The Daily Audio Bible

Awit ng pagpuri sa Panginoon dahil sa kaniyang kalinga.

25 Oh Panginoon, ikaw ay aking Dios; aking ibubunyi ka, aking pupurihin ang iyong pangalan; sapagka't ^(A)ikaw ay gumawa ng kagilagilalas na bagay, sa makatuwid baga'y ang iyong binalak noong una, sa pagtatapat at katotohanan.

² Sapagka't iyong ^(B)pinapaging isang bunton ang isang bayan, ang bayang matibay ay pinapaging isang guho: ang palasio ng mga taga ibang lupa ay di na magiging bayan; hindi matatayo kailan man.

³ Kaya't ^(C)luluwalhatiin ka ng matibay na bayan, ang ^(D)bayan ng kakilakilabot na mga bansa ay matatakot sa iyo.

⁴ Sapagka't ikaw ay naging ^(E)ampunan sa dukha, ampunan sa mapagkailangan sa kaniyang kahirapan, ^(F)silongan sa bagyo, lilim sa init, pagka ang hihip ng mga kakilakilabot ay parang bagyo laban sa kuta.

⁵ Gaya ng init sa tuyong dako patitigilin mo ang ingay ng mga taga ibang lupa; gaya ng init sa pamamagitan ng lilim ng alapaap, matitigil ang awit ng mga kakilakilabot.

⁶ At ^(G)sa bundok na ito ay gagawa ang Panginoon ng mga hukbo sa lahat ng mga bayan, ng isang ^(H)kapistahan ng mga matabang bagay, ng isang kapistahan ng mga alak na laon, ng mga matabang bagay na puno ng utak, ng mga alak na laon na totoong sala.

⁷ At kaniyang aalisin sa bundok na ito ang takip na nalagay sa lahat ng mga bayan, at ^(I)ang lambong na naladlad sa lahat na bansa.

⁸ Sinakmal niya ang kamatayan ^(J)magpakailan man; at ^(K)papahirin ng Panginoong Dios ang mga luha sa lahat ng mga mukha; at ang kakutyaan ng kaniyang bayan ay maaalis sa buong lupa: sapagka't sinalita ng Panginoon.

⁹ At sasabihin ^(L)sa araw na yaon, Narito, ito'y ating Dios; hinintay natin ^(M)siya, at ililigtas niya tayo: ito ang Panginoon; ating hinintay siya, ^(N)tayo'y matutuwa at magagalak sa kaniyang pagliligtas.

¹⁰ Sapagka't sa bundok na ito magpapahinga ang kamay ng Panginoon; at ang ^(O)Moab ay mayayapakan sa kaniyang dako, gaya ng dayami na nayayapakan sa tapunan ng dumi.

¹¹ At kaniyang iuunat ang kaniyang mga kamay sa gitna niyaon, gaya ng paguunat ng lumalangoy upang lumangoy: at kaniyang ibababa ang kaniyang kapalaluan sangpu ng gawa ng kaniyang mga kamay.

¹² At ang mataas na moog ng iyong mga kuta ay ^(P)kaniyang ibinaba, giniba, at ibinagsak sa lupa, hanggang sa alabok.

Awit ng pagtitiwala sa pagiingat ng Panginoon.

26 Sa araw na ^(Q)yaon ay aawitin ang awit na ito sa lupain ng Juda: Tayo ay may matibay na bayan; ^(R)kaligtasan ay kaniyang ilalagay na pinakakuta at pinakakatibayan.

² Buksan ninyo ang mga pintuang-bayan, ^(S)upang mapasukan ng matuwid na bansa na nagiingat ng katotohanan.

³ Iyong iingatan siya sa lubos na kapayapaan, na ang pagiisip ay sumasa iyo: sapagka't siya'y tumitiwala sa iyo.

⁴ Magsitiwala kayo sa Panginoon ^(T)magpakailan man: sapagka't nasa Panginoong Jehova ang walang hanggang bato.

⁵ Sapagka't ibinaba niya sila na nagsisitahan sa itaas, na mapagmataas na bayan: ^(U)kaniyang ibinaba, ibinaba hanggang sa lupa: kaniyang ibinagsak hanggang sa alabok.

⁶ Yayapakan ng paa, sa makatuwid baga'y ng mga paa ng dukha, at ng mga hakbang ng mapagkailangan.

⁷ Ang daan ng ganap ay katuwiran: ^(V)ikaw na matuwid ay nagtuturo ng landas ng ganap.

⁸ Oo, ^(W)sa daan ng iyong mga kahatulan, Oh Panginoon, nangaghintay kami sa iyo: ^(X)sa iyong pangalan at sa alaala sa iyo ang nasa ng aming kaluluwa.

⁹ Ninasa ^(Y)kita ng aking kaluluwa sa gabi; oo, ng diwa ko sa loob ko ay hahanapin kita na masikap: sapagka't pagka nasa lupa ang iyong mga kahatulan ay nangatututo ng katuwiran ang mga nananahan sa sanglibutan.

¹⁰ Magpakita man ng awa sa masama, ^(Z)hindi rin siya matututo ng katuwiran; ^(AA)sa lupain ng katuwiran ay gagawa siyang may kamalian, at hindi niya mapapansin ang kamahalan ng Panginoon.

¹¹ Panginoon, ang iyong kamay ay nakataas, gayon ma'y hindi nila nakikita: nguni't makikita nila ang iyong sikap sa bayan, at mangapapahiya; oo, sasakmalin ng apoy ang iyong mga kaaway.

¹² Panginoon, ikaw ay magaayos ng kapayapaan sa amin: sapagka't ikaw rin ang ^(AB)gumawa ng lahat naming gawa na para sa amin.

¹³ Oh Panginoon naming Dios, ^(AC)ang ibang mga panginoon, bukod sa iyo ay nagtaglay ng pagkapanginoon sa amin; nguni't ^(AD)ikaw lamang ang babanggitin namin sa pangalan.

¹⁴ Sila'y patay, sila'y hindi mabubuhay; sila'y namatay, sila'y hindi babangon: kaya't iyong dinalaw at sinira sila, ^(AE)at pinawi mo ang lahat na alaala sa kanila.

^15 (AF)Iyong pinarami ang bansa, Oh Panginoon, iyong pinarami ang bansa; ikaw ay nagpakaluwalhati: iyong pinalaki ang lahat na hangganan ng lupain.

¹⁶ Panginoon, ^(AG)sa kabagabagan ay dinalaw ka nila, sila'y nangagbugso ng dalangin, nang pinarurusahan mo sila.

¹⁷ Gaya ^(AH)ng babae na nagdadalang-tao na lumalapit ang panahon ng kaniyang panganganak, ay nasa hirap at humihiyaw sa kaniyang pagdaramdam; naging gayon kami sa harap mo, Oh Panginoon.

¹⁸ Kami ay nangagdalang-tao, kami ay nalagay sa pagdaramdam, kami ay tila nanganak ng hangin; kami ay hindi nagsigawa ng anomang kagalingan sa lupa; o nabuwal man ^(AI)ang mga nananahan sa sanglibutan.

¹⁹ Ang iyong mga patay ay mangabubuhay; ang aking patay na katawan ay babangon. ^(AJ)Magsigising at magsiawit, kayong nagsisitahan sa alabok: sapagka't ang iyong hamog ay gaya ng hamog ng mga damo, at iluluwa ng lupa ang mga patay.

²⁰ Ikaw ay parito, bayan ko, ^(AK)pumasok ka sa iyong mga silid, at isara mo ang iyong mga pintuan sa palibot mo: magkubli kang sangdali, hanggang sa ang galit ay makalampas;

²¹ Sapagka't, narito, ang Panginoon ay lumalabas ^(AL)mula sa kaniyang dako upang parusahan ang mga nananahan sa lupa dahil sa kanilang kasamaan: ililitaw naman ng lupa ang kaniyang dugo, at hindi na tatakpan ang kaniyang nangapatay.

Ang ubasan ng Panginoon.

27 ^(AM)Sa araw na yaon ay parurusahan ng Panginoon, ng kaniyang matigas at malaki at matibay na tabak ^(AN)ang leviatan na maliksing ahas, at ang leviatan na lumilikaw na ahas, at kaniyang papatayin ^(AO)ang buwaya na nasa dagat.

² Sa araw na yaon: ^(AP)Awitin ninyo sa kaniya ang tungkol sa isang ^(AQ)ubasang pinagkunan ng alak.

³ Akong Panginoon ang nagiingat; aking didiligin ^(AR)tuwituwina: baka saktan ng sinoman, aking iingatan gabi't araw.

⁴ Kagalitan ay hindi sumasa akin: kung ^(AS)makipagbaka sana ang mga dawag at mga tinik laban sa akin! akin yaong yayapakan, aking susunuging magkakasama.

⁵ O manghawak sana siya sa ^(AT)aking lakas, upang siya'y makipagpayapaan sa akin; oo, makipagpayapaan siya sa akin.

⁶ Sa mga araw na darating ay ^(AU)maguugat ang Jacob; ang Israel ay mamumulaklak at magbubuko: at pupunuin nila ng bunga ang ibabaw ng sanglibutan.

⁷ Sinaktan baga niya siya na gaya ng pagsakit niya sa mga yaon, na nanakit sa kaniya? o pinatay siya ng ayon sa pagpatay nila, na napatay niya?

⁸ Sa sukat, pagka iyong pinayayaon siya, ikaw ay nakikipagtalo sa kaniya; kaniyang binago siya ng kaniyang pagispis na hihip sa kaarawan ng silanganang hangin.

⁹ Kaya't sa pamamagitan nito ay malilinis ang kasamaan ng Jacob, at ito ang buong bunga ng pagaalis ng kaniyang kasalanan: pagka kaniyang ginagawa ang mga bato ng dambana na gaya ng mga malambot na batong naluluray upang ^(AV)ang mga Asera at ang mga larawang araw ay hindi na matatayo.

¹⁰ Sapagka't ang bayang nakukutaan ay nagiisa, isang tahanang ^(AW)pinabayaan at iniwanan gaya ng ilang: doon manginginain ang guya, at doon hihiga, at kakainin ang mga sanga niyaon.

¹¹ Pagka ang mga sanga niyaon ay nangatuyo, babaliin; paroroonan ng mga babae at igagatong sa apoy: ^(AX)sapagka't bayan na walang unawa; kaya't ang gumawa ^(AY)sa kanila ay hindi magdadalang habag sa kanila, at ang naganyo sa kanila ay hindi magpapakita sa kanila ng lingap.

¹² At mangyayari sa araw na yaon, na lalagasin ng Panginoon ang bunga niyaon mula sa agos ^(AZ)ng ilog ^(BA)hanggang sa batis ng Egipto, at kayo'y mapipisang isa isa, Oh kayong mga anak ni Israel.

¹³ At mangyayari sa araw na yaon, ^(BB)na ang malaking pakakak ay hihipan; at silang nangapapahamak sa lupain ng Asiria ay magsisiparito, at ^(BC)silang mga tapon sa lupain ng Egipto; ^(BD)at sila'y magsisisamba sa Panginoon sa banal na bundok ng Jerusalem.

Ang Jerusalem ay hinatulang magiba ng Panginoon.

28 Sa aba ^(BE)ng putong ng kapalaluan ng mga manglalasing sa Ephraim, at ^(BF)ng lipas na bulaklak ng kaniyang maluwalhating kagandahan, na nasa ulunan ng mainam na libis nila na nadaig ng alak!

² Narito, ang Panginoon ay may isang makapangyarihan at malakas na sugo ^(BG)parang bagyo ng granizo, na manggigibang bagyo, parang unos ng bumubugsong tubig na bumabaha, ay ibubuwal niya sa lupa sa pamamagitan ng malakas na kamay.

³ Ang putong ng kapalaluan ng mga manglalasing sa Ephraim ay mayayapakan ng paa:

⁴ At ang lipas na bulaklak ng kaniyang maluwalhating kagandahan, na nasa ulunan ng mainam na libis, magiging gaya ng maagang hinog na bunga ng igos bago magtaginit; na kung nakikita ng tumitingin, samantalang na sa kaniyang kamay pa, kinakain na niya.

⁵ Sa araw na yaon ay magiging putong ng kaluwalhatian ang Panginoon ng mga hukbo, at pinakadiadema ng kagandahan, sa nalabi sa kaniyang bayan;

⁶ At pinaka diwa ng kahatulan sa kaniya na nauupo sa kahatulan, at pinakalakas sa kanila na umuurong sa pakikipagbaka ^(BH)hanggang sa pintuang-daan.

⁷ Gayon man ang mga ito ay ^(BI)gumigiray dahil sa alak, at ^(BJ)dahil sa matapang na alak ay pahapayhapay; ^(BK)ang saserdote at ang propeta ay gumigiray dahil sa matapang na alak, sila'y nangasakmal ng alak, sila'y pahapayhapay dahil sa matapang na alak: sila'y nangamamali sa pangitain, sila'y nangatitisod sa paghatol.

⁸ Sapagka't lahat ng mga dulang ay puno ng suka, at ng karumihan, na anopa't walang dakong malinis.

⁹ Kanino siya magtuturo ng kaalaman? ^(BL)at kanino niya ipatatalastas ang balita? silang nangalayo sa gatas, at nangahiwalay sa suso?

¹⁰ Sapagka't utos at utos: utos at utos; bilin at bilin, bilin at bilin; dito'y kaunti, doo'y kaunti.

¹¹ Hindi, kundi ^(BM)sa pamamagitan ng mga taong may ibang pangungusap at may iba't ibang wika ay sasalitain niya sa bayang ito.

¹² Na kaniyang pinagsabihan, Ito ang kapahingahan, papagpahingahin ninyo siya na pagod; at ito ang kaginhawahan: gayon ma'y hindi nila pinakinggan.

¹³ Kaya't ang salita ng Panginoon ay magiging sa kanila'y utos at utos, utos at utos; bilin at bilin, bilin at bilin; dito'y kaunti, doo'y kaunti; upang sila'y mangakayaon, at mangapahinga, at mangabalian, at mangasilo, at mangahuli.

¹⁰ Sapagka't ang lahat na sa mga gawang ayon sa kautusan ^(A)ay nasa ilalim ng sumpa: sapagka't nasusulat, ^(B)Sinusumpa ang bawa't hindi nananatili sa lahat ng mga bagay na nasusulat sa aklat ng kautusan, upang gawin nila.

¹¹ Maliwanag nga na sinoman ay hindi inaaring-ganap ^(C)sa kautusan sa harapan ng Dios; sapagka't, ^(D)Ang ganap ay mabubuhay sa pananampalataya.

¹² At ang kautusan ay hindi sa pananampalataya; kundi, ^(E)Ang gumaganap ng mga yaon ay mabubuhay sa mga yaon.

¹³ Sa sumpa ng kautusan ay ^(F)tinubos tayo ni ^(G)Cristo, na naging sumpa sa ganang atin; sapagka't nasusulat, ^(H)Sinusumpa ang bawa't ^(I)binibitay sa punong kahoy:

¹⁴ Upang sa mga Gentil ay dumating ang pagpapala ni Abraham na kay Cristo Jesus; upang sa pamamagitan ng pananampalataya ay tanggapin natin ^(J)ang pangako ng Espiritu.

¹⁵ Mga kapatid, nagsasalita ako ^(K)ayon sa kaugalian ng mga tao: Bagama't ang ^(L)pakikipagtipan ay gawa lamang ng tao, gayon ma'y pagka pinagtibay, sinoman ay hindi makapagpapawalang kabuluhan, o makapagdaragdag man.

¹⁶ Ngayon ^(M)kay Abraham nga ^(N)sinabi ang mga pangako, at sa kaniyang binhi. Hindi sinasabi ng Dios, At sa mga binhi, na gaya baga sa marami; kundi gaya sa iisa lamang, ^(O)At sa iyong binhi, na si Cristo.

¹⁷ Ito nga ang aking sinasabi: Ang isang pakikipagtipang pinagtibay na nang una ng Dios, ay hindi mapawawalang kabuluhan ^(P)ng kautusan, na sumipot nang makaraan ang apat na raan at tatlongpung taon, ano pa't ^(Q)upang pawalang kabuluhan ang pangako

¹⁸ Sapagka't kung ang mana ay sa pamamagitan ng kautusan, ay hindi na sa pamamagitan ng pangako: datapuwa't ipinagkaloob ng Dios kay Abraham sa pamamagitan ng pangako.

¹⁹ Ano nga ang kabuluhan ng kautusan? ^(R)Idinagdag dahil sa mga pagsalangsang, ^(S)hanggang sa pumarito ang binhi na siyang pinangakuan; at ito'y ^(T)iniutos sa pamamagitan ng mga anghel sa kamay ^(U)ng isang tagapamagitan.

²⁰ Ngayon ^(V)ang isang tagapamagitan ay hindi tagapamagitan ng iisa; datapuwa't ang Dios ay iisa.

²¹ Ang kautusan nga baga ay laban sa mga pangako ng Dios? Huwag nawang mangyari: sapagka't kung ibinigay sana ang isang kautusang may kapangyarihang magbigay buhay, tunay ngang ang katuwiran sana ay naging dahil sa kautusan.

^22 (W)Datapuwa't kinulong ng kasulatan ang ^(X)lahat ng mga bagay sa ilalim ng kasalanan, upang ang pangako sa pamamagitan ng pananampalataya kay Jesucristo ay maibigay sa mga nagsisisampalataya.

Sa Pangulong Manunugtog; sa panugtog na kawad. Awit ni David.