Bible in 90 Days

परमप्रभु भन्नुहुन्छ,
    “त्यो स्त्री जो एक्लै छे,
लोग्ने भएका स्त्रीहरू भन्दा उसको धेरै नानीहरू हुनेछन्।”

² “तिमीहरूका डेरालाई ठूलो बनाऊ,
    तिमीहरूका ढोकाहरू फराकिलो पार।
    तिमीहरूको घर बढाउन नरोक।
तिम्रा डेरा ठूलो र बलियो बनाऊ।
³     किनभने तिमीहरू एकदम बडी हाल्नेछौ।
तिम्रा छोरा-छोरीहरूले धेरै जातिहरूबाट मानिसहरू पाउनेछन्,
    तिम्रा छोरा-छोरीहरू फेरि त्यही शहरहरूमा बस्ने छ जुन ध्वंश भएका थिए।
⁴ नडराऊ!
    तिमीहरू निराश हुनेछैनौ।
मानिसहरूले तिमीहरूको विरूद्ध अनिष्ट कुराहरू गर्ने छैनन्।
    जब तिमीहरू जवान थियौ,
तिमीहरू लज्जित थियो।
    तर तिमीहरूले अहिले त्यो लाज बिर्सियौ।
तिमीहरूले त्यो लाज सम्झना गर्दैनौ।
    तिमीहरूले व्यक्त गर्यौ जतिबेला तिमीहरूका लोग्ने मरे।
⁵ किनभने तेरा लोग्ने तेरा सृष्टिकर्ता हुनुहुन्छ।
    उहाँको नाउँ सेनाहरूका परमप्रभु हो!
उहाँ इस्राएलको संरक्षक हुनुहुन्छ।
उहाँ इस्राएलको एकजना परम-पवित्र हुनुहुन्छ।
    अनि उहाँलाई सारा पृथ्वीका परमेश्वर भनिनेछ।

⁶ “तिमी त्यस्ती आइमाई थियो जसलाई लोग्नेले त्यागिसकेको थियो।
    तिमी एकदमै दु:खित थियौ,
    तर उहाँले तिमीलाई आफ्नो बनाउन बोलाउनु भयो।
तिमी त्यस्ती आइमाई हौ जसले सानो उमेरमा विवाह गरेकी थिई।
अनि उसको लोग्नेले परित्याग गरेको थियो।
    तर परमेश्वरले तिमीलाई आफ्नो बनाउन बोलाउनु भएको थियो।”
⁷ परमेश्वर भन्नुहुन्छ, “मैले तँलाई केही क्षणको निम्ति त्यागेको थिएँ।
    तिमीहरूलाई फेरि भेला गर्नेछु अनि धेरै दया दर्शाउनेछु।
⁸ म अत्यन्तै क्रोधित भएँ अनि तिमीहरूदेखि केही क्षणको लागि लुके।
    तर म तिमीहरूलाई सदा सर्वदा कृपाले सान्त्वना दिनेछु।”
    परमप्रभु तेरा उद्धारक भन्नुहुन्छ।

⁹ परमेश्वर भन्नुहुन्छ, “सम्झ नूहको समयमा मैले संसारलाई,
जलप्रलयद्वारा दण्डित गरेको थिएँ।
    तर मैल नूहसँग वचन राखेको थिएँ कि म फेरि संसारलाई,
    जलप्रलय द्वारा विध्वंश गर्ने छैन।
त्यस्तै प्रकारले म तिमीहरूसँग करार बाँध्दछु कि कहिल्यै पनि,
म तिमीहरूसँग रिसाउने छैन
    अनि नराम्रा कुराहरू गर्ने छैन।”

¹⁰ परमप्रभु भन्नुहुन्छ, “पर्वतहरू हराउन सक्छन्,
    अनि डाँडाहरू धूलो हुनसक्छन्,
तर मेरो दया तिमीहरूबाट अलग हुनेछैन्।
    म तिमीहरूसँग शान्ति कायम गर्नेछु,
अनि यसको कहिल्यै अन्त हुनेछैन्।”
    परमप्रभुले तिमीहरूमाथि दया दर्शाउनु हुन्छ।
अनि उही परमेश्वरले यी कुराहरू भन्नुभयो।

¹¹ “तिमी गरीब शहर!
    शत्रुहरू तूफान सरह तिमीहरूका विरूद्ध आई लागे।
    अनि कसैले पनि सान्त्वना दिएनन्।
तर म फेरि तिमीलाई निर्माण गर्छु,
    ढुङ्गाहरूका भित्ताहरू सजाएर म सुन्दर ढुङ्गाले तिमीलाई बनाउनेछु।
    म बहुमूल्य ढुङ्गाहरू प्रयोग गरेर तिम्रो वरिपरिको पर्खालहरू बनाउनेछु।
¹² भित्ताको माथिल्लो तहका ढुङ्गाहरू लालमाणिहरूले बनाउनेछु।
    मूलद्वार बहुमूल्य चम्कने रत्नहरूले सजाउनेछु।
    तिम्रा वरिपरिका भित्ताहरूमा बहुमूल्य रत्नहरू जड्नेछु।
¹³ तिम्रा नानीहरूले परमेश्वरलाई पछ्याउनेछन्,
अनि उहाँले तिनीहरूलाई शिक्षा दिनुहुनेछ।
    तिम्रा नानीहरूले वास्तविक रूपमा शान्ति पाउनेछन्।
¹⁴ तिमी धार्मिकतामाथि निर्माण हुनेछौ।
    यसैले तिमी सुरक्षित हुनेछौ।
केहीले पनि तिमीलाई चोट पुर्याउने छैन्।
    तिमी डराई रहनु पर्नेछैन्।
¹⁵ मेरा कुनै पनि सैन्यले तिम्रो विरूद्धमा लडाइँ गर्ने छैन।
    यदि कुनै सैनिकले आक्रमण गर्यो भने तिमीले त्यस सैन्यलाई पराजित गर्नेछौ।

⁵ ती ठाउँहरूमा धेरै जातिहरू छन् जो तिमीहरू जान्दैनौ,
    तर तिमीहरू ती जातिहरूलाई डाक्नेछौ।
ती जातिहरूले तिमीहरूलाई जान्दैनन्
    तर तिनीहरू दौडेर तिमीहरूकहाँ आउनेछन्।
यस्तो घट्ना हुने छ किनभने परमप्रभु तिमीहरूका परमेश्वरले घटना चाहनुहुन्छ।
    इस्राएलका परमपवित्रले तिमीहरूलाई आदर गर्नुहुन्छ।
⁶ यसैले तिमीहरूले परमप्रभुलाई खोज्नु पर्छ
    एकदमै ढिलो हुनु अघि नै।
तिमीहरूले उहाँलाई अहिले नै बोलाइहाल्नु पर्छ
    उहाँ नजिक भएको बेला।
⁷ दुष्ट मानिसहरूले पापमय जीवन बाँच्न छाड्नु पर्छ।
    तिनीहरूले नराम्रा कुराहरू सोच्न छाड्नु पर्छ।
तिनीहरू परमप्रभुकहाँ फेरि एकपल्ट आउनु पर्छ।
    तब परमप्रभुले उनीहरूलाई सान्त्वना दिनुहुनेछ।
ती मानिसहरू परमप्रभुकहाँ आउनु पर्नेछ,
    किनभने हाम्रो परमेश्वरले क्षमा गर्नुहुन्छ।

¹⁰ “पानी र हिँऊ आकाशबाट बर्षिन्छ अनि तिनीहरू फर्केर आकाश तिर जाँदैन्।
    जब सम्म तिनीहरूले धर्तीलाई छोएर त्यसलाई भिजाउँदैन्।
तब धर्तीले बिऊमा टुसा उमार्छ।
ती टुसाहरूले किसानकोलागि अन्न उब्जाउँछन्
    अनि मानिसहरूले ती अन्न रोटी बनाई खान्छन्।
¹¹ यस्तै प्रकारले मेरा वचनहरूले जब मेरो मुख छाड्दछ,
    अनि ती वचनहरूले केही नगरून्जेल सम्म फर्की आउँदैन्।
मेरा वचनहरूले घटनाहरू घटाउने गर्छ जुन म चाहन्छु।
    मैले पठाएका ती वचनहरू आफ्नो काम गर्न सफल हुन्छन्।

¹² “तिमी खुशी साथ बाहिर जानेछौ
    अनि शान्त रहनेछौ।
पर्वत र पहाडहरू प्रसन्न भएर नाच्न चाहनेछन्।
    खेतका सबै रूखहरूले ताली बजाउनेछन्।
¹³ जहाँ पोथ्राहरू छन् त्यहाँ विशाल सल्लाका रूखहरू उम्रनेछन्।
    वनमारा घारीमा हिना वृक्षहरू उम्रनेछन्।
ती कुराहरूले परमप्रभुको ख्याति बढाउने छ।
ती कुराहरूले परमप्रभुको शक्तिको प्रमाण गर्दछ।
    यो चिन्ह कहिल्यै नाश हुने छैन्।”

मानिसहरू विपदहरू आइरहेछ भनी बुझ्दैनन्।
    तिनीहरूलाई थाहा सम्म छैन कि बचाऊको लागि,
    धर्मी मानिसहरू भेला गरिएकोछ।
² तर ती मानिसहरूमा शान्ति आउनेछ,
    अनि तिनीहरू आफ्नौ ओछ्‌यानमा आराम गर्नेछन्,
    किनभने तिनीहरू परमप्रभुले चाहेकै बाटोमा गए।

³ “बोक्सीहरूका छोरा-छोरीहरू, तिमीहरू यता आऊ।
    तिम्रो पिता व्यभिचारका दोषी छन्।
    अनि तिम्रा आमाले शारीरिक सहवासको निम्ति आफ्नो शरीर बेच्छे।
⁴ तिमीहरू पापी र झूटो बेच्ने नानीहरू हौ।
    तिमीहरूले मसँग ठट्टा गर्यौ।
तिमीहरूले आफ्नो अनुहार मदेखि अर्कोतिर फर्कायो।
    तिमीहरूले जिब्रो देखाउँदै मलाई खिसी गर्यौ।
⁵ तिमीहरू सबै हरियो रूख मुनि
    झूटा देवताहरू पूज्न चाहन्छौ।
तिमीहरूले नानीहरूको हत्या गर्छौ अनि प्रत्येक खोलामा
    अनि चट्टानै चट्टान भएको ठाउँहरूमा तिनीहरूको बलि चढाउँछौ।
⁶ तिमीहरू नदीहरूमा चिल्लो ढुङ्गाहरू पूज्न मन पराउँछौ।
    तिमीहरू दाखमदद्य चढाएर तिनीहरूलाई पूज्छौ।
तिमीहरू तिनीहरूलाई बलि चढाउँछौ।
    तर तिमीहरूले ढुङ्गाहरू मात्र पाउँनेछौ।
के तिमीहरू सोच्छौ ती कुराहरूले मलाई खुशी पार्छ? अँहँ!
    तिनीहरूले मलाई खुशी पार्दैनन्।
⁷ तिमीहरू प्रत्तेक पहा़ड,
    र अग्ला डाँडाहरूमा आफ्नो ओछ्यान लगाउँछौ।
तिमी प्रत्येक पहाड र अल्गो पर्वतमा जान्छौ,
    र ती ठाँहरूमा बलि चढाउँछौ।
⁸ तब तिमीहरूले ती विछ्यौनाहरू बीचमा जान्छौ,
    र ती देवताहरूलाई प्रेम गरेर मेरो विरूद्ध पाप गर्छौ।
तिमीहरूले ती देवताहरूलाई प्रेम गर्छौ,
    तिमीहरू तिनीहरूका नाङ्गो शरीरहरू हेरेर खुशी हुन्छौ।
तिमीहरू मसँग थियौ, तर तिनीहरूले मलाई त्याग्यौ,
    तिनीहरूका हुनको लागि मलाई सम्झन सहयोग पुर्याउने कुराहरू तिमीहरूले लुकायौ।
तिमीहरूले ती कुराहरू ढोका र चौखटहरू पछाडी लुकायौ।
    त्यसपछि तिमीहरू गयौ र ती झूटा देवताहरूसँग करार बाँध्यौ।
⁹ तिमीहरूले आफ्नो झूटा देवता मोलेक अघि सुन्दर देखिनलाई
    आफ्ना तेलहरू र अत्तरहरू प्रयोग गर्यौ।
तिमीहरूले आफ्ना सन्देशवाहकहरू टाढा ठाउँहरूमा पठायौ,
    तर तिनीहरू मृत्युको स्थानमा जानेछौ।
¹⁰ तिमीहरूले ती कामहरू गर्नलाई पूरा परिश्रम गर्यौ,
    अनि कहिल्यै थाकेनौ।
तिमीहरूले अतिरिक्त बल प्राप्त गर्यौ,
    किनभने तिमीहरू निराश र थकित भएनौ।
¹¹ तिमीहरूले मलाई सम्झना गरेनौ।
    तिमीहरूले मलाई हेर्दा पनि हेरेनौ।
यसकारण तिमीहरू चिन्ता गर्ने को थियौ?
    कससँग डराएका थियौ, किन झूट बोल्यौ?
हेर, म लामो समयदेखि चुपचाप छु
    अनि तिमीहरूले मलाई सम्मान गरेनौ।
¹² म तिमीहरूका असल कार्यहरू बारेमा
    अनि सम्पूर्ण धार्मिकताका बारेमा बोल्न सक्थें,
    तर ती सबै निरर्थक हुन्छन्।
¹³ जब तिमीहरूलाई सहायताको खाँचो पर्यो,
    तिमीहरूले ती झूटा देवताहरूलाई गुहार मग्यौ,
    जुन मूर्तिहरू तिमीहरूले आफ्ना वरिपरि भेला गरेका थियौ।
तिमीहरूलाई त्यही मूर्तिहरूले सघाओस्।
    तर म तिमीहरूलाई भन्छु बतासले तिनीहरू सबैलाई उडाई लैजानेछ।
बतासको एक वेगले तिनीहरूलाई उडाई लैजानेछ।
    तर त्यो मानिस जो ममाथि आश्रित छ,
त्यसले त्यो जमीन पाउनेछ, त्यो म वचन दिन्छु।
    त्यस मानिसले मेरो पवित्र पर्वत पाउनेछ।”

¹⁵ परमेश्वर उच्च हुनुहुन्छ र माथि उठ्नु भएको छ।
    परमेश्वर सदा सर्वदा जीवित हुनुहुने
परमेश्वरको नाउँ नै पवित्र हो।
    परमेश्वर भन्नुहुन्छ, “म उच्च र पवित्र ठाउँमा बस्दछु,
साथै ती दु:खी र नम्र मानिसहरूसँग बस्दछु।
    जो हृदयमा नम्र हुँदछ तिनीहरूलाई म नयाँ जीवन प्रदान गर्दछु।
जो हृदयमा पश्चाताप गर्छन
    तिनीहरूलाई पनि म नयाँ जीवन प्रदान गर्दछु।
¹⁶ म सधैँ लडाईँ गर्ने छैन।
    म सधैँ नै क्रोधित भई रहने छैन।
यदि म लगातर क्रोधित भई रहें भने
    मैले प्रदान गरेका मानिसहरूका आत्माहरू मेरो समक्ष मर्नेछन्।
¹⁷ ती मानिसहरूले पाप काम गरे
    अनि त्यसैले मलाई क्रोधित बनाए।
यसैले मैले इस्राएललाई दण्ड दिएँ,
    उबाट मैले मुख फर्काएँ किनभने म रिसाएको थिएँ।
अनि इस्राएलले मलाई त्यागेर गयो,
    उसले जता इच्छा गर्यो उतै गयो।
¹⁸ इस्राएल कहाँ गयो, मैले देखें।
    यसकारण मैले उसलाई क्षमा दिएँ।
मैले उसलाई सान्त्वना दिएँ अनि उसलाई स्वास्थ्य पार्ने शब्दहरू भने।
    त्यसपछि ऊ र उसका मानिसहरूले उदासी अनुभव गरेनन्।
¹⁹ तिनीहरूलाई मैले एक नयाँ वचन सिकाएँ “शान्ति”।
    मेरा नजिक साथै टाढा रहेका मानिसहरूलाई म शान्ति प्रदान गर्नेछु,
म ती मानिसहरूलाई क्षमा दिनेछु।”
    परमप्रभु स्वयंले ती कुराहरू भन्नुभयो।

²⁰ तर दुष्ट मानिसहरू समुद्रको छाल उठेका जस्ता छन्।
    तिनीहरू शान्त र चुपचाप बस्न सक्तैनन्।
तिनीहरू क्रोधित छन् छाल उठेका समुद्र जस्ता
    त्यसले हिलो माटोहरू उछिटाउँछ।
²¹ मेरा परमेश्वर भन्नुहुन्छ,
    “दुष्ट मानिसहरूलाई त्यहाँ शान्ति छैन।”

परमप्रभुले हेर्नु भयो अनि उहाँले धार्मिकता कतै पाउन सक्नु भएन्।
    परमप्रभुले ती सबै मन पराउनु भएन।
¹⁶ परमप्रभुले हेर्नु भयो र कतै पनि कुनै मानिस नभएकोले
    उहाँ छक्क पर्नुभयो जससँग उभिएर बोल्न सकिन्छ।
यसकारण परमप्रभुले आफ्नो शक्ति प्रयोग गर्नु भयो
    र साथै आफ्नै धार्मिकता चलाउनु भयो,
    अनि मानिसहरूलाई उद्धार गर्नु भयो।
¹⁷ परमप्रभुले युद्ध तयार गर्नुभयो।
    परमप्रभुले धार्मिकताको हतियार भिर्नु भयो।
मुक्तिको टोपी लगाउनु भयो दण्डको पोषाक
    र प्रबल प्रेमको लुगा लगाउनु भयो।
¹⁸ परमप्रभु आफ्ना शत्रुहरूमाथि क्रोधित हुनुहुन्छ।
    यसैले परमप्रभुले तिनीहरूलाई दण्ड दिनुहुनेछ,
    जसको हकदार तिनीहरू छन्।
परमप्रभु आफ्ना शत्रुहरूसँग क्रोधित हुनुहुन्छ।
    यसकारण टाढा-टाढामा भएका सबै मानिसहरूलाई उहाँले दण्ड दिनुहुनेछ।
¹⁹ तब नै पश्चिमका मानिसहरू परमप्रभुसित डराउँछन्
    अनि उहाँलाई सम्मान गर्छन्।
पूर्वका मानिसहरू डराउनेछन्,
    अनि उहाँको महिमाको आदर गर्नेछन्।
तेज बग्ने नदी प्रवल हावाले हुत्याए झैं,
    परमप्रभु झट्टै आउनु हुनेछ।
²⁰ तब सियोनमा मुक्तिदाता आउनेछ।
    उहाँ याकूबको सन्तानहरूकहाँ आउनु हुनेछ,
    जसले पापगरे तर परमप्रभु कहाँ फर्केर आए।

⁵ “यो भविष्यमा पूरा हुनेछ।
    अनि त्यस समय, तिमीहरूले आफ्ना मानिसहरूलाई देख्नेछौ।
अनि तिमीहरूका अनुहार खुशीले चम्किनेछन्।
    पहिला तिमीहरू डराउनेछौ तर पछि तिमीहरू खुशीले उत्तेजित हुनेछौ।
समुद्रहरू तरेर आएका सारा सम्पत्तिहरू तिमीहरू समक्ष राखिनेछन्,
    जाति-जातिका सम्पत्तिहरू तिमीहरूकहाँ नै आउनेछन्।
⁶ मिद्यान र एपाबाट आएका ऊँटहरूले
    तिमीहरूका धर्ती पार गर्ने छन्।
शेबाबाट आएका ऊँटहरूका लस्करले सुन
    र सुगन्धित वस्तु लिएर आउनेछन्।
    मानिसहरूले परमप्रभुको स्तुति गान गाउनेछन्।
⁷ केदारबाट आएका सारा भेंडा, मानिसहरूले जम्मा गर्नेछन,
    अनि तिमीहरूकहाँ ल्याइदिनेछन्,
नबायोतका भेंडा़हरूले तिम्रो सेवा गर्नेछन्।
    तिमीहरूले ती पशुहरू मेरो बेदीमा अर्पण गर्नेछौ।
अनि म ती सबै ग्रहण गर्नेछु।
    म मेरो महिमाको मन्दिर पहिलेको भन्दा अझ सुन्दर बनाउने छु।
⁸ मानिसहरूलाई हेर!
    बादलहरू आकाश्मा छिटो उडेजस्तै तिनीहरू तिमीहरू कहाँ आतुरिन्दै आइरहेछन्
    मानौ तिनीहरू ढुकुरहरू आफ्ना गुँडहरूमा जान उडिरहे जस्तै तिनीहरू आउँदैछन्।
⁹ टाढामा भएका देशहरूले मलाई पर्खिरहेछ।
    समान बोक्ने जहाजहरू समुद्रमा जान तयार छन्।
ती जहाजहरू टाढामा भएका तिमीहरूका नानीहरू ल्याउनलाई तयार छन्।
    तिनीहरूले परमप्रभु तिम्रा परमेश्वरलाई जो इस्राएलका परम-पवित्र हुनुहुन्छ,
श्रद्धा प्रकट गर्न सुन र चाँदी बोकेर ल्याउनेछन्।
    परमप्रभुले तिमीहरूका लागि अचम्मका कामहरू गर्नुहुनेछ।
¹⁰ अन्य देशका छोरा-छोरीहरूले तिम्रा पर्खालहरू फेरि निर्माण गरिदिनेछन्।
    तिनीहरूका राजाहरूले तिमीहरूका सेवा गर्नेछन्।

“जब म क्रोधित हुन्छु, म तिमीहरूलाई चोट पुर्याउँछु।
    तर अहिले, म तिमीहरूलाई दया देखाउँन चाहन्छु
    यसैले म तिमीहरूलाई सान्त्वना दिइरहेछु।
¹¹ तिमीहरूका प्रवेशद्वारहरू सधैँ खोलिनेछन्।
    ती द्वारहरू दिन तथा रातमा कहिल्यै बन्द हुने छैनन
    जातिहरू र राजाहरूले तिमीहरूलाई आफ्ना सम्पति ल्याइदिनेछ।
¹² कुनै कुनै जाति अथवा राष्ट्रले तिमीहरूको सेवा गर्दैनन्
    तर तिनीहरू नाश हुनेछन्।
¹³ लबानोनका सबै महत्वपूर्ण कुराहरू
    तिमीहरूलाई दिइनेछ।
मानिसहरूले देवदारू, धूपी रूखहरू तिमीहरूलाई ल्याई दिनेछन्।
    ती रूखहरू मेरो पवित्र स्थान सुन्दर बनाउनको लागि प्रयोग गरिनेछ,
यो मेरो सिंहासन समक्ष एउटा चौकी जस्तो हुनेछ।
    अनि म यसलाई ज्यादा श्रद्धा दिनेछु।
¹⁴ विगतमा जुन मानिसहरूले तिमीहरूलाई चोट पुर्याए,
    ती मानिसहरू तिम्रो समक्ष झुक्ने छन्।
विगतमा, जो मानिसहरूले तिमीहरूलाई घृणा गरे
    ती मानिसहरू तिम्रा खुट्टामा निहुरिनेछन्।
ती मानिसहरूले तिमीलाई ‘परमप्रभुका शहर’
    ‘इस्राएलको परम-पवित्र “सियोन” भन्ने छन्।’

¹⁵ “तिमीहरू फेरि एक्लै छाडिनेछैनौ।
    तिमीहरू फेरि हेला हुनेछैनौ।
    तिमीहरू फेरि रित्तो हुनेछैनौ।
म तिमीहरूलाई सदा-सर्वदा महान् बनाउँनेछु।
    तिमी सदा-सर्वदा खुशी हुनेछौ।
¹⁶ जाति-जातिले तिमीहरूले चाहेका सबै कुराहरू दिनेछन्।
    यो आफ्ना आमाको दूध पिउने बालक जस्तो हुनेछ।
तर तिमीले राजाहरूबाट धनहरू पाउनेछौ।
    तब तिमीले ‘म परमप्रभु हुँ’ भनेर चिन्नेछौ, जसले तिमीलाई बचाउँछ।
    तिमीले जान्नेछौ कि याकूबको शक्तिशाली परमेश्वरले तिमीलाई उद्धार गर्नु हुन्छ।

¹⁷ “तिमीमा अहिले काँसा छ,
    म सुन ल्याई दिनेछु।
तिमीसँग अहिले फलाम छ,
    म तिमीलाई चाँदी ल्याई दिनेछु।
म तिम्रो काठलाई काँसा बनाई दिनेछु।
    म दण्डलाई शान्तिमा परिवर्तन गरिदिने छु।
जब मानिसहरूले तिमीलाई चोट पुर्याउँछ
    तर अहिले मानिसहरूले तिमीलाई राम्रो व्यवहार गर्नेछन्।
¹⁸ त्यहाँ तिम्रो देशमा फेरि कहिल्यै अत्याचारको खबरहरू आउने छैनन्।
    मानिसहरूले फेरि कहिल्यै तिम्रो देशमा आक्रमण र चोरी गर्ने छैनन्।
तिमीले आफ्नो भित्ताहरूको नाउँ ‘मुक्ति’ भनेर लेख्नेछौ।
    तिमीले आफ्नो प्रवेशद्वारको नाउँ ‘स्तुति’ राख्नेछौ।

¹⁹ “घाम अब तिम्रो लागि दिनभरिको प्रकाश हुनेछैन्।
    चन्द्रमाको उज्यालो पनि तिम्रो लागि रातभरिको प्रकाश हुनेछैन्।
किनभने परमप्रभुको प्रकाश नै सदा सर्वदा तिम्रो प्रकाश हुनेछ।
    तेरो परमेश्वर नै तेरो महिमा हुनुहुनेछ।
²⁰ तिम्रो सूर्य कहिल्यै अस्ताउने छैन,
    फेरि तिम्रो चन्द्रमा कहिल्यै अन्ध्यारो हुनेछैन
किनभने परमप्रभु नै अनन्तको प्रकाश हुनुहुनेछ।
    अनि तिम्रो शोकका दिन अन्त हुनेछ।

²¹ “तिम्रा सारा मानिसहरू धार्मिक हुनेछन्।
    ती मानिसहरूले पृथ्वी फेरि प्राप्त गर्नेछन्।
मैले ती मानिसहरू सृजना गरें।
    तिनीहरू अद्भूत बिरूवा हुन्,
    त्यो मैले आफ्नै हातले बनाएको हुँ।
²² स-साना परिवारहरू ठूलो परिवारमा परिणत हुनेछन्।
    स-साना परिवार एक दरिलो जाति हुनेछ।
जब समय अनुकूल हुन्छ,
    म परमप्रभु चाँडै आउनेछु।
    म ती कुराहरू घटित गर्नेछु।”

⁶ यरूशलेम, म तिम्रा पर्खालहरूमाथि रक्षकहरू खटाउनेछु।
    ती रक्षकहरू चुप लागेर बस्ने छैनन्।
    तिनीहरू रात दिन प्रार्थना गरिरहनेछन्।

रक्षकहरू! तिमीहरूले परमप्रभुलाई प्रार्थना अवश्य गर्नुपर्छ।
    तिमीहरूले उहाँलाई आफ्ना वचनहरूको सम्झना गराउनु पर्छ।
    कहिल्यै प्रार्थना गर्न नचुक।
⁷ जबसम्म परमप्रभुले पृथ्वीमा यरूशलेम बनाउनु हुन्न
    तबसम्म तिमीहरूले उहाँलाई प्रार्थना गर्नु नै पर्छ।

⁸ परमप्रभुले शपथ ग्रहण गर्नुभयो। उहाँले प्रमाण स्वरूप आफ्नै शक्ति चलाउनु भयो
    अनि परमप्रभुले त्यो आफ्नो शक्ति त्यही वचनहरू कायम राख्न चलाउनु हुनेछ।
परमप्रभुले भन्नुभयो, “प्रतिज्ञा गर्छु कि,
अब कहिल्यै तिमीहरूका खाद्यान्न तिमीहरूका शत्रुहरूलाई दिइने छैन।
    म वचन दिँन्छु कि तिमीहरूले बनाएका दाखरस,
    तिम्रा शत्रुहरूले लैजाने छैनन्।
⁹ जुन मानिसले अन्नहरू थुपारेकाछन् त्यसैले खानेछ,
अनि त्यस मानिसले परमप्रभुको प्रशंसा गर्नेछ।
    जुन मानिसले दाखहरू थुपार्दछ, ती दाखहरूबाट उसले दाखरस पिउनेछ,
    अनि ती कुराहरू मेरो पवित्र देशमा हुनेछ।”

¹⁰ मूल ढोकाहरूबाट आऊ!
    मानिसहरूकोलागि बाटो खुल्ला पारिदेऊ।
बाटो तयार पार।
    बाटोको सारा ढुङ्गाहरू हटाई देऊ।
मानिसहरूकोलागि चिन्ह स्वरूप डन्डा उठाऊ।

¹¹ सुन, परमप्रभु टाढा देशहरूमा बस्नेहरूसँग
    बोली रहनु भएकोछ।
“सियोनका मानिसहरूलाई बताऊ
    ‘हेर, तिमीहरूका मुक्तिदाता आउँदै हुनुहुन्छ।
उहाँले तिमीहरूको लागि पुरस्कार ल्याई रहनु भएकोछ
    उहाँले त्यो इनाम आफैसँग लिएर आउनु हुँदैछ।’”
¹² उहाँका मानिसहरूलाई “पवित्र मानिसहरू,”
    या “परमप्रभुका सुरक्षित मानिसहरू” भनेर बोलाईने छ।
अनि यरूशलेमलाई “परमेश्वरले चाहनु भएको शहर,”
    या “परमेश्वरसँगै भएको शहर” भनिने छ।

² “किन तिम्रो पोशाकहरू चहकिलो रातो छ?
    तिनीहरू त्यस्ता मानिसहरूले लगाउने पोशाक हुन्,
    जो दाखहरूमाथि हिंड्छन् र त्यसको दाखरस बनाउँदछन्।”

³ उसले जवाफ दिन्छ, “मैले आफै अङ्गुरहरू कुल्चिएर हिँड्दै पिस्दैछु।
    मलाई कसैले पनि सहायता गरेनन्।
म रिसाएको थिएँ यसैले अङ्गुरहरूमाथि कुल्चिँदै हिँडे।
    मेरो लुगामा अङ्गुरको रसको छिटाहरू उछिटिएर पर्यो।
    यसैले मेरा लुगाहरू मैला भयो।
⁴ मैले मानिसहरूलाई दण्ड दिने समय रोजें।
    मेरा निम्ति मेरो मानिसहरूलाई बचाउने र रक्षा गर्ने समय आइसकेकोछ।
⁵ मैले चारै तिर हेरें, तर कुनै मानिस पनि सहाअता गर्ने देखिएनन्।
    मलाई कसैले सहाअता नगरेको देखेर छक्क परें।
यसकारण मैले आफ्ना मानिसहरूलाई रक्षा गर्न आफ्नै शक्ति प्रयोग गरें।
    मेरो आफ्नै क्रोधले मलाई प्रेरणा दियो।
⁶ म रिसाएको बेला, मानिसहरूमाथि हिँडें।
    म पागल भएको बेला मानिसहरूलाई दण्ड दिएँ।
    मैले तिनीहरूका रगत भूईंमा पोखाएँ।”

¹¹ तर धेरै बर्ष अघि के भएको थियो परमप्रभु अझै सोच्नु हुन्छ।
    उहाँ मोशा र मानिसहरूको बारेमा सोच्नु हुन्छ।
परमप्रभु नै एकजना हुनुहुन्छ जसले मानिसहरूलाई समुद्रबाट ल्याउनु भयो।
    परमप्रभुले आफ्ना भेंडाहरू डोर्याउन आफ्नो गोठाला प्रयोग गर्नु भयो।
तर परमप्रभु, जसले आफ्नो आत्मा तिनीहरूमा स्थापित गर्नु भयो,
    अहिले कहाँ हुनुहुन्छ?
¹² परमप्रभुले मोशालाई दाहिने हातले डोर्याउनु भयो।
मोशालाई डोर्याउनकोलागि परमप्रभुले आफ्नो अद्भुत शक्ति प्रयोग गर्नभयो।
    परमप्रभुले पानीलाई दुइ भागमा विभाजन गर्नु भयो
ताकि मानिसहरू समुद्रबाट हिँड्न सकुन्।
    त्यस्ता महान कुराहरू गरेर परमप्रभुले आफ्नो नाउँ प्रख्यात पार्नुभयो।
¹³ परमप्रभुले गहिरो समुद्रहरूबाट मानिसहरूलाई डोर्याउनु भयो।
    मानिसहरू नडुबीकन पानीमाथि हिंडे
    जसरी एउटा घोडा जङ्गलमा हिँडीरहेछ।
¹⁴ एउटा गाई खेतमा हिँड्दा सजिलै लड्दैन।
यस्तै प्रकारले समुद्रमा हिँड्दा मानिसहरू लडेनन्।
    परमप्रभुको आत्माले मानिसहरूलाई विश्रामको ठाउँमा लादैं थियो।
    सब समय मानिसहरू सुरक्षित थिए।
परमप्रभु त्यही नै बाटो हो तपाईंले मानिसहरूलाई डोर्याउनु भयो
    अनि तपाईंको प्रशंसायोग्य नाउँ महिमीत पार्नुभयो।

64 यदि तपाईंले आकाश च्याति पृथ्वीमा झार्नु भयो भने
    प्रत्येक कुराहरू परिवर्तित हुने थियो।
    पर्वतहरू तपाईं समक्ष पग्लने थिए।
² पर्वतहरू आगोको रापमा झारपातहरू जलिरहे जस्तो जल्ने थिए।
    पर्वतहरू आगोमाथि पानी जस्तै उम्लिने थिए।
तब तपाईंका शत्रुहरूले तपाईंको बारेमा जान्नेथिए।
    तब सारा जातिहरू तपाईंलाई देख्दा डरले काम्ने थिए।
³ जब तपाईं अप्रत्यासित कार्य गर्नुहुन्छ,
    पर्वतहरू तपाईं अघि पग्लन्छन्।
⁴ तपाईंका मानिसहरूले साँच्चि नै तपाईंको कुरा कहिल्यै सुनेन्।
    तपाईंले बताएका कुराहरूमा कहिल्यै ध्यान दिएर सुनेन्।
कसैले पनि तपाईं जस्तो परमेश्वर देखेका छैनन्।
    तपाईं बाहेक त्यहाँ त्यस्तो परमेश्वर हुनु हुन्न्।
यदि मानिसहरूमा धैर्य भए अनि तपाईंको सहयोग पर्खेको भए,
    तिनीहरूका लागि तपाईंले महान कुराहरू गरिदिनुहुने थियो।

⁵ तपाईं त्यस्ता मानिसहरूसित हुनुहुन्थ्यो जो काम गर्न मन पराउँथे।
    ती मानिसहरूले तपाईंले बताउनु भएको बाटो अनुसार गर्दै तपाईंलाई सम्झना गर्छन्।
तर अतीतमा हामीले तपाईंको विरूद्ध पाप गर्यौ।
यसैकारण तपाईं हामीसित क्रोधित हुनुभयो।
    अब हामीहरू कसरी बचाइन सक्नेछौं?
⁶ हामी सबै पापले अशुद्ध भएका छौं।
    हाम्रा असल कामहरू पनि शुद्ध छैनन्।
    तिनीहरू रगतका दागहरू भएका लुगाहरू जस्ता छन्।
हामी ओइलएर झरेका पातहरू झैं छौं।
    हाम्रा पापहरूले हामीलाई बतासले झैं उडाइलैजानेछ।
⁷ हामी तपाईंलाई पूज्दैनौं।
हामी तपाईंको नाउँमा विश्वास गर्दैनौं।
    हामी तपाईंलाई अनुशरण गर्न उत्साहित हुँदैनौं।
यसकारण तपाईं हामीदेखि टाढा हुनु भएकोछ।
    हामी तपाईं समक्ष असहाय छौं, किनभने हामी पापै पापले भरिपूर्ण छौं।
⁸ तर परमप्रभु, तपाईं हाम्रो पिता हुनुहुन्छ।
    हामी हिलो जस्तै छौं अनि तपाईं कुमाले हुनुहुन्छ।
    तपाईंकै हातले हामीहरूलाई बनाउनु भयो।
⁹ परमप्रभु, हामीसित अब यसरी क्रोधित भइ नरहनु होस्।
    हाम्रा पापहरूलाई सधैँ ध्यानमा नराखी भुलि दिनु होस्।
दया गरेर हामीमाथि हेर्नुहोस्
    हामी तपाईंका मानिसहरू हौं।
¹⁰ तपाईंका पवित्र शहरहरू रित्तो छन्।
    ती शहरहरू उजाड र निर्जन छन्।
    सियोन निर्जन छ! यरूशलेम ध्वंश भइसक्यो।
¹¹ हाम्रा पिता-पुर्खाहरूले तपाईंलाई हाम्रा पवित्र मन्दिरमा पूज्थे।
    हाम्रा मन्दिरहरू एकदम अचम्मका थिए, तर अहिले यो आगोमा जलेर गयो।
    हाम्रा सारा बहुमूल्य सम्पत्तिहरू विनाश भए।
¹² के यी सबै कुराहरूले हामीलाई तपाईंको प्रेमदेखि टाढा लानेछ?
    के तपाईं सधैँ चूपचाप बस्नु हुन्छ?
    के तपाईं हामीलाई सधैँ दण्ड दिनुहुन्छ?

¹⁹ “तब म यरूशलेमसँग आनन्दित हुनेछु।
    म मेरा मानिसहरूसँग खुशी हुनेछु।
त्यहाँ फेरि कहिल्यै पनि कोलाहल,
    र कष्ट हुनेछैन्।
²⁰ त्यहाँ त्यस शहरमा कुनै पनि यस्तो नानी हुने छैन,
जुन जन्मेर केही दिन मात्र बाँच्दछ।
    त्यस शहरमा छोटो आयु लिएर बाँच्ने कुनै मानिस हुनेछैन।
प्रत्येक बालक लामो आयु लिएर बाँच्दछ,
    अनि प्रत्येक मानिस धेरै लामो समयसम्म बाँच्नेछ।
सय बर्ष सम्म बाँच्ने मानिसलाई जवान नै ठानिने छ।
    अनि जुन मानिस सय बर्ष सम्म पनि बाँच्दैन,
    उसलाई श्रापित भएको ठानिन्छ।

²¹ “त्यस शहरमा यदि कसैले घर बनाउँछ भने,
त्यो मानिस त्यहीं बस्नेछ।
    यदि कसैले दाखहरूका बोट बगैंचामा रोप्दछ भने,
    त्यस मानिसले त्यही बगैंचाबाट दाख फलहरू खानेछ।
²² कहिल्यै पनि एकजनाले घर बनाउने छैन,
    अनि अर्को मानिस त्यसमा बस्ने छैन्।
कहिल्यै पनि एकजनाले बगैंचा लगाउने छैन
    अनि अर्को मानिसले बगैंचाको फलफूल खाने छैन्।
मेरा मानिसहरू रूखहरू बाँचुन्जेल सम्म बाँच्नेछन्।
    मैले रोजेका मानिसहरू आफूले बनाएका चीजहरू प्रसन्न भएर लिनेछन्।
²³ स्त्रीहरू मरेका नानी जन्माउँनका लागि कहिल्ये पनि फेरि कष्ट गर्ने छैनन्।
    स्त्रीहरू नानी जन्माउने बेलामा के कस्तो घटना होला भनेर डराउने छैनन्।
मेरा सारा मानिसहरू र उनीहरूका बालकहरू परमप्रभुकै आशिष परेका हुनेछन्।
²⁴ तिनीहरूले भन्नु अघि नै म तिनीहरूको खाँचो के छ जान्दछु।
    अनि तिनीहरूले आफ्नो दावी राख्न अघि नै म तिनीहरूलाई सहायता गर्नेछु।
²⁵ ब्वाँसो र थुमा एउटै ठाउँमा एकसाथ खानेछन्।
    सिंहहरू र गोरूहरूसँगै पराल खानेछन्।
    मेरो पवित्र पर्वतमा कसैले कसैलाई डर देखाउने
अनि चोट पुर्याउनेछैन्।”
परमप्रभुले यी सबै कुराहरू भन्नुभयो।

⁵ तिमीहरूले परमप्रभुका आज्ञाहरू पालन गर्छौ भने,
    परमप्रभुले भन्नु भएका कुराहरू पनि सुन्नुपर्छ।
“तिमीहरूका दाज्यू-भाइहरूले तिमीहरूलाई घृणा गरे,
    तिनीहरू तिमीहरूका विरोधी भए किनभने तिमीहरूले मलाई पछ्यायौ।
तिमीहरूका दाज्यू-भाइहरूले भने,
    ‘हामी तिमीहरूकहाँ फर्केर आउनेछौं जब परमप्रभु सम्मानित हुनुहुन्छ।’
    ती दुष्ट मानिसहरू दण्डित हुने नै छ।”

¹² परमप्रभुले भन्नुहुन्छ:
“हेर, म तिमीहरूलाई शान्ति प्रदान गर्नेछु त्यो शान्ति ठूलो नदी सरह बग्नेछ।
    पृथ्वीमा भएका सारा जातिहरूको धनसम्पत्ति बाढी जस्तो बग्दै तिमीहरूकहाँ आउनेछ।
अनि स-सना शिशुहरू जस्तै तिमीहरूले त्यो ‘दूध’ पिउनेछौ,
    म तिमीहरूलाई मेरो आफ्नै पाखुराहरूमा उठाउनेछु,
    अनि मेरो गोडाहरूमा उफार्नेछ।
¹³ म तिमीहरूलाई एउटा आमाले आफ्नो बालकलाई गरेकी जस्तै सान्तवना दिनेछु।
    अनि तिमीहरू यरूशलेममा हुनेछौ जब म तिमीहरूलाई सान्तवना दिइरहेको हुनेछु।”

¹⁴ तिमीहरूले ती चीजहरू देख्नेछौ जसले तिमीहरूलाई साँच्चै आनन्दित तुल्याउनेछ।
    तिमीहरू स्वतन्त्र हुनेछौ र घाँस जस्तो बढ्नेछौ।
परमप्रभुका सेवकहरूले उहाँको शक्ति देख्नेछन्,
    तर उहाँका शत्रुहरूले उहाँको रिस मात्र देख्नेछन्।
¹⁵ हेर, परमप्रभु आगोसित आउँदै हुनुहुन्छ।
    परमप्रभुको सिपाहीहरू आँधी-बेहेरी झैं आउँदै छन्।
परमप्रभुको आफ्ना क्रोधले तिनीहरूलाई दण्ड दिनुहुनेछ।
    परमप्रभुले क्रोधको राँको जलाएर तिनीहरूलाई दण्ड दिनुहुनेछ।
¹⁶ परमप्रभुले मानिसहरूको न्याय गर्नुहुनेछ।
    तब परमप्रभुले मानिसहरूलाई आगो र उहाँको तरवारले नाश गर्नेहुनेछ।
    परमप्रभुले धेरैलाई नाश गर्नुहुनेछ।