The Daily Audio Bible

Ang Ephraim at ang Juda ay napapanganib sa panghihimagsik ng Israel.

6 Magsiparito kayo, at tayo'y manumbalik sa Panginoon; sapagka't ^(A)siya'y lumapa, at pagagalingin niya tayo; siya'y nanakit, at kaniyang tatapalan tayo.

² Pagkatapos ng dalawang araw ay muling ^(B)bubuhayin niya tayo: sa ikatlong araw ay ibabangon niya tayo, at tayo'y mangabubuhay sa harap niya.

³ At ^(C)ating kilalanin, tayo'y magpatuloy upang makilala ang Panginoon: ang kaniyang paglabas ay tunay na ^(D)parang umaga; at siya'y paririto sa atin na parang ulan, na ^(E)parang huling ulan na dumidilig ng lupa.

⁴ Oh Ephraim, ano ang gagawin ko sa iyo? Oh Juda, ^(F)ano ang gagawin ko sa iyo? sapagka't ang inyong kabutihan ay parang ulap sa umaga, ^(G)at parang hamog na lumalabas na maaga.

⁵ Kaya't aking pinutol sila sa pamamagitan ng mga propeta; aking pinatay sila ng mga salita ng aking bibig; at ang iyong mga kahatulan ay parang liwanag na lumalabas.

⁶ Sapagka't ako'y nagnanasa ng kaawaan, ^(H)at hindi hain; at ng pagkakilala sa Dios higit kay sa mga handog na susunugin.

⁷ Nguni't sila gaya ni Adan ay sumalangsang sa tipan: doo'y nagsigawa silang may paglililo laban sa akin.

⁸ Ang Galaad ay ^(I)bayang gumagawa ng kasamaan; tigmak sa dugo.

⁹ At kung paanong ang mga pulutong ng mga ^(J)tulisan na nagsisiabang sa isang tao, ay gayon ang ^(K)pulutong ng mga saserdote na nagsisipatay sa daan na dakong Sichem; Oo, sila'y gumawa ng kahalayan.

¹⁰ Sa sangbahayan ni Israel ay ^(L)nakakita ako ng kakilakilabot na bagay: doo'y ^(M)nagpatutot ang Ephraim, ang Israel ay napahamak.

¹¹ Sa iyo man, Oh Juda, may takdang paggapas, pagka aking ibabalik ang nangabihag sa aking bayan.

Ang Ephraim at ang Juda ay napapanganib sa paghihimagsik ng Israel.

7 Nang aking pagagalingin ang Israel, ang kasamaan nga ng Ephraim ay lumitaw, at ang kasamaan ng Samaria; sapagka't sila'y nagsinungaling; at ang magnanakaw ay pumapasok, at ang pulutong ng mga tulisan ay nananamsam sa labas.

² At hindi nila ginugunita sa kanilang mga puso na aking inaalaala ang lahat nilang kasamaan: ngayo'y kinukulong sila sa palibot ng kanilang sariling mga gawa; ^(N)sila'y nangasa harap ko.

³ Kanilang pinasasaya ng kanilang kasamaan ang hari, at ng kanilang pagsisinungaling ang mga prinsipe.

⁴ Silang lahat ay mga mangangalunya; sila'y parang hurnong iniinit ng magtitinapay; siya'y tumitigil na magsulong ng apoy, mula sa paggawa ng masa hanggang sa umaasim.

⁵ Nang kaarawan ng ating hari ang mga prinsipe ay nagpakasakit sa pamamagitan ng tapang ng alak; kaniyang iniuunat ang kaniyang kamay sa mga mangduduwahagi.

⁶ Sapagka't kanilang inihanda ang kanilang puso na parang hurno, samantalang sila'y nangagaabang: ang kanilang magtitinapay ay natutulog magdamag; sa kinaumagaha'y nagniningas na parang liyab na apoy.

⁷ Silang lahat ay nangagiinit na parang hurno, at nilalamon ang kanilang mga hukom; lahat nilang hari ay nangabuwal: ^(O)wala sa kanila na tumawag sa akin.

⁸ Ang Ephraim, ^(P)nakikisalamuha sa mga bayan; ang Ephraim ay isang tinapay na hindi binalik.

⁹ Nilamon ng mga taga ibang lupa ang kaniyang ^(Q)yaman, at hindi niya nalalaman: oo, mga uban ay nasasabog sa kaniya, at hindi niya nalalaman.

¹⁰ At ^(R)ang kapalaluan ng Israel ay nagpapatotoo sa kaniyang mukha: ^(S)gayon ma'y hindi sila nanumbalik sa Panginoon nilang Dios, ni hinanap man siya nila, dahil sa lahat na ito.

¹¹ At ang Ephraim ^(T)ay parang isang mangmang na kalapati, na walang unawa ^(U)sila'y nagsitawag sa Egipto, sila'y nagsiparoon sa Asiria.

¹² Pagka sila'y magsisiyaon, ay ^(V)aking ilaladlad ang aking lambat sa kanila; akin silang ibabagsak na parang mga ibon sa himpapawid; aking parurusahan sila, gaya ng narinig ^(W)sa kanilang kapisanan.

¹³ Sa aba nila! sapagka't sila'y nagsilayas sa akin; kagibaa'y suma kanila! sapagka't sila'y nagsisalangsang laban sa akin: bagaman sila'y ^(X)aking tinubos, gayon ma'y nangagsalita ng kasinungalingan sila laban sa akin.

¹⁴ At sila'y hindi nagsidaing ^(Y)sa akin ng kanilang puso, kundi sila'y nagsiangal sa kanilang mga higaan: sila'y nagpupulong dahil sa trigo at alak; sila'y nanganghimagsik laban sa akin.

¹⁵ Bagaman aking tinuruan at pinalakas ang kanilang mga bisig, gayon ma'y nangagisip sila ng kalikuan laban sa akin.

¹⁶ Sila'y nanganunumbalik, nguni't hindi ^(Z)sa kaniya na nasa kaitaasan: sila'y ^(AA)parang magdarayang busog: ang kanilang mga prinsipe ay mangabubuwal sa pamamagitan ng tabak dahil sa poot ^(AB)ng kanilang dila: ito ang magiging katuyaan sa kanila ^(AC)sa lupain ng Egipto.

Ang pagsuway ng Israel sa kautusan.

8 Ilagay mo ang ^(AD)pakakak sa iyong bibig. Gaya ng isang ^(AE)aguila dumarating siya laban sa bahay ng Panginoon, sapagka't ^(AF)kanilang sinuway ang aking tipan, at nagsisalangsang laban sa aking kautusan.

² Sila'y magsisidaing sa akin, ^(AG)Dios ko, kaming Israel ay nangakakakilala sa iyo.

³ Itinakuwil ng Israel ang mabuti: hahabulin siya ng kaaway.

⁴ Sila'y nangaglagay ng mga hari, ^(AH)nguni't hindi sa pamamagitan ko; sila'y nangaglagay ng mga prinsipe, at hindi ko nalaman: ^(AI)sa kanilang pilak at kanilang ginto ay nagsigawa sila ng diosdiosan, upang sila'y mangahiwalay.

⁵ Kaniyang inihiwalay ang iyong guya, Oh Samaria; ang aking galit ay nagaalab laban sa kanila: hanggang kailan sila ay magiging mga musmos.

⁶ Sapagka't mula sa Israel nanggaling ito; ito'y ginawa ng manggagawa, at ito'y hindi Dios; oo, ang guya ng Samaria ay magkakaputolputol.

⁷ Sapagka't sila'y nangagsasabog ng hangin, at sila'y magsisiani ng ipoipo: siya'y walang nakatayong trigo; ang uhay ay hindi maglalaman ng harina; at kung maglaman, ay lalamunin ng mga ^(AJ)taga ibang lupa.

⁸ Ang Israel ay nalamon: ngayo'y nasa gitna siya ng mga bansa na ^(AK)parang sisidlang hindi kinalulugdan.

⁹ Sapagka't ^(AL)sila'y nagsiahon sa Asiria, na parang isang mailap na ^(AM)asno na nagiisa: ang Ephraim ay ^(AN)umupa ng mga mangingibig.

¹⁰ Oo, bagaman sila'y umuupa sa gitna ng mga bansa, akin nga silang pipisanin ngayon; at sila'y mangagtitigil na kaunting panahon ng pagpapahid ng langis ^(AO)sa hari at mga prinsipe.

¹¹ Sapagka't ang Ephraim, ay nagparami ng mga dambana upang magkasala, ang mga dambana ay naging sa kaniyang ipagkakasala.

¹² Sinulat ko para sa kaniya ^(AP)ang sangpung libong bagay ng aking kautusan; kanilang inaring parang katuwang bagay.

¹³ Tungkol sa mga hain na mga handog sa akin, sila'y nangaghahain ng karne, at kinakain nila; nguni't ang mga yaon ay hindi tinatanggap ng Panginoon; ngayo'y aalalahanin niya ang kanilang kasamaan, at dadalawin ang kanilang mga kasalanan; ^(AQ)sila'y mangababalik sa Egipto.

¹⁴ Sapagka't nilimot ng Israel ang May-lalang sa kaniya, at nagtayo ng mga palacio; at nagparami ang Juda ng mga bayang nakukutaan; nguni't magsusugo ^(AR)ako ng apoy sa kaniyang mga bayan, at susupukin ang mga kuta niyaon.

Ibinababala ang parusa sa pagtanggi ng Israel sa Dios.

9 Huwag kang magalak, Oh Israel sa katuwaan, na gaya ng mga bayan; sapagka't ^(AS)ikaw ay nagpatutot na humihiwalay sa iyong Dios; iyong inibig ang ^(AT)upa sa bawa't giikan.

² Ang giikan at ang pisaan ng ubas ay hindi magpapakain sa kanila, at ang bagong alak ay magkukulang sa kaniya.

³ Sila'y hindi magsisitahan ^(AU)sa lupain ng Panginoon; kundi ang Ephraim ay ^(AV)babalik sa Egipto, ^(AW)at sila'y magsisikain ng maruming pagkain sa Asiria.

⁴ Hindi nila ipagbubuhos ng alak ang Panginoon, ni makalulugod man sa kaniya: ang kanilang mga hain ay magiging sa kanila'y parang ^(AX)tinapay ng nangagluksa; ^(AY)lahat ng magsikain niyaon ay mangapapahamak; sapagka't ang kanilang tinapay ay parang sa kanilang ipagkakagana; hindi papasok sa bahay ng Panginoon.

⁵ Ano ang inyong gagawin sa kaarawan ng takdang kapulungan, at sa kaarawan ng kapistahan ng Panginoon?

⁶ Sapagka't, narito, sila'y nagsialis sa kagibaan, gayon ma'y pipisanin sila ng Egipto, sila'y ililibing ng ^(AZ)Memphis; ang kanilang maligayang mga bagay na pilak ay aariin ng dawag; mga tinik ang sasa kanilang mga tolda.

⁷ Ang mga kaarawan ng pagdalaw ay dumating, ang mga kaarawan ng kagantihan ay dumating; malalaman ng Israel: ang propeta ay mangmang, ang lalake na may espiritu ay ^(BA)ulol, dahil sa karamihan ng iyong kasamaan, at sapagka't ang poot ay malaki.

⁸ Ang Ephraim ay ^(BB)bantay na kasama ng aking Dios: tungkol sa propeta, ay silo ng manghuhuli sa lahat ng kaniyang lansangan, at pagkakaalit ay nasa bahay ng kaniyang Dios.

⁹ Sila'y nangagpapahamak na mainam, na gaya ng mga kaarawan ng ^(BC)Gabaa: kaniyang aalalahanin ang kanilang kasamaan, kaniyang dadalawin ang kanilang mga kasalanan.

¹⁰ Aking nasumpungan ang Israel na parang ubas sa ilang; aking nakita ang inyong mga magulang na parang unang ^(BD)bunga sa puno ng higos sa kaniyang unang kapanahunan: nguni't sila'y nagsiparoon kay ^(BE)Baalpeor, at nangagsitalaga sa mahalay na bagay, at naging kasuklamsuklam na gaya ng kanilang iniibig.

¹¹ Tungkol sa Ephraim, ^(BF)ang kanilang kaluwalhatian ay lilipad na parang ibon; mawawalan ng panganganak, at walang magdadalang tao, at walang paglilihi.

¹² Bagaman ^(BG)kanilang pinalalaki ang kanilang mga anak, gayon ma`y aking babawaan sila, na walang tao; oo, sa aba nila pagka ako'y humiwalay sa kanila!

¹³ Ang Ephraim, ^(BH)gaya ng aking makita ang Tiro, ay natatanim sa isang masayang dako: nguni't ilalabas ng Ephraim ang kaniyang mga anak sa tagapatay.

¹⁴ Bigyan mo sila, Oh Panginoon—anong iyong ibibigay? bigyan mo sila ng mga bahay-batang maaagasan at mga tuyong suso.

¹⁵ Lahat nilang kasamaan ay ^(BI)nasa Gilgal; sapagka't doo'y kinapootan ko sila; dahil sa kasamaan ng kanilang mga gawa, akin silang palalayasin sa aking bahay; hindi ko na sila iibigin; lahat nilang prinsipe ay mapagsalangsang.

¹⁶ Ang Ephraim ay nasaktan, ang kaniyang ugat ay natuyo, sila'y hindi mangagbubunga: oo, bagaman sila'y nanganak, gayon ma'y aking papatayin ang minamahal na bunga ng kanilang bahay-bata.

¹⁷ Itatakuwil sila ng aking Dios, sapagka't hindi nila dininig siya; at ^(BJ)sila'y magiging mga gala sa gitna ng mga bansa.

^1 (A)Ang matanda, kay Gayo na minamahal, na aking iniibig sa katotohanan.

² Minamahal, aking idinadalangin na sa lahat ng mga bagay ay guminhawa ka at bumuti ang iyong katawan, na gaya ng pagginhawa ng iyong kaluluwa.

³ Sapagka't ako'y totoong ^(B)nagalak nang magsidating ang mga kapatid at mangagpatotoo sa iyong katotohanan, ayon sa paglakad mo sa katotohanan.

⁴ Wala nang dakilang kagalakan sa ganang akin na gaya nito, na marinig na ang ^(C)aking mga anak ay nagsisilakad sa katotohanan.

⁵ Minamahal, ginagawa mo ang tapat na gawa sa lahat ng iyong ginagawa doon sa ^(D)mga kapatid at sa mga taga ibang lupa;

⁶ Na siyang nangagpapatotoo ng iyong pagibig sa harapan ng iglesia: na iyong gagawan ng magaling kung iyong tutulungan sila ng nararapat sa Dios, sa kanilang paglalakbay:

⁷ Sapagka't dahil sa Pangalan, ay nangagsiyaon sila na ^(E)walang kinuhang anoman sa mga Gentil.

⁸ Nararapat nga nating tanggaping mabuti ang mga gayon, upang tayo'y maging kasama sa paggawa sa katotohanan.

⁹ Ako'y sumulat ng ilang bagay sa iglesia: datapuwa't si Diotrefes na nagiibig magkaroon ng kataasan sa kanila, ay hindi kami tinatanggap.

¹⁰ Kaya't kung pumariyan ako, ay ipaaalaala ko ang mga gawang kaniyang ginagawa, na ^(F)nagsasalita ng masasamang salita laban sa amin: at hindi nasisiyahan sa ganito, ni hindi man niya tinatanggap ang mga kapatid, at silang mga ibig tumanggap ay pinagbabawalan niya at pinalalayas sila ^(G)sa iglesia.

¹¹ Minamahal, ^(H)huwag mong tularan ang masama, kundi ang mabuti. ^(I)Ang gumagawa ng mabuti ay sa Dios: ang gumagawa ng masama ay ^(J)hindi nakakita sa Dios.

¹² Si Demetrio ay ^(K)pinatototohanan ng lahat, at ng katotohanan: oo, kami man ay nagpapatotoo rin; at nalalaman mo na ang aming patotoo ay ^(L)tunay.

¹³ Maraming mga bagay ang isusulat ko sana sa iyo, ^(M)datapuwa't hindi ko ibig isulat sa iyo ng tinta at panulat:

¹⁴ Datapuwa't inaasahan kong makita kang madali, at tayo'y magkakausap ng mukhaan.

¹⁵ Ang kapayapaa'y sumainyo nawa. Binabati ka ng mga kaibigan. Batiin mo ang mga kaibigan sa pangalan.

Pagpapasalamat dahil sa pagkakabalik mula sa pagkabihag. Awit sa mga Pagsampa