The Daily Audio Bible

⁸ Paano ninyo sinasabi, Kami ay pantas, ^(A)at ang kautusan ng Panginoon ay sumasaamin? Nguni't, narito, ang sinungaling na pangsulat ng mga escriba ay sumulat na may kasinungalingan.

⁹ Ang mga pantas ay nangapapahiya, sila'y nanganglulupaypay at nangahuhuli: narito, kanilang itinakuwil ang salita ng Panginoon: at anong uri ng karunungan ang nasa kanila?

¹⁰ Kaya't ^(B)ibibigay ko ang kanilang mga asawa sa mga iba, at ang kanilang mga parang sa mga magaari sa mga yaon: sapagka't bawa't isa mula sa kaliitliitan hanggang sa kalakilakihan, ay ibinigay sa kasakiman; mula sa propeta hanggang sa saserdote bawa't isa'y gumagawang may kasinungalingan.

¹¹ At kanilang pinagaling ng kaunti ang sugat ng anak na babae ng aking bayan, na sinasabi, Kapayapaan, kapayapaan; gayon ma'y walang kapayapaan.

¹² Nangahiya baga sila nang sila'y gumawa ng kasuklamsuklam? ^(C)hindi, hindi sila nangahiya sa anoman, ni nangamula man sila: kaya't sila'y mangabubuwal sa gitna niyaong nangabubuwal; sa panahon ng pagdalaw sa kanila ay mahahagis sila, sabi ng Panginoon.

¹³ Aking lubos na lilipulin sila, sabi ng Panginoon: ^(D)hindi magkakaroon ng mga ubas sa puno ng ubas, o ng mga higos man sa mga puno ng higos, at ang dahon ay malalanta; at ang mga bagay na aking naibigay sa kanila ay mapapawi sa kanila.

Ang manghihiganti ay malapit.

¹⁴ Bakit tayo'y nagsisitigil na nakaupo? ^(E)kayo'y magkatipon, at tayo'y magsipasok sa mga bayang nakukutaan, at tayo'y magsitahimik doon; sapagka't tayo'y pinatahimik ng Panginoon nating Dios, at ^(F)binigyan tayo ng inuming mapait upang inumin, sapagka't tayo'y nangagkasala laban sa Panginoon.

¹⁵ Tayo'y nangaghihintay ng kapayapaan, ^(G)nguni't walang dumating na mabuti; at ng panahon ng kagalingan, at narito panglulupaypay!

¹⁶ Ang singasing ng kaniyang mga kabayo ^(H)ay naririnig mula sa Dan: sa tinig ng halinghing ng kaniyang mga malakas ay nayayanig ang buong lupain; sapagka't sila'y nagsidating, at nilamon ang lupain at lahat ng naroon; ang bayan at yaong mga nagsisitahan doon.

¹⁷ Sapagka't, narito, ako'y magsusugo ng mga ahas, ng mga ulupong sa gitna ninyo, ^(I)na hindi maeenkanto, at kakagatin nila kayo, sabi ng Panginoon.

Ang panaghoy sa Sion.

¹⁸ Oh kung ako'y makapagaaliw laban sa kapanglawan! ang puso ko ay nanglulupaypay.

¹⁹ Narito, ang tinig ng hiyaw ng anak na babae ng aking bayan na ^(J)mula sa lupain na totoong malayo: Hindi baga ang Panginoon ay nasa Sion? hindi baga ang kaniyang Hari ay nandoon? Bakit minungkahi nila ako sa galit ng kanilang mga larawang inanyuan, at ng mga walang kabuluhan ng iba?

²⁰ Ang pagaani ay nakaraan, ang taginit ay lipas na, at tayo'y hindi ligtas.

^21 (K)Dahil sa sugat ng anak na babae ng aking bayan ay nasasakitan ako; ^(L)ako'y luksa; ako'y natigilan.

²² Wala bagang balsamo sa Galaad? ^(M)wala bagang manggagamot doon? bakit nga hindi gumaling ang anak na babae ng aking bayan?

Ang panaghoy sa Sion.

9 Oh ^(N)kung ang aking ulo lamang ay maging tubig, at ang aking mga mata ay bukalan ng mga luha, upang ako'y makaiyak araw at gabi dahil sa pagkamatay ng ^(O)anak na babae ng aking bayan!

² Oh kung magkaroon ako sa ilang ng patuluyan sa mga naglalakad; upang aking maiwan ang aking bayan, at lisanin ko sila! sapagka't silang ^(P)lahat ay mangangalunya, kapulungan ng mga taong taksil!

³ At ^(Q)pinamimilantik nila ang kanilang dila gaya ng kanilang busog, dahil sa kabulaanan; at sila'y nagsisitakas sa lupain, nguni't ^(R)hindi para sa katotohanan: sapagka't sila'y nagpatuloy mula sa kasamaan hanggang sa kasamaan, at hindi nila ako nakikilala, sabi ng Panginoon.

⁴ Mangagingat ^(S)bawa't isa sa inyo sa kaniyang kapuwa, at huwag kayong mangagkatiwala sa kanino mang kapatid; sapagka't bawa't kapatid ay mangaagaw, at bawa't kapuwa ay makikisama sa ^(T)mapanirang puri.

⁵ At mangagdaya bawa't isa sa kanila sa kaniyang kapuwa, at hindi mangagsasalita ng katotohanan: kanilang tinuruan ang kanilang dila na magsalita ng kabulaanan; sila'y nangagpakapagod upang gumawa ng kasamaan.

⁶ Ang iyong tahanan ay nasa gitna ng pangdadaya: dahil sa pangdadaya ay ayaw silang kumilala sa akin, sabi ng Panginoon.

Pagkagiba at pagkabihag ay ibinabala.

⁷ Kaya't ganito ang sabi ng Panginoon ng mga hukbo, Narito, ^(U)aking lilituhin sila, at susubukin sila; sapagka't ano pa ang aking magagawa, dahil sa anak na babae ng aking bayan?

⁸ Ang kanilang dila ay panang nakamamatay; nagsasalita ng karayaan: nagsasalitang may kapayapaan ^(V)ng kaniyang bibig sa kaniyang kapuwa, nguni't bumabakay siya ng kaniyang puso sa kaniya.

⁹ Hindi ko baga dadalawin sila ^(W)dahil sa mga bagay na ito? sabi ng Panginoon; hindi baga manghihiganti ako sa isang bansa na gaya nito?

¹⁰ Sa mga bundok ay maglalakas ako ng pagiyak at pananangis, at sa mga sabsaban sa ilang ay panaghoy, sapagka't nasunog ang mga yaon, na anopa't walang dumaraan; hindi man narinig ng mga tao ang angal ng kawan; ^(X)ang mga ibon sa himpapawid at gayon din ang mga hayop sa parang ay nagsitakas, ang mga ito'y nagsiyaon.

¹¹ At aking gagawin na mga ^(Y)bundok ang Jerusalem, na tahanang dako ng mga chakal; at aking sisirain ang mga bayan ng Juda, na walang mananahan.

¹² Sino ang pantas ^(Z)na makakaunawa nito? at sino siya na pinagsalitaan ng bibig ng Panginoon, upang kaniyang maipahayag? bakit ang lupain ay napupugnaw at nasusunog na parang ilang, na anopa't walang dumaraan?

¹³ At sinabi ng Panginoon, Sapagka't kanilang pinabayaan ang aking kautusan na aking inilagay sa harap nila, at hindi nagsisunod sa aking tinig, o nilakaran man nila;

¹⁴ Kundi sila'y nagsisunod sa pagmamatigas ng kanilang sariling puso, at nagsisunod sa mga Baal, ^(AA)na itinuro sa kanila ng kanilang mga magulang;

¹⁵ Kaya't ganito ang sabi ng Panginoon ng mga hukbo, ng Dios ng Israel, Narito, ^(AB)aking pakakanin sila, ang bayang ito, ng ^(AC)ajenjo, at bibigyan ko sila ng ^(AD)inuming mapait upang inumin.

^16 (AE)Akin ding pangangalatin sila sa gitna ng mga bansa, na hindi nakilala kahit nila o ng kanilang mga magulang man; at ipahahabol ko sila sa tabak, hanggang sa aking malipol sila.

Pagtawag sa mananangis na mga babae.

¹⁷ Ganito ang sabi ng Panginoon ng mga hukbo, Kayo'y mangagdilidili, at magsitawag ng mga ^(AF)tagapanangis na babae, upang sila'y mangakaparito; at inyong ipasundo ang mga bihasang babae, upang sila'y mangakaparito:

¹⁸ At mangagmadali sila, at mangaglakas sila ng panangis dahil sa atin, upang ang ating mga mata ay daluyan ng mga luha, at ang ating mga talukap-mata ay labasan ng tubig.

¹⁹ Sapagka't ang tinig ng panangis ay naririnig mula sa Sion, ^(AG)Ano't tayo'y nasisira! tayo'y lubhang nangalito, sapagka't ating pinabayaan ang lupain, sapagka't kanilang ibinagsak ang ating mga tahanan.

²⁰ Gayon ma'y inyong dinggin ang salita ng Panginoon, Oh ninyong mga babae, at tanggapin ng inyong pakinig ang salita ng kaniyang bibig; at turuan ninyo ang inyong mga anak na babae ng panangis, at turuan ng bawa't isa ang kaniyang kapuwa ng panaghoy.

²¹ Sapagka't ang kamatayan ay sumampa sa loob ng ating mga dungawan, ito'y pumasok sa ating mga palacio; upang ihiwalay ^(AH)ang mga anak ^(AI)sa labas, at ang mga binata sa mga lansangan.

²² Salitain mo: Ganito ang sabi ng Panginoon, Ang mga bangkay ng mga tao ay ^(AJ)mangabubuwal na parang dumi sa luwal na parang, at parang ^(AK)bigkis sa likod ng manggagapas: at ^(AL)walang dadampot.

²³ Ganito ang sabi ng Panginoon, Huwag magmapuri ang pantas sa kaniyang karunungan, o magmapuri man ang makapangyarihan sa kaniyang kapangyarihan, huwag magmapuri ang mayaman sa kaniyang kayamanan;

²⁴ Kundi ^(AM)magmapuri sa ganito ang lumuluwalhati, na kaniyang nauunawa, at kaniyang nakikilala ako, na ako ang Panginoon na nagsasagawa sa lupa ng kagandahang-loob, kahatulan at katuwiran; sapagka't sa mga bagay na ^(AN)ito ay nalulugod ako, sabi ng Panginoon.

²⁵ Narito, ang mga kaarawan ay dumarating, sabi ng Panginoon, na aking parurusahan silang lahat na nangatuli sa hindi tunay na pagkatuli.

²⁶ Ang Egipto, at ang Juda, at ang Edom, at ang mga anak ni Ammon, at ang Moab, at lahat ng nagsisigupit ng laylayan ng kaniyang buhok, na nagsisitahan sa ilang; sapagka't lahat ng mga bansa ay hindi tuli, at ang buong sangbahayan ni Israel ^(AO)ay hindi tuli sa puso.

3 Kung kayo nga'y ^(A)muling binuhay na kalakip ni Cristo, ay hanapin ninyo ang mga bagay na nangasa itaas, na kinaroroonan ni Cristo, na nakaupo sa kanan ng Dios.

² Ilagak ninyo ang inyong pagiisip sa mga bagay na nangasa itaas, huwag sa mga bagay na nangasa ibabaw ng lupa.

³ Sapagka't ^(B)kayo'y nangamatay na, at ang inyong buhay ay natatagong kasama ni Cristo sa Dios.

⁴ Pagka si Cristo na ^(C)ating buhay ay mahayag, ^(D)ay mahahayag nga rin kayo na kasama niya ^(E)sa kaluwalhatian.

^5 (F)Patayin nga ninyo ang ^(G)inyong mga sangkap ng katawang nangasa ibabaw ng lupa, ^(H)pakikiapid, karumihan, masamang pita, masasamang nasa, at kasakiman, ^(I)na iya'y pagsamba sa mga diosdiosan;

⁶ Na dahil sa mga bagay na iyan ay dumarating ^(J)ang kagalitan ng Dios sa ^(K)mga anak ng pagsuway:

⁷ Na inyo ring nilakaran nang una, nang kayo'y nangabubuhay pa sa mga bagay na ito;

⁸ Datapuwa't ngayon ay ^(L)inyo namang layuan ang lahat ng mga ito: ^(M)galit, kapootan, paghihinala, panunungayaw, ^(N)mga salitang kahalay-halay na mula sa inyong bibig:

⁹ Huwag kayong mangagbubulaan sa isa't isa; ^(O)yamang hinubad na ninyo ^(P)ang datihang pagkatao pati ng kaniyang mga gawa,

¹⁰ At kayo'y nangagbihis ng bagong pagkatao, na nagbabago sa kaalaman ayon ^(Q)sa larawan niyaong lumalang sa kaniya:

¹¹ Doo'y hindi maaaring magkaroon ng ^(R)Griego at ng Judio, ng ^(S)pagtutuli at ng di pagtutuli, ng barbaro, ng Scita, ng alipin, ng laya; kundi si ^(T)Cristo ang lahat, at sa lahat.

¹² Mangagbihis nga kayo ^(U)gaya ng mga hinirang ng Dios, na mga banal at minamahal, ^(V)ng isang pusong mahabagin, ng ^(W)kagandahangloob, ng kababaan, ng kaamuan, ng pagpapahinuhod:

¹³ Mangagtiisan kayo sa isa't isa, at ^(X)mangagpatawaran kayo sa isa't isa, kung ang sinoman ay may sumbong laban sa kanino man; na kung paanong pinatawad kayo ng Panginoon, ay gayon din naman ang inyong gawin:

¹⁴ At sa ibabaw ng lahat ng mga bagay na ito ay ^(Y)mangagbihis kayo ng pagibig na siyang tali ng kasakdalan.

¹⁵ At maghari sa inyong puso ang kapayapaan ni Cristo, ^(Z)na diya'y tinawag din naman kayo ^(AA)sa isang katawan; at kayo'y maging mapagpasalamat.

¹⁶ Manahanan nawang sagana sa inyo ang salita ni Cristo; ayon sa buong karunungan, kayo'y mangagturuan at mangagpaalalahanan sa isa't isa ^(AB)sa pamamagitan ng mga salmo at ng mga himno at mga awit na ukol sa espiritu, na magsiawit kayong may biyaya sa inyong puso sa Dios.

¹⁷ At anomang inyong ginagawa, ^(AC)sa salita, o sa gawa, gawin ninyong lahat sa pangalan ng Panginoong Jesus, na nagpapasalamat kayo sa Dios sa pamamagitan niya.