan ang mga burol dahil sa kagalakan;
⁹ Sa harap ng Panginoon, ^(EP)sapagka't siya'y dumarating upang hatulan ang lupa:
Kaniyang hahatulan ng katuwiran ang sanglibutan,
At ng karapatan ang mga bayan.

99 Ang Panginoon ay ^(EQ)naghahari: manginig ang mga bayan.
^(ER)Siya'y nauupo sa mga querubin; makilos ang lupa.
² Ang Panginoon ay dakila sa Sion; At siya'y mataas na higit sa lahat ng mga bayan.
³ Purihin nila ang iyong dakila at kakilakilabot na pangalan:
Siya'y ^(ES)banal.
⁴ Ang lakas naman ng hari ay umiibig ng kahatulan;
Ikaw ay nagtatatag ng karampatan,
Ikaw ay nagsasagawa ng kahatulan at katuwiran sa Jacob.
⁵ Ibunyi ninyo ang Panginoon nating Dios,
At magsisamba kayo ^(ET)sa harap ng kaniyang tungtungan;
^(EU)Siya'y banal.
^6 (EV)Si Moises at si Aaron sa gitna ng kaniyang mga saserdote, At si ^(EW)Samuel sa kanila na nagsisitawag sa kaniyang pangalan;
Sila'y nagsisitawag sa Panginoon, at siya'y sumasagot sa kanila.
⁷ Siya'y nagsasalita sa kanila ^(EX)sa haliging ulap:
Kanilang iniingatan ang kaniyang mga patotoo, at ang palatuntunan na ibinigay niya sa kanila.
⁸ Sumagot ka sa kanila, Oh Panginoon naming Dios;
^(EY)Ikaw ay Dios na nagpatawad sa kanila,
^(EZ)Bagaman nanghiganti ka sa kanilang mga gawa.
⁹ Ibunyi ninyo ang Panginoon nating Dios,
At magsisamba kayo sa kaniyang ^(FA)banal na bundok;
Sapagka't ang Panginoon nating Dios ay banal.

100 Magkaingay kayo na ^(FB)may kagalakan sa Panginoon, kayong lahat na lupain.
² Mangaglingkod kayo na may kasayahan sa Panginoon;
Magsilapit kayo sa kaniyang harapan na may awitan.
³ Alamin ninyo na ang Panginoon ay siyang Dios;
^(FC)Siya ang lumalang sa atin, at tayo'y kaniya:
^(FD)Tayo'y kaniyang bayan, at mga tupa ng kaniyang pastulan.
^4 (FE)Magsipasok kayo sa kaniyang mga pintuang-daan na may pagpapasalamat,
At sa kaniyang looban na may pagpupuri:
Mangagpasalamat kayo sa kaniya, at purihin ninyo ang kaniyang pangalan.
⁵ Sapagka't ang Panginoon ay mabuti; ang kaniyang kagandahang-loob ay magpakailan man;
At ang kaniyang pagtatapat ay sa lahat ng sali't saling lahi.

101 Aking aawitin ang kagandahang-loob at kahatulan:
Sa iyo, Oh Panginoon, aawit ako ng mga pagpupuri.
² Ako'y magpapakapantas sa sakdal na lakad:
Oh kailan ka pasasa akin?
Ako'y lalakad sa loob ng aking bahay na ^(FF)may sakdal na puso.
³ Hindi ako maglalagay ^(FG)ng hamak na bagay sa harap ng aking mga mata:
^(FH)Aking ipinagtanim ang gawa nilang lisya:
Hindi kakapit sa akin.
^4 (FI)Ang suwail na puso ay hihiwalay sa akin:
^(FJ)Hindi ako makakaalam ng masamang bagay.
⁵ Ang sumisirang puri na lihim sa kaniyang kapuwa ^(FK)ay aking ibubuwal:
Siya na may mapagmataas na tingin at may palalong puso ay hindi ko titiisin.
⁶ Ang mga mata ko'y itititig ko sa mga tapat sa lupain, upang sila'y makatahan na kasama ko:
Siya na lumalakad sa sakdal na daan, siya'y mangangasiwa sa akin.
⁷ Siyang gumagawa ng karayaan ay hindi tatahan sa loob ng aking bahay:
Siyang nagsasalita ng kabulaanan ay hindi matatatag sa harap ng aking mga mata.
⁸ Tuwing umaga ay aking lilipulin ang lahat na masama sa lupain;
Upang ihiwalay ang lahat na manggagawa ng kasamaan ^(FL)sa bayan ng Panginoon.

102 Dinggin mo ang dalangin ko, Oh Panginoon,
At dumating nawa ang daing ko sa iyo.
^2 (FM)Huwag mong ikubli ang mukha mo sa akin sa kaarawan ng aking kahirapan:
^(FN)Ikiling mo ang iyong pakinig sa akin;
Sa araw na ako'y tumawag, ay sagutin mo akong madali.
^3 (FO)Sapagka't ang mga kaarawan ko'y nangapapawi na parang usok,
At ^(FP)ang mga buto ko'y nangasusunog na parang panggatong.
⁴ Ang puso ko'y nasaktan na parang damo, at ^(FQ)natuyo;
Sapagka't ^(FR)nalimutan kong kanin ang aking tinapay.
⁵ Dahil sa tinig ng aking daing
Ang mga buto ko'y nagsisidikit sa aking laman.
⁶ Ako'y parang pelikano sa ilang;
Ako'y naging parang kuwago sa kaparangan.
⁷ Ako'y umaabang, at ako'y naging parang maya
Na nagiisa sa bubungan.
⁸ Dinudusta ako ng aking mga kaaway buong araw;
Silang nangauulol laban sa akin ay nagsisisumpa sa akin.
⁹ Sapagka't kinain ko ang mga abo na parang tinapay,
At hinaluan ko ang ^(FS)aking inumin ng iyak.
¹⁰ Dahil sa iyong galit at iyong poot:
Sapagka't ako'y iyong itinaas, at inihagis.
^11 (FT)Ang aking mga kaarawan ay parang lilim na kumikiling;
At ako'y natuyo na parang damo.
¹² Nguni't ^(FU)ikaw, Oh Panginoon, ay mamamalagi magpakailan man;
At ^(FV)ang alaala sa iyo ay sa lahat ng sali't saling lahi.
¹³ Ikaw ay babangon at ^(FW)maaawa sa Sion:
Sapagka't kapanahunan ng pagkaawa sa kaniya,
Oo, ^(FX)ang takdang panahon ay dumating.
¹⁴ Sapagka't nililigaya ang iyong mga lingkod sa kaniyang mga bato,
At nanghihinayang sa kaniyang alabok.
¹⁵ Sa gayo'y katatakutan ng mga bansa ang ^(FY)pangalan ng Panginoon.
At ng lahat ng hari sa lupa ang iyong kaluwalhatian;
¹⁶ Sapagka't itinayo ng Panginoon ang Sion,
Siya'y napakita ^(FZ)sa kaniyang kaluwalhatian;
^17 (GA)Kaniyang dininig ang dalangin ng tapon,
At hindi hinamak ang kanilang dalangin.
¹⁸ Ito'y ^(GB)isusulat na ukol sa lahing susunod:
At ^(GC)ang bayang lalalangin ay pupuri sa Panginoon.
¹⁹ Sapagka't siya'y tumungo ^(GD)mula sa kaitaasan ng kaniyang santuario;
Tumingin ang Panginoon sa lupa mula sa langit;
^20 (GE)Upang dinggin ang buntong hininga ng bilanggo:
Upang kalagan yaong nangaitakdang patayin;
^21 (GF)Upang maipahayag ng mga tao ang pangalan ng Panginoon sa Sion,
At ang kaniyang kapurihan sa Jerusalem;
²² Nang ang mga bayan ay mapisan,
At ang mga kaharian, upang maglingkod sa Panginoon.
²³ Kaniyang pinahina ang aking kalakasan sa daan;
^(GG)Kaniyang pinaikli ang mga kaarawan ko.
^24 (GH)Aking sinabi, Oh Dios ko, huwag mo akong kunin sa kalagitnaan ng aking mga kaarawan;
Ang mga taon mo'y ^(GI)lampas sa mga sali't saling lahi.
²⁵ Nang una ay ^(GJ)inilagay mo ang patibayan ng lupa;
At ang mga langit ay gawa ng iyong mga kamay.
^26 (GK)Sila'y uuwi sa wala, nguni't ^(GL)ikaw ay mananatili:
Oo, silang lahat ay maluluma na parang bihisan;
Parang isang kasuutan na iyong mga papalitan, at sila'y mga mapapalitan:
²⁷ Nguni't ^(GM)ikaw rin,
At ang mga taon mo'y hindi magkakawakas.
^28 (GN)Ang mga anak ng iyong mga lingkod ay mangamamalagi,
^(GO)At ang kanilang binhi ay matatatag sa harap mo.

103 Purihin mo ang Panginoon, ^(GP)Oh kaluluwa ko:
At lahat na nangasa loob ko ay magsisipuri sa kaniyang banal na pangalan.
² Purihin mo ang Panginoon, Oh kaluluwa ko,
At huwag mong kalimutan ang lahat niyang mabubuting gawa.
^3 (GQ)Na siyang nagpapatawad ng iyong lahat na mga kasamaan;
^(GR)Na siyang nagpapagaling ng iyong lahat na mga sakit;
^4 (GS)Na siyang tumutubos ng iyong buhay sa pagkapahamak:
Na siyang nagpuputong sa iyo ng ^(GT)kagandahang-loob at malumanay na mga kaawaan:
⁵ Na siyang bumubusog sa iyong bibig ng mabuting bagay;
Na anopa't ang ^(GU)iyong kabataan ay nababagong parang agila.
^6 (GV)Ang Panginoon ay nagsasagawa ng mga matuwid na gawa,
At ng mga kahatulan na ukol sa lahat na naaapi.
⁷ Kaniyang ipinabatid ang ^(GW)kaniyang mga daan kay Moises,
Ang kaniyang mga gawa sa mga anak ni Israel.
⁸ Ang Panginoon ay puspos ^(GX)ng kahabagan at mapagbiyaya,
Banayad sa pagkagalit at sagana sa kagandahang-loob.
^9 (GY)Hindi siya makikipagkaalit na palagi;
Ni kaniya mang tataglayin ang kaniyang galit magpakailan man.
^10 (GZ)Siya'y hindi gumawa sa atin ng ayon sa ating mga kasalanan,
Ni gumanti man sa atin ng ayon sa ating mga kasamaan.
^11 (HA)Sapagka't kung paanong ang mga langit ay mataas kay sa lupa,
Gayon kalaki ang kaniyang kagandahang-loob ^(HB)sa kanila na nangatatakot sa kaniya.
¹² Kung gaano ang layo ng silanganan sa kalunuran,
Gayon inilayo niya ang mga pagsalangsang natin sa atin.
^13 (HC)Kung paanong ang ama ay naaawa sa kaniyang mga anak,
Gayon naaawa ang Panginoon sa kanilang nangatatakot sa kaniya.
¹⁴ Sapagka't nalalaman niya ang ating anyo;
^(HD)Kaniyang inaalaala na ^(HE)tayo'y alabok.
¹⁵ Tungkol sa tao, ang kaniyang mga kaarawan ay parang damo:
Kung paanong namumukadkad ang ^(HF)bulaklak sa parang ay gayon siya.
¹⁶ Sapagka't dinadaanan ng hangin, at napaparam;
At ang dako niyaon ay hindi na malalaman.
¹⁷ Nguni't ang kagandahang-loob ng Panginoon ay mula ng walang pasimula hanggang sa walang hanggan sa nangatatakot sa kaniya,
At ang kaniyang katuwiran ay hanggang sa ^(HG)mga anak ng mga anak;
¹⁸ Sa gayong nagiingat ng kaniyang tipan,
At sa nagsisialaala ng kaniyang mga utos upang gawin,
¹⁹ Itinatag ng Panginoon ang ^(HH)kaniyang luklukan sa mga langit;
At ang ^(HI)kaniyang kaharian ay nagpupuno sa lahat.
^20 (HJ)Purihin ninyo ang Panginoon, ninyong mga anghel niya:
Ninyong makapangyarihan sa kalakasan na gumaganap ng kaniyang salita,
Na nakikinig sa tinig ng kaniyang salita.
²¹ Purihin ninyo ang Panginoon, ninyong lahat na hukbo niya;
^(HK)Ninyong mga ministro niya, na nagsisigawa ng kaniyang kasayahan.
^22 (HL)Purihin ninyo ang Panginoon, ninyong lahat na mga gawa niya,
Sa lahat na dako na kaniyang sakop;
^(HM)Purihin mo ang Panginoon, Oh kaluluwa ko.

104 Purihin mo ang Panginoon, ^(HN)Oh kaluluwa ko.
Oh Panginoon kong Dios ikaw ay totoong dakila;
^(HO)Ikaw ay nabibihisan ng karangalan at kamahalan.
² Na siyang nagbabalot sa iyo ng liwanag na parang bihisan;
Na siyang naguunat ng mga langit na ^(HP)parang tabing:
^3 (HQ)Na siyang naglalagay ng mga tahilan ng kaniyang mga silid sa tubig;
^(HR)Na siyang gumagawa sa mga alapaap na kaniyang karro;
^(HS)Na siyang lumalakad sa mga pakpak ng hangin:
^4 (HT)Na siyang gumagawa sa mga hangin na mga sugo niya;
^(HU)Ang kaniyang mga tagapangasiwa ay alab ng apoy:
⁵ Na siyang naglagay ng mga patibayan ng lupa,
Upang huwag makilos magpakailan man,
⁶ Iyong tinakpan ng kalaliman na tila isang bihisan;
Ang tubig ay tumatayo ^(HV)sa itaas ng mga bundok.
^7 (HW)Sa iyong pagsaway sila'y nagsitakas;
Sa hugong ng iyong kulog ay nagmadaling nagsialis sila;
⁸ Sila'y nagsiahon sa mga bundok, sila'y nagsilusong sa mga libis,
^(HX)Sa dako mong itinatag ukol sa kanila.
⁹ Ikaw ay naglagay ng hangganan ^(HY)upang sila'y huwag makaraan;
^(HZ)Upang sila'y huwag magsibalik na tumakip sa lupa.
¹⁰ Siya'y nagsusugo ng mga bukal sa mga libis;
Nagsisiagos sa gitna ng mga bundok:
¹¹ Sila'y nagpapainom sa bawa't hayop sa parang;
Nangagpapatid-uhaw ang mga mailap na asno.
¹² Sa tabi nila ay nagkaroon ng kanilang tahanan ang mga ibon sa himpapawid,
Sila'y nagsisiawit sa mga sanga.
¹³ Kaniyang dinidilig ang mga bundok mula sa kaniyang mga silid:
Ang lupa'y busog sa bunga ng iyong mga gawa.
^14 (IA)Kaniyang pinatutubo ang damo para sa mga hayop,
At ang gugulayin sa paglilingkod sa tao:
Upang siya'y maglabas ^(IB)ng pagkain sa lupa:
^15 (IC)At ng alak na nagpapasaya sa puso ng tao,
At ng langis upang pasilangin ang kaniyang mukha,
At ng tinapay na nagpapalakas ng puso ng tao.
¹⁶ Ang mga punong kahoy ng Panginoon ay busog;
Ang mga ^(ID)sedro sa Libano, ^(IE)na kaniyang itinanim;
¹⁷ Na pinamumugaran ng mga ibon:
Tungkol sa tagak, ang mga puno ng abeto ay kaniyang bahay.
¹⁸ Ang mga mataas na bundok ay para sa mga mailap na kambing;
Ang mga malalaking bato ay kanlungan ^(IF)ng mga coneho.
^19 (IG)Kaniyang itinakda ang buwan sa mga panahon:
Nalalaman ng araw ang kaniyang paglubog.
²⁰ Iyong ginagawa ang kadiliman at nagiging gabi;
Na iginagalaw ng lahat na hayop sa gubat.
^21 (IH)Umuungal ang mga batang leon sa pagsunod sa mahuhuli nila,
At hinahanap sa Dios ang kanilang pagkain.
²² Ang araw ay sumisikat sila'y nagsisialis,
At nangahihiga sa kanilang mga yungib.
²³ Lumalabas ang tao sa ^(II)kaniyang gawain,
At sa kaniyang gawa hanggang sa kinahapunan.
^24 (IJ)Oh Panginoon, pagka sarisari ng iyong mga gawa!
Sa karunungan ay ginawa mo silang lahat:
Ang lupa ay puno ng iyong kayamanan.
²⁵ Nandoon ang dagat, na malaki at maluwang,
Na ginagalawan ng di mabilang na mga bagay,
Ng mga munti at ng mga malaking hayop din naman.
²⁶ Doo'y nagsisiyaon ang mga sasakyan:
Nandoon ^(IK)ang buwaya na iyong nilikha upang maglibang doon.
^27 (IL)Lahat ng ito ay nangaghihintay sa iyo,
Upang iyong mabigyan sila ng kanilang pagkain sa ukol na kapanahunan.
²⁸ Ang iyong ibinibigay sa kanila ay pinipisan nila;
Iyong ibinubukas ang iyong kamay, sila'y nangabubusog ng kabutihan.
^29 (IM)Iyong ikinukubli ang iyong mukha, sila'y nangababagabag;
^(IN)Iyong inaalis ang kanilang hininga, sila'y nangamamatay,
^(IO)At nagsisibalik sa kanilang pagkaalabok.
³⁰ Iyong sinusugo ang iyong Espiritu, sila'y nangalalalang;
At iyong binabago ang balat ng lupa.
³¹ Manatili nawa ang kaluwalhatian ng Panginoon kailan man;
^(IP)Magalak nawa ang Panginoon sa kaniyang mga gawa:
³² Na siyang tumitingin sa lupa at nayayanig:
^(IQ)Kaniyang hinihipo ang mga bundok at nagsisiusok.
^33 (IR)Aawit ako sa Panginoon habang ako'y nabubuhay:
Ako'y aawit ng pagpuri sa aking Dios, samantalang mayroon akong kabuhayan.
³⁴ Matamisin nawa niya ang aking pagbubulay:
Ako'y magagalak sa Panginoon.
^35 (IS)Malipol nawa ang mga makasalanan sa lupa,
At mawala nawa ang masama.
Purihin mo ang Panginoon, Oh kaluluwa ko.
Purihin ninyo ang Panginoon.

105 Oh magpasalamat kayo ^(IT)sa Panginoon, kayo'y magsitawag sa kaniyang pangalan;
^(IU)Ipabatid ninyo ang kaniyang mga gawain sa mga bayan.
² Magsiawit kayo sa kaniya, magsiawit kayo sa kaniya ng mga pagpuri;
^(IV)Salitain ninyo ang lahat niyang kagilagilalas na mga gawa.
³ Lumuwalhati kayo sa kaniyang banal na pangalan:
Mangagalak ang puso nila na nagsisihanap sa Panginoon.
⁴ Hanapin ninyo ang Panginoon at ang kaniyang kalakasan;
^(IW)Hanapin ninyo ang kaniyang mukha magpakailan man.
⁵ Alalahanin ninyo ang kaniyang kagilagilalas na mga gawa na kaniyang ginawa:
Ang kaniyang mga kababalaghan at ang mga kahatulan ng kaniyang bibig;
⁶ Oh ninyong binhi ni Abraham na kaniyang lingkod,
Ninyong mga anak ni Jacob, na kaniyang mga hirang.
⁷ Siya ang Panginoon nating Dios: Ang kaniyang mga kahatulan ay nangasa buong lupa.
⁸ Kaniyang inalaala ang kaniyang tipan magpakailan man,
Ang salita na kaniyang iniutos sa libong sali't saling lahi;
^9 (IX)Ang tipan na kaniyang ginawa kay Abraham,
At ang kaniyang sumpa kay Isaac;
¹⁰ At pinagtibay yaon kay Jacob na pinakapalatuntunan,
Sa Israel na pinakawalang hanggang tipan:
¹¹ Na sinasabi, Sa iyo'y ibibigay ko ang lupain ng Canaan,
Ang kapalaran na iyong mana;
¹² Nang sila'y kaunti lamang tao sa bilang;
Oo, totoong kaunti, at nangakikipamayan doon;
¹³ At sila'y nagsiyaon sa bansa at bansa,
Mula sa isang kaharian hanggang sa ibang bayan.
¹⁴ Hindi niya tiniis ang sinomang tao na gawan sila ng kamalian;
Oo, kaniyang sinaway ang mga hari dahil sa kanila;
¹⁵ Na sinasabi, ^(IY)Huwag ninyong galawin ang mga pinahiran ko ng langis.
At huwag ninyong gawan ng masama ang mga propeta ko.
^16 (IZ)At siya'y nagdala ng kagutom sa lupain;
Kaniyang binali ang buong ^(JA)tukod ng tinapay.
^17 (JB)Siya'y nagsugo ng isang lalake sa unahan nila;
^(JC)Si Jose ay naipagbiling pinakaalipin:
¹⁸ Ang kaniyang mga paa ^(JD)ay sinaktan nila ng mga pangpangaw;
Siya'y nalagay sa mga tanikalang bakal:
¹⁹ Hanggang sa panahon na nangyari ang ^(JE)kaniyang salita;
Tinikman siya ng salita ng Panginoon.
^20 (JF)Ang hari ay nagsugo, at pinawalan siya;
Sa makatuwid baga'y ang pinuno ng mga bayan, at pinalaya niya siya.
^21 (JG)Ginawa niya siyang panginoon sa kaniyang bahay,
At pinuno sa lahat niyang pagaari:
^22 (JH)Upang talian ang kaniyang mga pangulo sa kaniyang kaligayahan,
At turuan ang kaniyang mga kasangguni ng karunungan.
^23 (JI)Si Israel naman ay nasok sa Egipto;
At si Jacob ay nakipamayan sa ^(JJ)lupain ng Cham.
^24 (JK)At kaniyang pinalagong mainam ang kaniyang bayan,
At pinalakas sila kay sa kanilang mga kaaway.
^25 (JL)Kaniyang pinapanumbalik ang kanilang puso upang mangagtanim sa kaniyang bayan,
Upang magsigawang may katusuhan sa kaniyang mga lingkod.
^26 (JM)Kaniyang sinugo si Moises na kaniyang lingkod,
At si Aaron na kaniyang hirang.
^27 (JN)Kanilang inilagay sa gitna nila ang kaniyang mga tanda,
At mga kababalaghan sa lupain ng Cham.
²⁸ Siya'y nagsugo ng mga kadiliman, at nagpadilim;
At sila'y hindi nagsipanghimagsik laban sa kaniyang mga salita.
²⁹ Kaniyang pinapaging dugo ang kanilang tubig,
At pinatay ang kanilang mga isda.
³⁰ Ang kanilang lupain ay binukalan ng mga palaka,
Sa mga silid ng kanilang mga hari.
³¹ Siya'y nagsalita, at dumating ang mga pulutong na mga langaw,
At kuto sa lahat ng kanilang mga hangganan.
^32 (JO)Ibinigay niya sa kanila na pinakaulan ay graniso,
At liyab ng apoy sa kanilang lupain.
³³ Sinaktan naman niya ang kanilang mga puno ng ubas, at ang kanilang mga puno ng higos;
At binali ang mga punong kahoy ng kanilang mga hangganan.
^34 (JP)Siya'y nagsalita at ang mga balang ay nagsidating,
At ang mga higad, ay yao'y walang bilang,
³⁵ At kinain ang lahat na gugulayin sa kanilang lupain,
At kinain ang bunga ng kanilang lupa.
^36 (JQ)Sinaktan din niya ang lahat na panganay sa kanilang lupain,
Ang puno ng lahat nilang kalakasan.
^37 (JR)At kaniyang inilabas sila na may pilak at ginto:
At hindi nagkaroon ng mahinang tao sa kaniyang mga lipi.
³⁸ Natuwa ang Egipto nang sila'y magsialis;
^(JS)Sapagka't ang takot sa kanila ay nahulog sa kanila.
^39 (JT)Kaniyang inilatag ang ulap na pinakakubong;
At apoy upang magbigay liwanag sa gabi,
^40 (JU)Sila'y nagsihingi, at dinalhan niya ng mga pugo,
At binusog niya sila ng ^(JV)pagkain na mula sa langit.
^41 (JW)Kaniyang ibinuka ang bato at binukalan ng tubig;
Nagsiagos sa tuyong mga dako na parang ilog.
⁴² Sapagka't kaniyang naalaala ang kaniyang banal na salita,
^(JX)At si Abraham na kaniyang lingkod.
⁴³ At kaniyang inilabas ang kaniyang bayan na may kagalakan,
At ang kaniyang hirang na may awitan.
^44 (JY)At ibinigay niya sa kanila ang mga lupain ng mga bansa;
At kinuha nila ang gawa ng mga bayan na pinakaari:
^45 (JZ)Upang kanilang maingatan ang kaniyang mga palatuntunan,
At sundin ang kaniyang mga kautusan.
Purihin ninyo ang Panginoon.

106 ^(KA)Purihin ninyo ang Panginoon.
Oh mangagpasalamat kayo sa Panginoon; sapagka't siya'y mabuti;
^(KB)Sapagka't ang kaniyang kagandahang-loob ay magpakailan man.
^2 (KC)Sinong makapagbabadya ng mga makapangyarihang gawa ng Panginoon,
O makapagpapakilala ng buo niyang kapurihan?
³ Mapalad silang nangagiingat ng kahatulan,
At siyang gumagawa ng katuwiran sa buong panahon.
^4 (KD)Alalahanin mo ako, Oh Panginoon, ng lingap na iyong ipinagkaloob sa iyong bayan;
Oh dalawin mo ako ng iyong pagliligtas:
⁵ Upang makita ko ang kaginhawahan ng ^(KE)iyong hirang,
Upang ako'y magalak sa kasayahan ng iyong bansa,
Upang ako'y lumuwalhati na kasama ng iyong mana.
^6 (KF)Kami ay nangagkasala na kasama ng aming mga magulang,
Kami ay nangakagawa ng kasamaan, kami ay nagsigawa ng masama.
⁷ Hindi naunawa ng aming mga magulang ang iyong mga kababalaghan sa Egipto;
Hindi nila inalaala ang karamihan ng iyong mga kagandahang-loob,
^(KG)Kundi naging mapanghimagsik sa dagat, sa makatuwid baga'y sa Dagat na Mapula.
⁸ Gayon ma'y iniligtas niya sila ^(KH)dahil sa ^(KI)kaniyang pangalan,
^(KJ)Upang kaniyang maipabatid ang kaniyang matibay na kapangyarihan.
⁹ Kaniyang sinaway naman ang Dagat na Mapula, at ^(KK)natuyo:
Sa gayo'y ^(KL)pinatnubayan niya sila sa mga kalaliman, na parang ilang.
¹⁰ At ^(KM)iniligtas niya sila sa kamay ng nangagtatanim sa kanila,
At ^(KN)tinubos niya sila sa kamay ng kaaway.
^11 (KO)At tinabunan ng tubig ang kanilang mga kaaway:
Walang nalabi sa kanila kahit isa.
¹² Nang magkagayo'y sinampalatayanan nila ang kaniyang mga salita;
Inawit nila ang kaniyang kapurihan.
^13 (KP)Nilimot nilang madali ang kaniyang mga gawa;
Hindi sila naghintay sa kaniyang payo:
^14 (KQ)Kundi nagnais ng di kawasa sa ilang,
At tinukso ang Dios sa ilang.
^15 (KR)At binigyan niya sila ng kanilang hiling;
Nguni't pinangayayat ang kanilang kaluluwa.
^16 (KS)Kanilang pinanaghilian naman si Moises sa kampamento,
At si Aaron na banal ng Panginoon.
^17 (KT)Ang lupa ay bumuka, at nilamon si Dathan,
At tinakpan ang pulutong ni Abiram.
^18 (KU)At apoy ay nagningas sa kanilang pulutong;
Sinunog ng liyab ang mga masama,
^19 (KV)Sila'y nagsigawa ng guya ^(KW)sa Horeb,
At nagsisamba sa larawang binubo.
²⁰ Ganito nila pinapagbago ang kanilang kaluwalhatian
Sa wangis ng baka na kumakain ng damo.
²¹ Nilimot nila ang Dios na kanilang tagapagligtas,
Na gumawa ng mga dakilang bagay sa Egipto;
²² Kagilagilalas na mga gawa ^(KX)sa lupain ng Cham,
At kakilakilabot na mga bagay sa Dagat na Mapula.
^23 (KY)Kaya't sinabi niya, na kaniyang lilipulin sila,
Kung si Moises na kaniyang hirang ay hindi humarap sa kaniya sa bitak,
Upang pawiin ang kaniyang poot, upang huwag niyang lipulin sila.
^24 (KZ)Oo, kanilang hinamak ang maligayang lupain,
^(LA)Hindi nila sinampalatayanan ang kaniyang salita;
²⁵ Kundi nangagsiungol sa kanilang mga tolda,
At hindi nangakinig sa tinig ng Panginoon.
²⁶ Kaya't kaniyang isinumpa sa kanila,
Na kaniyang ibubulid sila sa ilang:
²⁷ At kaniyang ibubulid ang kanilang binhi sa mga bansa,
At pangalatin sila sa mga lupain.
^28 (LB)Sila'y nangakilakip naman sa diosdiosang Baal-peor,
At nagsikain ng mga hain sa ^(LC)mga patay.
²⁹ Ganito minungkahi nila siya sa galit ng kanilang mga gawa;
At ang salot ay lumitaw sa kanila.
^30 (LD)Nang magkagayo'y tumayo si Phinees, at gumawa ng kahatulan:
At sa gayo'y tumigil ang salot.
³¹ At nabilang sa kaniya na katuwiran,
^(LE)Sa lahat ng sali't saling lahi magpakailan man.
^32 (LF)Kanilang ginalit din siya sa tubig ng Meriba,
Na anopa't naging masama kay Moises dahil sa kanila:
^33 (LG)Sapagka't sila'y mapanghimagsik laban sa kaniyang diwa,
^(LH)At siya'y nagsalita ng walang pakundangan ng kaniyang mga labi.
³⁴ Hindi nila nilipol ^(LI)ang mga bayan,
Gaya ng iniutos ng Panginoon sa kanila;
^35 (LJ)Kundi nangakihalo sa mga bansa,
At nangatuto ng kanilang mga gawa:
^36 (LK)At sila'y nangaglingkod sa kanilang mga diosdiosan;
Na naging silo sa kanila:
^37 (LL)Oo, kanilang inihain ang kanilang mga anak na lalake at babae sa mga demonio,
³⁸ At nagbubo ng walang salang dugo,
Sa makatuwid baga'y ng dugo ng kanilang mga anak na lalake at babae,
Na kanilang inihain sa diosdiosan ng Canaan;
At ^(LM)ang lupain ay nadumhan ng dugo.
³⁹ Ganito sila nagpakahawa sa kanilang mga gawa,
At nagsiyaong nagpakarumi sa kanilang mga gawa.
⁴⁰ Kaya't ^(LN)nagalab ang pagiinit ng Panginoon laban sa kaniyang bayan,
At kinayamutan niya ang kaniyang pamana.
⁴¹ At ibinigay niya sila sa kamay ng mga bansa;
At silang nangagtatanim sa kanila ay nangagpuno sa kanila.
⁴² Pinighati naman ^(LO)sila ng kanilang mga kaaway,
At sila'y nagsisuko sa kanilang kamay.
^43 (LP)Madalas na iligtas niya sila;
Nguni't sila'y mapanghimagsik sa kanilang payo,
At nangababa sila sa kanilang kasamaan.
⁴⁴ Gayon ma'y nilingap niya ang kanilang kahirapan,
Nang kaniyang marinig ang kanilang daing:
^45 (LQ)At kaniyang inalaala sa kanila ang kaniyang tipan,
At nagsisi ^(LR)ayon sa karamihan ng kaniyang mga kagandahang-loob.
^46 (LS)Ginawa naman niyang sila'y ^(LT)kaawaan
Niyaong lahat na nangagdalang bihag sa kanila.
^47 (LU)Iligtas mo kami, Oh Panginoon naming Dios,
At ^(LV)pisanin mo kami na mula sa mga bansa,
Upang mangagpasalamat sa iyong banal na pangalan,
At mangagtagumpay sa iyong kapurihan.
^48 (LW)Purihin ang Panginoon, ang Dios ng Israel,
Mula sa walang pasimula hanggang sa walang hanggan.
At sabihin ng buong bayan, Siya nawa.
Purihin ninyo ang Panginoon.

107 Oh mangagpasalamat kayo sa Panginoon; ^(LX)sapagka't siya'y mabuti:
Sapagka't ang kaniyang kagandahang-loob ay magpakailan man.
^2 (LY)Sabihing gayon ng tinubos ng Panginoon,
^(LZ)Na kaniyang tinubos sa kamay ng kaaway;
³ At ^(MA)mga pinisan mula sa mga lupain,
Mula sa silanganan, at mula sa kalunuran,
Mula sa hilagaan at mula sa timugan.
⁴ Sila'y nagsilaboy ^(MB)sa ilang, sa ulilang landas;
Sila'y hindi nakasumpong ng bayang tahanan.
⁵ Gutom at uhaw,
Ang kanilang kaluluwa'y nanglupaypay sa kanila.
^6 (MC)Nang magkagayo'y nagsidaing sila sa Panginoon sa kanilang kabagabagan,
At iniligtas niya sila sa kanilang kahirapan.
⁷ Pinatnubayan naman niya sila sa ^(MD)matuwid na daan,
Upang sila'y magsiyaon sa bayang tahanan.
^8 (ME)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang mga kagilagilalas na mga gawa sa mga anak ng mga tao!
⁹ Sapagka't ^(MF)kaniyang binigyang kasiyahan ang nananabik na kaluluwa,
At ang gutom na kaluluwa ay binusog niya ng kabutihan.
¹⁰ Ang gayong ^(MG)tumatahan sa kadiliman, at sa lilim ng kamatayan,
Na natatali sa dalamhati at pangaw;
¹¹ Sapagka't sila'y nanghimagsik laban sa mga salita ng Dios,
At hinamak ang ^(MH)payo ng Kataastaasan:
¹² Kaya't kaniyang ibinaba ang kanilang puso na may hirap;
Sila'y nangabuwal, at ^(MI)walang sumaklolo.
^13 (MJ)Nang magkagayo'y nagsidaing sila sa Panginoon sa kanilang kabagabagan,
At iniligtas niya sila sa kanilang kahirapan.
^14 (MK)Inilabas niya sila sa kadiliman at sa lilim ng kamatayan,
At ^(ML)pinatid ang kanilang mga tali.
^15 (MM)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang mga kagilagilalas na mga gawa sa mga anak ng mga tao!
¹⁶ Sapagka't ^(MN)kaniyang sinira ang mga pintuang-bayan na tanso,
At pinutol ang mga halang na bakal.
^17 (MO)Mga mangmang dahil sa kanilang mga pagsalangsang,
At dahil sa kanilang mga kasamaan ay nadadalamhati.
¹⁸ Kinayayamutan ng kanilang kaluluwa ang sarisaring pagkain;
At sila'y nagsisilapit sa ^(MP)mga pintuan ng kamatayan,
^19 (MQ)Nang magkagayo'y nagsidaing sila sa Panginoon sa kanilang kabagabagan,
At iniligtas niya sila sa kanilang kahirapan.
^20 (MR)Sinugo niya ang kaniyang salita, at ^(MS)pinagaling sila,
At ^(MT)iniligtas sila sa kanilang mga ikapapahamak.
^21 (MU)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang kagilagilalas na mga gawa sa mga anak ng mga tao!
²² At ^(MV)mangaghandog sila ng mga hain na pasalamat,
At ipahayag ang kaniyang mga gawa na may awitan.
^23 (MW)Silang nagsisibaba sa dagat sa mga sasakyan,
Na nangangalakal sa ^(MX)mga malawak na tubig;
²⁴ Ang mga ito'y nangakakakita ng mga gawa ng Panginoon,
At ng kaniyang mga kababalaghan sa kalaliman.
²⁵ Sapagka't siya'y naguutos, at ^(MY)nagpapaunos,
Na nagbabangon ng mga alon niyaon.
²⁶ Nagsisitaas sa mga langit, nagsisibaba uli sa mga kalaliman:
^(MZ)Ang kanilang kaluluwa ay natutunaw dahil sa kabagabagan.
²⁷ Sila'y hahampashampas na paroo't parito, at ^(NA)gigiraygiray na parang lasing,
At ang kanilang karunungan ay nawala.
^28 (NB)Nang magkagayo'y nagsidaing sila sa Panginoon sa kanilang kabagabagan,
At inilabas niya sila sa kanilang kahirapan.
^29 (NC)Kaniyang pinahihimpil ang bagyo,
Na anopa't ang mga alon niyaon ay nagsisitahimik.
³⁰ Nang magkagayo'y natutuwa sila, dahil sa sila'y tiwasay.
Sa gayo'y kaniyang dinadala sila sa daongang kanilang ibigin.
^31 (ND)Oh purihin ng mga tao ang Panginoon dahil sa kaniyang kagandahang-loob,
At dahil sa kaniyang kagilagilalas na mga gawa sa mga anak ng mga tao!
³² Ibunyi rin naman nila siya ^(NE)sa kapulungan ng bayan,
At purihin siya sa upuan ng mga matanda.
³³ Kaniyang ^(NF)pinapagiging ilang ang mga ilog,
At uhaw na lupa ang mga bukal:
³⁴ Na maalat na ilang ^(NG)ang mainam na lupain,
Dahil sa kasamaan nila na nagsisitahan doon.
³⁵ Kaniyang pinapagiging lawa ng mga tubig ang ilang,
At mga bukal ang tuyong lupain.
³⁶ At kaniyang pinatatahan doon ang gutom,
Upang makapaghanda sila ng bayang tahanan;
³⁷ At maghasik sa mga bukid, at magtanim ng mga ubasan,
At magtamo ng mga bunga na pakinabang.
^38 (NH)Kaniya namang pinagpapala sila, na anopa't sila'y lubhang nagsisidami;
At hindi tinitiis na ang kanilang kawan ay magkulang.
³⁹ Muli, sila'y nakulangan at nahapay
Sa kapighatian, kabagabagan, at kahirapan.
⁴⁰ Kaniyang ^(NI)ibinubugso ang kadustaan sa mga pangulo,
At kaniyang pinagagala sila sa ilang na walang lansangan.
^41 (NJ)Gayon ma'y iniuupo niya sa mataas ang mapagkailangan mula sa kadalamhatian,
At ginagawan siya ng mga angkan na parang kawan.
⁴² Makikita ng matuwid, at matutuwa;
^(NK)At titikumin ng lahat ng kasamaan ang kaniyang bibig.
^43 (NL)Kung sino ang pantas ay magbulay sa mga bagay na ito,
At kanilang magugunita ang mga kagandahang-loob ng Panginoon.

108 Ang aking ^(NM)puso'y matatag, Oh Dios;
Ako'y aawit, oo, ako'y aawit ng mga pagpuri, ng aking kaluwalhatian.
² Kayo'y gumising, salterio at alpa:
Ako ma'y gigising na maaga.
³ Ako'y magpapasalamat sa iyo, Oh Panginoon, sa gitna ng mga bayan:
At ako'y aawit ng mga pagpuri sa iyo sa gitna ng mga bansa.
^4 (NN)Sapagka't ang iyong kagandahang-loob ay dakila sa itaas sa mga langit,
At ang iyong katotohanan ay umaabot sa mga ^(NO)alapaap.
⁵ Mabunyi ka, Oh Dios, sa itaas sa mga langit:
At ang iyong kaluwalhatian sa ibabaw ng buong lupa.
^6 (NP)Upang ang iyong minamahal ay maligtas,
Magligtas ka ng iyong kanan, at sagutin mo kami.
⁷ Nagsalita ang Dios sa kaniyang kabanalan; ako'y magsasaya:
Aking hahatiin ang Sichem, at susukatin ko ang libis ng Sucoth.
⁸ Galaad ay akin; Manases ay akin;
Ang Ephraim naman ay sanggalang ng aking ulo:
Juda'y aking cetro.
⁹ Moab ay aking hugasan;
Sa Edom ay ihahagis ko ang aking panyapak:
^(NQ)Sa Filistia ay hihiyaw ako.
¹⁰ Sinong magpapasok sa akin sa ^(NR)bayang nakukutaan?
Sinong papatnubay sa akin hanggang sa Edom?
¹¹ Hindi ba ikaw Oh Dios na nagtakuwil sa amin,
^(NS)At hindi lumalabas, Oh Dios, na kasama ng aming mga hukbo?
¹² Gawaran mo kami ng tulong laban sa kaaway;
Sapagka't walang kabuluhan ang tulong ng tao.
^13 (NT)Sa tulong ng Dios ay gagawa kaming may katapangan:
Sapagka't siya ang yayapak sa aming mga kaaway.