Bible in 90 Days

2 Nangyari nga nang mga araw na yaon na lumabas ang isang ^(A)utos mula kay Augusto Cesar, na magpatala ang buong sanglibutan.

² Ito ang ^(B)unang talaang-mamamayan na ginawa nang si Quirinio ay ^(C)gobernador sa Siria.

³ At nagsisiparoon ang lahat upang sila'y mangatala, bawa't isa sa kaniyang sariling bayan.

⁴ At si Jose naman ay umahon mula sa ^(D)Galilea, mula sa bayan ng Nazaret, hanggang sa Judea, ^(E)sa bayan ni David, na kung tawagi'y Bet-lehem, ^(F)sapagka't siya'y sa angkan at sa lahi ni David;

⁵ Upang patala siya pati ni Maria, ^(G)na magaasawa sa kaniya, na kasalukuyang kagampan.

⁶ At nangyari, samantalang sila'y ^(H)nangaroroon, at naganap ang mga kaarawang dapat siyang manganak.

⁷ At kaniyang ipinanganak ang panganay niyang anak na lalake; at ito'y binalot niya ng mga lampin, at inihiga sa isang pasabsaban, sapagka't wala nang lugar para kanila sa tuluyan.

⁸ At may mga pastor ng tupa sa lupain ding yaon na nangasa parang, na pinagpupuyatan sa gabi ang kanilang kawan.

⁹ At tumayo sa tabi nila ang isang anghel ng Panginoon, at ang kaluwalhatian ng Panginoon ay nagliwanag sa palibot nila: ^(I)at sila'y totoong nangatakot.

¹⁰ At sinabi sa kanila ng anghel, Huwag kayong mangatakot; sapagka't narito, dinadalhan ko kayo ng mabubuting balita ng malaking kagalakan, na siyang sasa buong bayan:

¹¹ Sapagka't ipinanganak ^(J)sa inyo ngayon ^(K)sa bayan ni David ^(L)ang isang Tagapagligtas, ^(M)na siya ang Cristo ^(N)ang Panginoon.

¹² At ito ang sa inyo'y magiging pinakatanda: Masusumpungan ninyo ang isang sanggol na nababalot ng lampin, at nakahiga sa isang pasabsaban.

¹³ At biglang nakisama sa anghel ^(O)ang isang karamihang hukbo ng langit, ^(P)na nangagpupuri sa Dios, at nangagsasabi:

¹⁵ At nangyari nang lisanin sila ng mga anghel at nangapasa langit, ang mga pastor ay nangagsangusapan. Magsiparoon nga tayo ngayon hanggang sa ^(T)Bet-lehem, at tingnan natin itong nangyari, na ipinagbigay-alam sa atin ng Panginoon.

¹⁶ At sila'y dalidaling nagsiparoon at nasumpungan kapuwa si Maria at si Jose, at ang sanggol na nakahiga sa pasabsaban.

¹⁷ At nang makita nila yaon, ay inihayag nila ang mga sinabi sa kanila tungkol sa sanggol na ito.

¹⁸ At lahat ng nangakarinig nito ay nangagtaka sa mga bagay na sinabi sa kanila ng mga pastor.

¹⁹ Datapuwa't iningatan ni ^(U)Maria ang lahat ng mga pananalitang ito, na pinagbulaybulay sa kaniyang puso.

²⁰ At nangagbalik ang mga pastor, na niluluwalhati at pinupuri ang Dios dahil sa lahat ng mga bagay na kanilang nangarinig at nangakita, ayon sa sinabi sa kanila.

²¹ At nang makaraan ang ^(V)walong araw upang tuliin siya, ay tinawag na ^(W)JESUS ang kaniyang pangalan, na siyang itinawag ng anghel bago siya ipinaglihi sa tiyan.

²² At nang maganap na ^(X)ang mga araw na kanilang paglilinis alinsunod sa kautusan ni Moises, ay kanilang dinala ^(Y)siya sa Jerusalem, upang iharap siya sa Panginoon

²³ (ayon sa nasusulat sa kautusan ng Panginoon, ^(Z)Ang bawa't lalaking nagbubukas ng bahay-bata ay tatawaging banal sa Panginoon),

²⁴ At upang maghandog ng hain alinsunod sa sinasabi sa kautusan ng Panginoon, ^(AA)Dalawang batobato, o dalawang inakay ng kalapati.

²⁵ At narito, may isang lalake sa Jerusalem, na nagngangalang Simeon; at ang lalaking ito'y matuwid at masipag sa kabanalan, ^(AB)na nag-aantay ng kaaliwan ng Israel: at sumasa kaniya ang Espiritu Santo.

²⁶ At ipinahayag sa kaniya ng Espiritu Santo, ^(AC)na di niya makikita ang kamatayan, hanggang sa makita muna niya ang Cristo ng Panginoon.

²⁷ At siya'y napasa templo ^(AD)sa Espiritu: at nang ipasok sa templo ang sanggol na si Jesus ng kaniyang mga magulang, ^(AE)upang sa kaniya'y magawa nila ang nauukol alinsunod sa kaugalian ng kautusan,

²⁸ Ay tinanggap nga niya siya sa kaniyang mga bisig, at pinuri ang Dios, at nagsabi,

³³ At ang kaniyang ama at ang kaniyang ina ay nagsisipanggilalas sa mga bagay na sinasabi tungkol sa kaniya;

³⁴ At sila'y pinagpala ni Simeon, at sinabi sa kaniyang inang si Maria, Narito, ito ^(AK)ay itinalaga sa ^(AL)ikararapa at sa ikatitindig ng marami sa Israel; at pinakatandang tudlaan ^(AM)ng pagsalangsang:

³⁵ Oo at paglalampasanan ng ^(AN)isang tabak ang iyong sariling kaluluwa; upang mangahayag ang mga pagiisip ng maraming puso.

³⁶ At naroroon din naman si Ana, na isang propetisa, anak na babae ni Fanuel, sa angkan ni ^(AO)Aser, (siya'y lubhang matanda na, at may pitong taong nakisama sa kaniyang asawa mula sa kaniyang kadalagahan,

³⁷ At siya'y bao nang walongpu't apat na taon), na hindi humihiwalay sa templo, ^(AP)at sumasamba sa gabi at araw sa pamamagitan ng mga ^(AQ)pagaayuno at mga pagdaing.

³⁸ At pagdating niya sa oras ding yaon, siya'y nagpasalamat sa Dios, at nagsalita ng tungkol sa sanggol sa lahat ng ^(AR)nagsisipaghintay ng ^(AS)katubusan sa Jerusalem.

³⁹ At nang maganap na nila ang lahat ng mga bagay na alinsunod sa kautusan ng Panginoon, ay nangagbalik sila sa ^(AT)Galilea, sa ^(AU)kanilang sariling bayang Nazaret.

⁴⁰ At lumalaki ang bata, at lumalakas, at napupuspos ng karunungan: at sumasa kaniya ang biyaya ng Dios.

⁴¹ At nagsisiparoon ^(AV)taon-taon ang kaniyang mga magulang sa Jerusalem ^(AW)sa kapistahan ng paskua.

⁴² At nang siya'y may labindalawang taon na, ay nagsiahon sila ayon sa kaugalian ng kapistahan;

⁴³ At nang kanilang maganap na ^(AX)ang mga araw, sa pagbalik nila, ay naiwan ang batang si Jesus sa Jerusalem; at di nalalaman ng kaniyang mga magulang;

⁴⁴ Ngunit sa pagaakala nilang siya'y nasa kasamahan, ay nagsiyaon sila nang isang araw na paglalakbay; at hinahanap nila siya sa mga kamaganak at mga kakilala;

⁴⁵ At nang di nila siya matagpuan, ay nagsipagbalik sila sa Jerusalem, na hinahanap siya.

⁴⁶ At nangyari, na nang makaraan ang tatlong araw, ay nangatagpuan nila siya sa templo, na nakaupo sa gitna ng mga ^(AY)guro, na sila'y pinakikinggan, at sila'y tinatanong:

⁴⁷ At ang lahat ng sa kaniya'y nangakakarinig ay nagsisipanggilalas sa kaniyang katalinuhan at sa kaniyang mga sagot.

⁴⁸ At nang siya'y mangakita nila, ay nangagtaka sila; at sinabi sa kaniya ng kaniyang ina, Anak, bakit ginawa mo sa amin ang ganyan? narito, ang iyong ama at ako na hinahanap kang may hapis.

⁴⁹ At sinabi niya sa kanila, Bakit ninyo ako hinahanap? di baga talastas ninyo na dapat akong maglumagak sa bahay ng ^(AZ)aking Ama.

⁵⁰ At di nila naunawa ang pananalitang sa kanila'y sinabi.

⁵¹ At lumusong siyang kasama nila, at napasa ^(BA)Nazaret; at napasakop sa kanila: at ^(BB)iniingatan ng kaniyang ina sa kaniyang puso ang lahat ng mga pananalitang ito.

⁵² At lumalaki si Jesus sa karunungan at sa pangangatawan, at ^(BC)sa pagbibigay lugod sa Dios at sa mga tao.

3 Nang ikalabinglimang taon nga ng paghahari ni ^(BD)Tiberio Cesar, ^(BE)na noo'y gobernador sa Judea si Poncio Pilato, at tetrarka sa Galilea ^(BF)si Herodes, at ang kaniyang kapatid na ^(BG)si Felipe ay tetrarka sa lalawigan ng Iturea at Traconite, at si Lisanias ay tetrarka sa Abilinia,

² Nang kasalukuyang mga pangulong saserdote ^(BH)si Anas at ^(BI)si Caifas, ay dumating ang salita ng Dios kay ^(BJ)Juan, anak ni Zacarias, sa ^(BK)ilang.

³ At siya'y napasa buong lupain sa palibotlibot ng Jordan, na ipinangangaral ang bautismo ng pagsisisi ^(BL)sa ikapagpapatawad ng mga kasalanan;

⁴ Gaya ng nasusulat sa aklat ng salita ng propeta Isaias,

⁷ Sinasabi nga niya sa mga karamihang nagsisilabas upang mangagpabautismo sa kaniya, Kayong lahi ng mga ulupong, sino ang sa inyo'y nagudyok upang tumakas sa galit na darating?

⁸ Kayo nga'y mangagbunga ng karapatdapat sa pagsisisi, at huwag mangagpasimulang mangagsabi sa inyong sarili, Si Abraham ang siya naming ama; sapagka't sinasabi ko sa inyo, na makapagpapabangon ang Dios ng mga anak ni Abraham maging sa mga batong ito.

⁹ At ngayon pa'y nakalagay na ang palakol sa ugat ng mga punong kahoy: ang bawa't punong kahoy nga na di nagbubunga ng mabuti ay pinuputol, at inihahagis sa apoy.

¹⁰ At tinanong siya ng karamihan, na nangagsasabi, ^(BN)Ano ngang dapat namin gawin?

¹¹ At sinagot niya at sinabi sa kanila, ^(BO)Ang may dalawang tunika ay magbahagi sa wala; at ang may pagkain ay gayon din ang gawin.

¹² At dumating naman ang ^(BP)mga maniningil ng buwis upang mangagpabautismo, at sinabi nila sa kaniya, Guro, anong dapat naming gawin?

¹³ At sinabi niya sa kanila, ^(BQ)Huwag na kayong sumingil pa ng higit kay sa utos sa inyo.

¹⁴ At tinanong naman siya ng mga kawal, na nangagsasabi, At kami, anong dapat naming gawin? At sa kanila'y sinabi niya, Huwag kayong kumuhang may karahasan sa kanino man, ni mangagparatang; at mangagkasiya kayo sa bayad sa inyo.

¹⁵ At samantalang ang mga tao'y nagsisipaghintay at pinagbubulaybulay ng lahat sa kanilang puso ang tungkol kay Juan, ^(BR)kung siya kaya ang Cristo;

¹⁶ Ay sumagot si Juan na sinasabi sa kanilang lahat, Katotohanang binabautismuhan ko kayo ng tubig; datapuwa't dumarating ang lalong makapangyarihan kay sa akin; ako'y hindi karapatdapat magkalag ng ^(BS)panali ng kaniyang mga pangyapak: kayo'y babautismuhan niya sa Espiritu Santo at sa apoy:

¹⁷ Nasa kaniyang kamay ang kaniyang kalaykay, upang linising lubos ang kaniyang giikan, at tipunin ang trigo sa kaniyang bangan; datapuwa't susunugin niya ang dayami sa apoy na hindi mapapatay.

¹⁸ Sa mga iba pang maraming pangaral ay ipinangangaral nga niya sa bayan ang mabuting balita;

¹⁹ Datapuwa't si Herodes ^(BT)na tetrarka, palibhasa'y pinagwikaan niya dahil kay Herodias, na asawa ng kaniyang kapatid, at dahil sa lahat ng masasamang bagay na ginawa ni Herodes,

²⁰ Ay naparagdag naman ito sa lahat, na kinulong niya si Juan sa bilangguan.

²¹ Nangyari nga, ^(BU)nang mabautismuhan ang buong bayan, na si Jesus ay binautismuhan naman, at ^(BV)nang nananalangin, ay nabuksan ang langit,

²² At bumaba sa kaniya ang Espiritu Santo na may anyong katawan, tulad sa isang kalapati, at nanggaling ang isang tinig sa langit, Ikaw ang sinisinta kong Anak; sa iyo ako lubos na nalulugod.

²³ At si Jesus din, nang magpasimula siyang magturo ^(BW)ay may gulang na tatlongpung taon, na ^(BX)anak (ayon sa sinasapantaha) ni Jose, ni Eli,

²⁴ Ni Matat, ni Levi, ni Melqui, ni Jane, ni Jose,

²⁵ Ni Matatias, ni Amos, ni Nahum, ni Esli, ni Nage,

²⁶ Ni Maat, ni Matatias, ni Semei, ni Jose, ni Juda,

²⁷ Ni Joana, ni Resa, ni ^(BY)Zorobabel, ni Seatiel, ni Neri,

²⁸ Ni Melqui, ni Adi, ni Cosam, ni Elmodam, ni Er,

²⁹ Ni Jesus, ni Eliezer, ni Jorim, ni Mata, ni Levi,

³⁰ Ni Simeon, ni Juda, ni Jose, ni Jonan, ni Eliaquim,

³¹ Ni Melea, ni Mena, ni Matata, ni ^(BZ)Natan, ni ^(CA)David,

³² Ni Jesse, ni Obed, ni Booz, ni Salmon, ni Naason,

³³ Ni Aminadab, ni Aram, ni Esrom, ni Fares, ni Juda,

³⁴ Ni Jacob, ni Isaac, ni Abraham, ni ^(CB)Tare, ni Nacor,

³⁵ Ni Serug, ni Regan, ni Paleg, ni Heber, ni Selah,

³⁶ Ni ^(CC)Cainan, ni Arfaxjad, ni ^(CD)Sem, ni Noe, ni Lamec,

³⁷ Ni Matusalem, ni Enoc, ni Jared, ni Mahalaleel, ni Cainan,

³⁸ Ni Enos, ni Set, ni ^(CE)Adam, ng Dios.

4 At si Jesus, na ^(CF)puspos ng Espiritu Santo ay ^(CG)bumalik mula sa Jordan at inihatid ^(CH)ng Espiritu sa ilang,

^2 (CI)Sa loob ng apat na pung araw na tinutukso ng diablo. At hindi siya kumain ng anoman nang mga araw na yaon; at nang maganap ang mga yaon ay nagutom siya.

³ At sinabi sa kaniya ng diablo, Kung ikaw ang Anak ng Dios, ipag-utos mo na ang batong ito ay maging tinapay.

⁴ At sinagot siya ni Jesus, Nasusulat, ^(CJ)Hindi sa tinapay lamang mabubuhay ang tao.

⁵ At iniakyat pa siya niya, at ipinakita sa kaniya sa sandaling panahon ang lahat ng mga kaharian sa sanglibutan.

⁶ At sinabi sa kaniya ng diablo, Sa iyo'y ibibigay ko ang lahat ng kapamahalaang ito, at ang kaluwalhatian nila: sapagka't ito'y naibigay na ^(CK)sa akin; at ibibigay ko kung kanino ko ibig.

⁷ Kaya nga kung sasamba ka sa harapan ko, ay magiging iyong lahat.

⁸ At si Jesus ay sumagot at sinabi sa kaniya, Nasusulat, ^(CL)Sa Panginoon mong Dios sasamba ka, at siya lamang ang iyong paglilingkuran.

⁹ At dinala niya siya sa Jerusalem, at inilagay siya sa taluktok ng templo, at sinabi sa kaniya, Kung ikaw ay Anak ng Dios, ay magpatihulog ka mula rito hanggang sa ibaba:

¹¹ At,

¹² At pagsagot ni Jesus ay sinabi sa kaniya, Nasasabi, ^(CN)Huwag mong tutuksuhin ang Panginoon mong Dios.

¹³ At nang matapos ng diablo ang lahat ng pagtukso, ay hiniwalayan siya niya ^(CO)ng ilang panahon.

¹⁴ At bumalik si Jesus sa Galilea ^(CP)sa kapangyarihan ng Espiritu: ^(CQ)at kumalat ang kabantugan tungkol sa kaniya sa palibot ng buong lupain.

^15 (CR)At nagtuturo siya sa mga sinagoga nila, na niluluwalhati ng lahat.

^16 (CS)At siya'y napasa Nazaret ^(CT)na kaniyang nilakhan: at ayon sa kaniyang kaugalian, siya'y pumasok sa sinagoga nang araw ng sabbath, at ^(CU)nagtindig upang bumasa.

¹⁷ At ibinigay sa kaniya ang aklat ng propeta Isaias. At binuklat niya ang aklat, na nasumpungan niya ang dakong kinasusulatan,

²⁰ At binalumbon niya ang aklat, at isinauli sa naglilingkod, at naupo: at ang mga mata ng lahat ng nangasa sinagoga ay nangakatitig sa kaniya.

²¹ At siya'y nagpasimulang magsabi sa kanila, Ngayo'y naganap ang kasulatang ito sa inyong mga pakinig.

²² At siya'y pinatotohanan ng lahat, at ^(CW)nangagtataka sa mga salita ng biyaya na lumalabas sa kaniyang bibig: at sinabi nila, ^(CX)Hindi baga ito ang anak ni Jose?

²³ At sinabi niya sa kanila, Walang salang sasabihin ninyo sa akin itong talinghaga, ^(CY)Manggagamot, gamutin mo ang iyong sarili: ang anomang aming narinig na ginawa sa ^(CZ)Capernaum, ay gawin mo naman dito sa ^(DA)iyong lupain.

²⁴ At sinabi niya, Katotohanang sinasabi ko sa inyo, ^(DB)Walang propetang kinalulugdan sa kaniyang tinubuang lupa.

²⁵ Datapuwa't katotohanang sinasabi ko sa inyo, Maraming mga baong babai sa Israel nang mga araw ni Elias, nang sarhan ang langit sa loob ng ^(DC)tatlong taon at anim na buwan, noong datnan ng malaking kagutom ang buong sangkalupaan;

²⁶ At sa kanino man sa kanila ay hindi sinugo si Elias, kundi ^(DD)sa Sarepta sa lupa ng Sidon, sa isang babaing bao.

²⁷ At maraming ketongin ^(DE)sa Israel nang panahon ni Eliseo na propeta; at sinoman sa kanila'y hindi nilinis, kundi lamang si Naaman na Siro.

²⁸ At nangapuspos ng galit ang lahat ng nangasa sinagoga, sa pagkarinig nila ng mga bagay na ito;

²⁹ At sila'y nagsitindig, at ipinagtabuyan siya sa labas ng bayan at dinala siya hanggang sa ibabaw ng taluktok ng gulod na kinatatayuan ng kanilang bayan, upang siya'y maibulid nila ng patiwarik.

³⁰ Datapuwa't ^(DF)pagdaraan niya sa gitna nila, ay yumaon ng kaniyang lakad.

³¹ At ^(DG)siya'y bumaba sa Capernaum, na isang bayan ng Galilea. At sila'y tinuruan niya sa araw ng sabbath:

³² At nangagtaka sila ^(DH)sa kaniyang aral, sapagka't may kapamahalaan ang kaniyang salita.

³³ At sa sinagoga ay may isang lalake na may espiritu ng karumaldumal na demonio; at siya'y sumigaw ng malakas na tinig,

³⁴ Ah! anong mayroon kami sa iyo, Jesus, ikaw na Nazareno? naparito ka baga upang kami'y iyong puksain? ^(DI)nakikilala ko ikaw kung sino ka, ang Banal ng Dios.

³⁵ At sinaway siya ni Jesus, na sinasabi, Tumahimik ka, at lumabas ka sa kaniya. At nang siya'y mailugmok ng demonio sa gitna, ay lumabas siya sa kaniya, na hindi siya sinaktan.

³⁶ At silang lahat ay nangagtaka at nagsalitaan ang isa't isa, na nangagsasabi, Anong salita kaya ito? sapagka't siya na may kapamahalaan at kapangyarihan ay naguutos sa mga karumaldumal na espiritu, at nagsisilabas sila.

³⁷ At kumakalat ang alingawngaw tungkol sa kaniya sa lahat ng dako sa palibotlibot ng lupaing yaon.

^38 (DJ)At siya'y nagtindig ^(DK)sa sinagoga, at pumasok sa bahay ni Simon. At nilalagnat na mainam ang biyanang babae ni Simon, at siya'y kanilang ipinamanhik sa kaniya.

³⁹ At tinunghan niya siya, at ^(DL)sinaway ang lagnat; at inibsan siya: at siya'y nagtindig pagdaka at naglingkod sa kanila.

⁴⁰ At nang lumulubog na ang araw, ang ^(DM)lahat na may mga sakit ng sarisaring karamdaman ay dinala sa kaniya; at ipinatong niya ang kaniyang mga kamay sa bawa't isa sa kanila, at sila'y pinagaling.

⁴¹ At nagsilabas ^(DN)din sa marami ang mga demonio ^(DO)na nagsisisigaw, na nagsasabi, Ikaw ang anak ng Dios. At ^(DP)sinasaway sila, na di niya sila tinutulutang mangagsalita, sapagka't naalaman nilang siya ang Cristo.

^42 (DQ)At nang araw na, ay lumabas siya at naparoon sa isang ilang na dako: at hinahanap siya ng mga karamihan, at nagsiparoon sa kaniya, at pinagpipilitang pigilin siya, upang huwag siyang humiwalay sa kanila.

⁴³ Datapuwa't sinabi niya sa kanila, Dapat namang ipangaral ko sa mga ibang bayan ang mabubuting balita ng kaharian ng Dios: sapagka't sa ganito ay sinugo ako.

⁴⁴ At siya'y nangangaral ^(DR)sa mga sinagoga ng Galilea.

5 Nangyari nga, ^(DS)na samantalang siya'y sinisiksik ng karamihan na pinakikinggan ang salita ng Dios, na siya'y nakatayo sa tabi ng dagatdagatan ng Genezaret;

^2 (DT)At nakakita siya ng dalawang daong na nasa tabi ng dagatdagatan: datapuwa't nagsilunsad sa mga yaon ang mga mamamalakaya, at hinuhugasan ang kanilang mga lambat.

³ At lumulan siya sa isa sa mga daong, na kay Simon, at ipinamanhik niya dito na ilayo ng kaunti sa lupa. At siya'y naupo at nagturo sa mga karamihan ^(DU)buhat sa daong.

⁴ At pagtigil niya ng pagsasalita, ay sinabi niya kay Simon, ^(DV)Pumaroon ka sa laot, at ihulog ninyo ang inyong mga lambat upang mamalakaya.

⁵ At sumagot si Simon at sinabi, Guro, sa buong magdamag ay ^(DW)nagsipagpagal kami, at wala kaming nahuli: datapuwa't sa iyong salita ay ihuhulog ko ang mga lambat.

⁶ At nang magawa nila ito, ay nakahuli sila ng lubhang maraming isda; at nagkampupunit ang kanilang mga lambat;

⁷ At kinawayan nila ang mga ^(DX)kasamahan ^(DY)sa isang daong upang magsilapit at sila'y tulungan. At sila'y nagsilapit at nangapuno ang dalawang daong, ano pa't sila'y nagpasimulang lulubog.

⁸ Datapuwa't nang makita ni Simon Pedro, ay nagpatirapa sa mga tuhod ni Jesus, na nagsasabi, ^(DZ)Lumayo ka sa akin; sapagka't ako'y taong makasalanan, Oh Panginoon.

⁹ Sapagka't siya at ang lahat ng kasama niya ay nagsipanggilalas, dahil sa karamihan ng mga isdang kanilang nangahuli:

¹⁰ At gayon din si Santiago at si Juan, mga anak ni Zebedeo, na mga kasama ni Simon. At sinabi ni Jesus kay Simon, Huwag kang matakot; mula ngayon ay mamamalakaya ka ng mga tao.

¹¹ At nang maisadsad na nila sa lupa ang kanilang mga daong, ay ^(EA)iniwan nila ang lahat, at nagsisunod sa kaniya.

¹² At nangyari, samantalang siya'y ^(EB)nasa isa sa mga bayan, narito, may isang lalake na lipos ng ketong: at nang makita niya si Jesus, ay nagpatirapa siya, at namanhik sa kaniya, na sinasabi, Panginoon, kung ibig mo, ay maaaring linisin mo ako.

¹³ At iniunat niya ang kaniyang kamay at siya'y hinipo, na sinasabi, Ibig ko; luminis ka. At pagdaka'y nilisan siya ng ketong.

¹⁴ At ipinagbilin niya sa kaniya na huwag sabihin kanino man: ^(EC)kundi yumaon ka ng iyong lakad, at pakita ka sa saserdote, at maghandog ka sa pagkalinis sa iyo, alinsunod sa iniutos ni Moises, na pinakapatotoo sa kanila.

^15 (ED)Datapuwa't lalo nang kumakalat ang balita tungkol sa kaniya: at nangagkatipon ang lubhang maraming tao upang makinig, at upang pagalingin sa kanilang mga sakit.

¹⁶ Datapuwa't siya'y lumigpit ^(EE)sa mga ilang, at nananalangin.

¹⁷ At nangyari nang isa sa mga araw na yaon, na siya'y nagtuturo; at may nangakaupo doong mga Fariseo at ^(EF)mga guro sa kautusan, na nagsipanggaling sa bawa't nayon ng Galilea at Judea at Jerusalem: at ang kapangyarihan ng Panginoon ay sumasa kaniya upang magpagaling.

¹⁸ At narito, ^(EG)dinala ng mga tao na nasa isang higaan ang isang lalaking lumpo: at pinagpipilitan niyang maipasok siya, at ilagay siya sa harap nila.

¹⁹ At sa hindi pagkasumpong ng mapagpapasukan, dahil sa karamihan, ay nagsiakyat sila ^(EH)sa bubungan ng bahay, at siya'y inihugos mula sa butas ng bubungan pati ng kaniyang higaan, sa gitna, sa harapan ni Jesus.

²⁰ At pagkakita sa kanilang pananampalataya, ay kaniyang sinabi, Lalake, ipinatatawad sa iyo ang iyong mga kasalanan.

²¹ At ang mga eskriba at mga Fariseo ay nangagpasimulang mangagkatuwiranan, na nangagsasabi, Sino ito na nagsasalita ng mga kapusungan? ^(EI)Sino ang makapagpapatawad ng mga kasalanan, kundi ang Dios lamang?

²² Datapuwa't si Jesus, na nakatatanto ng kanilang mga iniisip, ay sumagot at sinabi sa kanila, Bakit pinagbubulaybulay ninyo sa inyong mga puso?

²³ Alin baga ang lalong magaang sabihin, Ipinatatawad sa iyo ang iyong mga kasalanan; o sabihin, Magtindig ka at lumakad ka?

²⁴ Datapuwa't upang maalaman ninyo na ang Anak ng tao ay may kapamahalaan sa lupa na magpatawad ng mga kasalanan (sinabi niya sa lumpo), Sa iyo ko sinasabi, Magtindig ka, at buhatin mo ang iyong higaan, at umuwi ka sa bahay mo.

²⁵ At pagdaka'y nagtindig siya sa harap nila, at binuhat ^(EJ)ang kaniyang hinigan, at napasa kaniyang bahay, ^(EK)na niluluwalhati ang Dios.

²⁶ At nagsipanggilalas ang lahat at niluwalhati nila ang Dios; at ^(EL)nangapuspos sila ng takot, na nangagsasabi, Nakakita kami ngayon ng mga bagay na katakataka.

²⁷ At pagkatapos ng mga bagay na ito, ^(EM)siya'y umalis, at nakita ang isang maniningil ng buwis, na nagngangalang Levi, na nakaupo sa paningilan ng buwis, at sinabi sa kaniya, Sumunod ka sa akin.

²⁸ At iniwan niya ang lahat at nagtindig at sumunod sa kaniya.

²⁹ At siya'y ipinagpiging ng malaki ni Levi sa kaniyang bahay: at lubhang maraming ^(EN)maniningil ng buwis at mga iba pa na nangakasalo nila sa dulang.

³⁰ At nangagbulongbulungan ang mga Fariseo at ang kanilang mga eskriba laban sa kaniyang mga alagad, na nangagsasabi, Bakit kayo'y nagsisikain at nagsisiinom na kasalo ng mga maniningil ng buwis at ng mga makasalanan?

³¹ At pagsagot ni Jesus ay sinabi sa kanila, Ang mga walang sakit ay hindi nangangailangan ng manggagamot; kundi ang mga may sakit.

^32 (EO)Hindi ako pumarito upang tawagin ang mga matuwid, kundi ang mga makasalanan sa pagsisisi.

^33 (EP)At sinabi ^(EQ)nila sa kaniya, Ang mga alagad ni Juan ay nangagaayunong madalas, at ^(ER)nagsisigawa ng mga pagdaing; gayon din ang mga alagad ng mga Fariseo; datapuwa't ang mga iyo'y nagsisikain at nagsisiinom.

³⁴ At sinabi ni Jesus sa kanila, Mangyayari bagang papagayunuhin ninyo ang mga abay sa kasalan samantalang ang kasintahang lalake ay kasama nila?

^35 (ES)Datapuwa't darating ang mga araw; at pagka inalis sa kanila ang kasintahang lalake, kung magkagayo'y mangagaayuno sila sa mga araw na yaon.

³⁶ At sinalita rin naman niya sa kanila ang isang talinghaga: Walang taong pumilas sa bagong damit at itinagpi sa damit na luma; sa ibang paraa'y sisirain ang bago, at sa luma naman ay hindi bagay ang tagping mula sa bago.

³⁷ At walang taong nagsisilid ng alak na bago sa mga balat na luma; sa ibang paraa'y papuputukin ng alak na bago ang mga balat, at mabububo, masisira ang mga balat.

³⁸ Kundi dapat isilid ang alak na bago sa mga bagong balat.

³⁹ At walang taong nakainom ng alak na laon, ay iibig sa alak na bago; sapagka't sasabihin niya, Mabuti ang laon.

6 Nangyari nga ^(ET)nang dumaraan siya sa mga trigohan nang isang sabbath, ay kumitil ng mga uhay ang mga alagad niya, at kinakain pagkaligis sa kanilang mga kamay.

² Datapuwa't sinabi ng ilan sa mga Fariseo, ^(EU)Bakit ginagawa ninyo ang di matuwid gawin sa araw ng sabbath?

³ At pagsagot sa kanila ni Jesus ay sinabi, Hindi baga nabasa ninyo ang ginawa ni David, nang siya'y magutom, siya, at ang mga kasamahan niya;

⁴ Kung paanong siya'y pumasok sa bahay ng Dios, at kumain ng mga tinapay na handog, at binigyan pati ang kaniyang mga kasamahan; na hindi naaayon sa kautusan na kanin ninoman kundi ng mga saserdote lamang?

⁵ At sinabi niya sa kanila, Ang Anak ng tao ay panginoon ng sabbath.

⁶ At ^(EV)nangyari nang ibang sabbath, na siya'y pumasok sa sinagoga at nagturo: at doo'y may isang lalake, at ^(EW)tuyo ang kaniyang kanang kamay.

⁷ At ^(EX)inaabangan siya ng mga eskriba at ng mga Fariseo, kung siya'y magpapagaling sa sabbath; upang makasumpong sila ng paraan na siya'y maisakdal.

⁸ Datapuwa't ^(EY)nalalaman niya ang kanilang mga kaisipan; at sinabi niya sa lalake na tuyo ang kamay, Magtindig ka at tumayo ka sa gitna. At siya'y nagtindig at tumayo.

⁹ At sinabi sa kanila ni Jesus, Itinatanong ko sa inyo, Matuwid bagang gumawa ng magaling, o gumawa ng masama kung sabbath? magligtas ng isang buhay o pumuksa?

¹⁰ At ^(EZ)minamasdan niya silang lahat sa palibotlibot, at sinabi sa kaniya, Iunat mo ang iyong kamay. At ginawa niyang gayon; at gumaling ang kaniyang kamay.

¹¹ Datapuwa't sila'y nangapuno ng galit; at ^(FA)nangagsangusapan, kung ano ang kanilang magagawang laban kay Jesus.

¹² At nangyari nang mga araw na ito, ^(FB)na siya'y napasa bundok upang manalangin; at sa buong magdamag ay nanatili siya sa pananalangin sa Dios.

¹³ At nang araw na, ay ^(FC)tinawag niya ang kaniyang mga alagad; ^(FD)at siya'y humirang ng labingdalawa sa kanila, na tinawag naman niyang mga apostol:

¹⁴ Si Simon, na tinawag naman niyang Pedro, at si Andres na kaniyang kapatid, at si Santiago at si Juan, at si Felipe at si Bartolome.

¹⁵ At si Mateo at si Tomas, at si Santiago anak ni Alfeo, at si Simon, na tinatawag na ^(FE)Masikap,

¹⁶ At ^(FF)si Judas na anak ni Santiago, at si Judas Iscariote na naging lilo;

¹⁷ At bumaba siya na kasama nila, at tumigil ^(FG)sa isang patag na dako, at ang lubhang marami sa mga alagad niya, at ang ^(FH)lubhang malaking bilang ng mga tao mula sa buong Judea at sa Jerusalem, at sa pangpangin ng dagat ng ^(FI)Tiro at Sidon, na nangagsidalo upang magsipakinig sa kaniya, at upang pagalingin sa kanilang mga sakit;

¹⁸ Ang mga pinahihirapan ng mga espiritung karumaldumal ay pinagagaling.

¹⁹ At pinagpipilitan ng buong karamihan na siya'y mahipo; sapagka't ^(FJ)lumalabas sa kaniya ang makapangyarihang bisa, at nagpapagaling sa lahat.

²⁰ At itiningin niya ang kaniyang mga mata sa kaniyang mga alagad, at sinabi, ^(FK)Mapapalad kayong mga dukha: sapagka't inyo ang kaharian ng Dios.

²¹ Mapapalad kayong nangagugutom ngayon: sapagka't kayo'y bubusugin. Mapapalad kayong nagsisitangis ngayon: sapagka't kayo'y magsisitawa.

²² Mapapalad kayo kung kayo'y kapootan ng mga tao, at kung ^(FL)kayo'y ihiwalay nila, at kayo'y alimurahin, at itakuwil ang inyong pangalan na tila masasama, dahil sa Anak ng tao.

²³ Mangagalak kayo sa araw na yaon, at magsilukso kayo sa kagalakan; sapagka't narito, ang ganti sa inyo'y malaki sa langit; sapagka't sa gayon ding paraan ang ginawa ng kanilang mga magulang sa mga propeta.

²⁴ Datapuwa't sa aba ninyong ^(FM)mayayaman! sapagka't ^(FN)tinanggap na ninyo ang inyong kaaliwan.

²⁵ Sa aba ninyo ^(FO)mga busog ngayon! sapagka't kayo'y mangagugutom. Sa aba ninyong nagsisitawa ngayon! sapagka't kayo'y magsisitaghoy at magsisitangis.

²⁶ Sa aba ninyo, ^(FP)pagka ang lahat ng mga tao ay mangagsalita ng magaling tungkol sa inyo! sapagka't sa gayon ding paraan ang ginawa ng kanilang mga magulang sa mga bulaang propeta.

²⁷ Datapuwa't sinasabi ko sa inyong nangakikinig, ^(FQ)Ibigin ninyo ang inyong mga kaaway, gawan ninyo ng mabuti ang nangapopoot sa inyo,

²⁸ Pagpalain ninyo ang sa inyo'y sumusumpa at ipanalangin ninyo ang sa inyo'y lumalait.

^29 (FR)Sa sumampal sa iyo sa isang pisngi, iharap mo naman ang kabila; ^(FS)at ang sa iyo'y magalis ng iyong balabal, huwag mong itanggi pati ng iyong tunika.

³⁰ Bigyan mo ang bawa't sa iyo'y humihingi; at sa kumuha ng pagaari mo, ay huwag mong hinging muli.

³¹ At ^(FT)kung ano ang ibig ninyong sa inyo'y gawin ng mga tao, gayon din ang gawin ninyo sa kanila.

³² At kung kayo'y magsiibig sa mga nagsisiibig sa inyo, anong pasasalamat ang inyong kakamtin? sapagka't ang mga makasalanan man ^(FU)ay nagsisiibig sa nagsisiibig sa kanila.

³³ At kung magsigawa kayo ng mabuti sa nagsisigawa sa inyo ng mabuti, anong pasasalamat ang inyong kakamtin? sapagka't ganito rin ang ginagawa ng mga makasalanan.

³⁴ At kung kayo'y mangagpahiram ^(FV)doon sa mga inaasahan ninyong may tatanggapin, anong pasasalamat ang inyong kakamtin? ang mga makasalanan man ay nangagpapahiram sa mga makasalanan, upang muling magsitanggap ng gayon din.

³⁵ Datapuwa't ibigin ninyo ang inyong mga kaaway at gawan ninyo sila ng mabuti, at mangagpahiram kayo, na kailan man ay huwag mawawalan ng pagasa; at malaki ang sa inyo'y magiging ganti, at ^(FW)kayo'y magiging mga anak ng ^(FX)Kataastaasan: sapagka't siya'y magandang-loob sa mga walang turing at sa masasama.

³⁶ Magmaawain kayo, gaya naman ng inyong Ama na maawain.

³⁷ At huwag kayong mangagsihatol, ^(FY)at hindi kayo hahatulan: at huwag kayong mangagparusa, at hindi kayo parurusahan: mangagpalaya kayo, at kayo'y palalayain:

³⁸ Mangagbigay kayo, at kayo'y bibigyan; takal na mabuti, pikpik, liglig, at umaapaw, ay ibibigay nila sa inyong ^(FZ)kandungan. Sapagka't sa panukat na inyong isukat ay doon kayo muling susukatin.

³⁹ At sinabi naman niya sa kanila ang isang talinghaga: ^(GA)Mangyayari bagang umakay ang bulag sa bulag? di baga sila mangabubulid kapuwa sa hukay?

^40 (GB)Hindi higit ang alagad sa kaniyang guro: datapuwa't ang bawa't isa, pagka naging sakdal, ay nagiging katulad ng kaniyang guro.

⁴¹ At bakit mo tinitingnan ang puwing na nasa mata ng iyong kapatid, datapuwa't hindi mo pinupuna ang tahilan na nasa iyong sariling mata?

⁴² O paanong masasabi mo sa iyong kapatid, Kapatid, pabayaan mong alisin ko ang puwing na nasa iyong mata, kundi mo nakikita ang tahilan na nasa iyong sariling mata? Ikaw na mapagpaimbabaw, alisin mo muna ang tahilan na nasa iyong sariling mata, kung magkagayo'y makikita mong malinaw ang pagaalis ng puwing na nasa mata ng iyong kapatid.

⁴³ Sapagka't walang mabuting punong kahoy ^(GC)na nagbubunga ng masama; at wala rin naman masamang punong kahoy na nagbubunga ng mabuti.

⁴⁴ Sapagka't ^(GD)bawa't punong kahoy ay nakikilala sa kaniyang sariling bunga. Sapagka't ang mga tao ay di nangakapuputi ng mga igos sa mga dawag, at di nangakapuputi ng ubas sa mga tinikan.

⁴⁵ Ang mabuting tao ay kumukuha ng kagalingan ^(GE)sa mabubuting kayamanan ng kaniyang puso; at ang masamang tao'y kumukuha ng kasamaan sa masamang kayamanan: ^(GF)sapagka't sa kasaganaan ng puso ay nagsasalita ang kaniyang bibig.

⁴⁶ At bakit tinatawag ninyo ako, Panginoon, ^(GG)Panginoon, at di ninyo ginagawa ang mga bagay na aking sinasabi?

⁴⁷ Ang bawa't lumalapit sa akin, ^(GH)at pinakikinggan ang aking mga salita, at ginagawa, ituturo ko sa inyo kung sino ang katulad:

⁴⁸ Siya'y tulad sa isang taong nagtatayo ng bahay, na humukay at pinakalalim, at inilagay ang patibayan sa bato: at nang dumating ang isang baha, ay hinampas ng agos ang bahay na yaon, at hindi nakilos; sapagka't natitirik na mabuti.

⁴⁹ Datapuwa't ang dumirinig, at hindi ginagawa, ay tulad sa isang tao na nagtayo ng bahay sa lupa, ^(GI)na walang patibayan; laban sa yaon ay hinampas ng agos, at pagdaka'y nagiba; at malaki ang naging kasiraan ng bahay na yaon.

7 Nang matapos na niya ang lahat ng kaniyang mga pananalita sa mga pakinig ng bayan, ay ^(GJ)pumasok siya sa Capernaum.

² At ang alipin ng isang senturion, na minamahal nito, ay may sakit at malapit nang mamatay.

³ At nang marinig niya ang tungkol kay Jesus, ay pinaparoon niya sa kaniya ang matatanda sa mga Judio, na ipamanhik sa kaniya, na pumaroon at iligtas ang kaniyang alipin.

⁴ At nang magsidating sila kay Jesus, ay ipinamanhik nilang mapilit sa kaniya, na sinasabi, Karapatdapat siya na gawin mo sa kaniya ito;

⁵ Sapagka't iniibig niya ang ating bansa, at ipinagtayo niya tayo ng ating sinagoga.

⁶ At si Jesus ay sumama sa kanila. At nang siya'y di na lubhang malayo sa bahay, ay nagsugo sa kaniya ang senturion ng mga kaibigan, na nagsisipagsabi sa kaniya, Panginoon, huwag ka nang maligalig, sapagka't di ako karapatdapat na ikaw ay pumasok sa silong ng aking bubungan:

⁷ Dahil dito'y hindi ko inakalang ako'y karapatdapat man lamang pumariyan sa iyo: datapuwa't sabihin mo ang salita, at gagaling ang aking alipin.

⁸ Sapagka't ako rin naman ay taong nasa ilalim ng kapamahalaan, may nasasakupan akong mga kawal: at sinasabi ko rito, Yumaon ka, at siya'y yumayaon; at sa isa, Halika, at siya'y lumalapit; at sa aking alipin, Gawin mo ito, at kaniyang ginagawa.

⁹ At nang marinig ni Jesus ang mga bagay na ito, ay nagtaka siya sa kaniya, at lumingon at sinabi sa karamihang nagsisisunod sa kaniya, Sinasabi ko sa inyo, Hindi ako nakasumpong ng ^(GK)ganitong kalaking pananampalataya, hindi, kahit sa Israel man.

¹⁰ At pagbalik sa bahay ng mga sinugo, ay kanilang naratnang magaling na ang alipin.

¹¹ At nangyari pagkatapos ng kaunting panahon, na siya'y naparoon sa bayan na tinatawag na Nain; at kasama niya ang kaniyang mga alagad, at ang lubhang maraming tao.

¹² At nang siya nga'y malapit na sa pintuan ng bayan, narito, inilalabas ang isang patay, bugtong na anak na lalake ng kaniyang ina, at siya'y bao: at kasama niya ang maraming tao na taga bayan.

¹³ At pagkakita sa kaniya ng Panginoon, siya'y kinahabagan niya, at sinabi sa kaniya, Huwag kang tumangis.

¹⁴ At siya'y lumapit at hinipo ang kabaong: at ang nangagdadala ay tumigil. At sinabi niya, Binata, sinasabi ko sa iyo, ^(GL)Magbangon ka.

¹⁵ At naupo ang patay, at nagpasimulang magsalita. At siya'y ibinigay niya sa kaniyang ina.

¹⁶ At sinidlan ng ^(GM)takot ang lahat: at niluluwalhati nila ang Dios, na sinasabi, Lumitaw sa gitna natin ang isang dakilang ^(GN)propeta: at, dinalaw ^(GO)ng Dios ang kaniyang bayan.

¹⁷ At kumalat ang balitang ito tungkol sa kaniya sa buong Judea, at sa buong palibotlibot ng lupain.

¹⁸ At ^(GP)ibinalita kay Juan ng kaniyang mga alagad ang lahat ng mga bagay na ito.

¹⁹ At sa pagpapalapit ni Juan sa kaniya ng dalawa sa kaniyang mga alagad, ay sinugo sila sa Panginoon, na nagpapasabi, Ikaw baga yaong paririto, o hihintayin namin ang iba?

²⁰ At pagdating sa kaniya ng mga tao, ay kanilang sinabi, Pinaparito kami sa iyo ni Juan Bautista, na ipinasasabi, Ikaw baga yaong paririto, o hihintayin namin ang iba?

²¹ Nang oras na yaon ay nagpagaling siya ng maraming may sakit at mga pagkasalot at masasamang espiritu; at kaniyang pinagkaloobang mangakakita ang maraming bulag.

²² At sumagot siya at sa kanila'y sinabi, Magsiparoon kayo, at sabihin ninyo kay Juan ang mga bagay na inyong nangakita at nangarinig; ang mga bulag ay nangakakakita, ang mga pilay ay nagsisilakad, ang mga ketongin ay nangalilinis, at ang mga bingi ay nangakaririnig, ang mga patay ay ibinabangon, sa mga dukha ay ipinangangaral ang mabubuting balita.

²³ At mapalad ang sinomang hindi makasumpong ng anomang katitisuran sa akin.

²⁴ At nang mangakaalis na ang mga sugo ni Juan, ay nagpasimula siyang magsalita tungkol kay Juan sa mga karamihan, Ano ang linabas ninyo upang mamasdan sa ilang? isang tambong inuuga ng hangin?

²⁵ Datapuwa't ano ang linabas ninyo upang makita? isang taong nararamtan ng mga damit na maseselang? Narito, ang nagsisipanamit ng maririlag, at nangabubuhay sa pagmamaselang ay nasa mga palasio ng mga hari.

²⁶ Datapuwa't ano ang linabas ninyo upang makita? isa bagang propeta? Oo, sinasabi ko sa inyo, at higit pa sa isang propeta.

²⁷ Ito yaong tungkol sa kaniya'y nasusulat,

²⁸ Sinasabi ko sa inyo, Sa mga ipinanganak ng mga babae ay walang dakila kay sa kay Juan: gayon ma'y ang lalong maliit sa kaharian ng Dios ay lalong dakila kay sa kaniya.

²⁹ At pagkarinig ng buong bayan, at ng mga maniningil ng buwis ay ^(GR)pinatotohanan ang Dios, ^(GS)na nagsipagbautismo ng ^(GT)bautismo ni Juan.

³⁰ Datapuwa't pinawalang halaga ng mga Fariseo at ^(GU)ng mga tagapagtanggol ng kautusan sa kanilang sarili ^(GV)ang payo ng Dios, at hindi napabautismo sa kaniya.

³¹ Sa ano ko itutulad ang mga tao ng lahing ito, at ano ang kanilang katulad?

³² Tulad sila sa mga batang nangakaupo sa pamilihan, at nagsisigawan sa isa't isa; na sinasabi, Tinutugtugan namin kayo ng plauta, at hindi kayo nagsisayaw; nanambitan kami at hindi kayo nagsitangis.

³³ Sapagka't naparito si Juan Bautista na hindi kumakain ng tinapay at hindi umiinom ng alak at inyong sinasabi, Siya'y may isang demonio.

³⁴ Naparito ang Anak ng tao na kumakain at umiinom; at inyong sinasabi, Narito ang isang matakaw na tao, at isang magiinum ng alak, isang kaibigan ng mga maniningil ng buwis at ng mga makasalanan!

³⁵ At ang karunungan ay pinatotohanan ng lahat ng kaniyang mga anak.

³⁶ At ipinamanhik sa kaniya ^(GW)ng isa sa mga Fariseo na kumaing kasalo niya. At siya'y pumasok sa bahay ng Fariseo at naupo sa dulang.

³⁷ At narito, ang isang babaing makasalanan na nasa bayan; at nang maalaman niyang siya'y nasa dulang ng pagkain sa bahay ng Fariseo ay ^(GX)nagdala siya ng isang sisidlang alabastro na puno ng unguento,

³⁸ At nakatayo sa likuran sa kaniyang mga paanan na tumatangis, ay pinasimulan niyang dinilig ng mga luha ang kaniyang mga paa, at ang mga ito'y kinukuskos ng buhok ng kaniyang ulo, at hinahagkan ang kaniyang mga paa, at pinapahiran ng unguento.

³⁹ Nang makita nga ito ng Fariseo na sa kaniya'y naganyaya, ay nagsalita sa kaniyang sarili, na sinasabi, Ang taong ito, kung siya'y ^(GY)isang propeta ay nakikilala niya kung sino at kung ano ang babaing ito na sa kaniya'y humihipo, na siya'y makasalanan.

⁴⁰ At pagsagot ni Jesus ay sinabi sa kaniya, Simon, ako'y may isang bagay na sasabihin sa iyo. At sinabi niya, Guro, sabihin mo.

⁴¹ Isang may pautang ay may dalawang may utang sa kaniya: at ang isa'y may utang na limang daang ^(GZ)denario, at ang isa'y limangpu.

⁴² Nang sila'y walang maibayad, ay kapuwa pinatawad niya. Alin nga sa kanila ang lalong iibig sa kaniya?

⁴³ Sumagot si Simon at sinabi, Inaakala ko na yaong pinatawad niya ng lalong malaki. At sinabi niya sa kaniya, Matuwid ang pagkahatol mo.

⁴⁴ At paglingon sa babae, ay sinabi niya kay Simon, Nakikita mo baga ang babaing ito? Pumasok ako sa iyong bahay, ^(HA)hindi mo ako binigyan ng tubig na ukol sa aking mga paa: datapuwa't dinilig niya ang aking mga paa ng kaniyang mga luha, at kinuskos ng kaniyang buhok.

^45 (HB)Hindi mo ako binigyan ng halik: datapuwa't siya, buhat nang ako'y pumasok ay hindi humihinto ng paghalik sa aking mga paa.

^46 (HC)Hindi mo pinahiran ng langis ang aking ulo: datapuwa't pinahiran niya ng unguento ang aking mga paa.

⁴⁷ Kaya nga sinasabi ko sa inyo, Ipinatatawad ang kaniyang maraming kasalanan; sapagka't siya ay umibig ng malaki: datapuwa't sa pinatatawad ng kaunti, ay kakaunti ang pagibig.

⁴⁸ At sinabi niya sa babae, ^(HD)Ipinatatawad ang iyong mga kasalanan.

⁴⁹ At ang mga kasalo niyang nangakaupo sa dulang ng pagkain ay nagpasimulang nangagsabi sa kanilang sarili, Sino ito, na nagpapatawad ^(HE)pati ng mga kasalanan?

⁵⁰ At sinabi niya sa babae, Iniligtas ka ^(HF)ng iyong pananampalataya; ^(HG)yumaon kang payapa.

8 At nangyari pagkatapos ng kaunting panahon, na siya'y naglalakad sa mga bayan at mga nayon, na ipinangangaral at dinadala ang mabubuting balita ng kaharian ng Dios, at kasama niya ang labingdalawa,

² At ang ^(HH)ilang babae na pinagaling sa masasamang espiritu at sa mga sakit, si Maria, na tinatawag na Magdalena, na sa kaniya'y pitong demonio ang nagsilabas,

³ At ^(HI)si Juana na asawa ni Chuza, katiwala ni Herodes, at si Susana, at iba pang marami na ipinaglilingkod sa kanila ang kanilang tinatangkilik.

⁴ At ^(HJ)nang magkatipon ang malaking karamihang tao, at ang mga mula sa bawa't bayan na nagsadya sa kaniya, ay nagsalita siya sa pamamagitan ng isang talinghaga:

⁵ Ang manghahasik ay yumaon upang maghasik ng kaniyang binhi: at sa kaniyang paghahasik ang ilan ay nangahulog sa tabi ng daan; at napagyapakan, at ito'y kinain ng mga ibon sa langit.

⁶ At ang iba'y nahulog sa batuhan; at pagsibol, ay natuyo, sapagka't walang halumigmig.

⁷ At ang iba'y nahulog sa mga dawagan; at tumubong kasama ang mga dawag, at yao'y ininis.

⁸ At ang iba'y nahulog sa mabuting lupa, at tumubo at nagbunga ng tigiisang daan. Pagkasabi niya ng mga bagay na ito, siya ay sumigaw, Ang may mga pakinig na ipakikinig, ay makinig.

⁹ At tinanong siya ng kaniyang mga alagad, kung ano kaya ang talinghagang ito.

¹⁰ At sinabi niya, Sa inyo'y ipinagkaloob ang mangakaalam ng mga hiwaga ng kaharian ng Dios: datapuwa't sa mga iba'y sa mga talinghaga; ^(HK)upang kung magsitingin ay huwag silang mangakakita, at mangakarinig ay huwag silang mangakaunawa.

^11 (HL)Ito ang talinghaga: Ang binhi ay ang salita ng Dios.

¹² At ang mga sa tabi ng daan, ay ang nangakinig; kung magkagayo'y dumarating ang diablo, at inaalis ang salita sa kanilang puso, upang huwag silang magsisampalataya at mangaligtas.

¹³ At ang mga sa batuhan, ay yaong mga pagkarinig, ay tinatanggap na may galak ang salita; at ang mga ito'y walang ugat, na sila sa sangdaling panaho'y nagsisisampalataya, at sa panahon ng tukso ay nagsisihiwalay.

¹⁴ At ang nahulog sa dawagan, ay ito ang nangakinig, at samantalang sila'y nagsisiyaon sa kanilang lakad ay iniinis sila ng mga pagsusumakit at mga kayamanan at mga kalayawan sa buhay na ito, at hindi nangagbubunga ng kasakdalan.

¹⁵ At ang sa mabuting lupa ay ang mga pusong timtiman at mabuti, na iniingatan ang salita pagkarinig, at nangagbubungang ^(HM)may pagtitiis.

¹⁶ At walang taong ^(HN)pagkapaningas niya ng ilawan ay tinatakpan ng isang banga, o inilalagay kaya ito sa ilalim ng isang higaan; kundi inilalagay ito sa talagang lalagyan, upang makita ng nagsisipasok ang ilaw.

¹⁷ Sapagka't walang bagay na natatago, ^(HO)na di mahahayag; o walang lihim, na di makikilala at mapapasa liwanag.

¹⁸ Ingatan ninyo kung paano ang inyong pakikinig: ^(HP)sapagka't sino mang mayroon ay bibigyan; at ang sinomang wala, pati ng inaakala niyang nasa kaniya ay aalisin.

^19 (HQ)At nagsiparoon sa kaniya ang kaniyang ina at mga kapatid, at sila'y hindi mangakalapit sa kaniya dahil sa karamihan ng tao.

²⁰ At may nagsabi sa kaniya, Nangakatayo sa labas ang iyong ina at iyong mga kapatid, na ibig nilang makita ka.

²¹ Datapuwa't siya'y sumagot, at sinabi sa kanila, Ang aking ina at ang aking mga kapatid ay ^(HR)itong nangakikinig ng salita ng Dios, at ginagawa.

^22 (HS)Nangyari nga sa mga araw na yaon, na siya'y lumulan sa isang daong, siya at ang kaniyang mga alagad; at sinabi niya sa kanila, Magsitawid tayo sa kabilang ibayo ng ^(HT)dagatdagatan: at sila'y nagsitulak.

²³ Datapuwa't samantalang sila'y nangaglalayag, siya'y nakatulog: at bumugso ang isang unos ng hangin sa dagatdagatan; at sila'y nangatitigib ng tubig, at nangasa kapanganiban.

²⁴ At sila'y nangagsilapit sa kaniya at siya'y ginising, na nangagsasabi, Guro, guro, tayo'y mangamamatay. At siya'y gumising, at sinaway ang hangin at ang galit ng tubig: at nangagsitigil, at humusay ang panahon.

²⁵ At sinabi niya sa kanila, Saan naroon ang inyong pananampalataya? At palibhasa'y nangatakot sila'y nagsisipanggilalas, na sinasabi ng isa sa iba, Sino nga ito, na siya'y naguutos maging sa hangin at sa tubig, at siya'y tinatalima nila?

²⁶ At sila'y nagsidating ^(HU)sa lupain ng mga Gadareno, na nasa tapat ng Galilea.

²⁷ At pagkalunsad niya sa lupa, siya'y sinalubong ng ^(HV)isang lalaking galing sa bayan, na may mga demonio; at malaong panahon na hindi siya nagdaramit, at hindi tumatahan sa bahay, kundi sa mga libingan.

²⁸ At nang makita niya si Jesus, siya'y sumigaw, at nagpatirapa sa harap niya, at sinabi ng malakas na tinig, Ano ang pakialam ko sa iyo, Jesus, ikaw na Anak ng Dios na Kataastaasan? Ipinamamanhik ko sa iyo, na huwag mo akong pahirapan.

²⁹ Sapagka't ipinagutos niya sa karumaldumal na espiritu na lumabas sa tao. Sapagka't madalas siyang inaalihan: at siya'y binabantayan at gapos ng mga tanikala at mga damal; at pagka pinapatid ang gapos ay siya'y itinataboy ng demonio sa mga ilang.

³⁰ At tinanong siya ni Jesus, Ano ang pangalan mo? At sinabi niya, Pulutong; sapagka't maraming demonio ang nagsipasok sa kaniya.

³¹ At ipinamamanhik nila sa kaniya na huwag silang paparoonin sa ^(HW)kalalimlaliman.

³² Doon nga'y may isang kawan ng maraming baboy na nagsisipanginain sa bundok: at ipinamanhik nila sa kaniya na pabayaang sila'y magsipasok sa mga yaon. At sila'y pinahintulutan niya.

³³ At nagsilabas ang mga demonio sa tao, at nagsipasok sa mga baboy: at ang kawan ay napadaluhong sa bangin hanggang sa dagatdagatan, at nangalunod.

³⁴ At nang makita ng nagsisipagalaga ng mga yaon ang nangyari, ay nagsitakas, at isinaysay sa bayan at sa bukid.

³⁵ At sila'y nagsilabas upang makita ang nangyari; at nagsilapit sila kay Jesus, at kanilang naratnan ^(HX)sa paanan ni Jesus ang taong nilabasan ng mga demonio, na nakaupo, ^(HY)may pananamit, at matino ang kaniyang bait: at sila'y nangatakot.

³⁶ At sa kanila'y isinaysay ng nangakakita kung paanong pinagaling ang inaalihan ng mga demonio.

³⁷ At ipinamanhik sa kaniya ng lahat ng mga tao sa palibotlibot ng lupain ng mga Gadareno na siya'y umalis sa kanila, sapagka't sila'y napipigilan ng malaking takot: at siya'y lumulan sa daong, at nagbalik.

³⁸ Datapuwa't namanhik sa kaniya ^(HZ)ang taong nilabasan ng mga demonio, na siya'y ipagsama niya: datapuwa't siya'y pinaalis niya, na sinasabi,

³⁹ Umuwi ka sa iyong bahay, at ipahayag mo kung gaano kadakilang mga bagay ang ginawa ng Dios sa iyo. At siya'y yumaon ng kaniyang lakad, na ibinabalita sa buong bayan, kung gaanong kadakilang mga bagay ang sa kaniya'y ginawa ni Jesus.

⁴⁰ At sa ^(IA)pagbalik ni Jesus, ay sinalubong siyang may galak ng karamihan; sapagka't hinihintay siya nilang lahat.

⁴¹ At narito, lumapit ang isang lalaking ^(IB)nagngangalang Jairo, at siya'y isang pinuno sa sinagoga: at siya'y nagpatirapa sa paanan ni Jesus, at ipinamamanhik sa kaniya, na pumasok sa kaniyang bahay;

⁴² Sapagka't siya'y may ^(IC)isang bugtong na anak na babae, na may labingdalawang taong gulang, at siya'y naghihingalo. Datapuwa't samantalang siya'y lumalakad ay sinisiksik siya ng karamihan.

⁴³ At isang babae na may labingdalawang taon nang inaagasan, na ginugol sa mga manggagamot ang lahat niyang pagkabuhay, at sinoma'y walang makapagpagaling sa kaniya,

⁴⁴ Ay lumapit sa kaniyang likuran, at hinipo ang laylayan ng kaniyang damit at pagdaka'y naampat ang kaniyang agas.

⁴⁵ At sinabi ni Jesus, Sino ang humipo sa akin? At nang tumatanggi ang lahat, ay sinabi ni Pedro, at ng mga kasamahan niya, Guro, iniimpit ka at sinisiksik ka ng karamihan.

⁴⁶ Datapuwa't sinabi ni Jesus, May humipo sa akin, sapagka't naramdaman ko na may umalis na bisa sa akin.

⁴⁷ At nang makita ng babae na siya'y hindi nalingid, ay lumapit siya na nangangatal, at nagpatirapa sa harapan niya na isinasaysay sa harapan ng buong bayan ang dahil kung bakit siya'y hinipo niya, at kung paanong gumaling siya kapagdaka.

⁴⁸ At sinabi niya sa kaniya, Anak, pinagaling ^(ID)ka ng iyong pananampalataya; ^(IE)yumaon kang payapa.

⁴⁹ Samantalang nagsasalita pa siya ay dumating ang isa na mula sa bahay ng pinuno sa sinagoga, na nagsasabi, Patay na ang anak mong babae; huwag mong bagabagin ang Guro.

⁵⁰ Datapuwa't nang marinig ito ni Jesus ay sumagot sa kaniya, Huwag kang matakot: manampalataya ka lamang, at siya'y gagaling.

⁵¹ At nang dumating siya sa bahay, ay hindi niya ipinahintulot na pumasok na kasama niya ang sinomang tao, maliban na kay Pedro, at kay Juan, at kay Santiago, at ang ama ng dalaga at ang ina nito.

⁵² At tumatangis ang lahat, at pinananambitanan ang dalaga: datapuwa't sinabi niya, Huwag kayong magsitangis; sapagka't siya'y hindi patay, kundi natutulog.

⁵³ At tinawanan nila siya na nililibak, na napagaalamang siya'y patay na.

⁵⁴ Datapuwa't tinangnan niya sa kamay, at tinawag, na sinasabi, Dalaga, magbangon ka.

⁵⁵ At nagbalik ang kaniyang espiritu, at siya'y nagbangon pagdaka: at kaniyang ipinagutos na siya'y bigyan ng pagkain.

⁵⁶ At nangagtaka ang kaniyang mga magulang: datapuwa't ipinagbilin niya ^(IF)sa kanila na huwag sabihin kanino man ang kaniyang ginawa.

9 At ^(IG)tinipon niya ang labingdalawa, at binigyan sila ng kapangyarihan at kapamahalaan sa lahat ng mga demonio, at upang magpagaling ng mga sakit.

² At sila'y sinugo niya upang ipangaral ^(IH)ang kaharian ng Dios, at magpagaling ng mga may sakit.

³ At sinabi niya sa kanila, ^(II)Huwag kayong mangagdala ng anoman sa inyong paglalakad, kahit tungkod, kahit supot ng ulam, kahit tinapay, kahit salapi; at kahit magkaroon ng dalawang tunika.

⁴ At sa anomang bahay na inyong pasukin, doon kayo mangatira, at buhat doo'y magsialis kayo.

⁵ At ang lahat na di magsitanggap sa inyo sa bayang yaon, ay ipagpag ninyo ang alabok sa inyong mga paa, na pinaka patotoo laban sa kanila.

⁶ At sila'y nagsialis, at nagsiparoon sa lahat ng mga nayon, na ipinangangaral ang evangelio, at nagpapagaling saa't saan man.

⁷ Nabalitaan nga ni ^(IJ)Herodes na tetrarka ang ^(IK)lahat na ginawa; at siya'y totoong natitilihan, sapagka't sinasabi ng ilan, na si Juan ay muling ibinangon sa mga patay;

⁸ At ng ilan, na si Elias ay lumitaw; at ng mga iba, na isa sa mga datihang propeta ay muling ibinangon.

⁹ At sinabi ni Herodes, Pinugutan ko ng ulo si Juan: datapuwa't sino nga ito, na tungkol sa kaniya'y nababalitaan ko ang gayong bagay? At pinagsisikapan niyang siya'y makita.

^10 (IL)At nang magsibalik ang mga apostol, ay isinaysay nila sa kaniya kung anong mga bagay ang kanilang ginawa. ^(IM)At sila'y isinama niya, at lumigpit na bukod sa isang bayan na tinatawag na Betsaida.

¹¹ Datapuwa't nang maalaman ng mga karamihan ay nagsisunod sa kaniya: at sila'y tinanggap niyang may galak at sinasalita sa kanila ang tungkol sa kaharian ng Dios, at pinagagaling niya ang nangagkakailangang gamutin.

¹² At nagpasimulang kumiling ang araw; at nagsilapit ang labingdalawa, at nangagsabi sa kaniya, Paalisin mo ang karamihan, upang sila'y magsiparoon sa mga nayon at sa mga lupaing nasa palibotlibot, at mangakapanuluyan, at mangakakuha ng pagkain: sapagka't tayo'y nangarito sa isang ilang na dako.

¹³ Datapuwa't sinabi niya sa kanila, Bigyan ninyo sila ng makakain. At sinabi nila, Wala tayo kundi limang tinapay at dalawang isda; malibang kami'y magsiyaon at ibili ng pagkain ang lahat ng mga taong ito.

¹⁴ Sapagka't sila'y may limang libong lalake. At sinabi niya sa kaniyang mga alagad, Paupuin ninyo sila ng pulupulutong, na may tiglilimangpu bawa't isa.

¹⁵ At gayon ang ginawa nila, at pinaupo silang lahat.

¹⁶ At kinuha niya ang limang tinapay at ang dalawang isda, at pagtingala sa langit, ay kaniyang pinagpala, at pinagputolputol; at ibinigay sa mga alagad upang ihain sa harap ng karamihan.

¹⁷ At sila'y nagsikain, at nangabusog ang lahat: at ang lumabis sa kanila na mga pinagputolputol ay pinulot na labingdalawang bakol.

¹⁸ At nangyari, nang siya'y nananalangin ng bukod, na ang mga alagad ay kasama niya: at tinanong niya sila, na sinasabi, ^(IN)Ano ang sinasabi ng karamihan kung sino ako?

¹⁹ At pagsagot nila'y nangagsabi, Si Juan Bautista; datapuwa't sinasabi ng mga iba, Si Elias; at sinasabi ng mga iba na isa sa mga datihang propeta ay muling nagbangon.

²⁰ At sinabi niya sa kanila, Datapuwa't, ano ang sabi ninyo kung sino ako? At pagsagot ni Pedro, ay nagsabi, Ang Cristo ng Dios.

^21 (IO)Datapuwa't ipinagbilin niya, at ipinagutos sa kanila na huwag sabihin ito sa kanino mang tao;

^22 (IP)Na sinasabi, ^(IQ)Kinakailangang magbata ng maraming mga bagay ang Anak ng tao, at itakuwil ng matatanda at ng mga pangulong saserdote at ng mga eskriba, at patayin, at muling ibangon sa ikatlong araw.

²³ At sinabi niya sa lahat, ^(IR)Kung ang sinomang tao ay ibig sumunod sa akin, ay tumanggi sa kaniyang sarili, at pasanin ^(IS)sa araw-araw ang kaniyang krus, at sumunod sa akin.

²⁴ Sapagka't ang sinomang magibig iligtas ang kaniyang buhay, ay mawawalan nito; datapuwa't sinomang mawalan ng kaniyang buhay dahil sa akin, ay maililigtas nito yaon.

²⁵ Sapagka't ^(IT)ano ang pakikinabangin ng tao, kung makamtan niya ang buong sanglibutan, at mawawala o mapapahamak ang kaniyang sarili?

²⁶ Sapagka't ^(IU)ang sinomang magmakahiya sa akin at sa aking mga salita, ay ikahihiya siya ng Anak ng tao, pagparito niyang nasa kaniyang sariling kaluwalhatian, at sa kaluwalhatian ng Ama, at ng mga banal na anghel.

²⁷ Datapuwa't katotohanang sinasabi ko sa inyo, May ilan sa nangakatayo rito, na hindi matitikman sa anomang paraan ang kamatayan, hanggang sa mangakita nila ang kaharian ng Dios.

²⁸ At ^(IV)nangyari, nang makaraan ang may mga walong araw pagkatapos ng mga pananalitang ito, na isinama niya si Pedro at si Juan at si Santiago, at umahon sa bundok ^(IW)upang manalangin.

²⁹ At samantalang siya'y nananalangin, ay nagbago ang anyo ng kaniyang mukha, at ang kaniyang damit ay pumuti, at nakasisilaw.

³⁰ At narito, dalawang lalake ay nakikipagusap sa kaniya, na ang mga ito'y si Moises at si Elias;

³¹ Na napakitang may kaluwalhatian, at nangaguusapan ng tungkol sa kaniyang ^(IX)pagkamatay na malapit niyang ganapin sa Jerusalem.

³² Si Pedro nga at ang kaniyang mga kasamahan ay nangagaantok: datapuwa't nang sila'y mangagising na totoo ay nakita nila ang kaniyang kaluwalhatian, at ang dalawang lalaking nangakatayong kasama niya.

³³ At nangyari, samantalang sila'y nagsisihiwalay sa kaniya, ay sinabi ni Pedro kay Jesus, Guro, mabuti sa atin ang tayo'y dumito: at magsigawa tayo ng tatlong dampa; isa ang sa iyo, at isa ang kay Moises, at isa ang kay Elias: ^(IY)na hindi nalalaman ang kaniyang sinasabi.

³⁴ At samantalang sinasabi niya ang mga bagay na ito, ay dumating ang isang alapaap, at sila'y naliliman: at sila'y nangatakot nang sila'y mangapasok sa alapaap.

³⁵ At may tinig na nanggaling sa alapaap, na nagsasabi, Ito ang aking Anak, ang aking hirang: siya ang inyong pakinggan.

³⁶ At nang dumating ang tinig, si Jesus ay nasumpungang nagiisa. ^(IZ)At sila'y di nagsisiimik, at nang mga araw na yao'y hindi nila sinabi kanino mang tao ang alin man sa mga bagay na kanilang nakita.

³⁷ At nangyari nang kinabukasan, ^(JA)nang pagbaba nila mula sa ^(JB)bundok, ay sinalubong siya ng lubhang maraming tao.

³⁸ At narito, isang lalake sa karamihan, ay sumigaw na nagsasabi, Guro, ipinamamanhik ko sa iyo na iyong tingnan ang aking anak na lalake; sapagka't siya'y aking ^(JC)bugtong na anak;

³⁹ At narito, inaalihan siya ng isang espiritu, at siya'y biglang nagsisigaw; at siya'y ^(JD)nililiglig, na pinabubula ang bibig, at bahagya nang siya'y hiwalayan, na siya'y totoong pinasasakitan.

⁴⁰ At ipinamanhik ko sa iyong mga alagad na palabasin siya; at hindi nila magawa.

⁴¹ At sumagot si Jesus at nagsabi, Oh lahing walang pananampalataya at taksil, hanggang kailan makikisama ako sa inyo at magtitiis sa inyo? dalhin mo rito ang anak mo.

⁴² At samantalang siya'y lumalapit, ay ibinuwal siya ng demonio, at pinapangatal na mainam. Datapuwa't pinagwikaan ni Jesus ang karumaldumal na espiritu, at pinagaling ang bata, at isinauli siya sa kaniyang ama.

⁴³ At nangagtaka silang lahat sa karangalan ng Dios.

Datapuwa't samantalang ang lahat ay ^(JE)nagsisipanggilalas sa lahat ng mga bagay na kaniyang ginagawa, ay sinabi niya sa kaniyang mga alagad,

⁴⁴ Manuot sa inyong mga tainga ang mga salitang ito: sapagka't ang Anak ng tao ay ibibigay sa mga kamay ng mga tao.

^45 (JF)Datapuwa't hindi nila napaguunawa ang sabing ito, at sa kanila'y nalilingid, upang ito'y huwag mapagunawa; at nangatatakot silang magsipagtanong sa kaniya ng tungkol sa sabing ito.

⁴⁶ At ^(JG)nagkaroon ng isang pagmamatuwiran sa gitna nila kung sino kaya sa kanila ang pinakadakila.

⁴⁷ Datapuwa't pagkaunawa ni Jesus sa pangangatuwiran ng kanilang puso, ay kumuha siya ng isang maliit na bata, at inilagay sa kaniyang siping,

⁴⁸ At sinabi sa kanila, ^(JH)Ang sinomang tumanggap sa maliit na batang ito sa pangalan ko, ay ako ang tinatanggap: at ang sinomang tumanggap sa akin, ay tinatanggap ang nagsugo sa akin: ^(JI)sapagka't ang pinaka maliit sa inyong lahat, ay siyang dakila.

⁴⁹ At sumagot si Juan at ^(JJ)sinabi, Guro, may nakita kaming nagpapalayas ng mga demonio sa pangalan mo; at aming pinagbawalan siya, sapagka't siya'y hindi sumasama sa atin.

⁵⁰ Datapuwa't sinabi sa kanila ni Jesus, Huwag ninyong pagbawalan siya: sapagka't ang hindi laban sa inyo, ay sumasa inyo.

⁵¹ At nangyari, nang nalalapit na ang mga kaarawan ^(JK)na siya'y tatanggapin sa itaas, ay pinapanatili niyang harap ang kaniyang mukha upang pumaroon sa Jerusalem,

⁵² At nagsugo ng mga sugo sa unahan ng kaniyang mukha: at nagsiyaon sila, at ^(JL)nagsipasok sa isang nayon ng mga Samaritano upang siya'y ipaghanda.

⁵³ At ^(JM)hindi nila siya tinanggap, sapagka't ang mukha niya'y anyong patungo sa Jerusalem.

⁵⁴ At nang makita ito ng mga alagad niyang ^(JN)si Santiago at si Juan, ay nangagsabi, Panginoon, ibig mo bagang magpababa tayo ng apoy mula sa langit, at sila'y pugnawin?

⁵⁵ Datapuwa't, lumingon siya, at sila'y pinagwikaan.

⁵⁶ At sila'y nagsiparoon sa ibang nayon.

⁵⁷ At paglakad nila sa daan ay ^(JO)may nagsabi sa kaniya, Susunod ako sa iyo saan ka man pumaroon.

⁵⁸ At sinabi sa kaniya ni Jesus, May mga lungga ang mga sorra, at ang mga ibon sa langit ay may mga pugad; datapuwa't ang Anak ng tao ay walang kahiligan ang kaniyang ulo.

⁵⁹ At sinabi niya sa iba, Sumunod ka sa akin. Datapuwa't siya'y nagsabi, Panginoon, tulutan mo muna akong makauwi at mailibing ko ang aking ama.

⁶⁰ Datapuwa't sinabi niya sa kaniya, Pabayaan mong ilibing ng mga patay ang kanilang sariling mga patay; datapuwa't yumaon ka at ibalita mo ang kaharian ng Dios.

⁶¹ At ang iba nama'y nagsabi, Susunod ako ^(JP)sa iyo, Panginoon; datapuwa't pabayaan mo akong magpaalam muna sa mga kasangbahay ko.

⁶² Datapuwa't sinabi sa kaniya ni Jesus, Walang taong pagkahawak sa araro, at lumilingon sa likod, ay karapatdapat sa kaharian ng Dios.