Bible in 90 Days

¹² “एफ्रैमको दोष एउटा बिटोमा बाँधिएकोछ,
    उसको पाप अभिलेखमा राखिएको छ।
    ऊ दण्डित हुनेछ।
¹³ उसलाई प्रसव वेदना हुनेछ।
    ऊ एउटा अज्ञानी शिशु जस्तै हो
चुनौती सामना गर्ने ठीक समयमा ऊ आउँदैन।

“हाम्रा सबै पापहरू टाढा गरेर,
    जे कुरा राम्रो छ त्यसलाई ग्रहण गर,
जुन हामीले भनिरहेकाछौ।
    हामी हाम्रो मुखले तपाईंको स्तुति गाउँछौं।
³ अश्शूरले हामीलाई बँचाउन सक्तैंन।
    हामी घोडहरूमाथि सवार हुनेछैनौ।
न त हामी आफ्नो हातले बनाएको कुरालाई
    ‘हाम्रो परमेश्वर’ भन्नेछौं।
किनकि बिना आमा बाबुका सन्तानहरूप्रति दया गर्ने,
    केवल तपाईं मात्र हुनुहुन्छ।”

⁴ परमप्रभु भन्नुहुन्छ,
“उनीहरूले मलाई त्यागे।
    म उनीहरूलाई यसको निम्ति क्षमा दिन्छु।
म उनीहरूलाई मुक्त भावले प्रेम गर्नेछु।
    म अब उनीहरू प्रति क्रोधित हुनेछैन।
⁵ म इस्राएलको निम्ति शीत झैं बन्नेछु।
    इस्राएल लिली फूल झैं फुल्नेछ।
    लबानोन झैं त्यसको जरा फैलनेछ।
⁶ त्यसका हाँगाहरू भद्राक्षको रूख झैं हुनेछन्।
    त्यो सुन्दर हुनेछ।
त्यो त्यस सुगन्ध झैं हुनेछ
    जुन लबानोनको रूखको जराबाट आउँछ।
⁷ इस्राएलका मानिसहरू फेरि मेरो संरक्षणमा हुनेछन्।
    तिनीहरू अन्न झैं बढ्नेछन्।
तिनीहरू अङ्गुरका लहरा झैं फल्ने र फूल्ने छन।
    अनि तिनीहरूको सुगन्ध लबानोनको दाखरस जस्तै हुनेछ।

⁸ “हे एप्रैम मैले मूर्तिहरूसित गर्नुपर्ने बढी केही छैन।
    म नै एकजना हुँ जसले तिम्रो प्रार्थनाहरूको उत्तर दिन्छु।
म नै एकजना हुँ जसले माथिबाट तिम्रो रक्षा गर्छु।
    म सधैँ हरियो रहने सल्लाको रूख जस्तै हुँ।
    त्यसको फल मबाट नै आउँछ।”

⁹ यी कुराहरू ज्ञानी मानिसले बुझ्नु पर्छ।
    यो कुराहरू कुनै बुद्धिमान मानिसले जान्नु पर्छ।
परमप्रभुको बाटो ठीक छ।
    असल मानिसहरू तिनीहरूद्वारा बाँच्छन्।
    पापीहरू तिनीहरूद्वारा मर्छन्।

² हे अगुवाहरू हो, यो वचन सुन!
    हे यो देशका सबै बासिन्दाहरू हो!
तिमीहरू मेरो कुरामा ध्यानदेऊ।
    के तिमीहरूको जीवनकालमा पहिला कहिल्यै,
यस्तो भएको थियो? अँहँ थिएन!
    के तिमिहरूका पिता-पुर्खाहरूको समयमा कहिल्यै,
    यस्तो घटना घटेको थियो? अँहँ थिएन!
³ तिमीहरूका छोरा-छोरीहरूलाईयो कुरा बताऊ,
    अनी तिम्रो छोरा-छोरीहरूले उनीहरूका छोरा-छोरीहरूलाई बताउँने छन्।
    तिमीहरूको नाति-नातीनाले आफ्ना आउने पुस्तालाई बताउने छन्।
⁴ जे कुरो काट्ने सलहहरूले छोडेका थिए,
    सबै बगाले सलहहरूले खाए।
अनि जेकुरा बगाले सलहहरूले छोडेका थिए,
    ती सबै उफ्रने सलहहरूले खाए।
जे उफ्रने सलहहरूले छोडेका थिए,
    ती सबै विनासकारी झुसुले सलहहरूले खाए।

⁵ हे मतवालाहरू! जाग अनि रोऊ!
    तिमीहरू सबै दाखरस पिउनेहरू हो!
जोडसित रोऊ किनभने तिमीहरूको मिठो दाखरस अब छैन।
    अब तिमीहरूले मिठो नयाँ दाखरस पाउने छैनौ।
⁶ एउटा ठूलो अनी शक्तीशाली जातिले
    मेरो देशलाई आक्रमण गरेका छन्।^[a]
तिनीहरूका दाँतहरू सिंहका जस्तै छन्।
    तिनहरूका दाह्राहरू सिंहीनीका जस्तै छन्।

⁸ कन्ये केटी झैं विलाप गर जसको विवाह हुनलागेको छ।
    जसले लोग्नेको निम्ति भाङ्‌ग्रा लगाएकीछे,
    जसको हुनलागेको लोग्ने विवाह हुनुभन्दा पहिला नै मरिएको छ।
⁹ पूजाहारीहरू परमप्रभुका सेवकहरू रोऊ।
    किनभने अब अन्नबली, र अर्घबली परमप्रभुलाई चढाईनेछ।
¹⁰ खेत उजाड पारीएकोछ।
    यहाँ सम्म कि खेत पनि रुँदैछ।
    किनभने अन्नहरू सबै नष्ट भयो
नयाँ दाखरस सुख्खा भयो
    अनि भद्राक्षेको तेल पनि समाप्त भयो।
¹¹ हे किसानहरू! निरास हौ।
    हे दाखवरीका किसानहरू अच्काली विलाप गर!
गहुँ र जौंको निम्ति विलाप गर
    किनकि खेतको फसलहरू नष्ट भएकोछ।
¹² दाखको बोट सुकाइयो
    अनि नेभाराको बोट ओइलाएकोछ।
अनार, खजुर अनि स्याउका बोटहरू सुकाइयो।
    बारिका सबै रुखहरू सुकेका छन्।
    मानिसको बिचमा भएको आनन्द अन्त भएकोछ।
¹³ हे पूजाहरीहरू! भाङ्ग्रा लगाऊ अनि साह्रै विलाप गर।
    हे वेदीका सेवकहरू हो! विलाप गर।
हे मेरा परमेशवरका सेवकहरू! तिमीहरू भाङ्ग्रा लाएर सुत।
    किनकि अन्नबलि र अर्घबली तिम्रा परमेश्वरको मन्दिरमा हुने छैन।

2 सियोनमा तुरही फुक,
    मेरो पवित्र पर्वतमा चेतावनीतको ध्वनि बजाऊ।
ती सबै मानिसहरूलाई जो यो देशमा बस्छन्,
डरले थरथर कामुन्?
    किनकी परमप्रभुको विषेश दिन आउँदैछ।
    परमप्रभुको विशेष दिन नजिकै छ।
² त्यो दिन अन्धकार उदासी दिन हुनेछ।
    त्योदिन धेरै अँध्यारो र बादलले ढाकेको हुनेछ।
तिमीहरू विशाल र शक्तिशाली मानिसहरू,
पर्वतमा अन्धकार झैं फैलिंदै गरेको देख्ने छौ।
    तिनीहरू जस्ता धेरै संख्यामा मानिसहरू
पहिले त्यहाँ कहिल्यै पनि आएका थिएनन्
    अनि न त भबिष्यमा यस्तो हुनेछ।
³ तिनीहरूकोअघाडी आगोले भष्म पार्छ।
तिनीहरूको पछाडी आगोको ज्वाला दन्कन्छ।
    भूमी मानिसको सामुने अदनको बगैंचा झैं हुनेछ
अनि मनिसको पछि उजाड मरुभूमि जस्तै हुनेछ।
    त्यहाँ केही पनि रहने छैन।
⁴ सलहहरू घोडा जस्तै देखिन्छन्
    अनि तिनीहरू युद्धको घोडा जस्तै दौडन्छन्।
⁵ तिनीहरूलाई सुन!
तिनीहरूको ध्वनि युद्घको समयमा
    रथ पहाडमा चढ्दा भएको खैला-बैला जस्तै हुन्छ।
त्यो आवज भुस जलेर निस्केको
    आगोको ज्वाला जस्तै छ।
एक हुल शक्तिशाली मानिसहरू
    युद्घका निम्ति तत्पर हुँदाको जस्तै हुनेछ।
⁶ मानिसहरू तिनीहरूको अघि डरले थर-थर काम्छन्।
    तिनीहरू को अनुहार डरले पहेंलो हुन्छ।^[b]

¹² परमप्रभु भन्नु हुन्छ:
    “अहिले पनि तिमीहरू सम्पूर्ण हृदयले
उपवास बसेर रूँदै र शोक गर्दै मतिर फर्क।
¹³ लुगा होइन, तिमीहरू को हृदय फटएर रोऊ।”^[d]
    परमप्रभु तिमीहरूका परमेश्वरकहाँ फर्केर आऊ।
उहाँ दयालु अनि करूणामय हुनुहुन्छ।
    उहाँ चाँडै रिसाउनु हुन्न।
उहाँ को प्रेम महान छ,
    दण्ड दिने बिषयमा उहाँले
जो निर्णय लिनु भएको छ
    त्यो उहाँले परिवर्तन गर्न सक्नु हुछ।
¹⁴ कसले जान्दछ, हुनसक्छ परमप्रभुले आफ्नो मन बद्लीन सक्नु हुन्छ।
    यो पनि हुनसक्छ उहाँले तिमीहरूलाई आशिष दिनुहुन्छ।
अनि फेरि तिमीहरूले परमप्रभु तिमीहरूका परमेशवरलाई
    अन्नबलि र अर्घबलि चढाउन योग्यका हुने छौ।

¹⁵ सियोनमा तुरहि फुक,
    महा-पबित्र सभा बोलाऊ।
    उपवासको विशेष समयलाई बोलाऊ।
¹⁶ मानिसलाई भेला गर।
    त्यो विशेष सभाकोलागि उनीहरूलाई बोलाऊ।
तिमीले बूढा-प्रधानहरू अनि नानीहरूलाई भेला गर।
    त्यो दुधे-बालकलाई पनि लिएर आऊ,
नयाँ दुलहा-दुलहीलाई
    सिधै तिनीहरूको कोठाबाट बोलाऊ।
¹⁷ पूजाहारीहरू, परमप्रभुका सेवकहरू
    मन्दिरको दलान वेदीको बिचमा रहुन्।
तिनीहरूले भनुन्, “हे परमप्रभु तपाईका मानिहरूलाई दया देखाउनुहोस्।
    तपाईंका मानिसलाई लज्जित हुन नदिनु होस्।
    तिनीहरूलाई राष्ट्रहरूको बिचमा हाँसोको पात्र नबनाउनु होस्।
तपाँईंले अन्य देशहरूलाई हाँस्दै भन्ने अवसर नदिनुहोस्,
    ‘तिनीहरूका परमेश्वर कहाँ हुनुहुन्छ?’”

¹⁸ तब परमप्रभु आफ्नो भूमिको निम्ति अत्यन्तै जोशिलो हुनुभयो।
    उहाँ आफ्ना मानिसहरूमाथि करूणामय हुनुभयो।
¹⁹ परमप्रभुले आफ्ना मानिसहरूलाई उत्तर दिनु भयो।
    उहाँले भन्नुभयो, “म तिनीहरूका निम्ति अन्नहरू,
नयाँ दाखरस र तेल पठाउनेछु।
    जो तिमिहरूका निन्ति प्रशस्त हुनेछ।
    म तिमीहरूलाई अन्य जातिहरूको बिचमा हाँसोको पात्र बनिन दिने छैन।
²⁰ त्यहाँ आएका उत्तरवासीहरूलाई^[e] तिमीहरूको देशबाट हटाइदिनेछु।
    उनिहरूलाई बाँझो र उजाड देशमा पठाइदिनेछु,
त्यसमध्ये आधिलाई पूर्वको समुद्रपट्टि पठाई दिनेछु,
    अनि फेरि आधिलाई पश्चिमको समुद्रतर्फ पठाईदिनेछु।
उनीहरूले यस्तो घृणित कर्म गरेका छन्,
    उनीहरूसडेको दुर्गन्धमाथि उठ्नेछन्। तिनीहरूको नराम्रो गन्ध उँभो जानेछ।
तिनीहरूले धेरै घिनलाग्दा कामहरू गरेका छन्।”

²¹ हे देश नडरा!
    तँ खुशि भएर रमाइलो गर,
    किनकि परमप्रभुले ठूला-ठूला काम गर्नु हुनेछ।
²² हे जङ्गलका पशुहरू! नडराऊ,
    बनको उजाड खर्कमा हरियाली आउनेछ।
रूखहरूले फलदिन थाल्नेछन्।
    नेभाराको बोटहरू र दाखको बोटहरूले प्रशस्त फल दिनेछ।

²⁸ “त्यसपछि, म तिमीहरू सबै माथि मेरो आत्मा खन्याउँनेछु।
    तिमीहरूका छोरा-छोरीहरूले अगमवाणी गर्नेछन्।
तिमीहरूका बूढा मानिसहरू सपना-दर्शी हुनेछन्।
    तिनीहरूका जवानले दर्शन देख्नेछन्।^[f]
29 त्यस समय म आफ्ना आत्मा मेरा दास
    र दासीहरूमाथि खन्याउनेछु।
³⁰ पृथ्वी अनि आकाशमा म अद्भूत चिन्ह देखाउनेछु।
    त्यहाँ रगत, आगो र धुवाँको खम्बाहरू हुनेछन्।
³¹ सूर्य अँध्यारोमा बद्लनेछ।
    चन्द्रमाको रंग रगतमा बद्लनेछ।
    अनि परमप्रभुको महान् र डरलाग्दो दिन आउनेछ।
³² अनि हरेक मानिस जसले परमप्रभुको नाउँ पुकर्छ उसलाई बचाइनेछ।
    किनकि परमप्रभुले भन्नु भए अनुसार त्यहाँ बाँचेकाहरू सियोन डाँडा र यरूशलेममा हुनेछन्।
    यो ठिक परमप्रभुले भन्नु भए जस्तै हुनेछ।
बाँचेहरूको बिचमा तिनीहरू हुनेछन्
    जसलाई परमेश्वरले बोलाउनु हुनेछ।

⁹ जाति-जातिहरूलाई यो बताई देऊ,
    युद्धकोलागि तयारिबस!
सुरबिरहरूलाई बोलाऊ,
    सम्पूर्ण योद्धाहरूलाई भेलागर।
    उनीहरूलाई जगाऊ!
¹⁰ तिनीहरूको हलोको फालीहरू पिटेर तलबार बनाऊ।
    हँसियाहरूबाट तिमीहरूका भाला बनाऊ।
अनि कमजोर मानिसले भनुन्,
    “म एउटा योद्धा हुँ!”
¹¹ हे सबै देशका जातिहरू!
    छिटो गर! त्यहाँ भेला होऊ।
    हे परमप्रभु तपाईं पनि आफ्नो शक्तिशाली बीरहरू लिएर आउनु होस्।
¹² हे देशबासीहरू, उठ!
    यहोशापातको बेंसीमा आऊ!
म त्यहीं बसेर सबै जातिहरूको न्याय गर्नेछु।
¹³ तिमी हँसिया लिएर आऊ!
    किनकि फसल काट्ने समय भईसकेको छ।
आऊ! दाखहरू कुल्च,
    किनकि दाखको घडा भरिसकेको छ।
घडा भरिन्छ अनि उब्रेर बाहिर आउँछ।
    किनकि उनीहरूले ज्यादै दुष्टता देखाएकाछन्।

¹⁸ “त्यसदिन मिठो दाखरस पहाडहरूमा चुहिनेछ।
    डाँडाहरूबाट दुधको नदी बग्नेछ।
    यहूदाका सबै खोल्साहरूमा पानी बग्न थाल्नेछ।
परमप्रभुको मन्दिरबाट एउटा मुलफुटेर
    सित्तिमको बेंसीलाई भिजाउँने छ।
¹⁹ मिश्रदेश मरुभूमिझैं हुनेछ अनि एदोम पनि उजाड भूमि हुनेछ।
    किनकि तिनीहरू यहूदाका मनिसहरू प्रति निष्ठुर थिए।
तिनीहरूले तिनीहरूकै देशको
    निर्दोष मानिसको हत्या गरेका छन्।
²⁰ यहूदाका मानिसहरू सदा-सर्वदा रहनेछन्,
    अनि यरूशलेम पुस्तौं-पुस्ता सम्म मानिसको बासस्थन हुनेछ।
²¹ तिनीहरूले मेरो मानिसहरूको हत्या गरे।
    यसकारण म उनीहरूलाई सजाय दिनेछु।”

² आमोसले भने,
“परमप्रभु सियोनमा सिंह जस्तै गर्जनु हुनेछ।
    परमप्रभुको ठुलो गर्जन यरूशलेमबाट हुनेछ।
यस समयमा गोठालाहरूको हरियो मैदान सुक्नेछ।
    यहाँ सम्म की कर्मेलको टाकुरा समेत ओइलिनेछ।”

³ दुइ जनाको आपसमा सहमत् नभए सम्म
    सँग-सँगै हिँड्न सक्तैनन्।
⁴ के बुढो सिंह जङ्गलमा
    आफ्नो शिकार पाउनअघि गर्जन्छ?
के जवान सिंह शिकार नसमातिकन
    गुफा भित्र गर्जन्छ?
⁵ जबसम्म तिमीले जालमा चारो हाल्दैनौ
    चरा पक्रनु सक्दैनौ।
अनि जब जाल माथिउठ्छ
    यसले चराहरू पक्रनेछ।
⁶ के युद्धको तुरहीको ध्वनी सुनेर
    मानिसहरू डराउँदैनन्?
अनि यदि शहरमा कष्टहरू आउँछ भने
    त्यो परमप्रभुद्वारा पठाइएको हो।

“जसरी गोठालोले सिंहको मुखबाटथुमा बचाउँदा,
    उसको दुइ खुट्टा र एउटा कान मात्र बचाउन सक्ला,
त्यसरी नै विलासीपूर्ण सोफामा
    र रेशमी ओछ्यानहरूमा सुत्ने
सामरियामा बस्ने इस्राएली मानिसहरू मध्ये
    कोहि मात्र सुरक्षित रहने छन्।”

¹³ परमेश्वर नै एकजना हुनुहुन्छ
    जसले पहाड र बतास सृजना गर्नहुन्छ।
    उहाँले मानिसहरूलाई आफ्नो बिचार भन्नुहुन्छ।
बिहानलाई अँध्यारोमा परिवर्तन गर्नुहुने उहाँनै हुनुहुन्छ।
    अनि पृथ्वीका पहाडहरूमाथि चढ्नु हुन्छ।
    उहाँको नाउँ यहोवा हो, सर्वशक्तिमान परमप्रभु परमेश्वर।

² इस्राएलकी कन्या सामरिया,
    फेरिकहिल्यै नउठ्ने गरि लडेकीछिन्।
उनी आफ्नो भूमिमा
    कसैले नउठाउनेगरी परित्यक्त छिन्।

“शहरबाट एक हज्जार मानिसहरू गए
    र एक सयमात्र फर्केर आए।
शहरबाट एक सय मानिसहरू गए
    र केवल दशजना मात्र इस्राएल राष्ट्रमा फिर्ता आए।”

⁴ परमप्रभु इस्राएलका मानिससित यसो भन्नुहुन्छ:
“मेरो खोजि गर्दै आऊ अनि बाँच्नेछौ
⁵     तर बेतेललाई नखोज,
गिलगाल मा नजाऊ,
    सिमानापार नगर अनि बेर्शेबामा नजाऊ।
गिलगालका मानिसहरूलाई कैदमा लगिनेछ।
    अनि बेतेललाई नष्ट पारिदिनेछ।
⁶ परमप्रभुकहाँ आऊ र तिमीहरू बाँच्नेछौ।
    यदी तिमीहरू परमप्रभुकहाँ गएनौ भने,
उहाँले इस्राएल राष्ट्र माथि आगोले झैं झम्टनु हुनेछ।
    इस्राएल राष्ट्र आगोले ध्वस्त पारिनेछ,
    र परमेश्वरको घर समेत कोही सुरक्षित हुनेछैन।
^7-9 हे मानिस हो! तिमीहरू किन न्यायलाई तिक्तातामा
    र धर्मलाई घृणासरह व्यवहार गर्छौ?
उहाँ जसले कृतिका र मृगशिरा बनाउनु भयो,
    उहाँनै हुनुहुन्छ जसले बिहान लाई गहिरो अन्धकारमा
र दिनलाई रातमा परिवर्तन गर्नु हुन्छ।
    उहाँले समुद्रको पानीलई बोलाउनु हुन्छ र पृथ्वीमा खन्याउनु हुन्छ।
उहाँको नाउँ यहोवा हो।
    उहाँले बलिया सेनाहरू र किल्लाहरूलाई ध्वंश पार्नुहुन्छ।”

तिमीहरू न्यायलाई बिषमा,
    र धार्मिकतालाई घृणामा बद्ली दिन्छौ।
¹⁰ तिमी मानिसहरू, अगमवक्तालाई घृणागर्छौ,
    जो तिमीहरूका अन्यायलाई लल्कार्छ र मानिसहरूसित सत्य बोल्छ।
¹¹ अत्यचार र लुटद्वारा तिमाहरूले गरीवहरूलाई कुल्चेकाछौ।
    तिमीहरूले तिनिहरूको खाना लुटेकाछौ।
कुँदिएका ढुङ्गाका घरहरू बनाउन त्यो बेचेकाछौ।
    तर तिमीहरू यी राम्रा घरहरूमा बस्नेछौनौ,
तिमीले राम्रा-राम्रा दाखका बोटहरू लगाएकाछौ
    तर तिमीले त्यसबाट बनेको दाखरस पिउन पाउने छैनौ।
¹² मलाई थाहाछ तिमीहरूका धेरै डरलाग्दा पापहरू
    र ठूलो अपराध बिषयमा मलाई थाहा छ।
तिमीहरूले धर्मीहरूको बिरोध (खेदो) गर्यौ
    र गरीबहरूलाई अत्यचार गर्न घुस लियौ।
¹³ त्यस समयमा बुद्धिमानहरू चुप लाग्ने छन्।
    किनभने यो समय खराब छ।
¹⁴ नराम्रो होइन राम्रो गर्ने लक्ष बनाऊ,
    ताकि तिमीहरू बाँच्नेछौ।
तब परमप्रभु परमेश्वर सर्वशक्तिमान तिमीहरूसँग हुनुहुनेछ।
    जसरी तिमीहरूले “मीहरूसित उहाँ हुनुहुन्छ” भनेका छौ।
¹⁵ खराबीलाई घृणागर अनि भलाईलाई प्रेम गर।
    अदालतमा न्यायमा फर्कार्इ ल्याऊ,
तब सम्भव छ कि सर्वशक्तिमान परमप्रभु परमेश्वरले,
    यूसुफको कुलमा बाँचेका मानिसहरूलाई राम्रो गर्नुहुनेछ।

¹⁶ त्यसकारण परमप्रभु परमेश्वर सर्व-शक्तिमान परमेशवर भन्नुहुन्छ,
“सबै सार्वजनिक स्थानमा रोईरहेका छन्,
    र सबै गल्लीहरूमा मानिसहरूले परमेशवरलाई पुकारिरहेका हुनेछन्।
तिनीहरूले किसानहरूलाई रूनु र विलाप गर्नु बोलाउनेछन्।
    तिनीहरूले शोकगर्नेहरूलाई ज्यालामा ल्याउँनेछन्।
¹⁷ मानिसहरू दाखका सबै खेतहरूमा रूनेछन्।
    किनकि तिमीहरूको धार्मिक मण्डलीबाट जानेछु,
र तिमीहरूलाई दण्ड दिनेछु”
    परमप्रभु यसो भन्नु हुनछ।
¹⁸ आहा, परमप्रभुको बिशेष दिनलाई
    पर्खिरहेका तिमीहरू आफैंलाई हेर।
तिमीहरू किन परमप्रभुको न्यायको दिन चाहन्छौ?
    यो एउटा गहिरो दिन हुनेवाला छ, उज्यालो होइन।
¹⁹ तिमीहरू भालुको सन्मुख नहुनलाई भाग्दा
    कुनै सिंहको अघि पुगेको मानिसजस्तो हुनेछौ,
अथवा तिमीहरू एकजना मानिस जान्छ
    र आराम गर्नु भित्तामा अडेसलागेको बेला
    सर्पले डसेको मानिसझैं हुनेछौ।
²⁰ यसकारण परमप्रभुको बिशेष दिन,
अँध्यारो हुनेछ उज्यालो हैन,
    यो सोकको समयमा हर्ष र उल्लास हुनेछैन।

²¹ “म तिमीहरूको दिनलाई घृणागर्छु।
    म त्यो स्वीकार गर्दिनँ।
    म तिमीहरूको धार्मिक सभाको आनन्द लिनेछैन।
²² तिमीहरूसे होमबली र अन्नबली चढाएता पनि
    म स्वीकार्ने छैन।
तिमीहरूले अन्न खुवाएर बलियो पारेको जनावरको शान्तिबलि पनि
    म स्वीकार गर्नेछैन।
²³ तिमीहरूका हल्लै-हल्लाको गीतहरू मबाट टाढैराख,
    म तिमीहरूको वीणाबाट आएको धुन सुन्ने छैन।
²⁴ तर पानी सरह न्याय बगोस्,
    र धर्म कहिले पनि शेष नहुने खोला झैं बगोस्।
²⁵ हे इस्राएल! के तिमीहरूले जब तिमीहरू
    चालिस बर्ष सम्म मरुभुमिमा थियौ मलाई भेटी चढायौ?
²⁶ तिमीहरूले मुर्तिहरूका राजा सिककुतलाई तिमीहरूका राजा,
    अनि तारा देवता कीयूनलाई देवता झैं मानेका छौ,
    जो तिमीहरूले आफ्नै निम्ति बनायौ।
²⁷ यसकारण म तिमीहरूलाई दमीशकस भन्दा पर निर्वासित पार्नेछु।”
    परमप्रभुले यो भन्नु भयो।
    उहाँको नाउँ सर्वशक्तिमान परमेश्वर हो।

6 हाय! तिमीहरू आफैंलाई हेर, जो सियोनमा आरामको जीवन मनाईरहेकाहरू,
    अनि सामरिया पर्वत माथि बचाउको अनुभव गरिरहेकाहरू।
तिमी “महत्वपूर्ण मानिस” जसकहाँ “इस्रएलका राजपरिवार”
    सल्लाहको लागि जान्छन्, तिमीहरूका निम्ति अनिष्ठ हुनेछ।
² कल्नेह, हमात अनि पलिश्ती शहर र गात शहर हेर,
    के इस्राएल यी शहरहरू भन्दा राम्रोछ? अँहँ, छैन।
के यी शहरहरूका सिमाना,
    इस्राएलका सिमाना भन्दा ठूलाछन्? अँहँ, छैन।
³ हाय! तिमीहरू आफैंलाई हेर, तिमीहरू जसले खराब दिन जम्मा गर्छौ
    अनि हिंसाको दिन नजिक ल्याउँछन्।
⁴ हाय! हेर तिमीहरू आफैंलाई हेर, जो आरामदाई पलङ्गमा सुत्छौ
    अनि सोफामा आफैं तन्कन्छौ।
यिनीहरू नै हुन् जो बथानवाट थुमाहरू खान्छन्
    र गाईको बथानबाट बाछो खान्छन्।
⁵ तिमीहरू गरीबका दयनीय अवस्थाको वास्ता गर्दैनौ।
    तिमीहरू अल्छिगरि वीणा बजाउँछौ,
तिमीहरू दाऊद जस्तै आफ्नै निम्ति वाद्यहरूको आकार बनाउँछौ^[h]
    जसमा आफ्ना गीतहरू बजाउँछौ।
⁶ तिमीहरू सुन्दर-सुन्दर कचौरामा दाखरस पिउँछौ।
    तिमीहरू उच्चस्तरीय तेलले आफू मालिस गर्छौ।
अनि तिमीलाई यसको निम्ति चिन्ता छैन कि
    यूसुफ को परिवार नष्ट गरिंदैछ भन्ने।

“म यो कुरालाई घृणा गर्छु, जसमा याकूबले घमण्ड गर्छ।
    म उसको अट्टालिकाहरूलाई घृणा गर्छु।
यसकारण शत्रुलाई शहर र यसमा भएको,
    प्रत्तेक कुरा लिन दिनेछु।”

¹¹ हेर, परमप्रभु परमेश्वरले आज्ञा दिनुहुन्छ कि
    बिशाल महल टुक्रा-टुक्रा पारिनुपर्छ।
    र सानो घरहरू अझ सानो-सानो टुक्रा पारेर भत्काउनु पर्छ।
¹² के घोडाहरू चट्टानमाथि दर्गुछ? अँहँ, छैन।
    के कुनै मानिसले समुद्रमाथि गोरू जोत्छ? अँहँ छैन।
तर पनि तिमीहरूले प्रत्येक चिज उल्टा पुल्टा गरिदिन्छौ।
    तिमीले त राम्रो अनि न्यायलाई विषमा परिणत गरिदिन्छौ,
    र धर्मलाई तितेपाती जस्तै तितो बनाई दिन्छौ।
¹³ तिमीहरू लो-देबारको पराजयमा खुशी हुन्छौ।
    तिमी भन्छौ, “हामीले कर्मेललाई आफ्नो शक्तिले जितेका हौं।”

⁴ सुन! मानिसले असहाय मानिसलाई थिचोमिचो गर्छन्।
    तिमीहरूले यस देशको गरीबहरू नष्ट पार्न चाहन्छौ।
⁵ हे व्यापारिहरू हो! तिमीहरू भन्दछौ,
    “औंसी कहिले बित्छ,
ता कि हामी गहुँ बेच्न सक्छौं।
    कहिले शाबाथ बित्ला र हामीले बेच्न शुरु गर्ने?
तब हामीले खोटो तराजु प्रयोग गरेर ठग्न सक्छौं,
    र हाम्रा ग्राहकहरूलाई धोका दिन सक्छौ।
⁶ तिमीले आफैंलाई भन्छौ,
    ‘हामीले गरीबलाई चाँदीले किन्छौं
अनि दरिद्रलाई एक जोडी जुत्ताले किन्छौं।
    हामी सडेको गहुँ पनि बेच्छौं।’”

“म उसको कर्म कदापि भुल्ने छैन।
⁸ किनभने यी कार्यहरूको कारण सम्पूर्ण भूमि काम्नेछ।
    यस देशमा बस्ने प्रत्तेक मानिस
मृत्यु भएको मानिसहरूको निम्ति रुनेछन्।
    मिश्रको नील नदी जस्तै सम्पूर्ण भूमि उठ्नेछ र तल झर्नेछ।
भूमि यता उता फ्याँकिनेछ।”
⁹ परमप्रभुले भन्नुभयो,
“म सूर्यलाई मध्यदिनमा अस्ताउने बनाईदिनेछु
    अनि पृथ्वीको दिनको उज्यालोलाई अँध्यारो बनाईदिनेछु।
¹⁰ म तिमीहरूको चाडको दिनहरूलाई शोक मनाउने दिनहरूमा
    र खुशीको सबै गीतहरूलाई दुःखको गीतमा परिवर्तन गरिदिनेछु।
म तिमीहरूलाई वस्त्रहरू शोक लगाएका बनाउनेछु
    र टाउको खौराउनेछु।
म तिमीहरूले जन्माएको
    एउटै मात्र छोरो मर्दा शोक गरे जस्तै पारिदिन्छु,
अनि यो तिक्त दिन हुनेछ।”

“हेर, त्यो दिन नजिकै आउँदैछ,
    जब म देशमा अनिकाल ल्याउँनेछु।
मानिसहरू रोटी र पानीको निम्ति
    भोकाउने वा तिर्खाउने छैनन्।
    तर मानिसहरू परमप्रभुको वचनको निम्ति भोकाउने, तिर्खाउने छन्।
¹² तिनीहरू परमप्रभुको वचन सुन्नु देशमा मृत्य सागर देखि
    महासागर सम्म यता-उता जानेछन्,
    अनि देशको उत्तर भाग देखि पूर्व सम्म, मानिसहरू
परमेश्वरको वचनको निम्ति यता-उता गर्नेछ,
    तर तिनीहरूले पाउने छैनन्।
¹³ त्यस समय सुन्दर युवक र युवतीहरू
    तिर्खाले मुर्छा पर्नेछन्।
¹⁴ तिनीहरूले सामरियाका मूर्तिहरूद्वारा शपथ खान्छन्,
    तिनीहरूले भन्छन्, ‘दानको मुर्तिहरूद्वारा
    अथवा बेर्शेबाको मुर्तिहरूद्वारा।’
तर यी मानिसहरू लड्नेछन्,
    र कहिल्यै पनि उठ्ने छैनन्।”

“सङ्घार हल्लिउन्जेल र मानिसको टाउको चुर हुन्जेल,
    खम्बामाथि ठोक्काऊ।
ती बाँचेकाहरूलाई तरवारले मार।
    भाग्नेहरू मारिनेछन्।
कुनैमानिस पनि
    मेरो रिसबाट उम्कनेछैन।
² यद्यपि तिनीहरूले पत्ताल भित्र खने ता पनि
    तिनीहरू भएकहाँ मेरो हात पुग्नेछ,
अनि यदि तिनीहरू स्वर्गमा चढे पनि
    म तिनीहरूलाई त्यहाँबाट तल झार्नेछु।
³ यद्यपि तिनीहरू कर्मेल पर्वतको टाकुरामा लुके पनि,
म तिनीहरूलाई भेट्नेछु।
    म तिनीहरूलाई मेरो छेउमा ल्याउनेछु।
यदी तिनीहरू समुद्रको फेदमा लुके तापनि म सर्पलाई आज्ञा गर्नेछु,
    र त्यसले तिनीहरूलाई डस्नेछ।
⁴ यद्यपि तिनीहरू तिनीहरूको शत्रुको कब्जामा गए पनि
    म तरवारलाई आज्ञा गर्नेछु
अनि त्यसले तिनीहरूलाई मार्नेछ।
    मैले तिनीहरूलाई नोक्सान गर्ने नै
    निश्चय गरें राम्रो गर्ने होइन।”

⁵ मेरो मालिक सर्वशक्तिमान परमप्रभुले भूमिलाई छुनु हुन्छ,
    अनि त्यो भूमि पग्लन्छ।
    तब त्यस भूमिमा भएका सबै मानिसहरू मृतकहरूका निम्ति रूनेछन्।
त्यो प्रदेश मिश्रको नील नदी जस्तै
    माथि उर्लन्छ अनि तल झर्दछ।
⁶ परमप्रभुले आफ्नो स्थान आकाशमाथि बनाउँनु भयो।
    उहाँले आफ्नो आकाश पृथ्वीमाथि राख्नु भयो।
उहाँले समुद्रको पानीलाई बोलाउँनु हुन्छ।
    अनि देशमाथि खन्याउनु हुन्छ।
    उहाँको नाउँ परमप्रभु हो।

“हे इस्राएली, तिमीहरू मेरा निम्ति कुश जस्तै हौ।
    मैले इस्राएललाई मिश्रबाट निकालेर ल्याएँ।
मैले पलिश्तीहरूलाई करतोरबाट ल्याएँ।
    अनि अरामीहरूलाई कोरबाट।”