The Daily Audio Bible

5 Ako'y ^(A)dumating sa aking halamanan, kapatid ko, kasintahan ko:
Aking dinampot ang aking ^(B)mira pati ang aking especia;
^(C)Aking kinain ang aking pulot-pukyutan pati ang aking pulot;
Aking ininom ang aking alak pati ang aking gatas.
Magsikain kayo, Oh mga kaibigan; Magsiinom kayo, oo, magsiinom kayo ng sagana, Oh sinisinta.
² Ako'y nakatulog, nguni't ang aking puso ay gising:
Ang tinig ng aking sinta ^(D)ang siyang tumutuktok, na kaniyang sinasabi,
Pagbuksan mo ako, kapatid ko, ^(E)sinta ko, ^(F)kalapati ko, ^(G)sakdal ko:
Sapagka't ang aking ulo ay basa ng hamog,
Ang aking mga kulot na buhok ay ng mga patak ng gabi.
³ Aking hinubad ang aking suot; paanong aking isusuot?
Aking hinugasan ang aking mga paa paanong sila'y aking dudumhan?
⁴ Isinuot ng aking sinta ang kaniyang kamay sa butas ng pintuan,
At nakilos ang aking puso sa kaniya.
⁵ Ako'y bumangon upang pagbuksan ang aking sinta;
At ang aking mga kamay ay tutulo ng mira,
At ang aking mga daliri ng malabnaw na mira.
Sa mga tatangnan ng trangka.
⁶ Aking pinagbuksan ang aking sinta:
Nguni't ang aking sinta ay umurong at nakaalis,
Napanglupaypay na ako ng aking kaluluwa ^(H)nang siya'y magsalita:
^(I)Aking hinanap siya, nguni't hindi ko nasumpungan siya;
Aking tinawag siya, nguni't hindi siya sumagot sa akin.
⁷ Nasumpungan ako ng ^(J)mga bantay na nagsisilibot sa bayan,
Sinaktan nila ako, sinugatan nila ako,
Inalis sa akin ang aking balabal ng mga tanod ng mga kuta.
⁸ Pinagbibilinan ko kayo, ^(K)Oh mga anak na babae ng Jerusalem,
Kung inyong masumpungan ang aking sinta,
Na inyong saysayin sa kaniya, na ako'y may sakit, ^(L)na pagsinta.
⁹ Ano ang iyong sinta na higit kay sa ibang sinta,
^(M)Oh ikaw na pinakamaganda sa mga babae?
Ano ang iyong sinta na higit kay sa ibang sinta,
Na iyong ibinibilin sa amin ng ganyan?
¹⁰ Ang aking sinisinta ay maputi at mapulapula
Na pinakamainam sa sangpung libo.
¹¹ Ang kaniyang ulo ay gaya ng pinakamainam na ^(N)ginto:
Ang kaniyang kulot na buhok ay malago at maitim na gaya ng uwak.
¹² Ang kaniyang mga mata ay ^(O)gaya ng mga kalapati sa siping ng mga batis ng tubig;
Na hinugasan ng gatas at bagay ang pagkalagay.
¹³ Ang kaniyang mga pisngi ay gaya ng ^(P)pitak ng mga especia,
Gaya ng mga bunton ng mga mainam na gulay:
Ang kaniyang mga labi ay gaya ng mga ^(Q)lila na tumutulo ng malabnaw na mira.
¹⁴ Ang kaniyang mga kamay ay gaya ng mga singsing na ginto na may lakip na ^(R)berilo:
Ang kaniyang katawan ay gaya ng yaring garing na binalot ng mga ^(S)zafiro.
¹⁵ Ang kaniyang mga hita ay gaya ng haliging marmol, na nalalapag sa mga tungtungan na dalisay na ginto:
Ang kaniyang anyo ay gaya ng ^(T)Libano na marilag na gaya ng mga sedro.
¹⁶ Ang kaniyang bibig ay pinakamatamis:
Oo, siya'y totoong kaibigibig.
Ito'y aking sinta at ito'y aking kaibigan,
Oh mga anak na babae ng Jerusalem.

6 Saan naparoon ang iyong sinisinta,
^(U)Oh ikaw na pinakamaganda sa mga babae?
Saan tumungo ang iyong sinisinta,
Upang siya'y aming mahanap na kasama mo?
² Ang sinisinta ko'y bumaba ^(V)sa kaniyang halamanan,
^(W)Sa mga pitak ng mga especia,
Upang magaliw sa mga halaman, at upang mamitas ng mga ^(X)lila.
³ Ako'y sa aking sinisinta, ^(Y)at ang sinisinta ko ay akin:
Pinapastulan niya ang kaniyang kawan sa gitna ng mga lila.
⁴ Ikaw ay maganda, sinta ko, na gaya ng ^(Z)Tirsa,
Kahalihalina na gaya ng Jerusalem,
Kakilakilabot na gaya ng hukbo na may mga watawat.
⁵ Ihiwalay mo ang iyong mga mata sa akin,
Sapagka't kanilang dinaig ako.
^(AA)Ang iyong buhok ay gaya ng kawan ng mga kambing,
Na nangahihilig sa gulod ng Galaad.
⁶ Ang iyong mga ngipin ay ^(AB)gaya ng kawan ng mga babaing tupa,
Na nagsiahong mula sa pagpaligo;
Na bawa't isa'y may anak na kambal,
At walang baog sa kanila.
⁷ Ang iyong mga pisngi ay ^(AC)gaya ng putol ng granada
Sa likod ng iyong lambong.
^8 (AD)May anim na pung reina, at walong pung babae;
At mga dalaga na walang bilang.
⁹ Ang aking kalapati, ang aking ^(AE)sakdal ay isa lamang;
Siya ang bugtong ng kaniyang ina;
Siya ang pili ng nanganak sa kaniya.
^(AF)Nakita siya ng mga anak na babae, at tinawag siyang mapalad;
Oo, ng mga reina at ng mga babae, at pinuri siya nila.
^10 (AG)Sino siyang tumitinging parang umaga,
Maganda na parang buwan,
Maliwanag na parang araw,
^(AH)Kakilakilabot na parang hukbo na may mga watawat?
¹¹ Ako'y bumaba sa halamanan ng mga pile,
^(AI)Upang tingnan ang mga sariwang pananim ng libis,
Upang tingnan kung nagbubuko ang puno ng ubas,
At ang mga puno ng granada ay namumulaklak.
¹² Bago ko naalaman, inilagay ako ng aking kaluluwa
Sa gitna ng mga karo ng aking marangal na bayan.
¹³ Bumalik ka, bumalik ka, ^(AJ)Oh Sulamita;
Bumalik ka, bumalik ka, upang ikaw ay aming masdan.
Bakit ninyo titingnan ang Sulamita,
Nang gaya sa sayaw ng Mahanaim?

7 Pagkaganda ng iyong mga paa sa mga panyapak, ^(AK)Oh anak na babae ng pangulo!
Ang mga pagkakaugpong ng iyong mga hita ay gaya ng mga hiyas,
Na gawa ng mga kamay ng bihasang manggagawa.
² Ang iyong katawan ay gaya ng mabilog na tasa,
Na hindi pinagkukulangan ng alak na may halo:
Ang iyong tiyan ay gaya ng bunton ng trigo
Na nalalagay sa palibot ng mga ^(AL)lila.
³ Ang iyong dalawang suso ay ^(AM)gaya ng dalawang batang usa
Na mga kambal na usa.
⁴ Ang iyong leeg ay ^(AN)gaya ng moog na garing;
Ang iyong mga mata ay gaya ng mga lawa sa ^(AO)Hesbon
Sa siping ng pintuang-bayan ng Batrabbim;
Ang iyong ilong ay gaya ng moog ng Libano
Na nakaharap sa Damasco.
⁵ Ang iyong ulo sa iyo ay gaya ng Carmelo,
At ang buhok ng iyong ulo ay gaya ng kulay ube;
Ang hari ay nabibihag sa mga kinulot niyaon.
⁶ Pagkaganda at pagkaligaya mo, Oh sinta, sa mga kaluguran!
⁷ Itong iyong tayo ay parang puno ng palma,
At ang iyong mga suso ay sa mga buwig ng mga ubas.
⁸ Aking sinabi, Ako'y aakyat sa puno ng palma,
Ako'y hahawak sa mga sanga niyaon;
Ang iyong mga suso ay maging gaya ng mga buwig ng puno ng ubas,
At ang amoy ng iyong hinga ay gaya ng mga mansanas;
⁹ At ang iyong bibig ay gaya ng pinakamainam na alak,
Na tumutulong marahan para sa aking sinisinta,
Na dumudulas sa mga labi ng nangatutulog.
¹⁰ Ako'y ^(AP)sa aking sinisinta,
At ang kaniyang nasa ay ^(AQ)sa akin.
¹¹ Parito ka, sinisinta ko, lumabas tayo sa parang;
Tumigil tayo sa mga nayon.
¹² Sampahin nating maaga ang mga ubasan:
Tingnan natin kung ang puno ng ubas ay ^(AR)nagbubuko,
At kung ang kaniyang mga ^(AS)bulaklak ay nagsisibuka,
At kung ang mga granada ay namumulaklak:
Doo'y idudulot ko sa iyo ang aking pagsinta.
¹³ Ang mga mandragora ay ^(AT)nagpapahalimuyak ng bango,
At nasa ating mga pintuan ^(AU)ang lahat na sarisaring mahalagang bunga, bago at luma,
Na aking inilapag para sa iyo, Oh sinisinta ko.

8 Oh ikaw sana'y naging aking kapatid,
Na humitit ng mga suso ng aking ina!
Pagka nasumpungan kita sa labas, hahagkan kita;
Oo, at walang hahamak sa akin.
² Aking papatnubayan ka, at dadalhin kita sa bahay ng aking ina,
Na magtuturo sa akin;
Aking paiinumin ka ng hinaluang alak,
^(AV)Ng katas ng aking ^(AW)granada.
³ Ang kaniyang kaliwang kamay ay ^(AX)malalagay sa ilalim ng aking ulo,
At ang kaniyang kanang kamay ay yayakap sa akin.
⁴ Pinagbibilinan ko kayo, ^(AY)Oh mga anak na babae ng Jerusalem,
Na huwag ninyong pukawin o gisingin man ang sinta ko,
Hanggang sa ibigin niya.
⁵ Sino itong ^(AZ)umaahong mula sa ilang,
Na humihilig sa kaniyang sinisinta?
Sa ilalim ng punong mansanas ay ginising kita:
Doon nagdamdam sa iyo ang iyong ina,
Doon nagdamdam yaong nanganak sa iyo.
⁶ Ilagay mo akong ^(BA)pinakatatak sa iyong puso,
Pinakatatak sa iyong bisig:
Sapagka't ang pagsinta ay ^(BB)malakas na parang kamatayan,
Panibugho ay ^(BC)mabagsik na parang Sheol:
Ang mga liyab niyaon ay parang mga liyab ng apoy,
Isang pinaka liyab ng Panginoon.
⁷ Ang maraming tubig ay hindi makapapatay sa pagsinta,
Ni mapauurong man ng mga baha;
Kung ibigay ng lalake ang lahat na laman ng kaniyang bahay dahil sa pagsinta,
Siya'y lubos na kukutyain.
⁸ Tayo'y may isang munting kapatid na babae, ^(BD)At siya'y walang mga suso:
Ano ang ating gagawin sa ating kapatid na babae
Sa araw na siya'y ipakikiusap?
⁹ Kung siya'y maging isang kuta,
Pagtatayuan natin siya ng moog na pilak:
At kung siya'y maging isang pintuan,
Ating tatakpan ng mga tablang sedro.
¹⁰ Ako'y isang kuta, at ang aking mga suso ay ^(BE)parang mga moog niyaon:
Ako nga'y naging sa harap ng kaniyang mga mata ay parang nakakasumpong ng kapayapaan.
¹¹ Si Salomon ay ^(BF)may ubasan sa Baal-hamon;
^(BG)Kaniyang pinaupahan ang ubasan sa mga tagapamahala;
Bawa't isa'y nagdadala dahil sa bunga niyaon ng isang libong putol na pilak.
¹² Ang aking ubasan na akin ay nasa harap ko;
Ikaw, Oh Salomon, ay magkakaroon ng libo,
At ang nangagiingat ng bunga niyaon ay dalawang daan.
¹³ Ikaw na tumatahan sa mga halamanan,
Ang mga kasama ay nangakikinig ng iyong tinig:
^(BH)Iparinig mo sa akin.
¹⁴ Ikaw ay magmadali, sinisinta ko,
At ikaw ay ^(BI)maging parang usa o batang usa
Sa mga bundok ng mga especia.

^(M)Siyang nagsabog, siyang nagbigay sa mga dukha;
Ang kaniyang katuwiran ay nananatili magpakailan man.

51 ^(B)Maawa ka sa akin, Oh Dios, ayon sa iyong kagandahang-loob:
Ayon sa karamihan ng iyong malumanay na mga kaawaan ^(C)ay pinawi mo ang aking mga pagsalangsang.
^2 (D)Hugasan mo akong lubos sa aking kasamaan,
At linisin mo ako sa aking kasalanan.
³ Sapagka't ^(E)kinikilala ko ang aking mga pagsalangsang:
At ang aking kasalanan ay laging nasa harap ko.
^4 (F)Laban sa iyo, sa iyo lamang ako nagkasala,
At nakagawa ng kasamaan sa iyong paningin:
^(G)Upang ikaw ay ariing ganap pag nagsasalita ka,
At maging malinis pag humahatol ka.
^5 (H)Narito, ako'y inanyuan sa kasamaan;
At sa kasalanan ay ipinaglihi ako ng aking ina,
⁶ Narito, ikaw ay nagnanasa ng katotohanan sa mga loob na sangkap;
At sa kubling bahagi ay iyong ipakikilala sa akin ang karunungan.
^7 (I)Linisin mo ako ng hisopo, at ako'y magiging malinis:
Hugasan mo ako ^(J)at ako'y magiging lalong maputi kay sa nieve.
⁸ Pagparinggan mo ako ng kagalakan at kasayahan;
Upang ^(K)ang mga buto na iyong binali ay mangagalak.
⁹ Ikubli mo ang iyong mukha sa aking mga kasalanan,
At pawiin mo ang aking lahat na mga kasamaan.
¹⁰ Likhaan mo ako ng isang malinis na puso, Oh Dios;
At ^(L)magbago ka ng isang matuwid na espiritu sa loob ko.
¹¹ Huwag mo akong paalisin sa ^(M)iyong harapan;
^(N)At huwag mong bawiin ang iyong santong Espiritu sa akin.
¹² Ibalik mo sa akin ang kagalakan ng iyong pagliligtas:
At alalayan ako ^(O)ng kusang espiritu.
¹³ Kung magkagayo'y ituturo ko sa mga mananalangsang ang iyong mga lakad;
At ang mga makasalanan ay ^(P)mangahihikayat sa iyo.
¹⁴ Iligtas mo ako sa salang pagbububo ng dugo, Oh Dios, ikaw na Dios ng aking kaligtasan;
At ang aking dila ay aawit ng malakas tungkol sa iyong katuwiran.
¹⁵ Oh Panginoon, bukhin mo ang aking mga labi;
At ang aking bibig ay magsasaysay ng iyong kapurihan.
¹⁶ Sapagka't ^(Q)hindi ka nalulugod sa hain; na kung dili ay bibigyan kita:
Wala kang kaluguran sa handog na susunugin.
^17 (R)Ang mga hain sa Dios ay bagbag na loob:
Isang bagbag at may pagsisising puso, Oh Dios, ay hindi mo wawaling kabuluhan.
^18 (S)Gawan mo ng mabuti ang iyong mabuting kasayahan sa Sion:
^(T)Itayo mo ang mga kuta ng Jerusalem.
¹⁹ Kung magkagayo'y malulugod ka ^(U)sa mga hain ng katuwiran,
Sa handog na susunugin at sa ^(V)handog na susunuging buo:
Kung magkagayo'y mangaghahandog sila ng mga toro sa iyong dambana.

²⁴ Huwag kang makipagkaibigan sa taong magagalitin;
At sa mainiting tao ay huwag kang sasama:
²⁵ Baka ka matuto ng kaniyang mga lakad,
At magtamo ng silo sa iyong kaluluwa.