The Daily Audio Bible

Ibinabala ang pangangalat ng Idom.

35 Bukod dito'y ang salita ng Panginoon ay dumating sa akin, na nagsasabi,

² Anak ng tao, ^(A)ititig mo ang iyong mukha sa ^(B)bundok ng Seir, at ^(C)manghula ka laban doon,

³ At sabihin mo roon, Ganito ang sabi ng Panginoong Dios: Narito, ako'y laban sa iyo, Oh bundok ng Seir, at aking iniunat ang aking kamay laban sa iyo, at gagawin kitang sira at katigilan.

⁴ Aking ilalagay na giba ang iyong mga bayan, at ikaw ay magiging sira; at iyong malalaman na ako ang Panginoon.

^5 (D)Sapagka't ikaw ay nagkaroon ng laging pakikipagkaalit, at ibinigay mo ang mga anak ni Israel sa kapangyarihan ng tabak sa kapanahunan ng kanilang kasakunaan, sa kapanahunan ng parusang pinaka wakas;

⁶ Kaya't buháy ako, sabi ng Panginoong Dios, aking itatalaga ka sa dugo, at ang dugo ay hahabol sa iyo: yamang hindi mo kinapootan ang dugo, kaya't matatalaga ka sa dugo.

⁷ Ganito ko gagawin ang bundok ng Seir na isang katigilan at kasiraan; at aking ihihiwalay sa kaniya siya na nagdaraan at siyang nagbabalik.

⁸ At aking pupunuin ang kaniyang mga bundok ng kaniyang mga nangapatay: sa iyong mga burol at sa iyong mga libis at sa lahat mong mga daan ng tubig ay mangabubuwal sila na nangapatay ng tabak.

⁹ Ikaw ay gagawin kong pangpalaging kasiraan, at ang iyong mga bayan ay hindi tatahanan; ^(E)at inyong malalaman na ako ang Panginoon.

¹⁰ Sapagka't iyong sinabi, Ang dalawang bansang ito, at ang dalawang lupaing ito ay magiging akin, at aming aariin; bagaman kinaroroonan ng Panginoon:

¹¹ Kaya't buháy ako, sabi ng Panginoong Dios, aking gagawin ayon sa iyong galit, at ayon sa iyong pananaghili na iyong ipinakilala sa iyong pagtatanim laban sa kanila: at ako'y pakikilala sa gitna nila pagka aking hahatulan ka.

¹² At iyong malalaman na akong Panginoon ay nakarinig ng lahat mong panunungayaw na iyong sinalita laban sa mga bundok ng Israel, na sinasabi, Nangalagay na sira ang mga yaon, nangabigay sa atin upang lamunin.

¹³ At ^(F)kayo'y nangagmalaki laban sa akin ng inyong bibig, at inyong pinarami ang inyong mga salita laban sa akin: aking narinig yaon.

¹⁴ Ganito ang sabi ng Panginoong Dios: Pagka ang buong lupa ay nagagalak, akin gagawin kang sira.

¹⁵ Kung paanong ikaw ay nagalak sa mana ng sangbahayan ni Israel, dahil sa sira, gayon ang gagawin ko sa iyo: ikaw ay magiging sira, Oh bundok ng Seir, at ^(G)buong Edom, oo, lahat ng ito; at kanilang malalaman na ako ang Panginoon.

Ang mga bundok ng Israel ay pagpapalain.

36 At ikaw, anak ng tao, ^(H)manghula ka laban sa mga bundok ng Israel, at sabihin mo, Kayong mga bundok ng Israel, pakinggan ninyo ang salita ng Panginoon.

² Ganito ang sabi ng Panginoong Dios: sapagka't sinabi ^(I)ng kaaway sa inyo, Aha! ^(J)at, Ang dating mga mataas na dako ^(K)ay aming pagaari;

³ Kaya't manghula ka, at iyong sabihin, Ganito ang sabi ng Panginoong Dios: Sapagka't, sa makatuwid baga'y sapagka't kanilang ginawang sira kayo, at nadaig kayo sa lahat ng dako, upang kayo'y maging pagaari ng nalabi sa mga bansa, ^(L)at kayo'y nabanggit ng mga labi ng mga mangdadaldal, at masamang ulat ng bayan;

⁴ Kaya't kayong mga bundok ng Israel, inyong pakinggan ang salita ng Panginoong Dios: Ganito ang sabi ng Panginoong Dios sa mga bundok at sa mga burol, sa mga daan ng tubig at sa mga libis, sa mga sirang dako at sa mga bayan na nangapabayaan, na mga naging samsam at ^(M)kakutyaan na nalabi sa mga bansa na nangasa palibot;

⁵ Kaya't ganito ang sabi ng Panginoong Dios: Tunay na sa silakbo ng aking paninibugho ay ^(N)nagsalita ako laban sa nalabi sa mga bansa, at laban sa buong Edom, na nagtakda ng aking lupain sa kanilang sarili na pagaari na may kagalakan ng buo nilang puso, na may samá ng loob, upang ihagis na pinakasamsam.

⁶ Kaya't manghula ka tungkol sa lupain ng Israel, at sabihin mo sa mga bundok at sa mga burol, sa mga daan ng tubig at sa mga libis, Ganito ang sabi ng Panginoong Dios: Narito, ako'y nagsalita sa aking paninibugho at sa aking kapusukan, sapagka't ^(O)inyong tinaglay ang kahihiyan ng mga bansa.

⁷ Kaya't ganito ang sabi ng Panginoong Dios: Aking itinaas ang aking kamay, ^(P)na aking sinasabi, Tunay na ang mga bansa na nangasa palibot ninyo, mangagtataglay sila ng malaking kahihiyan.

⁸ Nguni't, kayo, Oh mga bundok ng Israel, inyong isusupling ang inyong mga ^(Q)sanga, at magbubunga sa aking bayang Israel; sapagka't sila'y ^(R)malapit nang dumating.

⁹ Sapagka't, narito, ako'y sa inyo, at ako'y babalik sa inyo, at kayo'y mabubukid at mahahasikan;

¹⁰ At ako'y magpaparami ng mga tao sa inyo, buong sangbahayan ni Israel, sa makatuwid baga'y siyang lahat; at ^(S)ang mga bayan ay tatahanan, at ang mga sirang dako ay ^(T)mangatatayo;

¹¹ At ako'y magpaparami sa inyo ng tao at hayop; at sila'y magsisidami at mangagkakaanak: at aking patatahanin kayo ^(U)ayon sa inyong dating kalagayan, at gagawan ko kayo ng magaling kay sa una: at inyong malalaman na ako ang Panginoon.

¹² Oo, aking palalakarin sa inyo ang mga tao, sa makatuwid baga'y ang aking bayang Israel; at kanilang aariin ka, at ikaw ay magiging kanilang mana, at hindi mo na sila wawalaan ng mga anak.

¹³ Ganito ang sabi ng Panginoong Dios: Sapagka't kanilang sinasabi sa iyo, Ikaw na lupain ay manglalamon nga ng mga tao, at naging ^(V)mapagpahirap sa iyong bansa;

¹⁴ Kaya't hindi ka na manglalamon pa ng mga tao o papatay pa man sa iyong bansa, sabi ng Panginoong Dios;

¹⁵ O iparirinig ko pa man sa iyo ang kahihiyan ng mga bansa, o magtataglay ka pa man ng kakutyaan ng mga bayan, o ititisod mo pa man ang iyong bansa, sabi ng Panginoong Dios.

¹⁶ Bukod dito'y dumating sa akin ang salita ng Panginoon, na nagsasabi,

¹⁷ Anak ng tao, nang tumatahan ang sangbahayan ni Israel sa kanilang sariling lupain, kanilang ^(W)inihawa ng kanilang lakad at ng kanilang mga gawa: ang kanilang lakad sa harap ko ay naging parang ^(X)karumihan ng babae sa kaniyang kapanahunan.

¹⁸ Kaya't aking ibinugso ang aking kapusukan sa kanila ^(Y)dahil sa dugo na kanilang ibinubo sa lupain, at dahil sa kanilang nilapastangan ng kanilang mga diosdiosan;

¹⁹ At aking pinangalat sila sa mga bansa, at sila'y nagsipanabog sa mga lupain: ayon sa kanilang lakad at ayon sa kanilang mga gawa ay hinatulan ko sila.

²⁰ At nang sila'y dumating sa mga bansa, na kanilang ^(Z)pinaroonan, kanilang nilapastangan ang aking banal na pangalan; sa pagsasabi ng mga tao tungkol sa kanila, Ang mga ito ay bayan ng Panginoon, at nagsilabas sa kaniyang lupain.

²¹ Nguni't iginalang ko ^(AA)ang aking banal na pangalan, na nilapastangan ng sangbahayan ni Israel sa mga bansa na kanilang pinaroonan.

Ang Israel ay babaguhin alangalang sa Panginoon.

²² Kaya't sabihin mo sa sangbahayan ni Israel, Ganito ang sabi ng Panginoong Dios; ^(AB)Hindi ko ginawa ito dahil sa inyo, Oh sangbahayan ni Israel, ^(AC)kundi dahil sa aking banal na pangalan, na inyong nilapastangan sa mga bansa na inyong pinaroonan.

²³ At aking babanalin ang aking dakilang pangalan, na nalapastangan sa mga bansa, na inyong nilapastangan sa gitna nila; at malalaman ng mga bansa na ako ang Panginoon, sabi ng Panginoong Dios, pagka ako'y ^(AD)aariing banal sa inyo sa harap ng kanilang mga mata.

²⁴ Sapagka't aking kukunin ^(AE)kayo sa mga bansa, at pipisanin ko kayo na mula sa lahat ng lupain, at dadalhin ko kayo sa inyong sariling lupain.

²⁵ At ^(AF)ako'y magwiwisik ng malinis na tubig sa inyo, at kayo'y magiging malinis: sa buo ninyong karumihan, at sa lahat ninyong mga diosdiosan, lilinisin ko kayo.

²⁶ Bibigyan ko rin naman kayo ng bagong ^(AG)puso, at lalagyan ko ang loob ninyo ng bagong diwa; at ^(AH)aking aalisin ang batong puso sa inyong katawan, at aking bibigyan kayo ng pusong laman.

²⁷ At ^(AI)aking ilalagay ang aking Espiritu sa loob ninyo, at palalakarin ko kayo ng ayon sa aking mga palatuntunan, at inyong iingatan ang aking mga kahatulan, at isasagawa.

²⁸ At kayo'y magsisitahan sa lupain na ibinigay ko sa inyong mga magulang; at ^(AJ)kayo'y magiging aking bayan, at ako'y magiging inyong Dios.

²⁹ At lilinisin ko kayo sa lahat ninyong karumihan: at aking patutubuin ang trigo, at aking pararamihin, at hindi na ako magpaparating ng kagutom sa inyo.

³⁰ At aking pararamihin ang bunga ng punong kahoy, at ang ani sa bukid, upang huwag na kayong tumanggap pa ng kadustaan ng kagutom sa mga bansa.

^31 (AK)Kung magkagayo'y inyong maaalaala ang inyong mga masamang lakad, at ang inyong mga gawa na hindi mabuti; at ^(AL)kayo'y mayayamot sa inyong sarili sa inyong paninging sarili, dahil sa inyong mga kasamaan at dahil sa inyong mga kasuklamsuklam.

³² Hindi dahil sa inyo ginagawa ko ^(AM)ito, sabi ng Panginoong Dios, tantuin ninyo: kayo'y mangahiya at mangalito dahil sa inyong mga lakad, Oh sangbahayan ni Israel.

³³ Ganito ang sabi ng Panginoong Dios: Sa araw na aking linisin kayo sa lahat ninyong kasamaan, aking patatahanan ang mga bayan, at ang mga gibang dako ay mangatatayo.

³⁴ At ang lupain na naging sira ay mabubukid, na naging sira sa paningin ng lahat na nangagdaraan.

³⁵ At kanilang sasabihin, Ang lupaing ito na naging sira ay naging gaya ng ^(AN)halamanan ng Eden; at ang sira at giba at wasak na mga bayan ay nakukutaan at tinatahanan.

^36 (AO)Kung magkagayo'y malalaman ng mga bansa na nalabi sa palibot ninyo na akong Panginoon ay nagtayo ng mga guhong dako, at tinamnan ko ang dakong sira: ^(AP)akong Panginoon ang nagsalita, at aking gagawin.

³⁷ Ganito ang sabi ng Panginoong Dios: ^(AQ)Bukod dito pa'y pagsasanggunian ako ng sangbahayan ni Israel, upang gawin sa kanila; ako'y magpaparami sa kanila ng tao na parang kawan.

³⁸ Kung paano ang kawan na panghain, kung paano ang kawan ng Jerusalem sa kanilang mga takdang kapistahan, gayon mapupuno ang mga gibang bayan ng mga kawan ng mga tao: at kanilang malalaman na ako ang Panginoon.

1 Si Santiago, na ^(A)alipin ng Dios at ng Panginoon Jesucristo, ay bumabati ^(B)sa labingdalawang angkan ^(C)na nasa Pangangalat.

² Mga kapatid ko, ariin ninyong buong kagalakan, kung kayo'y mangahulog sa sarisaring tukso;

³ Yamang nalalaman ^(D)na ang pagsubok sa inyong pananampalataya ay ^(E)gumagawa ng pagtitiis.

⁴ At inyong pabayaan na ang pagtitiis ay magkaroon ng sakdal na gawa, upang kayo'y maging ^(F)sakdal at ganap, na walang anoman kakulangan.

⁵ Nguni't kung nagkukulang ng karunungan ang sinoman sa inyo, ay ^(G)humingi sa Dios, na nagbibigay ng sagana sa lahat at hindi nanunumbat; at ito'y ibibigay sa kaniya.

⁶ Nguni't ^(H)humingi siyang may pananampalataya, ^(I)na walang anomang pagaalinlangan: sapagka't yaong nagaalinlangan ay katulad ^(J)ng isang alon ng dagat na itinutulak ng hangin at ipinapadpad sa magkabikabila.

⁷ Sapagka't huwag isipin ng taong yaon na siya'y tatanggap ng anoman bagay sa Panginoon;

⁸ Ang taong ^(K)may dalawang akala, ay walang tiyaga sa lahat ng kaniyang mga paglakad.

⁹ Datapuwa't ang kapatid na mababang kapalaran ay magmapuri ^(L)sa kaniyang mataas na kalagayan:

¹⁰ At ang mayaman, ^(M)dahil sa siya'y pinababa: sapagka't ^(N)siya'y lilipas na gaya ng bulaklak ng damo.

¹¹ Sapagka't sumisikat ang araw na may hanging nakakasunog, at naluluoy ^(O)ang damo; at nangalalagas ang bulaklak nito, at nawawala ang karikitan ng kaniyang anyo: gayon din naman ang taong mayaman na malalanta sa lahat ng kaniyang mga paglakad.

^12 (P)Mapalad ang taong nagtitiis ng tukso; sapagka't pagkasubok sa kaniya, siya'y tatanggap ^(Q)ng putong ng buhay, ^(R)na ipinangako ng Panginoon sa mga nagsisiibig sa kaniya.

¹³ Huwag sabihin ng sinoman pagka siya'y tinutukso, Ako'y tinutukso ng Dios; sapagka't ang Dios ay hindi matutukso sa masamang bagay, at hindi rin naman siya nanunukso sa kanino man:

¹⁴ Kundi ang bawa't tao ay natutukso, pagka nahihila ^(S)ng sariling masamang pita at nahihikayat.

¹⁵ Kung magkagayo'y ang kahalayan, ^(T)kung maipaglihi ay nanganganak ng kasalanan: at ang kasalanan, pagka malaki na ay ^(U)namumunga ng kamatayan.

¹⁶ Huwag kayong padaya, mga minamahal kong kapatid.

¹⁷ Ang bawa't mabuting kaloob ^(V)at ang bawa't sakdal na kaloob ay pawang buhat sa itaas, na bumababa mula sa ^(W)Ama ng mga ilaw, ^(X)na walang pagbabago, ni kahit anino man ng pagiiba.

^18 (Y)Sa kaniyang sariling kalooban ay kaniya tayong ipinanganak sa pamamagitan ng salita ng katotohanan, ^(Z)upang tayo'y maging isang uri ng mga ^(AA)pangunahing bunga ng kaniyang mga nilalang.

Pagpapasalamat sa pagliligtas mula sa kamatayan.