The Daily Audio Bible

²⁴ Kaya't pinasok ni Daniel si Arioch na siyang inihalal ng hari na lipulin ang mga pantas na tao sa Babilonia; siya'y naparoon, at nagsabi sa kaniya ng ganito, Huwag mong lipulin ang mga pantas na tao sa Babilonia; dalhin mo ako sa harap ng hari, at aking ipaaaninaw sa hari ang kahulugan.

Ipinahayag ni Daniel ang panaginip ng hari.

²⁵ Nang magkagayo'y dinalang madali ni Arioch si Daniel sa harap ng hari, at nagsabing ganito sa kaniya, Ako'y nakasumpong ng isang lalake sa mga anak ng nangabihag sa Juda, na magpapaaninaw sa hari ng kahulugan.

²⁶ Ang hari ay sumagot, at nagsabi kay Daniel, ^(A)na ang pangalan ay Beltsasar, Maipaaaninaw mo baga sa akin ang panaginip na aking nakita, at ang kahulugan niyaon?

²⁷ Si Daniel ay sumagot sa harap ng hari, at nagsabi, Ang lihim na itinatanong ng hari ay hindi maipaaaninaw sa hari kahit ng mga pantas na tao, ng mga enkantador, ng mga mahiko man, o ng mga manghuhula man.

²⁸ Nguni't may ^(B)isang Dios sa langit na naghahayag ng mga lihim, at siyang nagpapaaninaw sa haring Nabucodonosor kung ano ang mangyayari sa mga huling araw. Ang iyong panaginip, at ang pangitain ng iyong ulo sa iyong higaan ay ang mga ito:

²⁹ Tungkol sa iyo, Oh hari, ang iyong mga pagiisip ay dumating sa iyo sa iyong higaan, kung ano ang mangyayari sa panahong darating; at siya na naghahayag ng mga lihim ay ipinaaninaw sa iyo kung ano ang mangyayari.

³⁰ Nguni't ^(C)tungkol sa akin ang lihim na ito ay hindi nahayag sa akin ng dahil sa anomang karunungan na tinamo kong higit kay sa sinomang may buhay, kundi upang maipaaninaw sa hari ang kahulugan at upang iyong maalaman ang mga pagiisip ng iyong puso.

³¹ Ikaw, Oh hari, nakakita, at narito, ang isang malaking larawan. Ang larawang ito na makapangyarihan, at ang kaniyang kakinangan ay mainam, ay tumayo sa harap mo; at ang anyo niyao'y kakilakilabot.

³² Tungkol sa larawang ito, ang kaniyang ulo ay dalisay na ginto, ang kaniyang dibdib at ang kaniyang mga bisig ay pilak, ang kaniyang tiyan at ang kaniyang mga hita ay tanso,

³³ Ang kaniyang mga binti ay bakal, ang kaniyang mga paa'y isang bahagi ay bakal, at isang bahagi ay putik na luto.

³⁴ Iyong tinitingnan hanggang sa may natibag na isang bato, ^(D)hindi ng mga kamay, na tumama sa larawan sa kaniyang mga paang bakal at putik na luto, at mga yao'y binasag.

³⁵ Nang magkagayo'y ang bakal, ang putik na luto, ang tanso, ang pilak, at ang ginto ay nagkaputolputol na magkakasama, at naging parang dayami sa mga giikan sa tagaraw; at tinangay ng hangin na ^(E)walang dakong kasumpungan sa mga yaon: at ang bato na tumama sa larawan ay naging malaking bundok, at pinuno ang buong lupa.

Binigyan niya ng kahulugan ang panaginip ng hari.

³⁶ Ito ang panaginip; at aming sasaysayin ang kahulugan niyaon sa harap ng hari.

³⁷ Ikaw, Oh hari, ^(F)ay hari ng mga hari, ^(G)na pinagbigyan ng Dios sa langit ng kaharian, ng kapangyarihan, at ng kalakasan, at ng kaluwalhatian;

³⁸ At alin mang tinatahanan ng mga anak ng mga tao, ng mga hayop sa parang at ng mga ibon sa himpapawid ay ibinigay sa iyong kamay, at pinapagpuno ka sa kanilang lahat: ^(H)ikaw ang ulo na ginto.

³⁹ At pagkatapos mo ay babangon ang ^(I)ibang kaharian na mababa sa iyo; at ang ^(J)ibang ikatlong kaharian na tanso na magpupuno sa buong lupa.

⁴⁰ At ang ikaapat na kaharian ay ^(K)magiging matibay na parang bakal, palibhasa'y ang bakal ay nakadudurog at nakapagpapasuko ng lahat na bagay; at kung paanong dinidikdik ng bakal ang lahat ng ito, siya'y magkakaputolputol at madidikdik.

⁴¹ At yamang iyong nakita na ang mga paa at mga daliri, ang isang bahagi ay putik na luto ng magpapalyok, at ang isang bahagi ay bakal, ay magiging kahariang hati; nguni't magkakaroon yaon ng kalakasan ng bakal, yamang iyong nakita na ang bakal ay nahahalo sa putik na luto.

⁴² At kung paanong ang mga daliri ng paa ay bakal ang isang bahagi at ang isang bahagi ay putik, magkakagayon ang kaharian na ang isang bahagi ay matibay, at isang bahagi ay marupok.

⁴³ At yamang iyong nakita na ang bakal ay nahahaluan ng putik na luto, sila'y magkakahalo ng lahi ng mga tao; nguni't hindi sila magkakalakipan, gaya ng bakal na hindi lumalakip sa putik.

⁴⁴ At sa mga kaarawan ng mga haring yaon ay maglalagay ang Dios sa langit ng ^(L)isang kaharian, na hindi magigiba kailan man, o ang kapangyarihan man niyao'y iiwan sa ibang bayan; kundi pagpuputolputulin at lilipulin niya ang lahat na kahariang ito, at yao'y lalagi magpakailan man.

⁴⁵ Yamang ^(M)iyong nakita na ang isang bato ay natibag sa bundok, hindi ng mga kamay, at pumutol ng mga bakal, ng tanso, ng putik, ng pilak, at ng ginto; ipinaalam ng dakilang Dios sa hari kung ano ang mangyayari sa haharapin: at ang panaginip ay tunay at ang pagkapaaninaw niyao'y tapat.

Si Daniel ay itinaas ng hari.

⁴⁶ Nang magkagayo'y ang haring Nabucodonosor ay ^(N)nagpatirapa, at sumamba kay Daniel, ^(O)at nagutos na sila'y maghandog ng alay at ng may masarap na amoy sa kaniya.

⁴⁷ Ang hari ay sumagot kay Daniel, at nagsabi, Sa katotohanan ang inyong Dios ay ^(P)Dios ng mga dios, at Panginoon ng mga hari, at tagapaghayag ng mga lihim, yamang ikaw ay nakapaghayag ng lihim na ito.

⁴⁸ Nang magkagayo'y pinadakila ng hari si Daniel, at binigyan siya ng maraming dakilang kaloob, at pinapagpuno siya sa buong ^(Q)lalawigan ng Babilonia, ^(R)at pinapaging pangulo ng mga tagapamahala sa lahat ^(S)na pantas sa Babilonia.

⁴⁹ At si Daniel ay humiling sa hari, ^(T)at kaniyang inihalal, si ^(U)Sadrach, si Mesach, at si Abed-nego, sa mga gawain sa lalawigan ng Babilonia; nguni't si Daniel ay ^(V)nasa pintuang-daan ng hari.

Ang larawang ginto ni Nabucodonosor.

3 Si Nabucodonosor na hari ay gumawa ng isang ^(W)larawang ginto na ang taas ay anim na pung siko, at ang luwang niyao'y anim na siko: kaniyang itinayo sa ^(X)kapatagan ng Dura, sa lalawigan ng Babilonia.

² Nang magkagayo'y nagsugo si Nabucodonosor na hari upang pisanin ang mga satrapa, ang mga kinatawan, at ang mga gobernador, ang mga hukom, ang mga tagaingat-yaman, ang mga kasangguni, ang mga pinuno, at ang lahat na pinuno sa mga lalawigan upang magsiparoon sa pagtatalaga ng larawan na itinayo ni Nabucodonosor na hari.

³ Nang magkagayo'y ang mga satrapa, ang mga kinatawan, at ang mga gobernador, ang mga hukom, ang mga tagaingat-yaman, ang mga kasangguni, ang mga pinuno at lahat ng pinuno sa mga lalawigan, ay nagpisan sa pagtatalaga ng larawan na itinayo ni Nabucodonosor na hari; at sila'y nagsitayo sa harap ng larawan na itinayo ni Nabucodonosor.

⁴ Nang magkagayo'y ang tagapagtanyag ay sumigaw ng malakas, Sa inyo'y iniuutos, ^(Y)Oh mga bayan, mga bansa, at mga wika,

⁵ Na sa anomang oras na inyong marinig ang tunog ng korneta, ng plauta, ng alpa, ng sambuko, ng salterio, ng gaita, at ng lahat na sarisaring panugtog, kayo'y mangagpatirapa at magsisamba sa larawang ginto na itinayo ni Nabucodonosor na hari;

⁶ At sinoman na hindi magpatirapa at sumamba sa oras na yaon ay ^(Z)ihahagis sa gitna ng mabangis na hurnong nagniningas.

⁷ Kaya't sa oras na yaon, pagkarinig ng buong bayan ng tunog ng korneta, ng plauta, ng alpa, ng sambuko, ng salterio, at ng lahat na sarisaring panugtog, lahat na bayan, mga bansa, at mga wika, ay nangagpatirapa at nagsisamba sa larawang ginto na itinayo ni Nabucodonosor na hari.

Ang mga kaibigan ni Daniel ay itinapon sa nagniningas na hurno.

⁸ Dahil dito sa oras na yaon ay nagsilapit ang ilang ^(AA)taga Caldea, at ^(AB)nagsumbong laban sa mga Judio.

⁹ Sila'y nagsisagot, at nangagsabi kay Nabucodonosor na hari, Oh hari, mabuhay ka magpakailan man.

¹⁰ Ikaw, ^(AC)Oh hari, nagpasiya, na bawa't tao na makarinig ng tunog ng korneta, ng plauta, ng alpa, ng sambuko, ng salterio, ng gaita, at ng lahat na sarisaring panugtog, ay magpapatirapa, at sasamba sa larawang ginto.

¹¹ At sinomang hindi magpatirapa at sumamba, ihahagis sa gitna ng mabangis na hurnong nagniningas.

¹² May ilang Judio ^(AD)na iyong inihalal sa mga gawain sa lalawigan ng Babilonia na si Sadrach, si Mesach, at si Abed-nego; ang mga lalaking ito, Oh hari, ay hindi ka pinakundanganan: sila'y hindi nangaglilingkod sa iyong mga dios, ni nagsisisamba man sa larawang ginto na iyong itinayo.

¹³ Nang magkagayo'y sa poot at pusok ni Nabucodonosor, ay nagutos na dalhin si Sadrach, si Mesach, at si Abed-nego. Kanila ngang dinala ang mga lalaking ito sa harap ng hari.

¹⁴ Si Nabucodonosor ay sumagot, at nagsabi sa kanila, Sinasadya nga ba ninyo, Oh Sadrach, Mesach, at Abed-nego, na kayo'y hindi mangaglilingkod sa aking dios, ni magsisisamba man sa larawang ginto na aking itinayo?

¹⁵ Kung kayo nga'y magsihanda sa panahong inyong marinig ang tunog ng korneta, ng plauta, ng alpa, ng sambuko, ng salterio, ng gaita, at ng lahat na sarisaring panugtog, na mangagpatirapa at magsisamba sa larawan na aking ginawa, mabuti: nguni't kung kayo'y hindi magsisamba, kayo'y ihahagis sa oras ding yaon sa gitna ng mabangis na hurnong nagniningas; ^(AE)at sinong dios ang magliligtas sa inyo sa aking kamay?

¹⁶ Si Sadrach, si Mesach, at si Abed-nego, ay nagsisagot, at nangagsabi sa hari, Oh Nabucodonosor, kami ay walang kailangan na magsisagot sa iyo sa bagay na ito.

¹⁷ Narito, ang aming Dios na aming pinaglilingkuran ay makapagliligtas sa amin sa mabangis na hurnong nagniningas; at ililigtas niya kami sa iyong kamay, Oh hari.

¹⁸ Nguni't kung hindi, talastasin mo, Oh hari, na hindi kami mangaglilingkod sa iyong mga dios, ni magsisisamba man sa larawang ginto na iyong itinayo.

¹⁹ Nang magkagayo'y napuspos ng kapusukan si Nabucodonosor, at ang anyo ng kaniyang mukha ay nagbago laban kay Sadrach, kay Mesach, at kay Abed-nego: kaya't siya'y nagsalita, at nagutos na kanilang paiinitin ang hurno ng makapito na higit kay sa dating pagiinit.

²⁰ At kaniyang inutusan ang ilang malakas na lalake na nangasa kaniyang hukbo na gapusin si Sadrach, si Mesach, at si Abed-nego, at sila'y ihagis sa mabangis na hurnong nagniningas.

²¹ Nang magkagayo'y ang mga lalaking ito'y tinalian na may mga suot, may tunika, at may balabal, at may kanilang ibang mga kasuutan, at sila'y inihagis sa gitna ng mabangis na hurnong nagniningas.

²² Sapagka't ang utos ng hari ay madalian, at ang hurno ay totoong mainit, napatay ng liyab ng apoy ang mga lalaking yaon na nagsibuhat kay Sadrach, kay Mesach, at kay Abed-nego.

²³ At ang tatlong lalaking ito, si Sadrach, si Mesach, at si Abed-nego, ay nagsibagsak na nagagapos sa gitna ng mabangis na hurnong nagniningas.

²⁴ Nang magkagayo'y si Nabucodonosor na hari ay nagtaka, at tumindig ^(AF)na madali: siya'y nagsalita at nagsabi sa ^(AG)kaniyang mga kasangguni, Di baga ang ating inihagis ay tatlong gapos na lalake sa gitna ng apoy? Sila'y nagsisagot, at nangagsabi sa hari, Totoo, Oh hari.

²⁵ Siya'y sumagot, at nagsabi, Narito, aking nakikita ay apat na lalake na hindi gapos na nagsisilakad sa gitna ng apoy, at sila'y walang paso; at ang anyo ng ikaapat ay kawangis ng isang ^(AH)anak ng mga dios.

²⁶ Nang magkagayo'y lumapit si Nabucodonosor sa bunganga ng mabangis na hurnong nagniningas: siya'y nagsalita, at nagsabi, Sadrach, Mesach, at Abed-nego, kayong mga lingkod ng Kataastaasang Dios, kayo'y magsilabas at magsiparito. Nang magkagayo'y si Sadrach, si Mesach, at si Abed-nego, ay nagsilabas mula sa gitna ng apoy.

²⁷ At ang mga satrapa, ang mga kinatawan, at ang mga gobernador, at ang mga kasangguni ng hari na nangagkakapisan ay nakakita sa mga lalaking ^(AI)ito, na ang apoy ay hindi tumalab sa kanilang mga katawan, ni ang mga buhok man ng kanilang mga ulo ay nasunog, ni ang kanila mang mga suot ay nabago, ni nagamoy apoy man sila.

Ang pagbabago ng isip ng hari.

²⁸ Si Nabucodonosor ay nagsalita at nagsabi, Purihin ang Dios ni Sadrach, ni Mesach, at ni Abed-nego, ^(AJ)na nagsugo ng kaniyang anghel, at nagligtas sa kaniyang mga lingkod na nagsitiwala sa kaniya, at binago ang salita ng hari, at ibinigay ang kanilang mga katawan, upang sila'y hindi maglingkod ni sumamba sa kanino mang dios, liban sa kanilang sariling Dios.

²⁹ Kaya't nagpapasiya ako, na ^(AK)bawa't bayan, bansa, at wika, na magsalita ng anomang kapulaan laban sa Dios ni Sadrach, ni Mesach, at ni Abed-nego, ^(AL)pagpuputolputulin, at ang kanilang mga bahay ay gagawing dumihan: ^(AM)sapagka't walang ibang dios na makapagliligtas ng ganitong paraan.

³⁰ Nang magkagayo'y pinaginhawa ng hari si Sadrach, si Mesach, at si Abed-nego, sa lalawigan ng Babilonia.

⁷ Nguni't ^(A)ang wakas ng lahat ng mga bagay ay malapit na: ^(B)kayo nga'y mangagpakahinahon, at mangagpuyat sa pananalangin:

⁸ Na una sa lahat ay ^(C)maging maningas kayo sa inyong pagiibigan; ^(D)sapagka't ang ^(E)pagibig ay nagtatakip ng karamihang kasalanan:

^9 (F)Na mangagpatuluyan kayo ng walang bulongbulungan:

¹⁰ Na ^(G)ayon sa kaloob na tinanggap ng bawa't isa, ay ipaglingkod sa inyo-inyo rin, na gaya ng mabubuting ^(H)katiwala ng masaganang biyaya ng Dios;

¹¹ Na kung ang sinoma'y nagsasalita, ay gaya ng sa mga ^(I)aral ng Dios: ^(J)kung ang sinoman ay nangangasiwa, ay gaya ng sa kalakasang ibinibigay ng Dios: ^(K)upang ang Dios ay papurihan sa lahat ng mga bagay sa pamamagitan ni Jesucristo, ^(L)na sa kaniya ang kaluwalhatian at ang paghahari magpakailan man. Siya nawa.

¹² Mga minamahal, huwag kayong mangagtaka tungkol sa mahigpit na pagsubok sa inyo, na dumarating sa inyo upang kayo'y ^(M)subukin, na waring ang nangyayari sa inyo'y di karaniwang bagay:

¹³ Kundi kayo'y mangagalak, ^(N)sapagka't ^(O)kayo'y mga karamay sa mga hirap ni Cristo; ^(P)upang sa pagkahayag ng kaniyang kaluwalhatian naman ay mangagalak kayo ng malabis na galak.

¹⁴ Kung kayo'y mapintasan ^(Q)dahil sa pangalan ni Cristo, ay mapapalad kayo; sapagka't ang Espiritu ng kaluwalhatian at ang Espiritu ng Dios ay nagpapahingalay sa inyo.

¹⁵ Nguni't huwag magbata ang sinoman sa inyo na gaya ng mamamatay-tao, o magnanakaw, o manggagawa ng masama, ^(R)o gaya ng mapakialam sa mga bagay ng iba:

¹⁶ Nguni't kung ang isang tao ay magbata na ^(S)gaya ng Cristiano, ay huwag mahiya; kundi luwalhatiin ang Dios sa pangalang ito.

¹⁷ Sapagka't dumating na ang panahon ng pasimula ng paghuhukom sa ^(T)bahay ng Dios: at ^(U)kung mauna sa atin, ano kaya ang wakas ng mga hindi nagsisitalima sa evangelio ng Dios?

¹⁸ At kung ang matuwid ^(V)ay bahagya ng makaliligtas, ang masama at ang makasalanan ay saan kaya magsisiharap?

¹⁹ Kaya't ^(W)ipagkatiwala naman ng nangagbabata ayon sa ^(X)kalooban ng Dios ang kanilang mga kaluluwa sa paggawa ng mabuti sa tapat na Lumalang.

5 Sa ^(Y)matatanda nga sa inyo'y umaaral ako, ^(Z)akong matandang kasamahan ninyo, at isang ^(AA)saksi ng mga hirap ni Cristo, na may bahagi naman sa kaluwalhatiang ihahayag:

² Pangalagaan ninyo ang kawan ^(AB)ng Dios na nasa inyo, na magsigamit kayo ng pagpupuno, na hindi sapilitan, kundi may kasayahan, na ayon sa kalooban ng Dios; ni ^(AC)hindi dahil sa mahalay na kapakinabangan, kundi sa handang pagiisip;

³ Ni hindi din naman ang gaya ng kayo'y ^(AD)may pagkapanginoon sa ^(AE)pinangangasiwaang ipinagtagubilin sa inyo, kundi kayo'y maging mga uliran ng kawan.

⁴ At ^(AF)pagkahayag ng pangulong Pastor, ay magsisitanggap kayo ^(AG)ng di nasisirang putong ng kaluwalhatian.

⁵ Gayon din naman, kayong mga kabataan, ay magsisuko sa ^(AH)matatanda. Oo, kayong ^(AI)lahat ay mangagbigkis ng kapakumbabaan, na kayo-kayo'y ^(AJ)maglingkuran: sapagka't ang ^(AK)Dios ay sumasalangsang sa mga palalo, datapuwa't nagbibigay ng biyaya sa mga mapagpakumbaba.

⁶ Kaya't kayo'y mangagpakababa ^(AL)sa ilalim ng makapangyarihang kamay ng Dios, upang kayo'y kaniyang itaas sa kapanahunan;

⁷ Na inyong ilagak sa kaniya ^(AM)ang lahat ng inyong kabalisahan, sapagka't kayo'y ipinagmamalasakit niya.

⁸ Kayo'y maging mapagpigil, kayo'y maging mapagpuyat; ang inyong kalaban ^(AN)na diablo, na gaya ng leong umuungal, ay gumagala na humahanap ng masisila niya:

⁹ Na siya'y labanan ninyong matatag sa inyong pananampalataya, ^(AO)yamang inyong nalalaman na ang mga gayong hirap ay nagaganap sa inyong mga kapatid na nangasa sanglibutan.

¹⁰ At ang Dios ng buong biyaya ^(AP)na sa inyo'y tumawag sa kaniyang walang hanggang kaluwalhatian kay Cristo, pagkatapos na kayo'y makapagbatang sangdaling panahon, ay siya rin ang magpapasakdal, magpapatibay, at magpapalakas ^(AQ)sa inyo.

¹¹ Sumasakaniya nawa ^(AR)ang paghahari magpakailan man. Siya nawa.

¹² Sa pamamagitan ni ^(AS)Silvano, na tapat nating ^(AT)kapatid, ayon sa aking palagay sa kaniya, ay sinulatan ko kayo ng maiksi, na aking iniaaral at sinasaksihan na ito ang tunay na ^(AU)biyaya ng Dios: magsitibay kayo dito.

¹³ Binabati kayo ng nasa Babilonia, na kasamang hinirang; at ni ^(AV)Marcos na aking anak.

¹⁴ Mangagbatian kayo ^(AW)ng halik ng pagibig. ^(AX)Kapayapaan nawa ang sumainyong lahat na na kay Cristo.

CAPH.

LAMED.