The Daily Audio Bible

Ang pangitain ng mga karo at mga kabayo.

6 At itinanaw ko uli ang aking mga mata, at aking nakita at, narito, lumabas ang apat na karo mula sa pagitan ng dalawang bundok; at ang mga bundok ay mga bundok na tanso.

² Sa unang karo ay may mga ^(A)kabayong mapula; at sa ikalawang karo ay mga kabayong maitim;

³ At sa ikatlong karo ay may mga kabayong maputi; at sa ikapat na karo ay mga kabayong kulay abo.

⁴ Nang magkagayo'y ako'y sumagot at sinabi ko sa anghel na nakikipagusap sa akin, Ano ang mga ito, panginoon ko?

⁵ At ang anghel ay sumagot at nagsabi sa akin, ^(B)Ito ang apat na hangin sa himpapawid, na lumalabas na pinakasugo mula sa harapan ng Panginoon ng buong lupa.

⁶ Ang karo na kinasisingkawan ng mga kabayong maitim ay lumalabas sa dakong lupaing ^(C)hilagaan; at ang sa mga maputi ay lumabas na kasunod ng mga yaon; at ang mga kulay abo ay nagsilabas sa dakong lupaing timugan.

⁷ At ang mga malakas ay nagsilabas, at nangagpumilit na ^(D)yumaon upang malibot ang lupa: at kaniyang sinabi, Kayo'y magsiyaon at magparoo't parito sa buong lupa. Sa gayo'y sila'y nangagparoo't parito sa buong lupa.

⁸ Nang magkagayo'y hiniyawan niya ako, at nagsalita sa akin, na nagsasabi, Narito, silang nagsiparito sa dakong lupaing hilagaan ay nagpatahimik sa aking ^(E)diwa sa lupaing hilagaan.

Si Josue ay kumakatawan sa saserdote na hari.

⁹ At ang salita ng Panginoon ay dumating sa akin, na nagsasabi,

¹⁰ Kumuha ka sa nangabihag, kay Heldai, kay Tobias, at kay Jedaia; at yumaon ka sa araw ding yaon, at pumasok ka sa bahay ni Josias na anak ni Sefanias, na nagsibalik mula sa Babilonia;

¹¹ Oo, kumuha ka sa kanila ng pilak at ginto, at gawin mong mga ^(F)putong, at mga iputong mo sa ulo ni ^(G)Josue na anak ni Josadac, na pangulong saserdote.

¹² At salitain mo sa kaniya, na sabihin, Ganito ang salita ng Panginoon ng mga hukbo, na nagsasabi, Narito, ang lalake na ang pangala'y ^(H)Sanga: at siya'y sisibol ^(I)sa kaniyang dako; at itatayo niya ang templo ng Panginoon;

¹³ Sa makatuwid baga'y ^(J)kaniyang itatayo ang templo ng Panginoon; at siya'y ^(K)magtataglay ng kaluwalhatian, at mauupo at magpupuno sa kaniyang luklukan; at siya'y ^(L)magiging saserdote sa kaniyang luklukan: at ang payo ng kapayapaan ay mapapasa pagitan nila kapuwa.

¹⁴ At ang mga putong ay magiging pinakaalaala sa templo ng Panginoon kay Helem, at kay Tobias, at kay Jedaia, at kay Hen na anak ni Sefanias.

¹⁵ At ^(M)silang nangasa malayo ay ^(N)magsisiparito at mangagtatayo sa loob ng templo ng Panginoon, at inyong malalaman na ang Panginoon ng mga hukbo ay siyang nagsugo sa akin sa inyo. At ito'y mangyayari kung inyong tatalimahing masikap ang tinig ng Panginoon ninyong Dios.

Ang di pagsunod ang dahilan ng pagkabihag.

7 At nangyari, ^(O)nang ikaapat na taon ng haring si Dario, na ang salita ng Panginoon ay dumating kay Zacarias nang ikaapat na araw ng ikasiyam na buwan, sa makatuwid baga'y sa ^(P)Chislev.

² Sinugo nga ng mga taga Beth-el si Sareser at si Regem-melech, at ang kanilang mga lalake, upang hilingin ang lingap ng Panginoon,

³ At upang magsalita sa ^(Q)mga saserdote ng bahay ng Panginoon ng mga hukbo, at sa ^(R)mga propeta, na sabihin, Iiyak baga ako ^(S)sa ikalimang buwan, na ako'y hihiwalay, gaya ng aking ginawa nitong maraming taon?

⁴ Nang magkagayo'y dumating ang salita ng Panginoon ng mga hukbo sa akin, na nagsasabi,

⁵ Salitain mo sa lahat ng tao ng lupain at sa mga saserdote, na iyong sabihin, Nang kayo'y magayuno, ^(T)at tumangis ng ikalima at ^(U)ikapitong buwan, ^(V)nito ngang pitong pung taon, kayo baga'y nagayunong lubos sa akin, para sa akin?

⁶ At pagka kayo'y nagsisikain, at pagka kayo'y nagsisiinom, di baga kayo'y nagsisikain sa ganang inyong sarili at nagsisiinom, sa ganang inyong sarili?

⁷ Di baga ninyo dapat dinggin ang mga salita na isinigaw ng Panginoon sa pamamagitan ng mga unang propeta, nang ang Jerusalem ay tinatahanan at nasa kaginhawahan, at ang mga bayan niyaon na nangasa palibot niya, at ^(W)ang Timugan, at ang mababang lupain ay tinatahanan?

⁸ At ang salita ng Panginoon ay dumating kay Zacarias na nagsasabi,

⁹ Ganito ang sinalita ng Panginoon ng mga hukbo, na nagsasabi, ^(X)Mangaglapat kayo ng tunay na kahatulan, at magpakita ng kaawaan at ng kahabagan ang bawa't isa sa kaniyang kapatid,

¹⁰ At huwag ninyong pighatiin ang babaing bao, ^(Y)ni ang ulila man, ang taga ibang lupa, ni ang dukha man; at sinoman sa inyo ay huwag magisip ng kasamaan sa inyong puso laban sa kaniyang kapatid.

¹¹ Nguni't kanilang tinanggihang dinggin, at kanilang iniurong ang balikat, at ^(Z)nagtakip ng pakinig, upang huwag nilang marinig.

¹² Oo, kanilang ginawa na parang batong diamante ang kanilang puso upang huwag magsidinig ng kautusan, at ng mga salita na ipinasugo ng Panginoon ng mga hukbo sa pamamagitan ng kaniyang Espiritu, ng mga unang propeta: kaya't dumating ang malaking poot na mula sa Panginoon ng mga hukbo.

¹³ At nangyari, na kung paanong siya'y sumigaw, at hindi nila dininig, ay gayon sila sisigaw, at hindi ko didinggin, sabi ng Panginoon ng mga hukbo;

¹⁴ Kundi aking pangangalatin sila sa pamamagitan ng ipoipo sa gitna ng lahat na bansa na hindi nila nakilala. Ganito nasira ang lupain pagkatapos nila, na anopa't ^(AA)walang tao na nagdadaan o nagbabalik: sapagka't kanilang inihandusay na sira ang kaayaayang lupain.

15 At ^(A)nakita ko ang ibang tanda sa langit, dakila at kagilagilalas. ^(B)Pitong anghel na may pitong salot, na siyang mga panghuli, ^(C)sapagka't sa mga yao'y magaganap ang kagalitan ng Dios.

² At nakita ko ang gaya ng ^(D)isang dagat na bubog na may halong apoy, at yaong nangagtagumpay sa hayop, ^(E)at sa kaniyang larawan, at sa ^(F)bilang ng kaniyang pangalan, ay nangakatayo sa tabi ng dagat na bubog, ^(G)na may mga alpa ng Dios.

³ At inaawit nila ^(H)ang awit ni Moises na alipin ng Dios, at ^(I)ang awit ng Cordero, na sinasabi,

⁵ At pagkatapos ng mga bagay na ito ay tumingin ako, at ^(N)ang santuario ng ^(O)tabernakulo ng patotoo ^(P)sa langit ay nabuksan.

⁶ At sa santuario ay nagsilabas ang ^(Q)pitong anghel na may pitong salot, na ^(R)nararamtan ng mahalagang bato, tunay at makintab, at nangabibigkisan ng gintong pamigkis ang kanilang mga dibdib.

⁷ At isa sa apat na ^(S)nilalang na buhay ay nagbigay sa pitong anghel ng pitong ^(T)mangkok na ginto na puno ng kagalitan ng Dios, na siyang nabubuhay magpakailan kailan man.

⁸ At ^(U)napuno ng usok ang santuario ^(V)mula sa kaluwalhatian ng Dios, at sa kaniyang kapangyarihan; ^(W)at sinoman ay hindi nakapasok sa santuario, hanggang sa matapos ang pitong salot ng pitong anghel.

Panalangin upang iligtas at akayin. Awit ni David.