The Daily Audio Bible

Ang mana ng mga anak ni Simeon.

19 At ang ikalawang kapalaran ay napasa Simeon, sa lipi ng mga anak ng Simeon ayon sa kanilang mga angkan: ^(A)at ang kanilang mana ay nasa gitna ng mana ng mga anak ni Juda.

² At kanilang ^(B)tinamo na pinakamana ang ^(C)Beer-seba, o Seba, at Molada;

³ At Hasar-sual, at Bala, at Esem;

⁴ At Heltolad, at Betul, at Horma;

⁵ At Siclag, at Beth-marchaboth, at Hasar-susa,

⁶ At Beth-lebaoth, at Saruhen: labing tatlong bayan pati ng mga nayon niyaon

⁷ Ain, Rimmon, at Eter, at Asan, apat na bayan pati ng mga nayon niyaon:

⁸ At ang lahat ng mga nayon na nasa palibot ng mga bayang ito hanggang sa Baalath-beer, Ramat ng Timugan. Ito ang mana ng lipi ng mga anak ni Simeon ayon sa kanilang mga angkan.

⁹ Mula sa bahagi ng mga anak ni Juda ang mana ng mga anak ni Simeon: sapagka't ang bahagi ng mga anak ni Juda ay totoong marami sa ganang kanila; kaya't ang mga anak ni Simeon ay nagkaroon ng mana sa gitna ng kanilang mana.

Ang mana ng mga anak ni Zabulon.

¹⁰ At ang ikatlong kapalaran ay napasa mga anak ni Zabulon ayon sa kanilang mga angkan. At ang hangganan ng kanilang mana ay hanggang sa Sarid:

^11 (D)At ang kanilang hangganan ay pasampa sa dakong kalunuran sa Merala, at abot sa Dabbeseth at mula roo'y abot sa batis na nasa harap ng Jocneam,

¹² At paliko mula sa Sarid sa dakong silanganan na dakong sinisikatan ng araw hanggang sa hangganan ng Chisiloth-tabor, at palabas sa Dabrath, at pasampa sa Japhia;

¹³ At mula roon ay patuloy sa dakong silanganan sa Gith-hepher, sa Ittakazin; at palabas sa Rimmon na luwal hanggang sa Nea:

¹⁴ At ang hangganan ay paliko sa hilagaan na patungo sa Hanaton: at ang labasan niyaon ay sa libis ng Iphta-el;

¹⁵ At sa Catah, at sa Naalal, at sa Simron, at sa Ideala, at sa Beth-lehem: labing dalawang bayan pati ng mga nayon ng mga yaon.

¹⁶ Ito ang mana ng mga anak ni Zabulon ayon sa kanilang mga angkan, ang mga bayang ito pati ng mga nayon ng mga ito.

Ang mana ng mga anak ni Issachar.

¹⁷ Ang ikaapat na kapalaran ay napasa Issachar, sa mga anak ni Issachar ayon sa kanilang mga angkan.

¹⁸ At ang kanilang hangganan ay hanggang sa Izreel, at Chesulloth, at Sunem,

¹⁹ At Hapharaim, at Sion, at Anaarath,

²⁰ At Rabbit, at Chision, at Ebes,

²¹ At Rameth, at En-gannim, at Enhadda, at Beth-passes,

²² At ang hangganan ay abot sa Tabor, at Sahasim, at sa Beth-semes; at ang mga labasan ng hangganan ng mga yaon ay sa Jordan: labing anim na bayan pati ng mga nayon ng mga yaon.

²³ Ito ang mana ng lipi ng mga anak ni Issachar ayon sa kanilang mga angkan, ang mga bayan pati ng mga nayon ng mga yaon.

Ang mana ng mga anak ni Aser.

²⁴ At ang ikalimang kapalaran ay napasa lipi ng mga anak ni Aser ayon sa kanilang mga angkan.

²⁵ At ang kanilang hangganan ay Helchat, at Hali, at Beten, at Axaph,

²⁶ At Alammelec, at Amead, at Miseal; at abot sa Carmel na dakong kalunuran at sa Sihorlibnath;

²⁷ At paliko sa dakong sinisikatan ng araw sa Beth-dagon, at abot sa Zabulon, at sa libis ng Iphta-el na dakong hilagaan sa Beth-emec at Nehiel; at palabas sa Cabul sa kaliwa.

²⁸ At Hebron, at Rehob, at Hammon, at Cana, ^(E)hanggang sa malaking Sidon,

²⁹ At ang hangganan ay paliko sa Rama, at sa bayang nakukutaan ng Tiro; at ang hangganan ay paliko sa Hosa, at ang mga labasan niyaon ay sa dagat mula sa lupain ni Achzib;

³⁰ Gayon din ang Umma, at Aphek, at Rehob: dalawang pu't dalawang bayan pati ng mga nayon ng mga yaon.

³¹ Ito ang mana ng lipi ng mga anak ni Aser ayon sa kanilang mga angkan, ang mga bayang ito pati ng mga nayon ng mga ito.

Ang mana ng mga anak ni Nephtali.

³² Ang ikaanim na kapalaran ay napasa mga anak ni Nephtali, sa mga anak ni Nephtali ayon sa kanilang mga angkan.

³³ At ang kanilang hangganan ay mula sa Heleph, mula sa encina sa Saananim, at sa Adamineceb, at sa Jabneel, hanggang sa Lacum; at ang mga labasan niyaon ay sa Jordan;

³⁴ At ang hangganan ay paliko sa dakong kalunuran sa Aznot-tabor, at palabas sa Hucuca mula roon; at abot sa Zabulon sa timugan, at abot sa Aser sa kalunuran, at sa Juda sa Jordan na dakong sinisikatan ng araw.

³⁵ At ang mga bayang nakukutaan ay Siddim, Ser, at Hamath, Raccath, at Cinneret,

³⁶ At Adama, at Rama, at Asor,

³⁷ At Cedes, at Edrei, at Enhasor,

³⁸ At Iron, at Migdalel, Horem, at Beth-anath, at Beth-semes: labing siyam na bayan pati ng mga nayon ng mga yaon.

³⁹ Ito ang mana ng lipi, ng mga anak ni Nephtali ayon sa kanilang mga angkan, ang mga bayan pati ng mga nayon ng mga yaon.

Ang mana ng mga anak ni Dan.

⁴⁰ Ang ikapitong kapalaran ay napasa lipi ng mga anak ni Dan ayon sa kanilang mga angkan.

⁴¹ At ang hangganan ng kanilang mana ay Sora, at Estaol, at Ir-semes,

⁴² At Saalabin, at ^(F)Ailon, at Jeth-la,

⁴³ At Elon, at Timnath, at Ecron,

⁴⁴ At Elteche, at Gibbethon, at Baalat,

⁴⁵ At Jehul, at Bene-berac, at Gatrimmon,

⁴⁶ At Me-jarcon, at Raccon pati ng hangganan sa tapat ng Joppa.

⁴⁷ At ang hangganan ng mga anak ni Dan ay palabas sa dako roon ng mga yaon; sapagka't ang mga anak ni Dan ay sumampa at bumaka laban sa Lesem, at sinakop at sinugatan ng talim ng tabak, at inari at tumahan doon, at tinawag ang Lesem, na Dan, ayon sa pangalan ni Dan, na kanilang ama.

⁴⁸ Ito ang mana ng lipi ng mga anak ni Dan ayon sa kanilang mga angkan, ang mga bayang ito pati ng mga nayon ng mga yaon.

Ang mana ng mga anak ni Josue ay ang Timnath-sera.

⁴⁹ Gayon kanilang tinapos ang pagbabahagi ng lupain na pinakamana ayon sa mga hangganan niyaon; at binigyan ng mga anak ni Israel ng mana si Josue na anak ni Nun sa gitna nila:

⁵⁰ Ayon sa utos ng Panginoon ay kanilang ibinigay sa kaniya ang bayang kaniyang hiningi, ang ^(G)Timnath-sera sa lupaing maburol ng Ephraim: at kaniyang itinayo ang bayan at tumahan doon.

^51 (H)Ito ang mga mana na binahagi ni Eleazar na saserdote at ni Josue na anak ni Nun, at ng mga pangulo ng mga sangbahayan ng mga magulang ng mga lipi ng mga anak ni Israel na pinakamana, sa pamamagitan ng pagsasapalaran sa ^(I)Silo sa harap ng Panginoon sa pintuan ng tabernakulo ng kapisanan. Gayon nila niwakasan ang pagbabahagi ng lupain.

Ang bayang ampunan.

20 At ang Panginoon ay nagsalita kay Josue, na sinasabi,

² Magsalita ka sa mga anak ni Israel, na sabihin mo, ^(J)Italaga ninyo sa inyo ang mga bayang ampunan, na aking sinalita sa inyo sa pamamagitan ni Moises:

³ Upang matakasan ng nakamatay, na nakapatay sa sinoman na hindi sinasadya at hindi kusa: at magiging ampunan ninyo laban sa manghihiganti sa dugo.

⁴ At siya'y tatakas sa isa sa mga bayang yaon, at tatayo sa pasukan ng ^(K)pintuan ng bayan, at magsasaysay sa mga pakinig ng mga matanda sa bayang yaon; at kanilang kukunin siya sa bayan na ipagsasama nila, at bibigyan nila siya ng isang dako, upang siya'y tumahan sa gitna nila.

⁵ At kung siya'y habulin ng manghihiganti sa dugo, hindi nga nila ibibigay ang nakamatay sa kaniyang kamay; sapagka't kaniyang napatay ang kaniyang kapuwa na hindi sinasadya, at hindi niya kinapootan nang una.

⁶ At siya'y tatahan sa bayang yaon, ^(L)hanggang sa siya'y tumayo sa harap ng kapisanan upang hatulan, ^(M)hanggang sa pagkamatay ng pangulong saserdote, na nalalagay sa mga araw na yaon: kung magkagayo'y uuwi ang nakamatay, at paroroon sa kaniyang sariling bayan, at sa kaniyang sariling bahay, hanggang sa pinagmulan niyang bayan na tinakasan.

⁷ At kanilang ibinukod ang ^(N)Cedes sa Galilea sa lupaing maburol ng Nepthali, at ang ^(O)Sichem sa ^(P)lupaing maburol ng Ephraim, at ang ^(Q)Chiriath-arba (na siyang Hebron) sa lupaing maburol ng Juda.

⁸ At sa dako roon ng Jordan sa Jerico na dakong silanganan, ay kaniyang itinalaga ang ^(R)Beser sa ilang sa kapatagan, mula sa lipi ni Ruben, at ang ^(S)Ramoth sa Galaad na mula sa lipi ni Gad, at ang ^(T)Gaulon sa Basan na mula sa lipi ni Manases.

^9 (U)Ito ang mga itinalagang bayan sa lahat ng mga anak ni Israel, at sa taga ibang lupa na tumatahan sa gitna nila, na sinomang makamatay ng sinomang tao, na hindi sinasadya, ay makatakas doon, at huwag mapatay ng kamay ng manghihiganti sa dugo, hanggang hindi nahaharap sa kapisanan.

²⁸ At nang masabi niyang gayon, ^(A)ay nagpatuloy siya sa unahan, na umahon sa Jerusalem.

²⁹ At nangyari, ^(B)na nang siya'y malapit na sa Betfage at Betania, sa bundok na tinatawag na Olivo, ay sinugo niya ang dalawa sa kaniyang mga alagad,

³⁰ Na sinasabi, Magsiyaon kayo sa inyong lakad sa katapat na nayon; sa pagpasok ninyo roon, ay masusumpungan ninyo ang isang nakatali na batang asno, na hindi pa nasasakyan ng sinomang tao: kalagin ninyo siya, at dalhin ninyo siya rito.

³¹ At kung may sinomang tumanong sa inyo, Bakit ninyo kinakalag iyan? ganito ang inyong sasabihin, Kinakailangan siya ng Panginoon.

³² At nagsiparoon ang mga sugo at nasumpungan ng ayon sa sinabi niya sa kanila.

³³ At nang kinakalag nila ang batang asno, ay sinabi sa kanila ng mga may-ari niyaon, Bakit kinakalag ninyo ang batang asno?

³⁴ At sinabi nila, Kinakailangan siya ng Panginoon.

³⁵ At dinala nila siya kay Jesus: ^(C)at inilagay nila ang kanilang mga damit sa ibabaw ng batang asno, at isinakay nila si Jesus sa ibabaw noon.

³⁶ At samantalang siya'y lumalakad, ay inilalatag nila ang kanilang mga damit sa daan.

³⁷ At nang nalalapit siya sa libis ng bundok ng mga Olivo, ang buong karamihan ng mga alagad ay nangagpasimulang mangagkatuwa at mangagpuri sa Dios ng malakas na tinig dahil sa lahat ng mga gawang makapangyarihan na kanilang mangakita.

³⁸ Na sinasabi, Mapalad ang Hari na pumaparito sa pangalan ng Panginoon: kapayapaan sa langit, ^(D)at kaluwalhatian sa kataastaasan.

^39 (E)At ilan sa mga Fariseo na mula sa karamihan ay nangagsabi sa kaniya, Guro, sawayin mo ang iyong mga alagad.

⁴⁰ At sumagot siya at nagsabi, Sinasabi ko sa inyo na kung hindi mangagsiimik ang mga ito, ang mga bato'y sisigaw.

⁴¹ At nang malapit na siya, nakita niya ang bayan, at ito'y kaniyang tinangisan,

⁴² Na sinasabi, Kung sa araw na ito ay nakilala mo sana, sa iyong sarili, ang mga bagay na nauukol sa iyong kapayapaan! datapuwa't ngayo'y pawang nangatatago sa iyong mga mata.

⁴³ Sapagka't darating sa iyo ang mga araw, na babakuran ^(F)ka ng kuta ng mga kaaway mo, at kukubkubin ka, at gigipitin ka sa magkabikabila,

⁴⁴ At ilulugso ka sa lupa, at ang mga anak mo na nasa loob mo; ^(G)at sa iyo'y hindi sila magiiwan ng bato sa ibabaw ng kapuwa bato; sapagka't hindi mo nakilala ang panahon ng sa iyo'y ^(H)pagdalaw.

⁴⁵ At ^(I)pumasok siya sa templo, at pinasimulang itaboy sa labas ang mga nangagbibili,

⁴⁶ Na sinasabi sa kanila, Nasusulat nga, ^(J)At ang aking bahay ay magiging bahay-panalanginan: datapuwa't ^(K)ginawa ninyong yungib ng mga tulisan.

⁴⁷ At nagtuturo siya araw-araw sa templo. Datapuwa't ang mga pangulong saserdote, at ang mga eskriba, at ang mga taong pangunahin sa bayan ay nangagsisikap na siya'y patayin:

⁴⁸ At di nila masumpungan kung ano ang kanilang magagawa; sapagka't natitigilan ang buong bayan sa pakikinig sa kaniya.

Awit, Salmo ng mga anak ni Core; sa Pangulong Manunugtog; itinugma sa Mahalath Leannoth. Masquil ni ^(A)Heman na ^(B)Ezrahita.